Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Report ya kamati ndogo ya bunge-sector ya gas

Discussion in 'Jukwaa la Siasa' started by TzPride, Nov 18, 2011.

  1. TzPride

    TzPride JF-Expert Member

    #1
    Nov 18, 2011
    Joined: Nov 2, 2006
    Messages: 2,255
    Likes Received: 126
    Trophy Points: 160
    Habari za asubuhi waheshimiwa. Ninaomba kama kuna mtu anaweza kuweka copy ya report kamati ndogo ya bunge iliyoundwa kuchunguza sector ya gas.
    Nitashukuru kwa msaada huo.
     
  2. PhD

    PhD JF-Expert Member

    #2
    Nov 18, 2011
    Joined: Jul 15, 2009
    Messages: 3,798
    Likes Received: 746
    Trophy Points: 280
    subiri kidogo
     
  3. TzPride

    TzPride JF-Expert Member

    #3
    Nov 18, 2011
    Joined: Nov 2, 2006
    Messages: 2,255
    Likes Received: 126
    Trophy Points: 160
    Asante mkuu PhD. Ingekuwa vizuri tukaipitia kabla ya kuwa tabled, ili tuweze kuona relevance ya michango ya waheshimiwa wa mjengoni.
     
  4. Jidundufila

    Jidundufila Member

    #4
    Nov 18, 2011
    Joined: Nov 2, 2010
    Messages: 86
    Likes Received: 0
    Trophy Points: 13
    Mjadala mkali unaendelea hivi sasa.Ufisadi unazidi kuibuliwa na wabunge.
     
  5. Jidundufila

    Jidundufila Member

    #5
    Nov 18, 2011
    Joined: Nov 2, 2010
    Messages: 86
    Likes Received: 0
    Trophy Points: 13
    kigwangala: Walioiba bilion 46 warejeshe ndani ya siku 10
     
  6. Jidundufila

    Jidundufila Member

    #6
    Nov 18, 2011
    Joined: Nov 2, 2010
    Messages: 86
    Likes Received: 0
    Trophy Points: 13
    shibuda du!
     
  7. TandaleOne

    TandaleOne JF-Expert Member

    #7
    Nov 20, 2011
    Joined: Sep 4, 2010
    Messages: 1,598
    Likes Received: 96
    Trophy Points: 145
    TAARIFA YA KAMATI YA KUDUMU YA BUNGE YA NISHATI NA MADINI ILIYOSHUGHULIKIA UENDESHAJI WA SEKTA NDOGO YA GESI NCHINI


    Mheshimiwa Spika, awali ya yote naomba kuchukua fursa hii kwa niaba ya wajumbe wenzangu wa Kamati ya Kudumu ya Bunge ya
    Nishati na Madini kukushukuru wewe binafsi kwa kutoa kibali ili Kamati ya Nishati na Madini kupitia Kamati yake Ndogo kufanya kazi
    kwa lengo la kufanikisha utekelezaji wa majukumu ya kikatiba ya Bunge katika kuisimamia na kuishauri Serikali na vyombo vyake kwa
    niaba ya wananchi wa Jamhuri ya Muungano wa Tanzania.


    View attachment kamati gesi new 2 Ammended.pdf 2.pdf
     
  8. TzPride

    TzPride JF-Expert Member

    #8
    Nov 21, 2011
    Joined: Nov 2, 2006
    Messages: 2,255
    Likes Received: 126
    Trophy Points: 160
    File damaged! tafadhali iweke tena.
     
  9. Mhafidhina

    Mhafidhina JF-Expert Member

    #9
    Nov 22, 2011
    Joined: Feb 6, 2008
    Messages: 548
    Likes Received: 6
    Trophy Points: 0
    Wadau natafuta ile ripoti ya Tume ya Kamati ya Nishati na Madini iliyoongozwa na Januari Makamba kufuatilia hali ya uzalishaji Gesi Tanzania.

    Tunaomba iwekwe hapa ili wachambuzi tuisome kwa undani...!

