Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Sakata la kuuzwa UDA: Kauli za Idd Simba, Masaburi, Kisena et al utata mtupu

Discussion in 'Jukwaa la Siasa' started by kaburunye, Aug 5, 2011.

  1. kaburunye

    kaburunye JF-Expert Member

    #1
    Aug 5, 2011
    Joined: May 12, 2010
    Messages: 675
    Likes Received: 4
    Trophy Points: 0
    Gazeti la majira la leo linaripoti kuwa Idd Simba anadai ile pesa aliyoingiziwa kwenye akaunt yake na mnunuzi (Simon) haihusiani na mauzo ya UDA bali ni consultancy fees (yaani malipo ya ushauri wa kitalaam) alioutoa kwa SImon Group. SImon yeye anadai hajawahi kupata ushauri wa kitaalam kutoka Idd SImba bali pesa hiyo ni malipo ya ununuzi wa UDA. Yaani ni full utata....

    Habari yenyewe hii hapa

    Kashfa UDA - Idd Simba azungumzia kilichotokea

    Iddi Simba ajibu tuhuma dhidi yake

    Aliyekuwa Mwenyekiti wa Bodi ya Wakurugenzi wa kampuni hiyo, Bw. Idd Simba amejibu tuhuma zilizoelekezwa kwake, akisema mchakato wote ulikwenda kwa mujibu wa taratibu na sheria za nchi, akisema serikali ilijulishwa kila hatua.

    Huku akitoa madai ya kughushiwa kwa saini ya Meneja wa UDA, Bw. Victor Milanzi kuonesha kuwa mnunuzi alielekezwa kuweka fedha katika akaunti binafsi, Bw. Simba alisema kuwa kutokana na mchakato wa uuzwaji wa UDA kufuata sheria na taratibu za nchi kadri zinavyojulikana, si sawa kusema kampuni hiyo imemilikisha hisa zake isivyo halali wala kuwa imetapeliwa fedha zake.

    Akizungumza na Majira juu ya sakata hilo, hasa tuhuma kuwa alipokea sehemu ya malipo ya ununuzi na fedha hizo kwenye akaunti yake binafsi, Bw. Simba alisema kuwa fedha hizo hazihusiani na ununuzi na uuzwaji wa UDA, bali masuala mengine kati yake na Simon Group Ltd.

    Bw. Simba ambaye amewahi kuwa kiongozi mwandamizi serikalini, alisema kuwa taarifa za mchakato wote wa uuzwaji wa UDA alikuwa akiziwasilisha serikalini, kwa Katibu Mkuu Wizara ya Uchukuzi na kwa Kampuni Hodhi ya Mashirika ya Umma (CHC).

    Alisema kwa mujibu wa kanuni za UDA, madaraka ya uuzaji wa hisa ambazo hazijagawiwa yako mikononi mwa bodi ya wakurugenzi, ndiyo maana bodi iliendelea na mchakato wa kumuuzia Simon Group kwa mujibu wa sheria na mkataba wa mauzo ukafanyika, huku hisa hizo zikilipiwa, hivyo si kweli kwamba ziliuzwa kiholela.

    "Mchakato wote ulikwenda kwa mujibu wa sheria na kanuni. Tulikuwa tunapata ushauri wa wanasheria katika mchakato mzima. Hao wanaodhani na kusema kwamba Simon Group imetapeliwa na kwamba haikumilikishwa hisa za UDA kihalali si sawa, kwani uuzwaji ulifanyika kwa mujibu wa kanuni na sheria tunavyozielewa.

    "Kibaya kilichotokea ni kwamba baada ya Simon Group kuhalalishiwa ununuzi wa hisa hizo na kulipia malipo ya kwanza ya milioni 285, mwenyekiti (wa Simon Group), Bw. Robert Kisena akataka kuingia katika utendaji wa kampuni na uongozi wake, hata kabla ya AGM (mkutano wa wanahisa wa mwaka).

