Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Siasa za CCM na muungano wa Zanzibar

Discussion in 'Jukwaa la Siasa' started by nanchi, Feb 2, 2012.

  1. nanchi

    nanchi Member

    #1
    Feb 2, 2012
    Joined: Jan 29, 2012
    Messages: 66
    Likes Received: 1
    Trophy Points: 15
    Ndugu wanajamvi naomba kufahamu kutoka kwenu kuhusu muungano wa tanganyika na zanziba.1;nini sababu iliyopelekea kuwa na muungano.2;watanganyika na wazanzibar waliafiki?3;viongozi hawa walitumia njia gani kupata maoni ili kuidhinisha huo muungano?inanishangaza pale ninaposia suala la muungano kwenye katiba mpya halijadiliwi.
     
  2. Ruge Opinion

    Ruge Opinion JF-Expert Member

    #2
    Feb 3, 2012
    Joined: Mar 22, 2006
    Messages: 1,483
    Likes Received: 109
    Trophy Points: 160
    Msome Joseph Mihangwa kwenye magazeti ya Raia Mwema matoleo ya nyuma. Majibu ya maswali yako yote utayapata.
     
  3. m

    mtanganyikaa Member

    #3
    Feb 3, 2012
    Joined: Jan 26, 2012
    Messages: 13
    Likes Received: 0
    Trophy Points: 0
    lengo la mwalimu lilikuwa kuiunganisha afrika iwe moja na akaanza na kuunga zanzibar baadaye kenya na uganda. kura ya maoni haikuitishwa. bahati mbaya kenya na uganda wakakataa. sasa sababu ya kuwa nchi mbili badala ya tatu au moja ni uwiano tofauti kati ya zanzibar na tanganyika
     
  4. k

    kicha Senior Member

    #4
    Feb 3, 2012
    Joined: Jul 13, 2011
    Messages: 170
    Likes Received: 9
    Trophy Points: 35
    Siamini mpaka leo unaulizia majibu ya maswali amabayo yako wazi miaka nenda miaka rudi
     
  5. nanchi

    nanchi Member

    #5
    Feb 3, 2012
    Joined: Jan 29, 2012
    Messages: 66
    Likes Received: 1
    Trophy Points: 15
    Haukulazimishwa kuchangia mm nilitaka kujua na wenye busara wamefanya hivyo,usishobokee usicho kiweza.
     
  6. mpemba mbishi

    mpemba mbishi JF-Expert Member

    #6
    Feb 3, 2012
    Joined: Nov 27, 2011
    Messages: 1,132
    Likes Received: 2
    Trophy Points: 0
    Johmbaaa tulia hapa hapa, naingia Maktaba yangu naenda kukuchukulia nondo za kujibu maswali yako!
     
  7. njiwa

    njiwa JF-Expert Member

    #7
    Feb 3, 2012
    Joined: Apr 16, 2009
    Messages: 10,088
    Likes Received: 1,110
    Trophy Points: 280
    Hujaridi bado mpemba mbishi ..? Nasubiri nondo hizo yakhe ...
     
