Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Siri ya kutimuliwa mawaziri yafichuka

Discussion in 'Jukwaa la Siasa' started by MziziMkavu, Apr 30, 2012.

  1. MziziMkavu

    MziziMkavu JF-Expert Member

    #1
    Apr 30, 2012
    Joined: Feb 3, 2009
    Messages: 38,505
    Likes Received: 2,773
    Trophy Points: 280
    Kura kumkataa Pinda kumbe ilimlenga Rais Kikwete
    [​IMG] Filikunjombe: Angezungumza Zitto isingekuwa na nguvu
    [​IMG] Makinda awashukia mawaziri wanaojisafisha nje ya Bunge



    [​IMG]
    Rais Jakaya Kikwete


    Imebainika kuwa mkakati wa wabunge wa Chama Cha Mapinduzi (CCM) kupiga kura ya kutokuwa na imani na Waziri Mkuu, Mizengo Pinda, ulimlenga Rais Jakaya Kikwete.
    Mkakati huo uliandaliwa ukiwa ni sehemu ya kushinikiza kutimuliwa kutoka kwenye nyadhifa zao, mawaziri waliotajwa kuhusika kwa namna tofauti katika wizi na ubadhirifu wa mali za umma.
    Hata hivyo mkakati huo unadaiwa ‘kuvujishwa’ kwa Mbunge wa Kigoma Kaskazini (Chadema), Zitto Kabwe, hivyo kuibua hoja ya kupiga kura hiyo, ikimuelekea Waziri Mkuu, Pinda.
    Hayo yamebainika huku Kamati Kuu (CC) ya CCM ikiridhia mpango wa Rais Kikwete kuwashughulikia mawaziri wanaotajwa katika kashfa hizo na kulisuka upya Baraza la Mawaziri.
    Mawaziri wanaotakiwa kujiuzulu kutokana na kashfa tofauti ni Mustafa Mkulo (Fedha na Uchumi) Cyril Chami (Viwanda na Biashara) William Ngeleja (Nishati na Madini) na Omar Nundu (Uchukuzi).
    Wengine ni Ezekiel Maige (Maliasili na Utalii), George Mkuchika (Waziri wa Nchi Ofisi ya Waziri Mkuu, Tawala za Mikoa na Serikali za Mitaa), Profesa Jumanne Maghembe (Kilimo Chakula na Ushirika) na Dk. Haji Mponda (Afya na Ustawi wa Jamii).
    Hata hivyo, kwenye orodha hiyo anatajwa pia Naibu Waziri wa Viwanda na Biashara ambaye pia ni Mbunge wa Singida Kaskazini (CCM), Lazaro Nyalandu.
    Habari za uhakika kutoka ndani ya wabunge wa CCM walioasisi mkakati huo, kisha ukakubalika kwa idadi kubwa miongoni mwao, zilieleza kuwa kura ya kutokuwa na imani ilipangwa kupigwa dhidi ya Rais Kikwete.
    Hali hiyo ilifikiwa kama sehemu ya kumshinikiza awawajibishe mawaziri wanaotuhumiwa kwa wizi na ubadhirifu wa mali za umma.
    “Lengo la awali lilikuwa kutumia kanuni za Bunge zinazohalalisha kupiga kura ya kutokuwa na imani na Rais Kikwete, lakini tukaliona hilo ni jambo kubwa sana hivyo tukaamua kumheshimu Rais wetu,” kilieleza chanzo chetu kutoka miongoni mwa wabunge wa CCM.
    Kwa mujibu wa chanzo hicho, wabunge wa CCM walielezea kumheshimu Rais Kikwete hivyo kuondokana na azma ya kumpigia kura hiyo, ndipo ikatafutwa mbinu mbadala ya kushinikiza kuondolewa kwa mawaziri hao.
    “Hivyo mkakati wa kutokuwa na imani na Waziri Mkuu haina maana kwamba Pinda ana makosa, bali ni mchakato utakaofanikisha kujiuzulu kwa mawaziri husika,” kilieleza chanzo chetu.

    SPIKA MAKINDA AWASHUKIA MAWAZIRI
    Spika wa Bunge, Anne Makinda, amesema kitendo cha baadhi ya mawaziri waliotakiwa kuwajibika kutokana na ubadhirifu wa fedha za umma, kujitetea nje ya chombo hicho cha uwakilishi wa wananchi, hakina mantiki bali kukidhi utashi binafsi.