    "Alipokatazwa kufanya hivyo na kushauriwa kwamba asubiri mpaka taratibu zikamilike, akaingia kwa nguvu kwenye majengo ya kampuni (UDA), kinyume kabisa cha taratibu. Hapo ndipo vurugu zilipotokea. Alipohojiwa hajakamilisha malipo ya pili kama ilivyotakiwa alidai kuna pesa alishalipa katika akaunti yangu mimi Idd Simba, kwa mujibu barua aliyoandikiwa na uongozi wa UDA," alisema Bw. Simba na kuongeza;

    "Moja, barua ni ya kughushi, kwa sababu Meneja wa UDA, Milanzi hakuandika barua wala hakukuwa na maagizo yoyote ya yeye kulipia hisa zake kupitia akaunti binafsi. Hilo jambo lisingewezekana.

    "Lakini ieleweke kwamba muda mrefu kabla ya tukio hilo na katika shughuli ambazo hazihusiani hata kidogo na UDA, zilizotokana na ushauri wa jumla wa kibiashara aliotaka kutoka kwangu, alikuwa anastahili kulipa fedha zangu binafsi. Nilitoa amri ya kulipia katika akaunti yangu, alifanya hivyo kwa awamu tofauti kadri nilivyotoa maagizo."

    Akizungumza mbele ya mwanasheria wake, Bw. Simba alipoulizwa iwapo watu hawawezi kuhoji mgongano wa maslahi ulio wazi katika suala hilo, la Simon Group kununua hisa katika shirika (UDA) ambalo yeye ni mwenyekiti wa bodi, huku pia wakati huo huo yeye akitoa ushauri wa kibiashara kwa kampuni iliyotaka kununua UDA, alisema;

    "Ndiyo wanaweza kuhoji...lakini sasa mimi si mtumishi wa umma, pale UDA mimi si mwajiriwa. Mimi nauza maneno, natoa ushauri. Ukija kutaka ushauri siwezi kukutalia. Lakini kwenye bodi tulikuwa serious sana. Tatizo ni kwamba mwanzoni sikutilia maanani sana tabia ya Robert Kisena, kwa sababu mimi nilikuwa na hamu sana mzawa achukue UDA, siyo kila kitu nchi hii anachukua mwekezaji mgeni," alisema Bw. Simba.

    Alisema kwamba inasikitisha kuona mpaka sasa serikali haijachukua hatua yoyote kuinusuru UDA, akionesha matumaini yake kwa CHC itachukua hatua za haraka kurejesha hali ya kawaida katika shirika hilo muhimu la usafiri Dar es Salaam, pia kwa kamati iliyoundwa kuchunguza suala hilo.

    Wakati Bw. Simba akisema kuwa fedha zilizowekwa katika akaunti yake binafsi hazina uhusiano wowote na uuzwaji wa UDA, Bw. Kisena amenukuliwa na baadhi ya vyombo vya habari akisema kuwa hawakuwahi kuwa na shughuli nyingine tofauti na hiyo ya ununuzi wa shirika hilo la umma.

    Akinukuliwa katika moja ya magazeti ya kila siku jana, Bw. Kisena alisema kuwa walilipa fedha hizo katika akaunti ya Bw. Simba, kama sehemu ya malipo ya ununuzi wa UDA, kutokana na maelekezo ya uongozi wa UDA, akisema kuwa anazo nyaraka zinazoonesha hivyo.
     
  2. M

    Mapujds JF-Expert Member

    #2
    Aug 5, 2011
    Joined: May 12, 2011
    Messages: 1,291
    Likes Received: 1
    Trophy Points: 135
    Serikali inasubiri nini kuwakamata wote na kuwanyonga?ushaidi upo wazi so wanachunguza nini?
     
  3. Kombo

    Kombo JF-Expert Member

    #3
    Aug 5, 2011
    Joined: Oct 29, 2010
    Messages: 1,819
    Likes Received: 6
    Trophy Points: 0
    Iddi Simba jaman tumekukosea nini wana wa nchi hii mpaka ututendee hivyo?

    .....Wakati mwingine watu wanajuta kuwa Watanzania, sababu ndo Kama hizi!
     
  4. T

    Technology JF-Expert Member

    #4
    Aug 5, 2011
    Joined: Oct 19, 2010
    Messages: 673
    Likes Received: 20
    Trophy Points: 35
    Haya endeleeni kutoa siri zenu!!!!!
     
  5. L

    Lua JF-Expert Member

    #5
    Aug 5, 2011
    Joined: May 19, 2011
    Messages: 705
    Likes Received: 1
    Trophy Points: 0
    na hii serikali yetu kwa kuchunguza tu wanawweza ila kutekeleza majibu ya uchunguzi ni zero.
     