  8. mpemba mbishi

    mpemba mbishi JF-Expert Member

    #8
    Feb 3, 2012
    Joined: Nov 27, 2011
    Messages: 1,132
    Likes Received: 2
    Trophy Points: 0
    Katika
    kuuangalia muungano wa Tanganyika na Zanzibar kwanza ni
    vyema zijulikane sababu hasa
    zailizopelekea Tanganyika na Zanzibar
    kufikia uamuzi wa kuungana. Kwa
    mujibu wa mafundisho ya mashuleni
    na vyuoni sababu kubwa za kuungana baina ya Tanganyika na
    Zanzibar ni hizi zifuatazo. Kwanza ni
    udugu wa damu na wenye mizizi
    mirefu uliyopo baina ya wanganyika
    na wazanzibari. Kwa kuirejea historia
    ya mafungamano baina visiwa vya Zanzibar na bara la Afrika itagundulika
    kwamba mafungamano hayo
    yameanzia kwa karne nyingi sana
    nyuma kiasi cha karne ya 15 au 16
    wakati muungano wa Tanganyika na
    Zanzibar uliibuka katikaki ya karne ya 20 ambapo asili za kibantu kwa
    wazanzibari tayari zimeshapotea kwa
    kiasi kikubwa kutokana na
    kuchanganya damu na watu wa asili
    za mbali mbali za kiasia ambao ndio
    wengi zaidi. Hata hivyo asili za wazanzibari ni vyanzo vingi vikiwemo
    Afrika, Pashia, India na Arabia.
    Ijapokuwa Afrika ni miongoni mwa
    vyanzo vya asili za wazanzibari lakini
    ifahamike kuwa ni kutokea sehemu
    mbali mbali za Afrika zikiwemo Tanganyika, Msumbiji, Malawi, Kenya,
    Uganda, Rwanda, Comoro nk. Sababu nyengine inayohusishwa na
    muungano wa Tanganyika na
    Zanzibar ni historia ya ushirikiano kati
    ya chama cha TANU na ASP, ambavyo
    vyote ni vyama vya kupigania
    ukombozi wa watu weusi kupitia harakati za kudai uhuru zilozozuka
    miaka ya 1950 na 60 katika bara la
    Afrika. Hapa ikumbukwe kuwa sio
    chama cha ASP peke yake
    kilichoshiriki mapambano ya
    kumng’oa mkoloni Zanzibar. Bila shaka kilichomvutia Nyerere na
    kuamua kukiunga mkono chama cha
    ASP peke yake na kufanya
    mashiriukiano nacho katika harakati
    za kudai uhuru wa Zanzibar ni ile ile
    itikadi ya mapambano dhidi ya watu wasio na ngozi nyeusi mambo
    ambayo yalikuwa yamepamba siasa
    za Karume. Vyama vyengine vya
    kizalendo vya wazanzibari havikuwa
    na mvuto wowote kwa Nyerere.
    Wakati chama cha TANU kinaongozwa na sera ya “uafrika” katika kupigania
    uhuru na hivyo kuwaunganisha
    watanganyika wote, ASP kwa upande
    wake iliifumania sera ya “ugozi
    mweusi” ikidhania kuwa ndio uafrika
    wenyewe na hivyo kuwatenga wazanzibari wengine. Vyama vya
    TANU na ASP vilisahau kwamba
    asilimia kubwa ya wazanzibari tofauti
    na watanganyika wakiwemo hao
    wenye ngozi nyeusi wana asili zao
    kutoka nje ya bara la Afrika. Muungano ni matokeo ya hofu mbili
    Hizi zilizotangulia kutajwa labda
    zinaweza kuwa sababu ndogo ndogo
    za muungano huu. Sababu muhimu
    hasa zilizopelekea muungano wa
    Tanganyika na Zanzibar ni hofu mbili zifuatazo. Hofu ya ya kwanza ilitokana
    na uwezo mdogo sana wa kijeshi na
    kiulinzi iliokuwanao serikali ya
    mwanzo ya mapinduzi. Nguvu za
    kijeshi na kiulinzi zikitegemea sana
    mizinga ya kichina na kisovieti ya kutungulia ndege pamoja na silaha
    ndogo ndogo (Armit 1986). Uwezo
    huo mdogo wa kujihami
    unawezakuwa ulijenga hofu kwa
    Karume na Nyerere juu ya uwezekano
    wa Sultani na Moh’d Shamte kujipanga na kurudi ili kufanya mapinduzi
    mapya (counter revolution) dhidi ya
    serikali ya Karume. Kutokana na hofu
    hiyo basi Nyrere alimshauri Karume
    kuziunganisha nchi zao ili kupata
    nguvu kubwa ya kiulinzi ya kuihami Zanzibar dhidi ya mapinduzi mapya. Hii
    inaweza kuwa ndio sababu kubwa ya
    Karume kushishitiza kwamba
