Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Serikali kuunda tume mpya ya mipango

Discussion in 'Habari na Hoja mchanganyiko' started by Kasheshe, Sep 21, 2008.

  1. Kasheshe

    Kasheshe JF-Expert Member

    #1
    Sep 21, 2008
    Joined: Jun 29, 2007
    Messages: 4,594
    Likes Received: 16
    Trophy Points: 135
    Mambo ya kujadili haya hapa! Kujadili watu imetosha sasa tujadili hoja!

    Na Boniface Meena, Bagamoyo:


    SERIKALI imeanza mchakato wa kuunda tume mpya ya mipango ili kiwe chombo kikuu cha kutoa dira na mwelekeo wa maendeleo ya nchi baada ya Rais Kikwete kuunganisha Wizara ya Mipango, Uchumi na Uwezeshaji na Wizara ya Fedha na uchumi.

    Katika maandalizi ya mchakato huo wadau mbalimbali wa uchumi nchini walikutana Bagamoyo jana katika warsha ya siku moja kujadili namna tume hiyo itafanya kazi vipi.

    Akifungua warsha hiyo Katibu Mkuu Kiongozi, Philemon Luhanjo alisema warsha hiyo imekutanisha wadau mbalimbali ili kuelezana majukumu ya tume hiyo mpya.

    "Lengo ni kupata mawazo ya wadau mbalimbali ili kujua nini hasa tume ya mipango ifanye katika kuleta maendeleo na kukuza uchumi wa nchi yetu," alisema Luhanjo.

    Alisema wadau hao ambao wako nje ya serikali wanaweza kutoa ushauri zaidi utakaoiwezesha tume kufanya kazi kwa ufanisi.

    "Nia hasa ni kuondoa umasikini kwani ndiyo changamoto kubwa inayoikabili nchi yetu," alisema Luhanjo.

    Alisema kuamua kushirikisha wadau hao ni kutokana na tume ya kwanza kuwa ya kiserikali zaidi na hivi sasa serikali imeamua kuifanya iwe tume huru na shirikishi.

    "Kazi za tume zitakuwa ni za kufikiri zaidi na kufanya utafiti na siyo kuwa na utafiti wa ndani tu bali hata nje ya nchi," alisema Luhanjo.

    Alisema tume hiyo itahusika kusaidia sekta zote za serikali hasa katika suala la mipango.

    Naye Gavana wa Benki Kuu Beno Ndulu alisema kuanzishwa kwa tume hiyo kutasaidia kwani serikali imekuwa ikifanya kazi bila mipango kwa muda mrefu na huu ni wakati mzuri kuwa na chombo kitakachoshirikisha wananchi ili kusaidia kufikia malengo.

    Alisema tume hiyo itakuwa huru na kuweza kufanya tathmini ya mipango bila kuwa na vikwazo vya kiutendaji kutokana na kushirikisha wadau wa nje ya serikali.

    Naye Profesa Samuel Wangwe alisema tume hiyo itatakiwa kuweka kipaumbele chenye dira na maendeleo ili maendeleo yaonekane hasa kwa kutumia rasilimali zilizopo hapa nchini akitolea mfano madini.

    Alisema kushirikisha wadau ni vizuri lakini mipango iwe na mikakati ambayo itaweza kufikia malengo na sio kushirikisha wadau kwaajili ya mipango tu halafu utekelezaji ukawa duni.
     
  2. Rev. Kishoka

    Rev. Kishoka JF-Expert Member

    #2
    Sep 22, 2008
    Joined: Mar 7, 2006
    Messages: 4,396
    Likes Received: 16
    Trophy Points: 135
    What happened to tume ya Kipokola, Mbogoro na wachuymi wengine?
     
  3. Mzee Mwanakijiji

    Mzee Mwanakijiji Platinum Member

    #3
    Sep 22, 2008
    Joined: Mar 10, 2006
    Messages: 30,384
    Likes Received: 2,446
    Trophy Points: 280
    What happened to COSTECH!?
     
  4. M

    Morani75 JF-Expert Member

    #4
    Sep 22, 2008
    Joined: Mar 1, 2007
    Messages: 619
    Likes Received: 2
    Trophy Points: 0
    Wakuu, hizo tumeshazisahau.... Tunataka tume nyingine mpya ili tuanzishe ajira!! Ha ha haaaaa
     
  5. Mpita Njia

    Mpita Njia JF-Expert Member

    #5
    Sep 22, 2008
    Joined: Mar 3, 2008
    Messages: 7,014
    Likes Received: 17
    Trophy Points: 135
    Ameunganisha wizara tangu februari, yaani miezi sita yote ndio kwanza serikali imeanza mchakato... kweli tuna safari ndefu
     
Loading...