Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Sina upendo kabisa kwa mama yangu mzazi

Discussion in 'Mahusiano, mapenzi, urafiki' started by KIBURUDISHO, Aug 30, 2012.

  1. KIBURUDISHO

    KIBURUDISHO JF-Expert Member

    #1
    Aug 30, 2012
    Joined: Mar 28, 2011
    Messages: 902
    Likes Received: 48
    Trophy Points: 45
    WanaJF wenzangu natumai hamjambo kabisa.Ni story ndefu sana ila nitajitahidi kuifupisha. Ni mkasa (ugomvi) ulioikumba familia yetu kuanzia mwaka 2000 kati ya mama yangu na baba yangu. Kwa asilimia mia moja ugomvi huo ulisababishwa na mama nasema hivyo kwa sababu vituko alivyoanza kumfanyia baba tulikuwa tunaviona ilipelekea aliwahi kutoka nyumbani na kwenda kuishi Mwanza pasipo baba kujua alipeleleza hadi hapo alipogundua kuwa yuko mwanza ndipo alipochukua jukumu la kumfuata alimsihi sana arudi nyumbani aje kuwalea wadogo zangu akakubali kumbe ilikuwa danganya toto aliporudi hakukaa zaidi ya miezi sita akaondoka tena ila kwa kipindi hiki sasa baba aliamua kutomfuata tena akasema kwa kuwa sii mtoto mdogo siwezi kumlazimisha.

    Katika ugomvi huo sikuwahi siku hata moja kumuona baba ameinua mkono wake kumpiga mama yangu.Yote hayo yalisababishwa na mama kuwa na hawara mimi na dada yangu ninayemfuata kwa mara ya pili tulikuwa tunachukizwa sana na vitendo vile ambavyo mama alikuwa anamfanyia baba na hiyo ilisababisha mama kunichukia mimi na dada yangu akidai sisi ndio tunampatia baba taarifa ya yale anayoyafanya.Ninachomshukuru sana baba yangu alitumia sana busara kukabiliana na hali ile kwa sababu ilifikia wakati baba aliingiwa na mawazo ya kutaka kuua kutokana na dharau zile alizokuwa anafanyiwa.

    Ilipofika mwaka 2004 mama aliondoka moja kwa moja akimwacha mdogo wetu wa mwisho akiwa darasa la kwanza.Kitendo hicho kilimuumiza baba na hata sisi,pia upande wa kielimu ilituatiri sana kwa kipindi hicho nilikuwa kidato cha tatu. Ilikuwa tukitoka shule ndio tunajiandalia chakula au wadogo zangu waliokuwa wanasoma shule ya msingi tulikuwa tunakuta wamepika halafu wametubakizia chakula wao wamerudi shuleni.Mwaka 2005 Nilihitimu kidato cha nne ila kwa bahati mbaya sikuweza kuchaguliwa kuendelea na masomo sikukata tamaa niliamua kuingia mtaani kujifunza mambo ya ufundi wa umeme na masuala ya IT ambayo kwa kiasi ninayamudu pia mimi ni installer wa hizi dishi za satellite za tv.

    Nikiwa na ndoto mbili 1.kuwa na uelewa mkubwa zaidi juu ya masuala ya IT au 2.Kuwa oparetor wa ile mitambo ya kulima barabara.Mwaka 2008 niliamua kuoa nimejaliwa kupata mtoto mmoja.Mwaka 2009 mdogo wangu anayenifuata kwa mara ya pili alihitimu kidato cha nne alikuwa na uwezo mzuri sana shuleni alipatwa na ugonjwa tulimpeleka hospitali tulimuuguza kwa kipindi hicho chote tukiwa na baba ila kabla matokeo hayajatoka ambapo hapo baadae matokeo yalitoka akawa amefaulu kuendelea na kidato cha tano ila kwa mapenzi yake mola alimchukua mdogo wangu alinifia tukiwa naye wodi nakumbuka aliniambia KAKA YANGU SIJUI KAMA NITARUDI NYUMBANI NAOMBA UWASALIMIE WADOGO ZANGU NA MAMA KAMA ATAKUJA KWENYE MAZISHI YANGU kauli hiyo huwa inaniumiza sana kila ninapoikumbuka.