    muungano huu utakuwa ni wa kipindi
    cha miaka kumi tu ambapo itabidi
    utathminiwe upya kama unahitajika au laa. Karume alifahamu wazi
    kwamba ndani ya kipindi hicho cha
    miaka kumi tayari serukali yake
    imeshajiimarisha vya kutosha kwa
    nguvu za kijeshi. Hofu ya pili ni ile iliyozifanya dola za
    magharibi kuiona serikali mpya ya
    mapinduzi ya Zanzibar kuwa
    ingeweza kuwa angamizo la ubepari
    katika ulimwengu na bara la Afrika.
    Ushiriki wa Babu na wakomyunisti katika mapinduzi ya 1964 iliiifanya
    serikali mpya ya mapinduzi kuwa ni
    tishio kwa Marekani na dola za
    magharibi. Hofu hii ya nchi za
    magharibi inathibitishwa na simu ya
    balozi wa marekani nchini Tanganyika wakati huo bwana William Leonhart
    alioituma kwa wizara ya mambo ya nje
    ya serikali ya marekani siku ya tarehe
    27 Aprili 1964 : “Sina wasiwasi kwamba
    watanganyika wanategemea kuwa
    wakomyunisti waliomo katika serikali
    ya Zanzibar watazimwa kwa
    kufunikwa na kutofungamana
    upande wowote kwa Tanganyika, lakini kutokana na kasi na nguvu za
    mwendo wa wakomyunisti
    wanaokwenda mbio nchini Zanzibar
    na sio kuitishia ka kuitumilia hali
    katika njia ambazo serikali ya
    Tanganyika haitoweza kuzifikiria. Ninaamin kwamba ni muhimu Nyerere
    apewe msaada wa kimya kimya wa
    kiasi kikubwa iwezekanavyo na nchi
    za magharibi tokea mwanzo” (Armit
    1986). Ingawa wengi wa makomred
    wakiongozwa na Babu waliukataa
    kwa nguvu zote muungano huo lakini
    Bwana Ali Sultan Bin Issa anasema
    katika kitabu cha Burgess cha The
    race, revolution and sruggle for human rights in Zanzibar: “Mimi binafsi sikuona tatizo kuukubali
    muungano. Japo kuwa lengo la
    Nyerere ilikuwa ni kuwameza
    wazanzibari, mimi niliona ni ukombozi
    na jukwaa kubwa zaidi la siasa zetu
    (za kikomyunisti). Pia ni fursa pekee ya kueneza ukomyunisti Tanzania
    bara” (Burgess 2009). Mkataba wa muungano
    Siku ya tarehe 22 Aprili 1964 Nyerere
    na Karume walitia sahihi mkataba wa
    muungano wa Tanganyika na
    Zanzibar. Kumbukumbu za kihistoria
    zinasonyesha kuwa Karume alidhani alitia sahihi mkataba wa kuzitambua
    nchi mbili huru zenye mamlaka kamili.
    Na hivi ndivyo ilivyokuwa katika
    mkataba huu wa mwanzo wa
    muungano. Yaani kwa mujibu wa
    mkataba huo mahusiano ya Tanganyika na Zanzibar kisiasa ni
    kama yalivyokuwa mahusiano baina
    ya Ireland ya Kaskazini na Uingereza.
    Mkataba huu wa mwanzo wa
    muungano uliiachia Zanzibar kiasi
    Fulani cha madaraka yake ya ndani kama vile polisi, mahakama, kilimo nk
    wakati madaraka muhimu kama vile
    mambo ya nje, ulinzi, biashara,
    shughuli za muungano, udhibiti wa
    fedha za kigeni na kuchagua maafisa
    (watendaji) wajuu kabisa wa Jamhuri ya muungano yalikuwa chini ya
    mamlaka yaserikali kuu ya
    muungano. Siku ya tarehe 25 Aprili
    1964 Bunge la Jamhuri ya Tanganyika
    ililiridhia sheria ya muungano kama
    ilivyoridhiwa na baraza la mapinduzi la serikali ya mapinduzi ya Zanzibar.
    Sheria ya muungano wa Tanganyika
    na Zanzibar ilielekeza mambo kumi na
    moja (11) yaliotokana moja kwa moja
    na “mkataba wa muungano”. Mkataba
    wa muungano uliutaka muungano huo hapo mwanzoni udumu kwa
    muda wa miaka kumi (10) tu, yaani
    kutoka 1964 hadi 1974. Hata hivyo
    mkataba hu wa asili ulio na saini za
    waasisi wawili wa muungano huo
    Karume na Nyerere haujulikani uliktokomea hadi leo hii. Muungano wa Tanganyika na
    Zanzibar ulifanywa kukidhi matakwa
    ya kisiasa ya watu wawili, Nyerere na