    Akizungumza kwa njia ya simu na NIPASHE Jumapili juzi, Makinda alisema kauli za kukanusha taarifa zilizowasilishwa bungeni ama kutoa vielelezo kwa lengo la kujiweka kando ya tuhuma zilizotolewa hakuathiri mambo yaliyoamuliwa ndani ya Bunge.
    Ingawa Makinda hakutaja majina ya mawaziri wahusika, lakini mmoja wao ni Waziri wa Maliasili na Utalii, Ezekiel Maige, ambaye alikaririwa akipinga

    tuhuma zilizotolewa bungeni dhidi yake.
    Maige ameonekana na kusikika kwenye vyombo kadhaa vya habari, akikanusha tuhuma dhidi yake na kusema huenda kuna mkakati wenye lengo la kisiasa, vinginevyo yeye ni mtu safi.

    “Hayo yanayoendelea nje ya Bunge hayawezi kushawishi mambo yaliyoamuliwa bungeni, yale yanayosemwa huko hayawezi kubadilisha msimamo tuliofikia,” alisema.
    Makinda alisema ripoti zote zilizowasilishwa bungeni, kujadiliwa na kutolewa maagizo haziwezi kubadilika ama kuathiriwa na matukio yanayotokea nje ya Bunge.

    Alisema kitendo cha Waziri kutoa ufafanuzi ama kuzungumzia mambo yanayomhusu, ni moja ya haki zake kwa vile hakuna mamlaka yenye kumziba mdomo.
    “Bunge haliwezi kumziba mtu mdomo kwa sababu kila mtu ana uhuru wake wa kuzungumza, kwa hiyo waendelee tu kuzungumza lakini msimamo wa Bunge upo pale pale,” alisema.

    FILIKUNJOMBE ANENA

    Mbunge wa Ludewa (CCM) aliyekuwa mmoja wa walioshinikiza kuondoka madarakani kwa mawaziri wanaotuhumiwa, alisema hatua hiyo itaiweka CCM kukubalika katika jamii na kuwa na uhakika zaidi wa kudumu madarakani.
    Akizungumza katika mahojiano maalum ya NIPASHE Jumapili jijini Dar es Salaam juzi, Filikunjombe alisema tuhuma zinazowakabili mawaziri husika ni moja ya maeneo yanayoiathiri jamii pana ya Tanzania hivyo hakuna sababu ya kuweka mbele maslahi ya kisiasa.

    Alisema kama hoja ya kuwataka mawaziri kujiuzulu ingesimamiwa kidete na wabunge wa upinzani, isingekuwa na nguvu kama ilivyotokea kwa upande wa CCM.
    “Hoja hii ingesimamiwa na akina Zitto Kabwe isingekuwa na nguvu kwa maana watu wangesema ni kawaida ya upinzani, lakini wabunge wa CCM tuliposimama na kuzungumza, imeleta matokeo makubwa,” alisema.

    Filikunjombe alisema hali ya ustawi wa jamii imedumaa huku baadhi ya viongozi wa serikali wakiwemo mawaziri wanaotuhumiwa kwa ufisadi, wakijilimbizia mali kinyume cha sheria.

    “Tunapokuwa majimboni kama kule kwangu Ludewa, wananchi wanahoji kuhusu ukosefu wa huduma bora za afya, elimu, miundombinu na maji safi na salama,” alisema.
    Aliongeza,“ kwa hali ilivyo sasa na hulka hii ya mawaziri wasiokuwa waaminifu kuhujumu rasilimali za nchi, si rahisi kuyafikia maisha bora kwa kila Mtanzania.”

    CHANZO: NIPASHE JUMAPILI

     
  2. Raia Fulani

    Raia Fulani JF-Expert Member

    #2
    Apr 30, 2012
    Joined: Mar 12, 2009
    Messages: 10,227
    Likes Received: 67
    Trophy Points: 145
    sasa mbona walitaka kutumia njia ndefu sana kumwajibisha rais?
     
