Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Simba alining'ang'ania koromeo siamini kama niko hai

Discussion in 'Habari na Hoja mchanganyiko' started by BAK, Sep 16, 2008.

  1. BAK

    BAK JF-Expert Member

    #1
    Sep 16, 2008
    Joined: Feb 11, 2007
    Messages: 50,063
    Likes Received: 9,772
    Trophy Points: 280
    Date::9/16/2008
    Simba alining'ang'ania koromeo siamini kama niko hai

    Na Martha Ndeki
    Mwananchi

    HAMIS Mgagara (40) mkazi wa Chanika Zingiziwa, mkoa wa Dar es Salaam, bado hajaamini kilichotokea baada ya kuokoka kutoka katika mdomo wa simba jike ambaye tayari alikuwa amemkaba koo kwa kutumia makucha.

    Kisa hicho cha kutisha kilitokea majuzi kijijini Zingiziwa, baada ya mkulima huyo kushitushwa na kelele za mbwa waliokuwa wakibweka karibuni na kichuguu katika eneo la shamba lake hapo kijiji majira ya asubuhi.

    "Kama si wanangu, Saleh Hamis na Said Hamis na mpwa wangu Seifu Chamwande kuninasua mdomoni mwa simba ningekuwa nimebaki jina," alisimulia Mgagara kwa shida ambaye amelazwa Wadi ya Sewa Haji wodi 29, Hospitali ya Taifa Muhimbili,

    "Niliposogea tu, simba huyo ambaye alioneka kama mwenye mimba alinirukia shingoni na kuniangusha chali, akazamisha kucha zake kwenye koromeo, nikapiga kelele kuomba msaada kwa majirani na familia yangu," anasimulia huku akiwa amefungwa bandeji kichwani na mikononi.

    Anasema baada ya kelele za kuomba msaada, watoto wake wawili, Saleh na Said na baadaye mpwa wake Seifu walikuwa wa kwanza kujitokeza kutoa msaada na hapo ndipo mapambano na simba huyo mwenye hasira yakaanza.

    "Mwanangu Saleh alipoona simba ameng'ang'ania koromeo langu alimkabakabali simba ili niweze kujinasua. Katika harakati hizo simba aliweza kuninyofoa kidole cha pili kutoka kidole gumba mkono wa kushoto na kuvunja mfupa wa kidole cha kati,"anasimulia huku uso wake ukionyesha maumivu makali.

    Baada ya Saleh kumkaba kabali mpwa wake Seifu aliyekuwa na jembe alitumia mwanya huo kumlima simba kichwani hadi kuniachia na kumvamia Seif miguni kwa kulipiza kisasi kutokana na hasira ya kulimwa na jembe kichwani.

    "Nami pia nilitumia mwanya huo kunyanyuka na kuendelea na mapambano na simba kwa kumpiga kwa jembe na panga hadi akaishiwa nguvu na kufikia hatua hiyo wanakijiji waliowahi kufika eneo la tukio waliendeleza mapambano hadi kummalizia, sisi tukiwa tayari tumechoka".

    Baada ya mapambano hayo yasiyo ya kawaida, wanae walipata walipata matibabu na katika Hospitali ya Aman, Ilala, Jijini na kuruhusiwa kwenda nyumbani baada ya kuonekana kuwa hawakuwa na majereha mabaya kama aliyopata yeye, anasema.

    Pamoja na majeraha ya koromea na mikono anasema anajisikia maumivu makali ya kucha za simba katika eneo la mashavu hali inayomfanya kuzungumza kwa.

    Hata hivyo majeruhi huyo mwenye bahati ya kuokoka kifo anasema anawashukuru waganga pamoja na wahudumu wa Muhimbili kwani wamempokelea vizuri na kuwa amepatiwa matibabu yanayompa imani ya kupona haraka.

    Afisa uhusiano wa Hospitali ya Taifa Muhimbili, Jezza Waziri, anasema majeruhi walifikishwa hapo katika hali mbaya kwa kuvuja damu kwa wingi kutokana na majeraha makubwa lakini hali yake ilikuwa inaendelea vizuri tofauti na juzi.
     