  6. F

    Fanfa JF-Expert Member

    #6
    Aug 5, 2011
    Joined: Sep 25, 2009
    Messages: 538
    Likes Received: 0
    Trophy Points: 33
    Idd Simba ni tapeli, Magamba Robert Kisena kaingizwa chaka. Ndio maana anahaha kusingizia kuwa eti ni sehemu ya malipo ya UDA bali ni dili ambalo walielewana kuwa nipigie pande ninunue share za UDA nitakupa mshiko. Simba alifanya hivyo na kufanikiwa. Robert alipogundua deal ni batili ndo akaanza kuhaha. Hii ni Bongo
     
  7. Laurence

    Laurence JF-Expert Member

    #7
    Aug 5, 2011
    Joined: Jun 11, 2011
    Messages: 3,094
    Likes Received: 32
    Trophy Points: 145
    Hii ndio janja toto ya hawa wazee wa nchi,nae mkuu wa inji kabakia kibya kabisa ati uchunguzi ufanyike? Natamani Rais Paul Kagame wabadilishane na Jk kwa muda wa miezi kadhaa then afanye yale anayoyafanya Rwanda muone hawa jamaa wezi watakavyoshikishwa adabu
     
  8. I

    IPECACUANHA JF-Expert Member

    #8
    Aug 5, 2011
    Joined: Feb 19, 2011
    Messages: 1,609
    Likes Received: 11
    Trophy Points: 135
    Kila siku ipitayo tunathibitisha kwamba viongozi tulionao hawana maadili binafsi na ya uongozi wanaopewa. Suala la Iddi Simba ni mfano wa ukosefu wa maadili walionao viongozi wetu. Moja ya sababu kubwa inayotufikisha hapa tulipo ni kwamba viongozi wa nchi hii hawapati nafasi hizo kwa njia asilia za kupata uongozi (natural ascendance to leadership) bali ni kwa kutumia undugu,urafiki,upenzi, Hongo za aina zote, urafiki wa kibiashara n.k. Hivi kweli kwa mtu wa uzoefu na uwezo kipesa kama Iddi Simba kuwa kati ya "waliofisadi" shirika ambalo tayari lilishajifia ineleweka? Ameshafisadi mangapi mpaka hapa tulipo? Hapa hatutapona mpaka watu wafunzwe adabu ya kuheshimu mali ya umma na njia iliyomwafaka ni kuiga China na uwazi walionao katika kutoa adhabu kwa makosa kama Rushwa, Uzembe na Biashara ya dawa za kulevya. Nchi inayomba kama meli iliyopigwa na dhuruba...Hapa tulipo tuko kwenye hali ya hatari...Naacha kuandika kwa hasira maana umeme hamna na mafuta nayo imekua bidhaa adimu ya kuipata kwa kidumu na kwa foleni.Grrrrrrrrrrrrrrmfffffffffffffffffffff 
     
  9. G

    Godwine JF-Expert Member

    #9
    Aug 5, 2011
    Joined: Jan 15, 2010
    Messages: 1,352
    Likes Received: 13
    Trophy Points: 135
    mjumbe punguza jazba kwani nini utawala wa sheria hauendi hivyo lazima wapatiwe nafasi ya kuhojiwa na kufikishwa mahakamani ndio wahukumiwe
     
  10. Steve Dii

    Steve Dii JF-Expert Member

    #10
    Aug 5, 2011
    Joined: Jun 25, 2007
    Messages: 6,414
    Likes Received: 40
    Trophy Points: 145
    Hii ni mitapeli inayo lelewa na si mwingine yule, bali Mh. Rais wetu Kikwete!! Mambo ya kuzungukazunguka mibuyu kwa chunguzi zisizo na tija ni kupoteza muda, uovu uko wazi, hawa ni majangiri ya mali za wananchi!!
     
  11. Chimunguru

    Chimunguru JF-Expert Member

    #11
    Aug 5, 2011
    Joined: May 3, 2009
    Messages: 9,816
    Likes Received: 176
    Trophy Points: 160
    NI wizi tuuu kwa kwenda mbele hakuna mwaminifu hata mmoja
     
  12. nngu007

    nngu007 JF-Expert Member

    #12
    Aug 5, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145
    Idd Simba (CCM) na Bob Makani (Chadema) Uhusiano wao Watoto wao Wameoana

    Is this Conflict of Interest?
     