    Ilipofika saa kumi jioni mdogo wangu alifariki.Tulishughulikia taratibu za mazishi tulimzika mdogo wetu bila ya mama kuhudhuria mazishi ya mwanae.Baada ya miezi miwili sijui ni nani alimpa taarifa ndio akaja kuliona kaburi la mdogo wetu.Na juzi amekuja amefikia kwangu yaani nampa heshima tu ya mama ila kiukweli simpendi kabisa.
     
  2. Mnama

    Mnama JF-Expert Member

    #2
    Aug 30, 2012
    Joined: Oct 13, 2010
    Messages: 1,338
    Likes Received: 135
    Trophy Points: 160
    Pole sana hivi vitu huwa vinathiri sana maisha ya watoto huenda ungeweza hata kufaulu mitihani yako vizuri kama sio huo ugomvi,muombe Mungu akupe roho ya msamaha kwani hicho kinyongo kinakuathiri zaidi wewe kulioko Mama yako
     
  3. c

    cheichei2010 JF-Expert Member

    #3
    Aug 30, 2012
    Joined: Sep 18, 2010
    Messages: 900
    Likes Received: 2
    Trophy Points: 33
    Duh,pole sana kwa Masahibu yaliyokupata.Ushauri wangu ni kwamba,ufahamu kuwa Huyo bado ni mama yako au kwa lugha nyungine mzazi wako, hivyo endelea kumpa heshima ile unayotakiwa kumpa.Hayo yaliyotokea ni baina ya wazazi wenu hiyvo wao wanaweza kuyatatua ama vinginevyo Mola ndiye muamuzi.
    lakini pia si vibaya ukimueleza namna mlivyoathirika kwa yale aliyowatendea ili aweze kutambua makosa yake na kujirudi kwa muumba,maana maamuzi mengine huwa tunayafanya kwa tamaa na makosa ya kibinadamu.

    Ki ufupi haya mambo huwa ni magumu sana.ila sikushauri umchukie, kwani nyuma ya pazia kuna mengi pia unakuwa umejifunza kutokana na magumu yaliyo wapata.nakushauri uwe mvumilivu na mstahimilivu, na usijeshangaa pia familia yenu ikaungana kama hapo awali, na kuanza maisha mapya.Dunia ina mapito yake.
     
  4. mkonowapaka

    mkonowapaka JF-Expert Member

    #4
    Aug 30, 2012
    Joined: Feb 19, 2010
    Messages: 1,467
    Likes Received: 17
    Trophy Points: 135
    dah poleni sana......dunia in amitihani mingi sana......kwanza hongera kwa kujitambua na kufanya icho ulichoweza kukifanya ..wapo watu na elimu zao za chuo kikuu lakini hawajaweza kusimama....naamini unanielewa.........kuhusu suala la mama na baba..kweli mama alifany amakosa hasa kuwachanganya watoto na ugomv wao........ila kuhusu kutengana kwao hapo hauwezi kuingilia...kaa nae mwambie taratibu jinsi alivyoinyima familia haki yake..amewafanya mmeathirika kisaikolojia kw akukosa upendo wake.....mwambie si kwamba hata unahitaji arudi nyumbani hapana but awape ule upendo aliowapokonya..awaponye majeraha.........najua mlivyoumia hasa ukizingatia ni watoto wa kiume.....watoto wa kiume wanawapenda sanamama zao......ila pia Muombe Mungu.
     
  5. Watu8

    Watu8 JF-Expert Member

    #5
    Aug 30, 2012
    Joined: Feb 19, 2010
    Messages: 45,886
    Likes Received: 465
    Trophy Points: 180
    Duh! what a sad story...
    Mkuu pole sana na maswahiba na mitihani ya dunia hii ya leo...
    Kilichokupata naamini kimeugusa moyo wako na kimeuumiza na sasa moyo unaugua maana hakuna hata chembe ya uungwana ambayo ilioneshwa na mama yako...
    Pamoja na hayo, nafasi yako kama mtoto hupaswi kuwa na kinyongo na mama yako, jinsi utakavyokuwa ukimtendea wema kama ana akili nzuri, moyo wa kujuta na kutubu utamrudia na atang'amua ya kwamba alivyokuwa akifanya havikuwa sahihi hata kama walipishana kimawazo na mumewe...