    Asanteni
     
  10. Ngongo

    Ngongo JF-Expert Member

    #10
    Nov 22, 2011
    Joined: Sep 20, 2008
    Messages: 11,804
    Likes Received: 2,952
    Trophy Points: 280
    Naunga mkono hoja unajua tulikuwa busy na masuala ya akina Jairo tukasahau mambo muhimu sana.


     
  11. Mhafidhina

    Mhafidhina JF-Expert Member

    #11
    Nov 22, 2011
    Joined: Feb 6, 2008
    Messages: 548
    Likes Received: 6
    Trophy Points: 0
    Hii ripoti ni nzuri sana...! Hawa jamaa walifanya uchambuzi wa kina kuhusu upataikanaji na uzalishaji wa Gesi Tanzania. Walionyesha pia ni kwa kiasi gani Serikali yetu imekua ikiibiwa na kupoteza fedha kwenye masuala ya Gesi Tanzania...!

    Tafadhali mwenye nayo naomba taupatie hapa...!
     
  12. Gama

    Gama JF-Expert Member

    #12
    Nov 22, 2011
    Joined: Jan 9, 2010
    Messages: 6,896
    Likes Received: 264
    Trophy Points: 180
    Nedha kwenye jukwaa la jamii inteligency utafute bandiko " tanzania gas" ndo utajua maana ya January Makamba. Na utajua pia kuwa bunge linaendeshwa nje ya bunge.
     
  13. Imany John

    Imany John Verified User

    #13
    Nov 24, 2011
    Joined: Jul 30, 2011
    Messages: 2,593
    Likes Received: 52
    Trophy Points: 145
    Na Zitto Kabwe,

