Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Siri nzito yafichuka CHADEMA

Discussion in 'Jukwaa la Siasa' started by thatha, Jun 4, 2012.

  1. t

    thatha JF-Expert Member

    #1
    Jun 4, 2012
    Joined: Apr 29, 2011
    Messages: 15,193
    Likes Received: 118
    Trophy Points: 160
    Mashaka Mgeta | Nipashe Jumapili | 3rd June 2012

    Maandamano na mikutano ya hadhara inayofanywa na Chama cha Demokrasia na Maendeleo (Chadema), imebainika kuwa ni sehemu ya mikakati yake inayolenga kuibua chuki za wananchi na kukiangusha Chama Cha Mapinduzi (CCM) katika Uchaguzi Mkuu ujao.

    Vyanzo vya habari ndani vya Chadema ambavyo havikutaka kutajwa majina yao, vimelieleza NIPASHE Jumapili kuwa, chama hicho kilifanya tathmini na kubaini kasoro zilizochangia kushindwa katika Uchaguzi Mkuu wa 2010.

    Miongoni mwa kasoro hizo, ni ari ndogo iliyojitokeza kwa wananchi kulinda kura za wagombea urais na ubunge kupitia Chadema.
    "Ili wananchi wawe tayari kuona umuhimu wa kulinda kura za chama cha siasa, inabidi wawachukie watawala, sasa tunachokifanya ni kueleza upungufu wa chama tawala ili wananchi waamke, waichukie CCM," kilieleza chanzo hicho.

    Hata hivyo, akihutubia mkutano wa hadhara kwenye uwanja wa Mahakama jana, Mwenyekiti wa Chadema, Freeman Mbowe, pamoja na mambo mengine alisema chama hicho kitaendelea kuwachochea wananchi kuiasi CCM na kukiunga mkono chama chake.

    Mbowe alisema, "wanasema Mbowe ni mchochezi, wanasema Chadema inapandikiza chuki, mimi na chama changu tutaendelea kuuhamasisha umma kuondokana na woga, wawachukie watawala walioshindwa kuwaletea maendeleo."

    Chadema imekuwa na utaratibu wa kuandaa maandamano na mikutano ya hadhara kupitia kile kinachojulikana kama operesheni maalum, mathalani kwa sasa ikijulikana kama Operesheni Okoa Kusini.

    KUCHUKUA MFUMO WA CCM

    Kwa upande mwingine, mkakati uliobuniwa na kuzinduliwa na Chadema, ukijulikana kama Vuguvugu la Mabadiliko (M4C) umetajwa kama wenye lengo la kukisimika chama hicho hadi kwenye ngazi ya ubalozi, kama ilivyo kwa CCM.

    Kupitia M4C Chadema inajikita kwa ‘kuvuna' wanachama na kusimika uongozi katika ngazi tofauti kuanzia mabalozi, matawi, kata, jimbo, wilaya, mkoa hatimaye taifa.

    Tayari Chadema kwa kutambua umuhimu wa kukiweka chama katika ngazi ya msingi (ubalozi), kimetumia ibara ya 7.1.1 ya Katiba yake kimeweka tarehe ya kufanyika uchaguzi nchi nzima.

    Mbali na ngazi ya ubalozi, Chadema imetumia ibara ya 7.1.3 kutangaza uchaguzi wa chama hicho ngazi ya tawi, ambapo awali kilionekana kutokuwepo katika maeneo mengi ya nchi.

    "Tunapoingia ndani ya jamii kufikia ngazi za msingi, tawi na kata, tutajihakikishia kuichukua nchi kwa urahisi zaidi," kilieleza chanzo hicho.

    Chadema imetoa maelezo ya taratibu za uendeshaji wa uchaguzi ndani ya chama hicho kwa ngazi za msingi na matawi, kikitumia ibara ya 11-1 ya chama hicho na kuzisambaza nchi nzima.

    Mkurugenzi wa Kampeni na Uchaguzi wa Chadema, Msafiri Mtemelwa, alithibitisha kuchapishwa kwa maelezo hayo na kwamba yatafanikisha chaguzi hizo kufanyika kwa mujibu wa Katiba.

    Maelezo hayo yanataja Septemba Mosi hadi Oktoba 5, mwaka huu kuwa siku za uchaguzi ngazi za msingi wakati ule wa matawi utafanyika kati ya Desemba 5 hadi Januari 8, mwaka ujao.

    Chaguzi nyingine na ngazi zake kwenye mabano zitafanyika Februari 8 hadi Machi 14, mwaka ujao (kata), Aprili 14 hadi Mei 23, mwaka ujao (jimbo), Juni 23 hadi Julai Mosi, 2013 (wilaya) na Agosti 2 hadi Septemba 11 mwakani (mkoa).