    Karume. Hakuna kura ya maoni wala
    mazingira yeyote ya kidemokrasia
    yalioandaliwa na kufanywa ili kuwasikiliza wananchi wa pande mbili
    za muungano kama wangependelea
    kuunganishwa kwa nchi zao au laa.
    Kifungu cha 6 (1) cha mkataba wa
    muungano kinasema kwamba “Rais
    wa kwanza wa Jamhuri ya muungano atakuwa Mwalimu Julius Kambarage
    Nyerere”. Kifungu cha 6 (2) kinasema
    “Makamo wa kwanza wa rais kwa
    mjibu wa mabadiliko yanayopatikana
    kwenye aya ya (c) kifungu kidogo (1)
    ya sehemu ya 5 atakuwa sheikh Abeid Karume”. Kuwepo kwa kifungu hichi
    cha 6 kwenye sheria ilioanzisha
    muungano (sheria namba 22, ya 1964
    kwa upande wa Tanganyika ni ishara
    ya wazi wazi kuwa muungano huu
    uliundwa kukidhi matashi ya watu wawili na sio dola mbili. Waasisi hawa
    wa muungano waligawana madaraka
    vile walivyoona wao wenyewe inafaa. Hapa ndipo safari ya Zanzibar
    kumezwa na Tanganyika ilipoanzia.
    Sheria ya muungano namba 22 ya
    1964 ilkuwa na dhamira nzuri pale
    jina la Jamhuri mpya ya muungano
    lilipoainishwa kuwa ni Jamhuri ya Tanganyika na Zanzibar. Kubadilishwa
    kwa jina hilo na kuitwa Jamhuri ya
    muungano wa Tanzania ni kiini macho
    muhimu katika hatua za awali za
    Nyerere za kuimeza Zanzibar. Hakuna
    mwanasiasa au mwanasheria anayeweza kuonyesha ni sheria ipi
    iliyoruhusu kutumika jina la Tanzania
    kwa Jamhuri ya muungano. Lengo
    hapa ilikuwa ni kulipoteza kabisa
    kabisa jina Tanganyika na ndio maana
    hata kulitaja baada ya muungano huo na hadi hivi sasa ni kero kubwa kwa
    viongozi wakuu wan chi wa upande
    wa Tanganyika. Mwanzoni kulitaja jina
    Tanganyika kulifananishwa na nia ya
    kutaka kuvunja muungano. Hadidu za
    makubaliano ya muungano zilibakisha baadhi ya mamlaka ya
    Zanzibar kwa raisi mtendaji wa
    Zanzibar ambaye alikuwa ni makamo
    raisi wa kwanza wa Jahmhuri ya
    muungano ili kulinda masilahi ya
    Zanzibar katika muungano. Hadidu hizo za muungano pia zilibakisha
    baadhi ya mamlaka ya Tanganyika
    kwa raisi mtendaji wa Tanganyika
    ambae alikuwa ni raisi wa kwanza wa
    Jamhuri ya muungano ili kulinda
    masilahi ya Tanganyika katika muungano. Hata hivyo Nyerere
    kimkakati na kwa makusudi aliamua
    kuitupilia mbali haki ya kuwa na raisi
    mtendaji wa Tanganyika ili yeye
    (Nyerere) abakie kuwa ndie mwenye
    nguvu zote na mamlaka ya juu kiutendaji kwa Tanganyika na
    Zanzibar. Hatua nyengine inaonesha
    mtego mkubwa ambao Karume
    alitegwa bila ya kuunasua ni vile
    kukubali kuendelea kutumika kwa
    muda katiba ya Tanganyika kama katiba ya Jamhuri ya muungano
    katika kipindi cha mpito hadi
    itakapotungwa katiba mpya ya
    Jamhuri ya muungano. Jambo hili
    lilimpa nafasi Nyerere kuendesha
    mambo ya muungano vile anavyoona yeye inafaa kama alivyokuwa
    akiiendesha serikali ya Tanganyika
    kwa kipindi cha miaka 13 kuanzia
    mwaka 1964 mpaka mwaka 1977
    ambapo katika ya Jamhuri ya
    muungano ilipatikana. Baada ya kuona mamlaka aliyonayo
    katika Jamhuri ya muungano
    hayamtoshi, Nyerere aliamua
    kuviunganyisha vyama vya TANU na
    ASP baada ya kifo cha Karume. Tarehe
    5 mwezi Februari 1977 wakati Zanzibar ikiwa ndani ya utawala wa
    Maalim Aboud Jumbe vyama vya TANU
    na ASP viliunganishwa na kufanya
    chama kipya chama cha mapinduzi
    (CCM) kilichohodhiwa kimamlaka na
    Nyerere. Huu ulikuwa ni mkakati wa kuusukuma mbele muungano na
    kuyatanua madaraka ya muungano
    huo ndani ya mikono ya Nyerere. CCM
    ilimfanya Nyerere kushika hatamu na
    kutoa maamuzi yasiopingika kama
