Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Shibuda for President 2010

Discussion in 'Jukwaa la Siasa' started by BAK, Sep 11, 2009.

  1. BAK

    BAK JF-Expert Member

    #1
    Sep 11, 2009
    Joined: Feb 11, 2007
    Messages: 50,059
    Likes Received: 9,763
    Trophy Points: 280
    Na Mwandishi Wetu
    MwanaHALISI

    “NDANI ya Chama Cha Mapinduzi (CCM) kuna viongozi wanaoilewa vema misingi na maadili ya chama, lakini wapo wanachama wasiojua chochote kuhusu chama chao. Ni wale waliovunwa kwa njia ya ufisadi na uanachama wa papo kwa papo. Hawa ndio wanaokivuruga chama chetu.
    “Ni unafiki wa wazi kabisa kusema CCM bado ipo katika mstari wake uleule wa awali. Nikiwa kada ninayekijua vizuri chama hiki, siwezi kusema CCM ipo imara na imebaki katika mstari wake uleule ulioasisiwa na viongozi wetu. Siwezi kuwa mnafiki…”
    Hiyo ni kauli ya mwanasiasa John Magale Shibuda (58), mbunge wa Maswa (CCM), Shinyanga, mwenyekiti wa zamani wa Jumuiya ya Wazazi ya CCM mkoani humo, Mjumbe wa zamani wa Halmashauri Kuu ya Taifa (NEC).
    Shibuda ni mmoja wa wanachama wa CCM waliojitosa katika kinyang’anyiro cha urais ndani ya chama hicho mwaka 2005.
    Katika mahojiano yake na MwanaHALISI wiki iliyopita mjini Dar es Salaam, Shibuda anasema ndani ya chama chake kuna ombwe la uongozi linalotokana na chama hicho kuacha mwelekeo wake wa asili.
    “TANU (Tanganyika African National Union) kwa upande wa Bara na ASP (Afro Shirazi Party) kwa upande wa Zanzibar, vilikuja na shabaha na malengo ya kukata kiu ya walioitwa watwana mbele ya wakoloni na masulutani,” anasema Shibuda.
    Anasema vyama hivi viwili, kwa pamoja, vilisimama imara kupambana na “uyonyaji, usulutani na unyapara ambao ndiyo unaoitwa leo ufisadi.”
    Shibuda anasema, “Wenzetu hawa (mafisadi) wameibua upya misingi ya ubepari, ukabaila na unyonyaji kwa kutumia mikataba.” Anasema kwa hali ya sasa, “hakuna mashaka kuwa CCM kipo njia panda.”
    Anasema CCM “hakitabiriki wala hakijulikani kinakoelekea. Haijulikani kama dira ya chama ni katiba na kanuni zake au utashi wa viongozi.”
    Anasema tayari chama hicho “kimewageuka wananchi. Kimefuata sera za chama cha kisulutani cha Zanzibar (ZNP)” ambacho kilikuwa chama cha kulinda maslahi ya mabwenyenye.
    Kwanza, Shibuda anasema, “Natoa angalizo, kwamba CCM inapaganyishwa na viongozi wasio na elimu ya madrasa ya kukijua chama. Wajibu wa kwanza wa mwanachama ni kutii kanuni na imani za chama. Haiwezekani kuhubiri kuondoa unyonge, lakini wakati huohuo unashabikia unyonyaji.”
    Kauli ya Shibuda imetokana na uamuzi wa NEC ya chama chake kuzuia wabunge wake kujadili masuala ya ufisadi bungeni, badala yake NEC imeagiza wabunge wajadili suala hilo ndani ya vikao vya chama.
    Anasema, “CCM hakitakuwa chama cha siasa tena, utakuwa ni mkusanyiko wa watu waliokutana katika basi moja, lakini wakiwa wanaelekea safari tofauti.”
    Shibuda anaonya, “Viongozi wa CCM wasijipe kazi ya Mungu – kuumba na kuhuisha. Ujinga una haki zake za utulivu na kulipuka. Sasa tusifike huko. Tusitumie uongozi kama pango la kutishana kwamba nitakufukuza uanachama.”
    Anasema, “Uanachama wa chama cha siasa, si kadi, bali ni imani. Kuhama msikiti si kuondoka katika uislamu, wala kumkataa sheikh si kuukataa uislamu. Vilevile kuhama kanisa si kuhama ukristo, wala kumkataa mchungaji si kuukataa ukristo,” anasema kwa sauti ya kukaripia.
    Shibuda ananukuu maneno ya Baba wa Taifa, Mwalimu Julius Kambarage Nyerere, kwamba cheo ni dhamana, na “tusitumie cheo kudhalilisha wale wasionacho.”
    Anasema kwa maoni yake, Bunge na CCM ni kama kuku na mayai, “Sote sisi tunahitajiana.” Anahoji, “Je, kutishia Bunge, kuzomea wanaopiga vita maovu, kunajenga ndoto za leo kwa maisha ya kesho?
    Anasema kauli za NEC juu ya mapambano dhidi ya ufisadi zimeibua hoja kwamba “CCM kimeshindwa kulinda maslahi ya wananchi.”
    Anasema, “Ni lazima chama kifike mahali kiache uchokozi wa kutumia dhamana za madaraka kudhulumu haki za umma.”
    “Je, tunataka tuwe na Bunge la kulinda maslahi ya cheo cha mtu na utendaji binafsi wa cheo cha mtu aliyepo serikalini? Je, ni kweli akikosolewa mtu kama huyo na kukemewa, tunadhalilisha serikali?”anahoji.
    Anasema katika mazingira hayo, hakuna mbunge hata mmoja anayezijua vema haki zake atakayekubali kuporwa haki zake za kikatiba za kuzungumza bungeni bila kuingiliwa.
    “Binafsi niko gizani. Najiuliza hawa wenzetu wanataka kutueleza kuwa Bunge liwe na wajibu kwa maslahi ya umma au Bunge tuwe na maslahi na wajibu kwa mitaji ya makundi binafsi ya unyonyaji wa umma,” anahoji.
    Shibuda anasema, “Nguo chafu hufuliwa kwenye mwanga ili uchafu huo uonekane na uondolewe. Nguo chafu huwezi kuisafishia katika giza. Vyeo hivi vya chama visitumike kufukia haki za wanyonge zinazolindwa na katiba ya CCM na ya nchi.”
    “Ili CCM iweze kuvutia umma,” anasema Shibuda, “ni muhimu ikajiepusha na kauli zinazojenga uhasama katika kipindi hiki cha mfumo wa vyama vingi.”
    Anasema kuna siku itafika, wapinzani wa kisiasa wa CCM watapata mtaji. Watasema, “Hawa wapo kwa ajili maslahi yao binafsi. Tusikifikishe huko chama chetu.”
    Akizungumzia matatizo yaliyopo katika jimbo lake, Shibuda anasema wananchi wa Maswa wanakabiliwa na uhaba mkubwa wa chakula; kunahitajika tani 2,209 za chakula cha nafaka ili kukabiliana na hali hiyo.
    Anasema tatizo jingine kubwa linalokabili wilaya yake ni kukosekana kwa malisho kwa ajili ya wafugaji, jambo ambalo linasababisha wafugaji kuhama kutoka eneo moja hadi jingine.
    Kuhusu elimu, Shibuda anajitapa kwamba jimbo lake ni miongoni mwa wilaya chache nchini zilizopiga hatua kubwa kimaendeleo katika sekta ya elimu.

