Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Sheria inasema nini ikiwa wabunge watakosa imani na Rais?

Discussion in 'Jukwaa la Siasa' started by Naytsory, Apr 22, 2012.

  1. N

    Naytsory JF-Expert Member

    #1
    Apr 22, 2012
    Joined: Nov 3, 2011
    Messages: 1,167
    Likes Received: 5
    Trophy Points: 135
    Inaonekana Mawazi wengi waliojiuzulu wameonewa na hata watendaji wengine wa Serikali. Rais wetu anafahamu tatizo liko wapi lakini anawakingia kifua wahalifu kwa sababu anazojua mwenyewe lakini sisi wananchi tuliompa dhamana ya kuilinda katiba ya JMT kwa kumwapisha mbele ya Mungu leo tunaambiwa ni upepo utakaopita tu. Nasema hata kama sheria haisemi kitu au wabunge wakaogopa kupiga hizo kura lakini kiapo alichokula kwa kumnyooshea Mwenyezi Mungu Kuruan itamtafuna yeye na familia yake kwani Mungu hadhihakiwi, Rais anakiuka katiba makusudi huku wananchi wanalia na kulalamika maisha magumu kutokana na watawala kukiuka kiapo chao na kujinufaisha wenyewe. Mwenyezi Mungu hatawaacha.
     
  2. OSOKONI

    OSOKONI JF-Expert Member

    #2
    Apr 22, 2012
    Joined: Oct 20, 2011
    Messages: 7,162
    Likes Received: 1,409
    Trophy Points: 280
    46A.-(1) Bila ya kujali masharti ya ibara ya 46 ya Katiba hii,
    Bunge linaweza kupitisha azimio la kumuondoa Rais madarakani
    endapo itatolewa hoja ya kumshtaki Rais na ikapitishwa kwa
    mujibu wa masharti ya ibara hii.
    (2) Bila ya kuathiri masharti mengineyo ya ibara hii, hoja
    yoyote ya kumshtaki Rais haitatolewa isipokuwa tu kama
    inadaiwa kwamba Rais-
    Sheria ya …. (a) ametenda vitendo ambavyo kwa jumla vinaivunja
    Katiba au Sheria ya Maadili ya Viongozi wa Umma;
    (b) ametenda vitendo ambavyo vinakiuka maadili
    yanayohusu uandikishwaji wa vyama vya siasa
    yaliyotajwa katika ibara ya 20(2) ya Katiba, au
    (c) amekuwa na mwenendo unaodhalilisha kiti cha Rais
    wa Jamhuri ya Muungano, na haitatolewa hoja ya
    namna hiyo ndani ya miezi kumi na miwili tangu hoja
    kama hiyo ilipotolewa na ikakataliwa na Bunge.
    (3) Bunge halitapitisha hoja ya kumshtaki Rais isipokuwa tu
    kama-
    (a) taarifa ya maandishi, iliyotiwa sahihi na kuungwa
    mkono na Wabunge wasiopungua asilimia ishirini ya
    Wabunge wote itawasilishwa kwa Spika siku
    thelathini kabla ya kikao ambapo hoja hiyo
    inakusudiwa kutolewa Bungeni, ikifafanua makosa
    aliyoyatenda Rais, na ikipendekezwa kuwa Kamati
    Maalum ya Uchunguzi iundwe ili ichunguze
    mashataka yaliyowasilishwa dhidi ya Rais;
    (b) wakati wowote baada ya Spika kupokea taarifa
    iliyotiwa sahihi na Wabunge na kujiridhisha kuwa
    masharti ya Katiba kwa ajili ya kuleta hoja
    yametimizwa, Spika atamruhusu mtoa hoja
    kuiwasilisha hoja hiyo, na kisha Spika atalitaka
    Bunge, bila ya kufanya majadiliano, lipige kura juu ya
    hoja ya kuunda Kamati Maalum ya Uchunguzi na
    kama ikiungwa mkono na Wabunge waiopungua
    theluthi mbili ya Wabunge wote atatangaza majina ya
    wajumbe wa Kamati Maalum ya Uchunguzi.
    (4) Kamati Maalum ya Uchunguzi, kwa madhumuni ya ibara
    hii, itakuwa na wajumbe wafuatao, yaani-
    (a) Jaji Mkuu wa Jamhuri ya Muungano, ambaye
    atakuwa ndiye Mwenyekiti wa Kamati;
    (b) Jaji Mkuu wa Tanzania Zanzibar na
    Katiba ya Jamhuri ya Muungano wa Tanzania