    Chaguzi zote hizo zitafanyika zikihusisha pia mabaraza tofauti ya Chadema, lile la vijana (Bavicha), wanawake (Bawacha) na Wazee.
    Chanzo kimeeleza kuwa kupatikana kwa uongozi katika ngazi hizo kutaiwezesha Chadema kuwa na mtandao utakaohusika katika kulinda nafasi za wagombea uwenyekiti wa mitaa, vitongoji na vijiji, udiwani, ubunge na urais.

    Mwenyekiti wa serikali ya kijiji cha Mwembe Mmoja (CCM) mkoani Mtwara , Abdallah Suleiman Mnyalu, alisema kazi za kisiasa hususani kukutana na kuzungumza na wananchi, zitaiathiri CCM katika chaguzi zijazo.

    Alipotakiwa na NIPASHE Jumapili atoe maoni yake kuhusu athari za Chadema katika ngazi za msingi kwenye jamii, Mnyalu alisema chama hicho kinafanya kazi zilizopaswa kufanywa na CCM, lakini chama hicho tawala kimelala.

    "Wenzetu hawa wanapita na kukutana na wananchi, lakini sisi wenye dola hatufanyi hivyo mpaka ufike Uchaguzi Mkuu," alisema.

    Mnyalu alisema pia kuwa vitendo vya unyanyasaji vinavyofanywa na viongozi wa serikali katika ngazi za msingi vimechochea chuki ya wananchi kwa chama tawala, hivyo kutoa mwanya kwa wapinzani hususani Chadema kuungwa mkono.

    MATUMIZI YA MTANDAO WA MAWASILIANO

    Imebainika kuwa Chadema imejizatiti kutumia njia mbalimbali kuwafikia wapiga kura, wakiwemo wasiojitokeza na kushiriki shughuli za kisiasa hadharani.

    Kupitia mkakati huo, imeelezwa kuwa chama hicho kitatumia njia ya mitandao ya kijamii iliyopo kwenye mawasiliano ya kisasa, kupenyeza kampeni na hoja zake.

    MKAKATI WA KUJIENEZA

    Kikiwa katika Operesheni Okoa Kusini inayoendelea kwenye mikoa ya Lindi na Mtwara, Chadema kinawatumia viongozi na makada wake kufika maeneo ya vitongoji, vijiji na kata ambapo wanazungumza na wananchi, kufungua matawi na kusimika uongozi wa muda.

    Jana, Chadema kilichoanza ziara zake mkoani Mtwara Mei 27, mwaka huu, kimeingia mkoani Lindi ambapo kitafanya mikutano ya hadhara na kufungua matawi yake hadi Juni 9, mwaka huu kitakapofanya mkutano wa hadhara mjini Lindi.
     
  2. ndenga

    ndenga JF-Expert Member

    #2
    Jun 4, 2012
    Joined: Dec 20, 2010
    Messages: 1,595
    Likes Received: 153
    Trophy Points: 160
    Sasa kuna siri gani nzito hapa. Waandishi wengine bwana!! Nilifikiri gazeti la udaku kumbe...
     
  3. Fidel80

    Fidel80 JF-Expert Member

    #3
    Jun 4, 2012
    Joined: May 3, 2008
    Messages: 21,983
    Likes Received: 49
    Trophy Points: 145
    Mbado sijaona hiyo siri
     
  4. SaidAlly

    SaidAlly JF-Expert Member

    #4
    Jun 4, 2012
    Joined: Jan 22, 2011
    Messages: 1,596
    Likes Received: 327
    Trophy Points: 180
    Mie Mpaka nimevaa na miwani, sijaona hiyo siri. Nimejaribu kutranslate kwa lugha nyingine bado sijaona hiyo siri.

    Magazeti bwana, ndio maana mie sikuhizi naishia JF tu.
     
  5. U

    Uwezo Tunao JF-Expert Member

    #5
    Jun 4, 2012
    Joined: Nov 14, 2010
    Messages: 6,948
    Likes Received: 8
    Trophy Points: 0
    ... Mgeta, hii ndio siri nzito - my foot!! Siri ya mwizi wa twiga za Tanzania kuhamishia Uarabuni utauandikia lini??
     
  6. Tetty

    Tetty JF-Expert Member

    #6
    Jun 4, 2012
    Joined: Jan 6, 2012
    Messages: 13,455
    Likes Received: 2,643
    Trophy Points: 280
    Mashaka, Sasa ulitaka wafanyaje? Uliona chama gani hakihamasishi watu? Sasa waipende CCM kwa vile mafisadi?
     