    vile kulazimishwa kujiuzulu Maalim Aboud Jumbe. Halkadhalika kundi la
    wabunge 55 (G55) lilipozua suala la
    kuanzishwa kwa serikali ya
    Tanganyika mwaka 1992 lilikumbana
    na mkono mrefu wa madaraka ya
    Nyerere na kuzimwa mara moja. Ili kufanikisha malengo ya kuimaliza
    Zanzibar kwa kisingizio cha
    muungano ilimbidi Nyerere
    kuyashikiia madaraka ya Jamhuri ya
    muungano kwa muda wa miaka 20
    na uwenyekiti wa CCM kwa muda wa miaka 10. Hata hivyo baada ya kustaafu Nyerere
    bado aliionekana kuongoza nyuma ya
    pazia. Wengi hawakulitegemea jina la
    “chama cha mapinduzi” kuwa ndio
    jina la chama kipya baada ya
    kuunganishwa ASP na TANU mwaka 1977. Vyama vilivyoungana ni viwili
    kimoja ni TANU kilichoongoza uhuru
    wa Tanganyika na chengine ni ASP
    kilichoshiki mapinduzi ya Zanzibar.
    Hivyo basi wengi walitaraji jina la
    chama kipya litabeba dhima zote mbele yaani ile ya uhuru na ile ya
    kimapinduzi. Kinyume chake dhima ya
    kimapinduzi tu ndio iliyofanya jengo la
    chama kipya. Kwa wale wadau wa
    muungano kwa upande wa Zanzibar,
    wahafidhina wa kimapinduzi waliona kutumika jina “mapinduzi” kwenye
    chama hicho kipya ni fahari ya
    Zanzibar na hatua nyengine ya
    kuyalinda mapinduzi na serikali ya
    mapinduzi kwani kwao kudumu kwa
    mapinduzi ya 1964 ndio masilahi makuu yaliyokuwa yakiwatosha
    katika muungano. Watanzania
    wanaelekea nusu karne tokea
    kuasisiwa muungano wao huku nchi
    mbili zikiwa katika mitafaruku chungu
    mzima iliyozalikana na muungano huo uliokosa muundo wa usawa,
    mitafaruku ambayo hupewa jina la
    kupunguzwa makali yake kwa kuitwa
    “kero za muungano” Changamoto za Muungano
    Hapo awali suala la kuzungumzia
    kasoro za muungano liilichukuliwa na
    watawala kama uhaini. Aliyejaribu
    kufanya hivyo alinyamazishwa kimya
    au alikutana na mkono wa chuma wa serikali. Kufuatia ujio wa mfumo wa
    vyama vingi vya siasa Tanzania, fursa
    ya kuujadili mungano wa Tanzania
    ilipatikana. Hivi sasa mjadala kuhusu
    muungano wa Tanzania na kasoro
    zake sio kitu cha ajabu tena nchini Tanzania. Mambo ambayo mara nyingi
    huonekana kugonga vichwa vya
    mijadala ya muungano au maeneo
    yanayoonekana kuwa na kasoro ni
    haya yafuatayo.
    • Muundo wa muungano • Faida za muungano kwa pande zote
    mbii za muungano Changamoto kubwa ya muungano wa
    Tanganyika na Zanzibar ni muundo
    wa mungano huo. Muundo wa serikali
    mbili ulisimikwa na waasisi wawili wa
    muungano, Nyerere na Karume.
    Baadhi ya wanasiasa, wachambuzi na wananchi wanashauri mabadiliko
    kutoka serikali mbili kuelekea serikali
    moja ili kuifanya Tanzania kuwa nchi
    moja kamilifu, au kuelekea serikali
    tatu na kuifanya Tanzania kuwa
    shirikisho kamili. Utafiti uliofanyika katika mwaka wa 1994 na 2006
    unatoa tofauti ya maoni kati ya
    wananchi wa Tanzania bara, Unguja
    na Pemba kuhusiana na muundo wa
    muungano huo. Hii bila shaka ni
    ushawishi wa misimamo ya vyama vya siasa ambavyo wananchi hao
    wanaviunga mkono katika maeneo
    yao hayo pamoja na masilahi ya
    kisiasa ya sehemu hiyo ndani ya
    muungano. Takwimu zilizokusanywa
    na kamati ya Jaji Nyalali zinaonyesha kwamba muundo wa serikali mbili
    unaungwa mkono kwa kiwango cha
    juu Unguja (63.2%) na kiwango cha
    chini zaidi Pemba (34.6%). Muundo
    wa serikali moja unaonekana kuwa
    na wapenzi wengi Tanzania bara (27.5%) na wapenzi kidogo zaidi
    Pemba (4.1%). Kwa upande wa
    serikali tatu, muundo huu una
    ushabiki mkubwa katika kisiwa cha
