Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Sikuamini kama ni yeye………!

Discussion in 'Mahusiano, mapenzi, urafiki' started by Mtambuzi, Jun 28, 2012.

  1. Mtambuzi

    Mtambuzi Platinum Member

    #1
    Jun 28, 2012
    Joined: Oct 29, 2008
    Messages: 8,572
    Likes Received: 684
    Trophy Points: 280
    [​IMG]
    Alikuwa ni zaidi ya mama..........

    Sikumbuki umri wangu kamili wakati ule, lakini bila shaka nilikuwa na umri wa miaka kama sita hivi.
    Nakumbuka sisi nyumbani tulikuwa miongoni mwa familia za awali kupata simu nyumbani pale Tabora. Hata hivyo, nilikuwa tu nasikiliza baba au mama akizungumza na simu, kwani ilikuwa ikikaa juu kwenye meza fulani ndefu. Hata hivyo siku moja wakati nikicheza na nyundo, nilijigonga kidole na kuumia. Kwa sababu nilikuwa peke yangu, nilianza kulia kwa maumivu. Lakini, wazo lilinijia ambapo nilikumbuka kuhusu simu.

    Baba au mama, mara zote walipokuwa wakitaka kupiga simu, nilikuwa nikiwasikia wakisema, ‘opereta tafadhali.' Halafu baada ya hapo, wangeuliza au kuomba jambo, ikiwemo kusaidiwa wazungumze na watu fulani.
    Nilitafuta stuli na kupanda juu yake. Halafu niliinua simu na kusema, ‘opereta tafadhali.' Upande wa pili wa simu ulijibu, ilikuwa ni sauti ndogo ya kike. ‘Ehe nikusaidie nini mwanangu?' Nilianza kulia, labda kwa sababu, sasa nilisikia sauti ya mtu, yaani niliamua kudeka.

    ‘Nimeumia kwa nyundo, nataka mama aje.' Ile sauti ya upande wa pili iliniuliza, ‘unatoka damu?' nilijibu, ‘sitoki damu ila nimeumia,' Ile sauti ambayo wakati huo sikuwa najua kwamba ni ya operetta ilijibu. ‘kama kuna friji nyumbani, chukua barafu halafu weka kwenye kidole chako, kitapoa tu wala usilie.' Nilirudisha mkono wa simu na kufanya hivyo.
    Nilikuwa naijua vizuri friji kuliko simu, hivyo sikupata shida. Nilipata nafuu na kujiambia, ‘kumbe hawa maopereta wanajua vitu vingi.' Kwa hiyo mara kwa mara sasa wazazi wanapokuwa hawapo nyumbani, nikawa nainua mkono wa simu na kumwita opereta, ambapo nilikuwa naongea naye mambo mengi sana. Nilikuwa namuuliza maswali mbalimbali naye akawa anajibu.

    Basi tukazoeana angalau kwa sauti tu, bila kujuana.
    Nakumbuka kuna wakati kasuku wa jirani yetu mmoja mwarabu alikufa. Alikuwa ni kasuku ambaye tulimpenda sana. Alikuwa akijua kuiga sauti hata kuimba. Nilipojua kwamba, kasuku amekufa, niliinua simu na kumwambia opereta juu ya kifo cha kasuku yule. Opereta alisema, ‘kuna dunia nyingine ambapo watu huenda na kuendelea kuimba.' Nililipenda jibu lake, kwani lilinipa moyo kwamba, kasuku ataendela kuimba huko alikoenda.Nakumbuka nikiwa darasa la pili, siku moja nilimuuliza opereta maana ya ‘kabwela' Aliniambia kabwela ni mtu anayeamka akiwa hajui atakavyolala. Lakini usiku ukifika hulala. Sikulielewa vizuri jibu lake lakini nililipenda. Wakati huu nilishajua jina la operetta kuwa ni Marry na mimi alishajua jina langu, ingawa tulikuwa hatujawahi kuonana..Wakati huohuo nikiwa la pili, baba alipata uhamisho kwenda mkoani Tanga.