    "Dunia tambara bovu"​
     
  6. dracula

    dracula Member

    #6
    Aug 30, 2012
    Joined: Sep 4, 2008
    Messages: 64
    Likes Received: 0
    Trophy Points: 0
    Stahamili umsamehe umwachie Mungu hukumu ... na uondoe chuki moyoni mwako kwani haitokusaidia zaidi ya kukuumiza tu kwani huna nafasi ya kumkabili na yote aliyoyafanya na hataweza kukupa sababu kwani si nafasi yako kujua yote hayo wala huwezi mlazimisha.

    So, nakushauri ujitahidi tu kumsamehe kama baba yako aliweza kukaa kando na kukubali matokeo nawe fanya hivyo hivyo.
     
  7. BADILI TABIA

    BADILI TABIA JF-Expert Member

    #7
    Aug 30, 2012
    Joined: Jun 13, 2011
    Messages: 28,304
    Likes Received: 3,102
    Trophy Points: 280
    dah pole sana.... nimeshindwa hata cha kukuambia..... jaribu kufungua moyo wako ili usamehe.....

    acha niwaite gfsonwin, Dark City Mtambuzi na AshaDii waje kukushauri....
     
    Last edited by a moderator: Jan 4, 2016
  8. Kaunga

    Kaunga JF-Expert Member

    #8
    Aug 30, 2012
    Joined: Nov 28, 2010
    Messages: 12,582
    Likes Received: 709
    Trophy Points: 280
    Sina cha kuongeza zaidi ya kukupa pole sana; siwezi sema naelewa unachofeel coz sina experience ya hivyo hata 1/8 yake. Una haki ya kumchukia, so unachofeel ni kitu cha kawaida; na ninakushukuru pamoja na yote bado umempokea kwako, l hope kifo cha mdogo wako kitamtesa na kumpa adhabu inayomstahili na huko alipo anaweza asipafurahie na mwisho wa siku aje awaangukie kwa kuwaomba msamaha!

    Pole tena!
     
  9. Dena Amsi

    Dena Amsi JF-Expert Member

    #9
    Aug 30, 2012
    Joined: Aug 17, 2010
    Messages: 13,139
    Likes Received: 206
    Trophy Points: 160
    Hii story imenifanya nishindwe cha kuandika...............ngoja nifute machozi nirudi kuandika tena maana hapa hata screen siioni
     
  10. SMU

    SMU JF-Expert Member

    #10
    Aug 30, 2012
    Joined: Feb 14, 2008
    Messages: 6,995
    Likes Received: 837
    Trophy Points: 280
    Kwa kuzingatia yaliyotokea, hiyo ni favour kubwa tu kwake. Vipi anaonesha kujutia/kutatizwa na aina ya maisha aliyoamua kuishi? Zaidi, nakupa pole sana.
     
  11. Kongosho

    Kongosho JF-Expert Member

    #11
    Aug 30, 2012
    Joined: Mar 21, 2011
    Messages: 36,152
    Likes Received: 177
    Trophy Points: 145
    Kiburudisho,

    Kusamehe kunahitaji muda.
    Na kusamehe kunatofautiana kati ya mtu na mtu, kuna watu mnaweza fanyiwa kitu kile kile na mtu yule yule, lakini mmoja akasemehe haraka kabla ya mwingine. Hii husababishwa na mambo mengi.

    Inavyoonekana wewe bado kidonda hakijapona, ndio maana bado jambo hili linakutesa.
    Je unadhani alolowatendea ni kubwa sana?????? Unadhani halisameheki????
    Unaamini mama yako ana-control your destiny???
    Je unaamini kusamsamehe mtu ni hadi akuombe msamaha???
    Je, unaamini katika 'unspoken forgiveness/apology'??