  3. R

    Ronal Reagan JF-Expert Member

    #3
    Apr 30, 2012
    Joined: Nov 4, 2010
    Messages: 3,620
    Likes Received: 114
    Trophy Points: 160
    Kumuondoa Kikwete ndio ultimate solution from present kamikaze. Hata kama haikufanikiwa sasa lakini tuendelee kuangalia uwezekano wa kufanya hivyo, maana ki-ukweli ndio jawabu
     
  4. zomba

    zomba JF-Expert Member

    #4
    Apr 30, 2012
    Joined: Nov 27, 2007
    Messages: 17,082
    Likes Received: 8
    Trophy Points: 0
    Huyo Kikwete asingemuweka Utoh na kumpa meno kisheria na kuweka shria ya kujadili ukaguzi bungeni, mngeyajuwa hayo?

    Tumieni akili japo kidogo.
     
  5. Ciphertext

    Ciphertext Senior Member

    #5
    Apr 30, 2012
    Joined: Apr 21, 2012
    Messages: 161
    Likes Received: 0
    Trophy Points: 0
    Uoga tupu.
     
  6. Songoro

    Songoro JF-Expert Member

    #6
    Apr 30, 2012
    Joined: May 27, 2009
    Messages: 4,140
    Likes Received: 11
    Trophy Points: 0
    Angeng'olewa jk wote wangerudi kwenye uchaguzi ndivyo sheria inavyotaka, ishu wameogopa kurudi kwenye uchaguzi sio kumheshim Rais
     
  7. Chaimaharage

    Chaimaharage JF-Expert Member

    #7
    Apr 30, 2012
    Joined: Apr 3, 2012
    Messages: 211
    Likes Received: 0
    Trophy Points: 0
    Yaani hapa wa kuondoka ni JK ndiyo suluhisho la yote.Hata akifanya mabadiliko vyovyote vile kanuni anazo tumia kuteua ni zile zile.Yeye ushikaji mbele mengine yatafuata ndiyo kigezo chake cha kwanza.Hebu tujiulize,alipotoka Msabaha Nishati na Madini uteuzi mpya umeleta tija?
     
  8. Ndahani

    Ndahani JF-Expert Member

    #8
    Apr 30, 2012
    Joined: Jun 3, 2008
    Messages: 11,536
    Likes Received: 127
    Trophy Points: 160
    Siasa zetu zimejaa unafiki tu...kama walikuwa na nia kweli wangempa za uso boss kuliko kutengeneza story
     
  9. Kurunzi

    Kurunzi JF-Expert Member

    #9
    Apr 30, 2012
    Joined: Jul 31, 2009
    Messages: 3,593
    Likes Received: 40
    Trophy Points: 145
    Kwa taarifa yako hoyu rais wako dhaifu hakuwa na vision ya kujua kama report ya mteule wake ingewasulubu watendaji wake na kumuacha yeye uchi kama mbumbumbu.

    Rais mapaka ashauriwe na wakina Nape ndiyo anatenda, mimi namini hata hiyo report hakuisoma na kama aliisoma hakùelewa kama angeisoma na kuilewa angekuwa ni mtu wa kwanza kabisa bila hata kusubiri bunge amefanya màmuzi ya kuwaajibisha watendaji wake mapema.

    Tumia akili japo kidogo!
     
  10. Daudi Mchambuzi

    Daudi Mchambuzi JF-Expert Member

    #10
    Apr 30, 2012
    Joined: Nov 25, 2010
    Messages: 21,087
    Likes Received: 11,332
    Trophy Points: 280
    hii habari ya kusema eti mpango wa kumwajibisha Pinda umevuja kutokea CCM na ulilenga mahususi kumuwajibisha raisi na eti Zitto aliudakia ni habari ya uongo na ya kutunga.
    Imagine hoja ya kumwajibisha Pinda wamesaini wabunge 5 tu wa CCM, je ingekuwa ni kuweka saini kwa ajili ya kumwajibisha kikwete kuna mbunge wa CCM angethubutu kuweka saini kweli??
    Hizi Spinning zingine hazina maana zaidi ya kudhalilisha tasnia ya uandishi wa habari.
     
  11. Gamaha

    Gamaha JF-Expert Member

    #11
    Apr 30, 2012
    Joined: Jul 17, 2008
    Messages: 2,383
    Likes Received: 399
    Trophy Points: 180
    Kwa akili zangu kidogo zinaniambia Utoh yupo pale kikatiba, Rais ni lazima amchague mkaguzi mkuu wa mahesabu kwa mujibu wa katiba na si kwa utashi wake,na mkaguzi mkuu wa hesabu anafanya kazi kwa sheria zilizotungwa na bunge na si Rais wako Kikwete na hata Taarifa kujadiliwa bungeni si Rais wako anayeamua ipelekwe ni hitaji la kisheria. mi naona wewe ndio umeshindwa kutumia japo kaakili kidogo Mkuu
     
  12. Kalunguine

    Kalunguine JF-Expert Member

    #12
    Apr 30, 2012
    Joined: Jul 27, 2010
    Messages: 2,543
    Likes Received: 5
    Trophy Points: 135
    Sina hakika kama wabunge wa CCM wanauwezo wa kuingoa serikali yao,maana wanaogopa wanaweza shindwa kurudi tena mjengoni kama uchaguzi utaitishwa tena.
     