    Nilijua zikiwa zimebaki siku tatu tu kuondoka. Kwa kule kubabaika labda, nilisahau kumwita operetana kumwambia kuhusu kuhama.
    Usikuwa kuamkia siku ya safari ndipo nikakumbuka kuhusu opereta wangu. Kwa kuwa wazazi walikuwepo nyumbani nisingeweza kupiga simu. Niliamua kuchukua picha yangu ambayo nilipigwa shuleni na kuiweka kwenye bahasha. Juu ya bahasha niliandika opereta Marry. Kabla hatujaondoka nilikwenda nyumbani kwa rafiki yangu mmoja tuliyekuwa tukisoma naye darasa moja .Nilipofika nilimkabidhi ile bahasha na kumwomba ampe mama yake aipeleke kwa opereta. Tuliondoka Tabora nikiwa sijui kama operetta yule alipewa bahasha ile au hapana.Siku zikapita na nilisoma na kumaliza kidato cha nne ambapo nilipata kazi au ajira ya moja kwa moja {direct employment} kwenye shirika la reli {TRC} nilipangiwa Tabora kama kituo changu cha awali cha kazi.

    Kwa kweli hali haikuwa nzuri kwa sababu ajira ya moja kwa moja haikuwa nzuri kimaslahi hata kiheshima. Kwa vile pia ilikuwa ndiyo mara yangu ya kwanza kuwa nje ya nyumbani, nilihuzunika sana.
    Wiki ya pili tu tangu kufika Tabora, nikawa ninataka kupiga simu kwa baba {mama alishafariki}, baada ya kuinua simu nilimuomba opereta. Ajabu ni kwamba, sauti ile niliyoisikia masikioni nilihisi kama sauti niliyowahi kuisikia miaka mingi iliyopita haikuwa ni ngeni kwangu. Kwanza sikuelewa hasa ni kitu gani, lakini baada ya muda nikakumbuka.‘Nini maana ya Kabwela' nilijikuta nauliza.

    ‘Kama hujaumiza kidole chako kwa nyundo na kasuku wa jirani hajafa , usiniambie uko Tabora,' ..........nilijihisi nikitetemeka. ‘Mama Marry' niliita nikiwa kama naota. ‘Ni wewe mwanangu Hussein……' yule opereta alisema. Ilinichukua muda kujibu.
    Sina haja ya kusema mengi sana, kwani yule mama alinielekeza kwake baada ya kumjulisha kwamba nilikuwa nimepangiwa kazi pale Tabora. Jioni ya siku ile nilikwenda kwake. Kwa mara ya kwanza nilimwona Marry. Hakuwa mtu mzima sana ingawa alionekana kuwa umri umeenda. Lakini kilichonishangaza ni kuona picha yangu ile niliyomtumia ikiwa kwenye fremu nzuri pale ukutani.

    Yeye ndiye aliyeniambia kwamba ilikuwa ni picha yangu, vingenevyo nisingeikumbuka. Lakini kwa nini aliiweka pale. Katika mazungumzo aliniambia kwamba hakuwahi kuwa na mtoto maishani mwake na hivyo kule kumsumbua kwangu kwa maswali kulikuwa kukimpa furaha na faraja sana. Alikuwa akijihisi kama vile nilikuwa mwanaye na alikuwa akifurahia sana hali ile. Kuondoka na kumwachia ile picha, anasema kwamba kulimfanya ahisi kwamba kapoteza mtoto, yaani kafa, hivyo akaamua kuiweka picha yangu kama kumbukumbu.

    Lakini ukweli ni kwamba, mama yule alikuwa amenivutia sana kwa namna alivyokuwa akijibu maswali yangu na kuvumilia usumbufu wangu. Mama yangu mzazi hakuwa na uwezo ule na wala hakuwa nyumbani muda mwingi. Kwa hiyo akawa zaidi ya mama yangu kwa sauti tu. Nilimpa picha yangu kama zawadi pekee ambayo ningeweza kumpa. Nilihamia pale nyumbani kwake nikawa nimepata mama mpya, naye akawa amepata mtoto. Niliamini na bado naamini kwamba, usije ukadhani lolote unalomtendea mtu ni dogo. Liwe ni zuri au baya, lolote unalomtendea mtu, jua linamgusa kwa njia ambayo wewe hujui.

    Kumgusa kwake huja kujirudia moja kwa moja au kupitia njia nyingine na ni lazima litakuumiza au kukusaidia, inategemea tu ulitenda nini. Leo hii hanidanganyi mtu kuhusu wema au ubaya tunaotenda unavyokuja kuturudia katika mazingira ambapo tunakuwa hatujui kabisa. Lakini, nimejifunza maana ya kuwavumilia wengine.
     