    Anasema kila mwaka anapeleka vijana zaidi ya 50 katika vyuo mbalimbali vya ualimu nchini kusomea kazi hiyo, ili mara wakishahitimu mafunzo yao warudi Maswa kuendeleza ndugu zao. “Hapa napiga ndege wawili kwa jiwe moja. Kwanza, ninatoa ajira; pili, ninakabiliana na uhaba wa walimu katika shule zetu,” anasema.
    Anasema, “Mimi nimezama kwa wananchi. Mkaa wetu pale Maswa ni wa kinyesi cha ng’ombe. Watu ambao hawakuzoea hayo hawawezi kuja Maswa, ndiyo maana ninatengeneza vijana wa Maswa kufanya kazi hii ambayo haiwezi kufanywa na watu kutoka maeneo mengine.”
    Wilaya ya Maswa ina kata 18, na Shibuda anasema amejitahidi kupeleka maendeleo kila kata.
    Kuhusu kugombea urais katika uchaguzi ujao, Shibuda anasema atachukua fomu ya kuomba kuwania nafasi hiyo kupitia CCM.
    Anasema, “Hakuna wa kumzuia kuchukua fomu kuchuana na rais wa sasa, Jakaya Kikwete. Nani anasema ana hatimiliki ya urais? Nitachukua fomu na kila anayetaka kugombea akiwamo Rais Kikwete ajue wazi kuwa kuna Shibuda ambaye ni moto wa kuotea mbali,” anasisitiza.
    John Paulo Magale Shibuda alizaliwa mwaka 1950 huko Ndanda, wilaya ya Masasi. Ni mtoto wa Paulo Magale, askari wa zamani aliyeshiriki katika Vita Vikuu vya Pili vya Dunia. Ameoa na ana watoto watano.
     
  2. Bluray

    Bluray JF-Expert Member

    #2
    Sep 11, 2009
    Joined: Mar 25, 2008
    Messages: 3,445
    Likes Received: 26
    Trophy Points: 135
    Right about now most half-birdbrained dimwit dingbats would be more qualified than the incumbent.
     
    Last edited: Sep 11, 2009
  3. T

    The Infamous JF-Expert Member

    #3
    Sep 11, 2009
    Joined: May 11, 2009
    Messages: 719
    Likes Received: 6
    Trophy Points: 35

    hana mpya atatulizwa atulie na wana ccm wenzake, ndani ya ccm wote walewale tu...mazuri machache pumba nyingi..viongozi wasio na busara taifa wataligeuza jalala.
     