    Baada ya kujijibu maswali hayo hapo juu utajua ufanye nini ili uweze kumsamehe mama yako, kama unaweza samehe bila hata kuongea naye kama unaamini kwenye unspoken forgiveness/apology au ni hadi uongee naye utoe duku duku lako.

    Sijui imani yako lakini, naweza elezea hili kwa mtazamo huu.

    Binadamu tunazaliwa for a specific role, je roles ya mama yako katika jamii inayomziunguka ni ipi? Labda role yake ilikuwa ni wengine wajifunze kutoka kwake.

    Kwa nini wewe kiburudisho? Kwa nini wewe upewe huyo mama asiyejali? Sijui, labda wewe kiburudisho na familia yenu ndio mmeweza kuyabeba mapungufu ya mama yenu bila kutetereka. Sometimes mambo haya yanaenda kwa watu wanaoweza survive, kwa hiyo usidhani ulionewa kuwa na mama wa aina hiyo.
    Labda wengine wakisema hapa waliyonayo unaweza ona mama wenu ni malaika.

    The way forward:
    Inaonekana kumchukia mama yako inakusumbua 'kind of a personal conflict'
    Kama umeshaona hivyo, kwa nini usifanyie kazi kutoa huo msamaha??

    Hapa unaweza chukulia kwa mtizamo huu, je maasi/maovu ya mwingine uyaruhusu yakufanye uwe na chuki?? Je ina thamani hiyo?? Mwisho wa siku, wewe umeshaweza kujitegemea na unemdelea na maisha yako kama kawaida. Hii ichukulie kama 'sunk cost', lakini imekufanya labda kuwa mvumilivu zaidi na strong zaidi. Labda uvumilivu huu utakuja kukusaidia baadae katika maisha yako.

    Najua ina changamoto sana kusamehe mtu wa karibu aliyekusaliti, lakini ni nzuri pia
    Inakupa amani wewe mwenyewe na unaweza jikuta mnajaribu rudisha mahusiano yaliyokuwa yamepotea.

    Ubaya au sijui uzuri, mzazi hata afanye maasi kiasi gani. huwezi kumdelete permanently sababu uhusiano huu huwa haufi na wala huwezi badili mzazi.

    Bora kutambua njia za kufanya ili uweze samehe.

    Wish you luck katika kutoa msamaha huo.

    Pia jaribu ku-connect na Mungu wako inakufanya ujione hata wewe hauko that perfect kwa hiyo waweza toa msamaha.
     
  12. vanmedy

    vanmedy JF-Expert Member

    #12
    Aug 30, 2012
    Joined: Oct 12, 2011
    Messages: 2,135
    Likes Received: 51
    Trophy Points: 145
    daaaaah
     
  13. gfsonwin

    gfsonwin JF-Expert Member

    #13
    Aug 30, 2012
    Joined: Apr 12, 2012
    Messages: 16,144
    Likes Received: 589
    Trophy Points: 280
    mkuu pole sana kwanza kwa kufiwa na mdogo wako kipenzi pili kwa kukosa upendo wa mama.

    ngoja nikwambie maisha yako hivi hutupitisha kwenye vitu ama tunavyovitaka ama tusivyovitaka lakin all in all lazima tuvipokee tu hatuna ujanja.

    najua wengi tu waathirika wa maisha ya ubinafsi wa wazazi ngawa wengi wetu wa kiume. lakin wazazi wa kike wengi huwa ni wastahimilivu huwa wanawabeba watoto wao. so usijutie kwa kilichotokea kwan ni namna tu ya maisha. Tatizo kubwa hapa ni kwamba wewe umetumka kama ubao wa kutufunza wengine so nakupa pole sana kwa hilo. na kwakua umekuwa ubao basi ngoja tujifunze hivi.

    kwanza kabisa unatakiwa usamehe na uachilie ili uwe na amani, pia mwmbie mkeo asimsemeshe chochote kile mama yako no matter mama atamwammbia kitu kimkere namna gani. kwanini natoa angalaizo hili ni kwamba waweza kukuta roho ya mafarakano bado iko ndani yake hivyo uwe makin sana tena mwombe mungu akupe macho ya rohoni sana mkuu.

    yawezekana pia baba yako akakasirika sana kwa uajio wa ama yako hapo nyumban kwako na hili likazua mtafaruku kaati yenu wote please mueleweshe baba juu ya hili ili akuelewe kaka usihamaki hii likitokea. uwepo wake hapo kwako jitahd sana usiwe wa muda mrefu na ikiwezekana ongea nae nafsi iumie aamue kurud nyumban.

    nafikir hapa umenielewa ngoja nile kisha nitarudi kumalizia ushauri wangu.
     