  13. b

    buyegiboseba JF-Expert Member

    #13
    Apr 30, 2012
    Joined: Jun 3, 2011
    Messages: 535
    Likes Received: 0
    Trophy Points: 0
    Nadhani unaishi nchi jirani,****** alimpa meno Utoh alilenga kuzima hoja za wapinzani kuhusu serikali kutowajibika badala yake imekula kwake,alifikiri ingekuwa inajadiliwa tu bungeni na kupotezewa,ndo maana wakati fukuto la shinikizo la kujiuzuru mawazili linaanza alisema nin upepo tu utapita,kama ulivyopita wakati wa mgomo wa madaktari,Kimsingi yeye ndo tatizo,haiwezekani watu unaowateua mwenyewe waboronge halafu usema wewe uko vizuri!,ni mwendawazimu tu anaeweza kuamini hilo.Jk anachofanya ni kama kuvaa nguo mpya wakati anauchafu wa majuma kadhaa bila kuoga,hii haitaondoa harufu ya jasho la uchafu,think deep utaelewa nini namaanisha
     
  14. zomba

    zomba JF-Expert Member

    #14
    Apr 30, 2012
    Joined: Nov 27, 2007
    Messages: 17,082
    Likes Received: 8
    Trophy Points: 0
    Una uelewa mfupi sana.
     
  15. King2

    King2 JF-Expert Member

    #15
    Apr 30, 2012
    Joined: Nov 16, 2011
    Messages: 1,292
    Likes Received: 7
    Trophy Points: 0
    Mwl. Nyerere aliona mbali. Alipinga vikali huyo jamaa (mkwère) kuwa rais. Ona sasa anavyobolonga, serikali vituko vitupu.
     
  16. mujusi

    mujusi JF-Expert Member

    #16
    Apr 30, 2012
    Joined: Jan 22, 2010
    Messages: 237
    Likes Received: 0
    Trophy Points: 33
    Sio kweli. Mbona Wabunge wa CCM walikataa kutia saini katika ile karatasi iliyekuwa ikitembezwa na Zitto ya kutafita saini 70 za wabunge. Wangemwondoaje Waziri Mkuu au Rais bila ya kupata hizo saini saini?
     
  17. Kaa la Moto

    Kaa la Moto JF-Expert Member

    #17
    Apr 30, 2012
    Joined: Apr 24, 2008
    Messages: 7,535
    Likes Received: 74
    Trophy Points: 145
    Uelewa wako mdogo sana kuhusu mambo ya nchi.
    Kwanza sio kila aliyeteuliwa na rais anafurahia upuuzi wa serikali hii.
    Pili si kikwete aliyempa mamlaka ya kufanya anavyofanya utoh ila ni katiba. Na kwa taarifa yako katiba imeshamnyima ruhusa ya kumuadhibu utoh kwa namna yoyote ile labda tu utoh mwenyewe aamue kuacha kazi au astaafu.
    Umbumbu wako wa ki ccm unakupoteza.
    Shwaaaaaaaaaaaaaan
     
  18. MNAMBOWA

    MNAMBOWA JF-Expert Member

    #18
    Apr 30, 2012
    Joined: Oct 17, 2011
    Messages: 1,956
    Likes Received: 46
    Trophy Points: 145
    Siasa uchwara,, hakuna cha zitto wala fulukunjombe,,mnayumbisha nchi.
     
  19. E

    Elizabeth Dominic Platinum Member

    #19
    Apr 30, 2012
    Joined: Dec 7, 2007
    Messages: 4,543
    Likes Received: 27
    Trophy Points: 145
    Naona huyo Filikunjombe anataka ku spin ili ionekane wao ndio waliokuwa na impact, he is dead wrong kufikiri mabaya yao yote yamefutwa na sahihi zao 5.
     
Loading...