    Pemba (32.4%) na ushabiki mdogo
    zaidi Unguja (9.4%). Wakati Zanzibar ilipounganishwa na
    Tanganyika, Karume na Nyerere
    walikuwa na maana tofauti kuhusu
    muungano huo. Wakati Nyerere
    alikuwa na maana ya Zanzibar
    kugeuka kipande kidogo cha ardhi ya Jamhuri mpya, Karume yeye
    hakuelewa hivyo bali alifahamu
    kwamba muungano ulikusudia kutoa
    uhusiano katika mambo Fulani,
    uhusiano ambao hautaleta hasara
    kwa pande zote mbili. Changamoto kubwa ya muungano wa Tanganyika
    na Zanzibar ni muundo wake. Wakati
    duniani kuna mifumo miwili mikuu ya
    muungano, mfumo wa serikali moja
    (unitary) na mfumo wa serikali za
    majimbo (federal), mfumo wa muungano wa Tanzania hauonekani
    kuwa na sifa yoyote kati ya mifumo
    hiyo miwili mikuu iliyopo duniani.
    Mfano wa unitary ni kama vile taifa la
    Marekani (United States of America)
    ambapo madola mengi yameungana na kuunda dola moja kubwa. Mfano
    wa federal ni kama vile taifa la
    Uengereza (United Kingdoms)
    ambapo madola mengi yameungana
    na kufanya dola moja ya Uengereza.
    Pamoja na kuwepo kwa dola moja kubwa ya Uengereza, nchi
    zilizoungana zimewachiwa mamlaka
    yake ya ndani. Nchi zote ndogo
    ndogo zina utiifu kwa serikali kuu ya
    Uengereza. Tanzania kwa upande
    wake ina mfumo wa kipekee katika muundo wa serikali mbili, serikali ya
    Jamhuri ya Muungano ambayo ni
    serikali iliyopotea ya Tanganyika ya
    awali ambayo imeongezewa mamlaka
    zaidi hadi visiwa vya Unguja na Pemba
    na serikali ya Zanzibar ambayo iko chini ya serikali ya Jamhuri ya
    Muungano. Hivyo basi matokeo ya
    muungano huo ni kuifanya serikali ya
    Tanganyika kutumia mamlaka zaidi
    nyuma ya pazia juu Zanzibar kwa jina
    la Jamhuri ya muungano. Kwa kuwa muundo huo uliotokana
    na mawazo na usomi wa Nyerere
    peke yake na hauko duniani kote
    ndio sababu umeshindwa kuzaa
    mfumo mzuri wa kiserikali na kutoa
    uhusiano wa kisiasa na kiutawala unaozikinaisha pande zote mbili
    zilizoungana. Muundo huo
    umesababisha kuzaliwa kwa ukaka
    baina ya pande mbili zilizoungana
    ambazo kabla ya kuungana zilikuwa
    na uhuru na mamlaka sawa sawa. Wako wasomi na wanasiasa
    wanaoutoa kasoro muundo huu wa
    serikali mbili na badala yake
    kupendekeza muundo wa serikali
    moja. Wengi wanaotoa mawazo haya
    ni wanasiasa na wasomi wa Tanzania bara. Ukweli ni kwamba muundo wa
    serikali moja ni kuzidisha matatizo ya
    muungano na kuuvuruga zaidi
    uhusiano mwema wa pande mbili
    uliopo. Mtu anaweza kujiuliza ni kwa
    nini iwe hivyo na ilhali itakapokuwepo serikali moja wazanzibari watakuwa
    na uwezo wa kuzifaidi na kuzitumia
    fursa na rasili mali zote za Tanzania
    bara kama vile wanyama pori, madini
    nk ijapokuwa fursa na rasilimali hizo
    zinakosekana kabisa Zanzibar. Halkadhalika pato la Tanzania bara
    sasa litaweza kutumika kwa ajili ya
    kuchangia maedeleo ya Zanzibar. Muundo wa serikali moja una athari
    nyingi kwa Zanzibar zikiwemo za
    kijamii na kiuchumi. Hapa
    zitazungumzwa chache muhimu.
    Athari ya kubwa zaidi ni kumalizika
    kwa heshima ya utamaduni wa Zanzibar inayoongozwa na misingi ya
    dini ya kiislamu. Utamaduni wa
    Zanzibar wa wazanzibari unatokana
    na dini ya kiislamu ambao una misingi
    ya heshima, upole, ukarimu, utulivu,
    kuaminiana na kushirikiana. Tabia za ulevi, kutovaa nguo za stara, kutokula
    hadharani mwezi mtukufiu wa
    Ramadhani, uhalifu, ujambazi nk ni
    mambo ambayo hayaonekani
    kupewa nafasi hata kidogo na misingi
    ya utamaduni wa wazanzibari. Mambo hayo ambayo ni ya kawaida sana