  13. Mpita Njia

    Mpita Njia JF-Expert Member

    #13
    Aug 5, 2011
    Joined: Mar 3, 2008
    Messages: 7,014
    Likes Received: 17
    Trophy Points: 135
    Hivi huyu Idd Simba anadhani watanzania ni wajinga saaaaaana?
     
  14. Nyambala

    Nyambala JF-Expert Member

    #14
    Aug 5, 2011
    Joined: Oct 10, 2007
    Messages: 4,468
    Likes Received: 10
    Trophy Points: 135
    Bongo kweli tambarare yaani huyo Idd Simba ni mwenyekiti wa bodi ya UDA anatoa consultancy ya ununuzi wa UDA kwa Simon group, na huyo Simon group nusura awe mbunge wa CCM.
     
  15. manenge

    manenge JF-Expert Member

    #15
    Aug 5, 2011
    Joined: Apr 30, 2008
    Messages: 280
    Likes Received: 3
    Trophy Points: 0
    This is a direct theft which needs to be delt forthwith. It is shame up on us leaving everyone to grab even the little remain
     
  16. N

    Ntandalilo Member

    #16
    Aug 5, 2011
    Joined: Mar 15, 2011
    Messages: 96
    Likes Received: 0
    Trophy Points: 0
    Ataiharibu Rwanda!!
     
  17. M

    Mjenda Chilo JF-Expert Member

    #17
    Aug 5, 2011
    Joined: Jul 20, 2011
    Messages: 1,426
    Likes Received: 59
    Trophy Points: 145
    sasa wakioana ndo nini? out of topic, labda useme makani amefaidi matunda ya ufisadi uliopitia toka kwa mwanae alioupata toka kwa mkwewe. also not a big deal. mi nahisi hiyo hela aliyolipwa ilikuwa ni facilitation fee (kilainishi). Umeona statement ya simon group, wanadai wamelipa mpaka sasa amount ambavyo ina decimal points ndogondogo sana, kwa mtazamo wangu jamaa kastuka kile kilainishi chake kinaweza kupotea kwa hiyo kakiingiza kwenye malipo ili ionekane ni sehemu ya malipo na adhabu kwa mzee kwa kushindwa kulainisha dili. Kwakua mwaga mboga na ugali imeshaanza basi stay tuned utaniambia. Ukitaka kuamini angalia basis za kulipa hiyo amount, why that amount, 10%, 20% etc sio kweli, zile sio sio za manunuzi kabisaaaa. Napigania wazawa, ili uwaumize kwasababu ni wajinga??????????!!!!!!!!!
     
  18. TzPride

    TzPride JF-Expert Member

    #18
    Aug 5, 2011
    Joined: Nov 2, 2006
    Messages: 2,255
    Likes Received: 126
    Trophy Points: 160
    sasa wewe unataka mrundi akuonee huruma wakati watz wenzako ndio wanampasia ulaji?
     
  19. Ibra Mo

    Ibra Mo JF-Expert Member

    #19
    Aug 5, 2011
    Joined: Oct 27, 2010
    Messages: 795
    Likes Received: 9
    Trophy Points: 35
    Wamekutana wote matapeli huyu Robert Kisena maarufu kwa jina la Saimon Agency ni mdhulumaji mkubwa hata huo utajiri wake umetokana nakuwadhulumu wakulima wa pamba. malipo ni hapahapa duniani.
     
  20. nngu007

    nngu007 JF-Expert Member

    #20
    Aug 5, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145
    Ndugu yangu, Ni heri Jakaya Kikwete ambaye hajachukua na kuwa na Damu ya Mwanadamu mwilini Mwake, ila ni kuipa rasilimali ambazo atakufa na kuziacha na ametuacha sisi salama na umasikini wetu; Kuliko Huyo Rais Paul Kagame ambaye ana Damu za watu wengi ambao wani waaminifu na hawana hatia, kwasababu ya ulafi wa madaraka akaamua kuingia porini na kuua maadui zake; Heri Jakaya Kikwete simpendi lakini ameniacha huru nakufa na umasikini wangu
     
Loading...