  7. LESIRIAMU

    LESIRIAMU JF-Expert Member

    #7
    Jun 4, 2012
    Joined: Feb 12, 2008
    Messages: 3,099
    Likes Received: 849
    Trophy Points: 280
    Hivi hii ni siri sasa? Mbona kwenye mikutana wanasema wazi kwamba wanajiandaa kuchukua dola?
     
  8. nyabhingi

    nyabhingi JF-Expert Member

    #8
    Jun 4, 2012
    Joined: Oct 12, 2010
    Messages: 8,920
    Likes Received: 1,384
    Trophy Points: 280
    sioni siri labda sir sirini
     
  9. Maundumula

    Maundumula JF-Expert Member

    #9
    Jun 4, 2012
    Joined: Nov 4, 2010
    Messages: 7,038
    Likes Received: 24
    Trophy Points: 135
    Hata mimi sijaona siri
     
  10. Chasha Poultry Farm

    Chasha Poultry Farm Verified User

    #10
    Jun 4, 2012
    Joined: Jun 4, 2011
    Messages: 5,085
    Likes Received: 231
    Trophy Points: 160
    Du, ngoja nijaribu kutranslate kwenda kilatini labuda nitaona hiyo siri, make nimetumia kiswahili sijaona, nimetranslate kwenda kingereza sijaona, ngoja nijaribu kilatini labuda nitbahatika kuon ahiyo siri
     
  11. CHAI CHUNGU

    CHAI CHUNGU JF-Expert Member

    #11
    Jun 4, 2012
    Joined: Feb 20, 2012
    Messages: 7,165
    Likes Received: 73
    Trophy Points: 145
    Kwani nn maana ya siri wandugu?
     
  12. M

    Mantisa Senior Member

    #12
    Jun 4, 2012
    Joined: Dec 20, 2010
    Messages: 164
    Likes Received: 0
    Trophy Points: 33
    Aisee kuna watu hawana kazi. Maelezo mengi kumbe pumba tu

    Itabidi akajipange tena
     
  13. SaidAlly

    SaidAlly JF-Expert Member

    #13
    Jun 4, 2012
    Joined: Jan 22, 2011
    Messages: 1,596
    Likes Received: 327
    Trophy Points: 180
    Ukiiona naomba nitupie na mimi, maana Im still searching..........
     
  14. gmosha48

    gmosha48 JF-Expert Member

    #14
    Jun 4, 2012
    Joined: Oct 19, 2010
    Messages: 1,452
    Likes Received: 85
    Trophy Points: 145
    Hii siri ni siri haswa, mpaka haionekani kwa mimacho yetu ya kibinadamu!
     
  15. U

    Uwezo Tunao JF-Expert Member

    #15
    Jun 4, 2012
    Joined: Nov 14, 2010
    Messages: 6,948
    Likes Received: 8
    Trophy Points: 0
    Maaaa, mbavu yangu!!!!!!!!!!!! Kwa kadiri nijuavyo mimi, Mgeta hawezi kuandika kituko kama hiki labda 'KABANDIKIWA TU KESI' na Mhariri wa zamu.

     
  16. Ng'wanangwa

    Ng'wanangwa JF-Expert Member

    #16
    Jun 4, 2012
    Joined: Aug 28, 2010
    Messages: 9,435
    Likes Received: 174
    Trophy Points: 160
    siri yenyewe hii hapa

     
  17. zomba

    zomba JF-Expert Member

    #17
    Jun 4, 2012
    Joined: Nov 27, 2007
    Messages: 17,082
    Likes Received: 9
    Trophy Points: 0
    Kwanza kabisa inabidi hawa chadema wachunguzwe hizi fedha za kampeni inayoanza mapema hivi wanazitoa wapi? kikijulikana chanzo chao cha fedha, mchezo utakuwa umekwisha. Kuna mengi yamejificha.
     
  18. MBUTAIYO

    MBUTAIYO JF-Expert Member

    #18
    Jun 4, 2012
    Joined: Nov 15, 2010
    Messages: 473
    Likes Received: 4
    Trophy Points: 35
    He, hiyo siri ilyofichuka umesahau kuiandika, rudia tena uiandike!
     
  19. M

    MTK JF-Expert Member

    #19
    Jun 4, 2012
    Joined: Apr 19, 2012
    Messages: 5,859
    Likes Received: 1,577
    Trophy Points: 280
    Kumbe kweli na wewe haupo; hapo kuna siri gani?!! tafadhali wacha kuwa mbadhirifu wa maneno! post kitu chenye maana na uzito for great thinkers to put their minds in to gear kabla hawajachangia hoja.
     
  20. idawa

    idawa JF-Expert Member

    #20
    Jun 4, 2012
    Joined: Jan 20, 2012
    Messages: 15,188
    Likes Received: 3,469
    Trophy Points: 280
    kwani nafasi za ukuu wa wilaya zimeisha.?
     
Loading...