  2. Sikonge

    Sikonge JF-Expert Member

    #2
    Sep 16, 2008
    Joined: Jan 19, 2008
    Messages: 11,397
    Likes Received: 189
    Trophy Points: 160
    Mie nilifikiri huyu ni Sophia Simba. Ehhh, kumbe ukisikia Simba kweli mpishie mbali. Naona hii ni wiki ya Simba. Poleni wanafailia na Hongera kwa ushujaa...
     
  3. Lambardi

    Lambardi JF-Expert Member

    #3
    Sep 17, 2008
    Joined: Feb 7, 2008
    Messages: 7,553
    Likes Received: 2,059
    Trophy Points: 280
    Shujaa sana huyo Mzee na watoto wake...wengine hapo mweeeeee wangesubiriaa msibaa tu mzee kaliwa Simba nje nyumba yake....huo ni ushujaa sana na inabidi tuwe ujasiri wa kukabilina na majanga mazito kama hayoo...sio nyumbani tu hata kwenye serikali yetu.....kama Baba mwenye nyumba hawezi kupambana ana kwa ana na adui...huyoo hawezi kuwa baba mwenye ujasiri ................kuongoza nyumba kwa ujasiri na uwezo wa kusifiwa na kuigwa...............JE Mwenyekaya wetu anaweza kupambana na Simba wa ufisadi?Inabidi tujifunze sio kwa kupiga makelele kuomba msaada kwanza tunajisaidia wenyewe kwa ujasiri na kupambana...baadae ndio unaomba msaada..hata kwenye kuongoza nchi tuige mfano huu wa ujasiri yasiishie kwa kusema du jamaa jasiri sana.....wewe kama mkuu wa kaya ujasiri wako nini??????
     
  4. NaimaOmari

    NaimaOmari JF-Expert Member

    #4
    Sep 17, 2008
    Joined: Sep 25, 2007
    Messages: 807
    Likes Received: 14
    Trophy Points: 0
    BaK ... this is a nightmare cant imagine .... God! sikuzake zilikuwa bado
     
  5. LazyDog

    LazyDog JF-Expert Member

    #5
    Sep 17, 2008
    Joined: Apr 10, 2008
    Messages: 2,479
    Likes Received: 8
    Trophy Points: 135
    Niliiruka hii post nikijua ni mambo ya Sophia Simba. Si utani, hii ni wiki ya Simba!



    .
     
  6. WomanOfSubstance

    WomanOfSubstance JF-Expert Member

    #6
    Sep 17, 2008
    Joined: May 30, 2008
    Messages: 5,467
    Likes Received: 44
    Trophy Points: 0
    Hata mie nilifikiria hivyo - kumbe!
    Jamani majina mengine tuwe macho nayo! Jina hushabihiana na mwenye jina kwa kiasi kikubwa.Tizama majina - Sungura ( mjanja) Mbogo ( mkali) Sijali ( hajali kweli) Shida, Furaha, nk yanajieleza.
     
  7. BAK

    BAK JF-Expert Member

    #7
    Sep 17, 2008
    Joined: Feb 11, 2007
    Messages: 50,063
    Likes Received: 9,772
    Trophy Points: 280
    LOL! Mmenichekesha kweli :). Lakini kama ulisikia bondia Sophia Simba alivyorumrushia makonde mgombea mwenzie wa kiti cha UWT halafu ukiona hiki kichwa cha habari basi unaweza kudhani kinahusiana na bondia Sophia Simba. Angekuwa anawapiga makonde mafisadi wengi tungemuunga mkono :)
     
  8. Victoire

    Victoire JF-Expert Member

    #8
    Sep 17, 2008
    Joined: Jul 4, 2008
    Messages: 8,585
    Likes Received: 2,522
    Trophy Points: 280
    Du hii inatisha pole zake huyo mzee!kweli ameokoka kwenye mdomo na makucha ya simba!MUNGU ampe afya njema!
     
Loading...