    Mkutano wa Tano wa Bunge la
    Jamhuri ya Muungano wa Tanzania
    pamoja na mambo mengine ulijadili
    Taarifa ya Kamati ya Bunge ya
    Nishati na Madini kuhusu Sekta
    ndogo ya Gesi nchini. Taarifa hii ilitokana na kazi iliyofanywa na
    Kamati ndogo iliyoundwa na Kamati
    ya Nishati na Madini chini ya
    uongozi wa Mbunge wa Bumbuli
    ndugu Januari Makamba. Miongoni
    mwa Hadidu rejea za Kamati ndogo zilikuwa ni kubainisha kama
    Mikataba, taratibu na Kanuni
    zinazotawala shughuli za gesi
    zinazingatia maslahi ya Taifa na
    hazitiliwi shaka na wadauna
    Kubainisha kama maamuzi yanayoendesha shughuli za gesi
    kama vile gharama za ujenzi,
    uendeshaji na mambo mengine
    yanayoweza kuathiri gharama na
    usalama wa shughuli yanafikiwa
    kwa ufanisi na yanazingatia maslahi ya Taifa. Taarifa ya Kamati iliwasilishwa
    Bungeni na kupitishwa na Bunge ili
    Serikali iweze kutekeleza maazimio
    zaidi ya ishirini na Sita
    yaliyopendekezwa. Miongoni mwa
    Maazimio hayo ni Azimio namba mbili ambalo linasema ‘Kamati
    imejiridhisha bila shaka kwamba
    kwa kipindi cha 2004 hadi 2009
    Kampuni ya Pan African Energy
    Tanzania Ltd (PAT) imejirudishia
    isivyo halali gharama zinazofikia jumla ya dola za kimarekani milioni
    28.1 sawa na fedha za kitanzania
    bilioni 46.3. Kutokana na kujirudishia
    fedha hizo isivyo halali kumefanya
    Serikali kukosa gawio lake linalofikia
    dola za kimarekani milioni 20.1. Aidha, mpaka wakati Kamati
    inaandaa ripoti hii, Kampuni ya Pan
    African Energy Tanzania Ltd (PAT)
    imeshindwa kuwasilisha uthibitisho
    wa uhalali wa kujirudishia gharama
    nyingine zinazofikia jumla ya dola za kimarekani milioni 36. Hali hii
    inaonyesha mashaka makubwa
    katika uendeshaji wa sekta hii
    muhimu ya gesi’. Azimio hili ni moja ya Azimio
    linalopaswa kuangaliwa kwa makini
    sana tunapojadili namna Tanzania
    inavyosimamia na kufaidika na
    Sekta ya Mafuta na Gesi. Taifa
    linafaidika kwa kiwango gani na Wawekezaji wanafaidika kwa
    kiwango gani ndio msingi wa
    Mikataba ya Mafuta na Gesi nchini.
    Hapajawa na mijadala mikali katika
    eneo hili kama ilivyo kwenye sekta
    ya Madini na hivyo kuachia kila kukicha Shirika la Maendeleo ya
    Mafuta Nchini (TPDC) likisaini
    Mikataba ya Kutafuta na kuchimba
    Mafuta na Gesi (Production Sharing
    Agreements – PSAs) bila Watanzania
    kujua haswa ni jambo gani linasainiwa. Hivi sasa kuna Mikataba
    hii 23 hapa nchini. Duniani kote kuna familia mbili za
    mikataba ya Mafuta na Gesi. Familia
    ya kwanza inaitwa ‘concessionery’
    ambapo Kampuni ya Mafuta ya
    Binafsi inapewa haki zote za
    mchakato mzima wa kutafuta, kuchimba, kusafirisha na kuuza
    Mafuta au Gesi. Umiliki wa Mafuta
    (rights) unakuwa ni wa Kampuni
    Binafsi na sio Serikali. Katika mfumo
    huu Kampuni hulipa mrahaba
    Serikalini na kodi zinazopaswa. Nchi kama Marekani, Uingereza na Canada
    hutumia mfumo huu. Familia ya pili ni Mikataba ya
    Uzalishaji au kwa Kiingereza
    Production Sharing Agreements
    (PSAs). Katika mfumo huu Haki
    (right) inabakia kuwa mali ya Taifa
    husika na Kampuni ya Mafuta huwa ni kama mkandarasi tu wa kutafuta
    na kuchimba mafuta. Akipata
    mafuta, anaondoa gharama za
    kuzalisha na faida inagawiwa kati ya
    Kampuni hiyo na nchi husika kupitia
    Shirika la Mafuta. Huu ndio mfumo unaotumika hapa Tanzania na
    ulianzia huko Indonesia na
    Venezuela miaka ya sitini.
    Kutokanana mfumo huu ndio
    tunapata masuala haya ambayo
    Kamati ya Nishati na Madini imegundua kama nitakavyofafanua
    kwa ufupi hapa chini. Mkataba wowote wa Mafuta na Gesi
    ni lazima uzingatie Uzalishaji na
    Mapato kwa ujumla, mrahaba kwa
    nchi, urejeshaji wa gharama za
    uzalishaji na kodi mbalimbali na
    namna faida inavyogawanywa. Kampuni ya Pan Africa Energy