  2. Purple

    Purple JF-Expert Member

    #2
    Jun 28, 2012
    Joined: Feb 9, 2012
    Messages: 2,026
    Likes Received: 192
    Trophy Points: 160
    Hata mie nimejifunza kitu kwenye hadithi hii, asante!
     
  3. Mtambuzi

    Mtambuzi Platinum Member

    #3
    Jun 28, 2012
    Joined: Oct 29, 2008
    Messages: 8,572
    Likes Received: 684
    Trophy Points: 280
    Purple hii siyo hadithi bana, ni mkasa wa kweli........................
     
    Last edited by a moderator: Jan 4, 2016
  4. Bazazi

    Bazazi JF-Expert Member

    #4
    Jun 28, 2012
    Joined: Aug 18, 2008
    Messages: 1,918
    Likes Received: 169
    Trophy Points: 160
    Mtambuzi hivi visa umevihifadhi wapi jamani? Ni zao tena la Jitambue? Kweli Munga Tehenan alikuwa kiboko. Namkumbuka sana katika gazeti la majira "Mzee wa nepi" Gazeti la Dunia na mwisho JItambue & Mshauri. Kama ulikuwa mdau hebu yarudisheni magezeti hayo.

    Kongosho
    Zinduna, gfsonwin FirstLady, MwanajamiiOne na wakinamama wengine wa JF mmeona umuhimu wa kukaa na watoto wenu na kuongea nao kwa upendo? Ni muhimu sana katika makuzi ya watoto.

    Bazazi!
     
    Last edited by a moderator: Jan 4, 2016
  5. Mr Rocky

    Mr Rocky JF-Expert Member

    #5
    Jun 28, 2012
    Joined: Oct 10, 2007
    Messages: 15,056
    Likes Received: 324
    Trophy Points: 180
    Mtambuzi asante sana kwa kisa hiki
    Kweli inapaswa kukaa na watoto karibu na kujua hisia zao na nini wanachohitaji
    Ni fundisho zuri sana mkuu
    Asante sana
     
  6. M

    Mukalunyoisa Senior Member

    #6
    Jun 28, 2012
    Joined: Mar 16, 2012
    Messages: 139
    Likes Received: 1
    Trophy Points: 0
    leo nimejifunza kitu hapa, sie ndo akina mama kila tunaporudi majumbani watoto wamelala
     
  7. FirstLady1

    FirstLady1 JF-Expert Member

    #7
    Jun 28, 2012
    Joined: Jul 29, 2009
    Messages: 16,200
    Likes Received: 104
    Trophy Points: 160
    Asante sana Mzee Mtambuzi barikiwa zawadi yako inakija by DHL
     
    Last edited by a moderator: Jan 4, 2016
  8. platozoom

    platozoom JF-Expert Member

    #8
    Jun 28, 2012
    Joined: Jan 24, 2012
    Messages: 6,896
    Likes Received: 1,541
    Trophy Points: 280
    Kongosho muda wote yupo na konyagi watoto anaongea nao saa ngapi, Zinduna yuko bize na Talk show, FirstLady anaponya majeraha ya rafiki yake muda anautoa wapi kukaa na watoto, MwanajamiiOne yeye mawazo ya kuumizwa bado yanamsumbua muda haha, gfsonwin mmmh naogopa kusema.
     
    Last edited by a moderator: Jan 4, 2016
  9. platozoom

    platozoom JF-Expert Member

    #9
    Jun 28, 2012
    Joined: Jan 24, 2012
    Messages: 6,896
    Likes Received: 1,541
    Trophy Points: 280
    Kisa kizuri sana, nimemkumbuka mama yangu (R.I.P) Alitupenda sana.....Nakumbuka katika zile nyakati baba hana kazi alivyokuwa anapanga bajeti sijapata kuona hata katika wizara zetu. Mpole japo mboko zake nilikula, baadaye anakubembeleza kula. Kwake watoto wake lilikuwa ni chaguo la kwanza.

    Nakukumbuka sana mama.
     
  10. gfsonwin

    gfsonwin JF-Expert Member

    #10
    Jun 28, 2012
    Joined: Apr 12, 2012
    Messages: 16,144
    Likes Received: 589
    Trophy Points: 280
    Bazazi kaka yangu wa moyoni unalolisema ni kweli kabisa aisee. na hata Mtambuzi anatukumbusha mambo muhimu sana katika maisha yetu ya kila sku. Unajua wazazi wengi huwa tuna underestimate umuhimu wa kuongea na wanetu na kuwasikiliza kirafki ila ukitaka kujua gharama ya kutokumsikiliza mtoto wako uwe mzazi ama mlezi basi muulize mtu ambaye analea mtoto ambaye hakuwahi kusikilizwa hivyo walimwengu wakamsikilizisha.
     