  4. S

    Solomon David JF-Expert Member

    #4
    Sep 11, 2009
    Joined: Mar 1, 2009
    Messages: 1,149
    Likes Received: 1
    Trophy Points: 0
    Kidumu chama cha mapinduzi ---- kidumu
     
  5. Jile79

    Jile79 JF-Expert Member

    #5
    Sep 11, 2009
    Joined: May 28, 2009
    Messages: 8,754
    Likes Received: 104
    Trophy Points: 145
    kama chama cha demokrasia na maendeleo kimeshindwa kuonyesha demokrasia we unafikiri itakuwaje kwa chama hiki kikongwe.shibuda anataka tu atambulike ili hata baadae afikiriwe si unajua tena ndugu yangu mambo ya siasa.......ni maandalizi ya 2015
     
  6. K

    Kakalende JF-Expert Member

    #6
    Sep 11, 2009
    Joined: Dec 1, 2006
    Messages: 3,260
    Likes Received: 19
    Trophy Points: 135
    Alijaribu Sabi Munasa mwaka 2000 lakini hata form yake ya kugombea haikupokelewa.
     
  7. M

    Magezi JF-Expert Member

    #7
    Sep 11, 2009
    Joined: Oct 26, 2008
    Messages: 2,733
    Likes Received: 8
    Trophy Points: 135
    CHADEMA siyo dira ya demokrasia na bado ni changa sana kuitolea mfano. CCM kama ni kuoza imeoza tu issue ya CHADEMA isiwe sababu.
     
  8. M

    Magezi JF-Expert Member

    #8
    Sep 11, 2009
    Joined: Oct 26, 2008
    Messages: 2,733
    Likes Received: 8
    Trophy Points: 135
    Lakini jamani shibuda huyu na form four yake ataweza kuongoza nchi??
     
  9. M

    Magezi JF-Expert Member

    #9
    Sep 11, 2009
    Joined: Oct 26, 2008
    Messages: 2,733
    Likes Received: 8
    Trophy Points: 135
  10. Mwiba

    Mwiba JF-Expert Member

    #10
    Sep 11, 2009
    Joined: Oct 23, 2007
    Messages: 7,604
    Likes Received: 188
    Trophy Points: 160
    Hapa panataka kupindishwa wananchi na wanachama na vyama vya upinzani wote na vyote vielekee huko na kuacha mikakati ya kuing'oa ZZM ,inatakikana vyama vya upinzani visiweke wala visitupie macho mambo ya CCM ambayo huwa kama michezo ya kuigiza yenye lengo maalum nalo ni la kuwapindisha.

    Mara wanazozana kwenye mambo ya muungano ,ni ccm hao ,mara wanazongana kwenye nec ni ccm hao mara wanajigawa kama amoeba na kutupiana maneno ni ccm hao ,na utaona wananchi wote pamoja na vyama vyao vya upinzani nao wanazolewa na kujikwamisha kwenye kundi la upande mmoja na kusababisha migongano ya mawazo aidha kuvigawa vyama vya upinzani na wananchi kwa ujumla.

    Hizi mechi za mazoezi ya CCM ni bora waachiwe wenyewe kabisa ,wapinzani wawe na mwelekeo mmoja tu nao ni kumng'oa nduli CCM au Sultan CCM kama mnavyoona kwa huyo Kibuda analinganisha wenziwe na Usultani ,hayo ni yao wauwane wapigane masumbwi ,kazi kwao ,kama CCM wameshapoteza dira ya kuliongoza Taifa hili basi ni kwa vyama vya upinzani kuwafahamisha wananchi kuanzia sasa kuwa ,CCM si chama tena cha siasa bali ni genge kubwa linaloiendesha Tanzania kivaluvalu au kijanjakijanja ili kujitajirisha kwa wachache walio miongoni mwao.
     
  11. Zakumi

    Zakumi JF-Expert Member

    #11
    Sep 11, 2009
    Joined: Sep 24, 2008
    Messages: 4,574
    Likes Received: 11
    Trophy Points: 135
    Halima Mdee for president.
     
  12. nguvumali

    nguvumali JF Bronze Member

    #12
    Sep 11, 2009
    Joined: Sep 3, 2009
    Messages: 4,793
    Likes Received: 15
    Trophy Points: 135
    Shibuda huyu kweli mwanaume wa shoka, anasimamia kile anachoamini hata kama kitaghalim nini, kweli mimi nitakupigia kura ya ndio.
     
  13. Field Marshall ES

    Field Marshall ES JF-Expert Member

    #13
    Sep 11, 2009
    Joined: Apr 27, 2006
    Messages: 12,659
    Likes Received: 39
    Trophy Points: 0
    - Kumbe eti tunataka rais mwanaume wa shoka? Sasa kina mama itakuwaje hawatakiwi kuwa marais wetu au?

    Respect.

    FMEs!
     
Loading...