    huko Tanzania bara bila shaka
    yanategemewa kuwa ya kawaida na
    Zanzibar pale itakapokuwa sheria
    zinazotawala Tanzania bara ndizo
    zitakazotawala Zanzibar wakati huo Zanzibar itakapokuwa mkoa wa
    Tanzania. Athari nyengine ipo katika
    ardhi ya Zanzibar ambayo ni mali ya
    wazanzibari. Itakapokuwa Zanzibar ni
    mkoa mmoja wa Tanzania sheria ya
    ardhi nayo itakuwa ni moja kwa Tanzania yote. Kwa sasa sheria ya
    ardhi ya Zanzibar haimruhusu mtu
    yeyote ambaye si mzanzibari kumiliki
    ardhi Zanzibar. Sheria ya ardhi
    itakaporuhusu kila matanzania
    kumiliki ardhi Zanziba matokeo yake ni ardhi hiyo ambayo ni ndogo
    kuvamiwa na mamilioni ya watanzania
    bara na hivyo kupelekea wazanzibari
    kusambaratika kwa kukosa maeneo
    ya kuishi wao pamoja na kizazi chao
    cha baadae. Matatizo ya muungano uliopo wa
    Tanganyika na Zanziba ni mengi.
    Athari kubwa zaidi imepatikana
    upande wa mahusiano ya kiuchumi
    kati ya Tanganyika na Zanzibar. Hapa
    itazungumziwa kero moja ya kiuchumi ambayo itatosha kuitathmini athari
    mbaya ya kero nyingi nyengine kwa
    wazanzibari. Kero hii ni ile ya
    kuingizwa kwa suala la mafuta na gesi
    asilia katika orodha ya mambo ya
    muungano. Kwa kuwa mafuta na gesi asilia ni miongoni mwa rasilimali za
    machimbo ya chini ya ardhi ni jambo la
    kushangaza kuona machimbo
    mengine kama vile madini ya
    dhahabu, chuma, Uranium na
    Tanzanite hayakuingizwa katika kifungu hicho cha orodha ya mambo
    ya muungano. Hili liko wazi kabisa
    kwani mafuta na gesi asilia tafiti
    zinathibisha kuwa yako kwa wingi
    mno katika ardhi na bahari ya visiwa
    vya Unguja na Pemba wakati machimbo mengine yako Tanganyika
    pekee. Sababu ya kufanyika hivyo ni
    kuipa uwezo Tanganyika kufaidi utajri
    mkubwa utokanao na mafuta ambao
    ni muhimili muhimu sana wa kiuchumi
    ulimwenguni. Kampuni ya utafutaji wa mafuta ya
    Canada iliingia Zanzibar kwa lengo la
    kufanya utafiti juu ya upatikanaji wa
    mafuta na gesi asilia kwa leseni ya
    Tanzania Petroleum Development
    Coorporatin (TPDC) bila hata ya ridhaa na ushauri achilia mbali ruhusa ya
    Serikali ya mapinduzi ya Zanzibar
    katika mwaka wa 1997. Kiini cha
    tatizo hili bila shaka ni vile kutolewa
    kibali na TPDC kwa ajili kufanyika
    utafiti katika maeneo ambayo kwa mujibu wa katiba ya Zanzibar si eneo
    la muungano. Mkataba rasmi
    ukafungwa baina ya kampuni hiyo,
    serikali ya Jamhuri ya muungano wa
    Tanzania na TPDC kuanzisha shughuli
    za utafiti. TPDC ni chombo cha wizara ya nishati na madini ya Jamhuri ya
    muungano wa Tanzania, wizara
    ambayo hufanya shughuli zake zote
    kwa upande wa Tanganyika pekee. Wizara ya nishati na madini na TPDC
    ndio vyombo vitakavyohusika na
    ukusanyaji wa mapato ya leseni
    ambazo makampuni ya uchimbaji
    yatakuwa yakikata leseni hizo.
    Hlkadhalika vyombo hivyo ndio vitakavyohusika na ukusanyaji wa
    mapato ya uhuishaji wa leseni kila
    mwaka. Kwa utaratibu huo basi
    Zanzibar isengeambulia chochote.
    Hapa Dr Salmin akahoji itakuwaje
    chombo hicho bila shaka cha Tanzania bara kitakuwa na mamlaka ndani ya
    mipaka ya eneo la Zanzibar kwa
    kisingizio kwamba mafuta na gesi
    asilia ni suala la muungano. Serikali ya
    mapinduzi ya Zanzibar haikuweza
    kulistahmilia hata kidogo suala hilo na hivyo kuamua kutokuiruhusu
    kampuni hiyo kufanya shughuli zake.
    Hapo ndipo wazanzibari walipoanza
    kuwa kitu kimoja katika kudai suala la
    mafuta na gesi asilia liondoshwe