    38
    (c) Wajumbe saba walioteuliwa na Spika kwa mujibu wa
    Kanuni za Bunge na kwa kuzingatia uwiano wa
    uwakilishi baina ya vyama vya siasa
    vinavyowakilishwa Bungeni.
    (5) Endapo Bunge litapitisha hoja ya kuunda Kamati Maalum
    ya Uchunguzi, Rais atahesabiwa kuwa hayupo kazini, kisha kazi
    na madaraka ya Rais yatatekelezwa kwa mujibu wa masharti ya
    ibara ya 37(3) ya Katiba hii hadi Spika atakapomfahamisha Rais
    juu ya azimio la Bunge kuhusiana na mashataka yaliyotolewa
    dhidi yake.
    (6) Ndani ya siku saba baada ya Kamati Maalum ya Uchuguzi
    kuundwa, itakaa ichunguze na kuchambua mashataka dhidi ya
    Rais, pamoja na kumpatia Rais fursa ya kujieleza, kwa kufuata
    utaratibu uliowekwa na Kanuni za Bunge.
    (7) Mapema iwezekanavyo, na kwa vyovyote vile katika muda
    usiozidi siku tisini, Kamati Maalum ya Uchunguzi itatoa taarifa
    yake kwa Spika.
    (8) Baada ya Spika kupokea taarifa ya Kamati Maalum ya
    Uchunguzi, taarifa hiyo itawasilishwa Bungeni kwa kufuata
    utaratibu uliowekwa na Kanuni za Bunge.
    (9) Baada ya taarifa ya Kamati Maalum ya Uchunguzi
    kuwasilishwa kwa mujibu wa ibara ndogo ya (8), Bunge litaijadili
    taarifa hiyo na litampa Rais fursa ya kujieleza, na kisha, kwa kura
    za Wabunge wasiopungua theluthi mbili ya Wabunge wote,
    Bunge litapitisha azimio ama kuwa mashtaka dhidi ya Rais
    yamethibitika, na kwamba hastahili kuendelea kushika kiti cha
    Rais, au kuwa mashtaka hayo hayakuthibitika.
    (10) Endapo Bunge litapitisha azimio kuwa mashtaka dhidi ya
    Rais yamethibitika na kwamba hastahili kuendelea kushika kiti
    cha Rais, Spika atawafahamisha Rais na Mwenyekiti wa Tume
    ya Uchaguzi juu ya azimio la Bunge, na hapo Rais atawajibika
    kujiuzulu kabla ya kuisha kwa siku ya tatu tangu Bunge
    lilipopitisha azimio hilo.
    (11) Endapo Rais ataacha kushika kiti cha Rais kutokana na
    mashataka dhidi yake kuthibitika, hatakuwa na haki ya kupata
    malipo yoyote ya pensheni wala kupata haki au nafuu nyinginezo
    alizo nazo kwa mujibu wa Katiba au Sheria yoyote iliyotungwa na
    Bunge.
    Katiba ya Jamhuri ya Muungano wa Tanzania
     
  3. N

    Naytsory JF-Expert Member

    #3
    Apr 22, 2012
    Joined: Nov 3, 2011
    Messages: 1,167
    Likes Received: 5
    Trophy Points: 135
    Kwa vifungu hivyo mkuu na kwa kuwa jaji mkuu ni mteule wa rais, halafu ni mpaka ashitakiwe tusitegemee nafuu yoyote katika maovu yanayoendelea chini ya utawala huu na hakuna Mtanzania atakayethubutu kumshitaki rais kwa kuhofia usalama wake. Mungu na Umma wa Watanzania ndio watakaoweza kuamua hatima yake.
     
Loading...