    Last edited by a moderator: Jan 4, 2016
  11. gfsonwin

    gfsonwin JF-Expert Member

    #11
    Jun 28, 2012
    Joined: Apr 12, 2012
    Messages: 16,144
    Likes Received: 589
    Trophy Points: 280
     
  12. Candy kisses

    Candy kisses JF-Expert Member

    #12
    Jun 28, 2012
    Joined: Jun 4, 2011
    Messages: 290
    Likes Received: 10
    Trophy Points: 35
    Dah kisa kizuri sana,
     
  13. Kongosho

    Kongosho JF-Expert Member

    #13
    Jun 28, 2012
    Joined: Mar 21, 2011
    Messages: 36,152
    Likes Received: 177
    Trophy Points: 145

    Wee acha tu, wakiona komputa wanaanza kulalamika, yaani mama anacheka na komputa tu lol
    Anyway, tutafika tu
    Yaani Bazazi, mama mwenyewe ni bazazi, hata ya kuwaambia watoto yapo?
    Anyway, wanakua kwa nguvu za Mwenyezi tu
     
    Last edited by a moderator: Jan 4, 2016
  14. Kongosho

    Kongosho JF-Expert Member

    #14
    Jun 28, 2012
    Joined: Mar 21, 2011
    Messages: 36,152
    Likes Received: 177
    Trophy Points: 145

    Wee acha tu, wakiona komputa wanaanza kulalamika, yaani mama anacheka na komputa tu lol
    Anyway, tutafika tu

    Yaani Bazazi, mama mwenyewe ni bazazi, hata ya kuwaambia watoto yapo?
    Anyway, wanakua kwa nguvu za Mwenyezi tu
     
    Last edited by a moderator: Jan 4, 2016
  15. PetCash

    PetCash JF-Expert Member

    #15
    Jun 28, 2012
    Joined: Mar 20, 2012
    Messages: 1,663
    Likes Received: 90
    Trophy Points: 145
    Sina mengi ya kuongea; 'U made my day in learning-wise'
     
  16. Tangawizi

    Tangawizi JF-Expert Member

    #16
    Jun 28, 2012
    Joined: Jun 25, 2009
    Messages: 2,199
    Likes Received: 486
    Trophy Points: 180
    Thanks Mtambuzi kwa hadithi hii nzuri
     
  17. platozoom

    platozoom JF-Expert Member

    #17
    Jun 28, 2012
    Joined: Jan 24, 2012
    Messages: 6,896
    Likes Received: 1,541
    Trophy Points: 280
    platozoom am a responsible mother, wife and a lady for my family aisee. Hata kama nitakuwa natoa mfyonzo but nahakikisha it is doens't cost my kids or anyone else at my family.

    my brother your family is the only priceless asset you have under the sky, and to me that is the only thing which gives me pleasure and joy.[/QUOTE]


    Mtu akisema hivi huwa namuona kama mzee!......vijana wa siku hizi mmh
     
  18. HorsePower

    HorsePower JF-Expert Member

    #18
    Jun 28, 2012
    Joined: Aug 22, 2008
    Messages: 3,617
    Likes Received: 28
    Trophy Points: 145
    Mtambuzi hapo penye bold pamenigusa sana. Laiti tungelikuwa na uwezo wa kuyasoma haya yote na kuyafanyia kazi naamini jamii yetu ingeishi kwa amani sana.
    Thanks kwa makala nzuri.
     
  19. cacico

    cacico JF-Expert Member

    #19
    Jun 28, 2012
    Joined: Mar 27, 2012
    Messages: 8,308
    Likes Received: 7
    Trophy Points: 135
    NICE STUFF BABU Mtambuzi! nitakuwa nawasikiliza na kuwavumilia kwa utundu wao kha!
     
    Last edited by a moderator: Jan 4, 2016
  20. Eiyer

    Eiyer JF-Expert Member

    #20
    Jun 28, 2012
    Joined: Apr 17, 2011
    Messages: 27,196
    Likes Received: 643
    Trophy Points: 280
    Nimehisi uchungu sana hasa kwa mimi ambae sijalelewa na mama yangu mzazi!
     
Loading...