    katika orodha ya mambo ya muungano. Kamati ya waziri mkuu na
    waziri kiongozi ya kujadili kero za
    muungano iliyoanzishwa na Raisi
    Kikwete katika kikao chake cha
    mwanzo ilianza rasmi kulijadili suala
    hili. Kampuni kubwa za kibiashara
    ambazo zina makao yake upande wa
    Zanzibar zinanyimwa ruhusa ya
    kupanua biashara zao upande wa
    Tanzania bara. Kampuni hizo
    zinalazimishwa kuhamisha makazi yake kutokea Zanzibar na kuyapeleka
    Tanzania bara na kulipa kodi kwa
    serikali ya Jamhuri ya muungano
    ndipo masharti ya kufanya kazi zao
    Tanzania bara yatakapokamilika.
    Halkadhalika kutokana na vikwazo mbali mbali, mazingira ya kibiashara
    ya ndani ya Zanzibar hayawavutii
    wafanyabiashara wakubwa wa
    kizanzibari kuwekeza nchini mwao.
    Wote wameamua kuhamishia mitaji
    yao na kuiweka Dar es Salaam. Ofisi za taasisi za muungano ambazo zipo
    Zanzibar zinaonekana kujazwa na
    wafanyakazi kutokea Tanzania bara
    zaidi kuliko Zanzibar na hivyo kutoa
    sura kuwa taasisi hizo ni za
    Tanganyika. Zanzibar kama nchi pia hainufaiki inavyostahili misaada
    inayotolewa na marafaki zake.
    Misaada yote huingia katika mkono
    wa Tanganyika kwa kivuli cha
    Jamhuri ya Muungano huku Zanzibar
    ikiambulia patupu. Mustakbali wa Muungano
    Maoni ya wananchi yaliwahi
    kukusanywa kuhusu kuendelea au
    kuvunjika kwa muungano kupitia
    tume ya Jaji Nyalali. Kwa kuwa hakuna
    chama hata kimoja cha siasa kilicho na msimamo wa kutaka kukoma kwa
    muungano wa Tanganyika na
    Zanzibar basi inaweza kusemwa
    kwamba maoni hayo yaliyokusanywa
    ni ya wananchi wenyewe. Kiwango
    cha juu zaidi cha maoni yaliopendekeza kuvunjika kwa
    muungano kwa mujibu wa utafiti
    uiofanywa na kamati hiyo ya Jaji
    Nyalali mwaka wa 1994 ni kutoka
    Pemba (15.6%) na kiwngo cha chini
    kabisa ni kutoka Unguja (1.6%). Hii bila shaka ni kwa kuwa wapemba
    wanauthamini sana sana uzalendo
    wao na wanajivunia sana heshima na
    hadhi ya nchi yao. Ndio maana asilimia
    kubwa ya maoni kuhusu kuvunjika
    kwa muungano usio na usawa na wenye kupendelea upande mmoja wa
    muungano huo yakatokea Pemba.
    Hata hivyo takwimu hizi zinaweza
    kuwa tofauti na hali ya sasa baada ya
    miaka 15 ya kukuwa kwa siasa za
    vyama vingi hapa nchini jambo lililosababishwa na kulegezwa makali
    kwa baadhi ya kero za muungano. Ni ukweli usiopingika kwamba
    maendeleo ya Zanzibar yamefifia sana
    ndani ya muungano huo
    ukilinganisha na upande wa pili wa
    muungano na hakuna dalili zozote
    zinazoashiria faraja. Kinachoonekana ni kama kwamba viongozi
    wanawalazimisha wananchi
    kuukubali muungano wa nchi zao
    wakati wananch wenyewe hususan
    wazanzibari wanaonekana wazi
    kwamba hwaoni umuhimu mkubwa wa muungano huo. Bila shaka hata
    mke mkifunga ndoa, na hata kama
    mumejaaliwa kizazi katika ndoa hiyo,
    ikiwa hamukubaliani katika maisha ya
    ndoa kwea kutawaliwa na kero zisizo
    kwisha, basi wazee wenye hekima huwashaurini watoto wao waachane
    kwa salama kama vile walivyooana
    kwa salama hapo mwanzo. Katika
    mazingira hayo basi sio jambo la
    kushangaza kuwaona Wazanzibari
    wanauchukia Muungano, kwani wanaamini ndio kiini cha matatizo
    mengi ya kijamii, kiuchumi na kisiasa
    kwa Zanzibar
     
  9. njiwa

    njiwa JF-Expert Member

    #9
    Feb 3, 2012
    Joined: Apr 16, 2009
    Messages: 10,088
    Likes Received: 1,110
    Trophy Points: 280
    Shukran nimekuelewa ambaye hataelewa hii akapewe pilau ale ..

    Sent from my HTC Incredible S using Tapatalk
     
Loading...