  14. Asprin

    Asprin JF-Expert Member

    #14
    Aug 30, 2012
    Joined: Mar 8, 2008
    Messages: 42,171
    Likes Received: 4,714
    Trophy Points: 280
    Aisee........!
     
  15. gfsonwin

    gfsonwin JF-Expert Member

    #15
    Aug 30, 2012
    Joined: Apr 12, 2012
    Messages: 16,144
    Likes Received: 589
    Trophy Points: 280
    haya nilirudi nyuma kusoma na posts za wengine, kimsingi maswali alaoakuauliza Kongosho ni sawa na niliyoyawaza mimi.

    unachotakiwa kufanya sasa hivi uangalie kwanza kabisa amani yako po wapi? ukishajua basi fikiri waweza kuipatia wapi? ukishajua chukua hatua. samehe na achilia kabisa kisha hakikisha mama hakai hapo kwako muda mrefu hadi wakaanza ugomvi na mka mwana wake hili nalitoa kama angalizo kwani najua wanawake na roho zetu zilivyo. please nielewe kwa hilo.
     
    Last edited by a moderator: Jan 4, 2016
  16. hovyohovyo

    hovyohovyo JF-Expert Member

    #16
    Aug 30, 2012
    Joined: Jul 8, 2012
    Messages: 531
    Likes Received: 11
    Trophy Points: 35
    So sad. Nam-admire babako kwa namna alivyoweza kulihendo hili jambo. Maana mie kusoma tu stori yako, nimeona hata pumzi zinaniishia, yaani nimeshikwa na mihasira mpaka nasweat. Kama atawaomba msamaha, msameheni-ingawaje kusamehe si kusahau. Hiyo ndiyo sura halisi ya dunia lakini-dunia si njema sana!
     
  17. Fixed Point

    Fixed Point JF Bronze Member

    #17
    Aug 30, 2012
    Joined: Sep 30, 2009
    Messages: 11,321
    Likes Received: 70
    Trophy Points: 145
    Inasikitisha, pole sana.
    lakini KIBURUDISHO huyo mama amekuambia amekuja kufanya nini?
     
    Last edited by a moderator: Jan 4, 2016
  18. Elia

    Elia JF-Expert Member

    #18
    Aug 30, 2012
    Joined: Dec 30, 2009
    Messages: 3,444
    Likes Received: 3
    Trophy Points: 135
    Pole sana mkuu, mengi mazuri yamesemwa... sina cha kuongeza zaidi jitahidi kumsamehe ili watoto wako wasije wakaona chukiyako kwa mama yako.. ilkitokea hivyo kunapicha mbaya itajijenga na kuwaathiri wajukuu pia... Muombe sana Mungu
     
  19. mgeni10

    mgeni10 JF-Expert Member

    #19
    Aug 30, 2012
    Joined: Nov 29, 2010
    Messages: 1,105
    Likes Received: 3
    Trophy Points: 135
    Mwachie Mungu Yote, Na Umwombe Mungu akupe neema yake uweze kusamehe na kusahau yote maana hutapata mamamwingine zaidi ya huyoPole sana kwa kubeba mzigo mzito ktk maisha yakoMUNGU TU ANAWEZA KUKUPA FARAJA YA KWELI
     
  20. Fixed Point

    Fixed Point JF Bronze Member

    #20
    Aug 30, 2012
    Joined: Sep 30, 2009
    Messages: 11,321
    Likes Received: 70
    Trophy Points: 145
    na hivi ulivyo hovyohovyo huyo mama mbona saa hizi lingebaki jina tu (kidding)
     
    Last edited by a moderator: Jan 4, 2016
Loading...