    kujirejeshea gharama isizostahili za
    zaidi ya shilingi 46 bilioni ni sehemu
    ya mianya iliyopo katika mikataba
    yetu. Jumla ya shilingi 110 bilioni
    zimeonekana kuwa na mashaka makubwa katika mahesabu ya
    Kampuni hii. Taarifa inaonyesha kwamba
    Kampuni hii imeweka pia Gharama
    zao za uzalishaji kwa miradi ya nje
    ya Tanzania. Kwa kuwa Kampuni ya
    Pan Africa Energy Tanzania Limited
    ni Kampuni Tanzu ya Pan Africa Energy iliyosajiliwa ‘offshore’
    Mauritius ambayo nayo ni Kampuni
    tanzu ya Orca ambayo pia
    imesajiliwa visiwa vya Jersey,
    Tanzania isingekwepa kubambikiwa
    gharama ambazo si zake ili kupunguza mapato ya Serikali ya
    Tanzania. Imewahi kuelezwa huko
    nyuma kwamba hizi njia za
    kukwepa kodi zimeshamiri sana
    kutokana na Makampuni makubwa
    yanayofanya biashara hapa nchini kufanya ‘tax planning’ na hivyo
    kuhamisha mapato yao kwenda nchi
    zisizo na kodi kubwa kama
    Mauritius, Isle of Man, Jersey au hata
    City of London. Mwaka 2009 mwezi Aprili katika
    Taarifa yake ya mwaka, Kamati ya
    Hesabu za Mashirika ya Umma
    ililiambia Bunge kwamba Mkataba
    kati ya TPDC na Pan Africa Energy ni
    moja ya mikataba mibovu kuliko yote nchini. Hii ilitokana na ukweli
    kwamba kwa mujibu wa PSA kati ya
    TPDC na Pan Africa Tanzania,
    mrahaba wa mafuta wa asilimia 12
    unalipwa na TPDC na pia Kodi ya
    Mapato inakokotolewa kutoka katika mrahaba huo. Kwa maana
    hiyo Kampuni hii hailipi Mrahaba na
    pia hailipi kodi ya Makampuni
    (corporate tax) kwa mujibu wa
    Mkataba. Suala hili Kamati ya Nishati
    na Madini haikuliangalia (labda kwa kuwa ni la kimahesabu). Kamati ya
    POAC ilitaka mikataba yote ya
    Mafuta iangaliwe upya ili kuondoa
    mazonge haya yanayokosesha Taifa
    mapato makubwa sana. Uwezo wa TPDC kukagua mahesabu
    ya Kampuni za utafutaji mafuta ni
    mdogo au haupo kabisa. Kama TPDC
    wangekuwa na uwezo huu leo
    Kamati ya Nishati na Madini
    isingekuta madudu haya katika kampuni. Pia kama Kamati ya
    Nishati na Madini ingeangalia
    mikataba ya kampuni zote za
    kutafuta mafuta wangekuta madudu
    mengi zaidi. Kuna kampuni moja
    yenye kisima pale Mkuranga, wamesema gharama za kuchimba
    visima vile ni dola za Kimarekani
    240 milioni ilhali gharama halisi ni
    dola za kimarekani 60 milioni tu.
    Hivyo Gesi ikianza kuchimbwa
    itabidi warejeshe gharama zao kwanza. Tanzania haitapata lolote
    mpaka Gesi ile itakwisha. Kuna haja ya kufanya marekebisho
    makubwa sana katika uendeshaji na
    usimamizi wa sekta ya Gesi
    Tanzania. Shirika la TPDC
    lirekebishwe kwa kuanzisha
    Mamlaka ya Mafuta na Gesi yenye uwezo na nguvu ya kusimamia
    uwekezaji katika sekta hii. Vilevile
    kuwepo na Shirika la Mafuta na Gesi
    (PetroTan –National Oil and Gas
    Company) ambalo litashiriki katika
    uwekezaji kikamilifu na kampuni binafsi. Tusiposimamia vema sekta
    hii Taifa letu litaingia kwenye
    matatizo makubwa sana huko siku
    za usoni. Maneno ya Mwana Uchumi Gwiji
    Joseph Stiglitz ni ya kuzingatia sana.
    Anasema, Mara zote nchi
    zinazoendelea zijue,
    wanapojadiliana na Kampuni kubwa
    za Mafuta, Kampuni hizi hufikiria jambo moja tu. Jambo hilo ni
    kuongeza mapato yao kwa
    kupunguza mapato ya mataifa
    husika. Tanzania ni lazima ihakikishe
    kwamba inapangua mbinu zote za
    Makampuni makubwa kwa kujenga uwezo wa Wananchi wake kupitia
    Shirika la Mafuta na Gesi kuweza
    kuwa na mikataba yenye kujali faida
    kwa nchi. Hili la Pan Africa Energy
    litufumbue macho.
     
  14. SMU

    SMU JF-Expert Member

    #14
    Nov 24, 2011
    Joined: Feb 14, 2008
    Messages: 6,992
    Likes Received: 835
    Trophy Points: 280
    Safi sana mh zitto.....hivi ndivyo tubategemea wabunge wetu wote wafanye.
     
Loading...