Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Sita mahakamani kwa kuharibu mali

Discussion in 'Jukwaa la Siasa' started by Makaimati, May 11, 2011.

  1. Makaimati

    Makaimati JF-Expert Member

    #1
    May 11, 2011
    Joined: Apr 4, 2011
    Messages: 462
    Likes Received: 1
    Trophy Points: 0
    Sita mahakamani kwa kuharibu mali

    Posted on May 11, 2011 by zanzibaryetu

    Rais wa Zanzibar na Mwenyekiti wa Baraza la Mapinduzi Dk Ali Mohammed Shein serikali yake inakabiliwa na changamoto kadhaa zikiwemo kero mbali mbali za wananchi ambazo zinaonekana kukosekana kuchukulikiwa hatua zinachochea cheche za uvunjifu wa amani nchini
    Sita mahakamani kwa kuharibu mali

    JUMLA ya watu sita jana wamepandishwa katika mahkama ya mkoa Vuga Mjini Zanzibar wakikabiliwa na tuhuma za kuchoma moto mabanda ya wafanyabiashara katika kijiji cha Pwani Mchangani wilaya ya Kaskazini Unguja.

    Walioshitakiwa ni ni pamoja na Mohammed Masoud Afadhali (21), Mwinyi Abdallah Msanif (22) na Hassan Makame Chande (21) wengine ni Haji Ame Idd (45), Talib Faki Ame (60) na Mohammed Haji Sheha (21).
    Mwendesha Mashitaka wa mahakama hiyo Mohammed Khamis Hamad Mwanasheria wa serikali kutoka ofisi ya Mkurugenzi wa Mashitaka (DPP), aliieleza mahakama hiyo kwamba mnamo tarehe 5 Mei watuhumiwa hao wote kwa pamoja walichoma moto mabanda ya biashara na kusababisha hasara kubwa.

    Alisema watuhumiwa hao wanakabiliwa na kosa ya kuharibu mali kinyume na kifungu cha 324 (a) cha sheria namba 6 sheria mwaka 1984 katika sheria za Zanzibar.

    Washitakiwa hao walielezwa mahakamani hapo kwamba kwa pamoja walichoma moto mabanda ya wafanyabiashara ya wajasiriamali na kusababisha hasara ya mamilioni ya fedha za wafanyabiashara hao katika maeneo yao ya biashara mashitaka ambayo kwa pamoja walikana kufanya kosa hilo .

    Mwanasheria huyo alisema watuhumiwa hao wamesababisha hasara kubwa kutokana na uamuzi wao wa kuchoma moto maeneo ya bishara ambapo jumla ya shilingi milioni 80,470,000 pamoja na paundi 70 za Uingereza na dola 60 za Marekani zimeteketea katika tukio hilo la uchomaji moto mabanda hayo .

    Washitakiwa hao walipotakiwa kujibu shitaka hilo walikana, ambapo upande wa mashitaka ulidai kuwa upelelezi wake bado unaendelea.
    Baada ya hoja hizo za upande wa mashitaka, upande wa utetezi unaosimamiwa na Wakili wa Kujitegemea Abdallah Juma uliwaombea wateja wake wapatiwe dhamana kwa vile ni haki yao kikatiba kupewa dhamana .

    Alisema kuwa, kwa kuzingatia kifungu cha 150 (1) cha sheria za mwenendo wa jinai (CPA) namba 7/2004 sheria za Zanzibar , shitaka linalowakabili ni miongoni mwa mashitaka yenye dhamana hivyo wanapaswa kupewa dhamana .

    Aidha wakili Juma alidai kuwa, kifungu hicho kimeainisha mashitaka yasiyokuwa na dhamana ambayo ni uhaini, mauaji, wizi wa kutumia silaha pamoja na kusafirisha dawa za kulevya, na kubainisha kuwa shitaka linalowakabili wateja wake ni shitaka lenye dhamana.

    Wakili huyo alisema kwamba wateja wake wana wadhamini madhubuti na wapo tayari kutekeleza masharti yote ya dhamana watakayopewa, sambamba na kuhakikisha wanawafikisha mahakamani kila watakapohitajiwa wakati kesi yao ikiendelea.

    Upande wa mashitaka ukiongozwa na Mohammed Khamis ulipinga hoja hizo za upande wa utetezi na kuiomba mahakama hiyo isiwapatie dhamana washitakiwa hao, kwa madai kwamba hatua hiyo ya dhamana inaweza kuingilia kati upelelezi ambao bado haujakamilika.

    Mwendesha mashitaka huyo alidai kwamba, hivi sasa upelelezi wa shauri hilo bado unaendelea, na kuna washitakiwa wengine bado wanatafutwa ili waweze kuunganishwa katika kesi hiyo pamoja na wenzao.

    Licha ya pingamizi hizo, Mwendesha Mashitaka huyo alikubaliana na upande wa utetezi kuwa dhamana dhidi ya washitakiwa hao ni haki yao ya msingi nay a kikatiba lakini aliiomba mahakama hiyo iwapo itaamua kuwapatia dhamana izingatie ukubwa wa kosa hilo lililotendeka.

    Hakimu wa Mahkama ya Mkoa Vuga George Joseph Kazi aliwaamuru washitakiwa hao kwenda rumande hadi Mei 23 mwaka huu, ambapo ombi lao la dhamana litakapozingatiwa siku hiyo na kesi hiyo kuakhirishwa.
    Wakati kesi watuhumiwa wakifikishw amahakamani hapo mamia ya wananchi kutoka sehemu mbali mbali hasa kutoka vijijini walionekana kufika katika mahakama hiyo ya Vuga kuja kusikiliza kesi hiyo inavyoendeshwa huku baadhi ya wananchi hao wakiwa wamekaa nje ya mahakama kutokana na kuwa sehemu ya mahakama hiyo ni ndogo kulingana na wingi wa wananchi waliofika.
     
  2. m

    matawi JF-Expert Member

    #2
    May 11, 2011
    Joined: Mar 29, 2010
    Messages: 2,058
    Likes Received: 9
    Trophy Points: 135
    Wafungeni hawa 6 washike adabu
     
  3. Mwendabure

    Mwendabure JF-Expert Member

    #3
    May 11, 2011
    Joined: Mar 10, 2011
    Messages: 1,893
    Likes Received: 60
    Trophy Points: 145
    Kichwa chako kinachanganya. (cha habari)
     
  4. Nyakageni

    Nyakageni JF-Expert Member

    #4
    May 11, 2011
    Joined: Feb 1, 2011
    Messages: 13,053
    Likes Received: 384
    Trophy Points: 180
    Nilifikiri Sam 6
     
  5. MAYOO

    MAYOO Senior Member

    #5
    May 11, 2011
    Joined: Feb 14, 2011
    Messages: 196
    Likes Received: 7
    Trophy Points: 35
    hata mimi
     
  6. myhem

    myhem JF-Expert Member

    #6
    May 11, 2011
    Joined: Nov 1, 2010
    Messages: 932
    Likes Received: 4
    Trophy Points: 35
    Huyu ***** ametuchuza wengi sana kwa kichwa chake cha habari.Hata mi nilijua ni Samuel Sita.
     
  7. Mpui Lyazumbi

    Mpui Lyazumbi JF-Expert Member

    #7
    May 12, 2011
    Joined: Sep 1, 2010
    Messages: 1,824
    Likes Received: 120
    Trophy Points: 160
    Mambo vipi? Nilijua ni S 6!
     
Loading...