Ray aamua...

Discussion in 'Celebrities Forum' started by Dr. Chapa Kiuno, Feb 29, 2012.

  1. Dr. Chapa Kiuno

    Dr. Chapa Kiuno JF-Expert Member

    #1
    Feb 29, 2012
    Joined: Sep 11, 2009
    Messages: 447
    Likes Received: 1
    Trophy Points: 0
    Na Mwandishi Wetu

    STAA anayemiliki mkwanja mrefu katika tasnia ya filamu za Kibongo, Vincent Kigosi ‘Ray’, amemvaa ngwiji mwenzake Steven Charles Kanumba na kumchana kwa kitendo cha kumlipua baba yake mzazi, mzee Charles Kusekwa, katika vyombo vya habari, Risasi Jumamosi lina mkanda mzima.

    Akizungumza na gazeti hili, Ray ambaye inadaiwa ana bifu baridi na Kanumba, alisema kitendo alichokifanya mshkaji wake si cha kiungwana kwa kuwa aliyekuwa anamzungumzia ni baba yake mzazi.

    HABARI KAMILI
    Ray alisema, hata kama baba yake angekuwa amefanya kosa kubwa kiasi gani, kumuanika kwenye vyombo vya habari ni kumkosea adabu.

    “Kiukweli pale Kanumba alikosea sana, huwezi kumsema mzazi wako. Baba ni Mungu wa duniani. Anatakiwa kuheshimiwa kwa namna yoyote,” alisema na kuongeza:

    “Kwanza mzazi huwa hakosei...tunatumia uungwana kusema, anasahau! Hata kama alimkosea, tutasema alijisahau...halafu unapomsema mzazi wako kwenye vyombo vya habari unatarajia nini? Adharaulike au? Hakufanya sawa hata kidogo.”

    NI LAANA

    Akiendelea kutambaa na mistari, Ray alisema kitendo alichokifanya Kanumba ni sawa na kutafuta laana.

    “Hata kama hatamlaani, lakini moja kwa moja ni laana. Huwezi kumkosesha amani mzazi wako kiasi kile. Nina uhakika Kanumba hakuomba ushauri kabla ya kwenda kwenye runinga.

    “Alikurupuka. Kama angezungumza na sisi wasanii wenzake, naamini hakuna ambaye angemkubalia. Tungemshauri vizuri tu. Hili ni kosa kubwa. Ni sawa na kumvua nguo mzazi wako,” alisema.

    Akaongeza: “Mbaya zaidi, baba yake amejibu tuhuma zake kwenye gazeti, na yeye tena akamjibu. Inaonesha ni kwa namna gani anapenda mashindano na mzazi wake. Si kitu kizuri hata kidogo. Hapo Kanumba alichemka, lazima aelewe huo ukweli.

    “Unajua kuna mambo mengine hayapaswi kujulikana na watu. Yeye kama msanii mkubwa, mwenye heshima, leo hii anaanika maisha yake ya utotoni? Eti baba alimtesa? Ili iweje? Amepata nini kwa kusema hayo kama siyo kumdhalilisha tu mzazi wake? Haikuwa sawa.

    “Haya mambo wangeyajadili kifamilia ingekuwa na maana zaidi kuliko kuyaanika hadharani.”


    AMTAKA AOMBE RADHI
    Ray alisema, Kanumba akitaka aendelee kupaa katika anga la filamu, anatakiwa kumuomba lazi baba yake.
    “Kitu pekee kilichobaki ni kumuomba baba yake msamaha. Amemkosea sana, amuombe amsamehe ili asibaki na kinyongo. Hiyo ndiyo njia pekee ya kumsafisha,” alisema na kuongeza:
    “Nina imani atamsamehe na watafungua ukurasa mpya. Huu ni ushauri wangu. Ana uhuru wa kuufuata au kuuacha. Mzazi siku zote ana huruma na mwanaye, bila shaka atamsamehe.”


    NI MWENDELEZO WA BIFU?

    Alipoulizwa kuwa sababu ya kusema yote kwa Kanumba ni kwa kuwa ana bifu naye, Ray aliruka kimanga, akaeleza kuwa, amefanya hivyo kama msanii mwenzake na ni kwa nia njema.

    “Sizungumzii mambo ya bifu hapa, naongelea usahihi wa alichokifanya. Naamini hata jamii haiwezi kuona eti kumshauri mtu ni bifu. Ni mawazo yangu, kama nilivyosema awali,” alisema.

    RAY AAMUA... - Global Publishers
     
  2. ney kush

    ney kush JF-Expert Member

    #2
    Feb 29, 2012
    Joined: Feb 16, 2012
    Messages: 719
    Likes Received: 0
    Trophy Points: 16
    Eeeeeh!!
     
  3. aspen

    aspen JF-Expert Member

    #3
    Feb 29, 2012
    Joined: Jul 13, 2011
    Messages: 514
    Likes Received: 0
    Trophy Points: 16
    ray umeonesha una busara kanumba bado umri mdogo atakuwa tu hivi vijisenti vya mpa ngebe .
     
  4. Z

    Zero_brain Senior Member

    #4
    Feb 29, 2012
    Joined: Feb 18, 2012
    Messages: 33
    Likes Received: 0
    Trophy Points: 0
    Ray na huyo mwenzake wote vilaza tu.
     
  5. Riwa

    Riwa JF-Expert Member

    #5
    Mar 1, 2012
    Joined: Oct 11, 2007
    Messages: 2,526
    Likes Received: 22
    Trophy Points: 38
    Hivi mwanaume kumtungisha mimba mwanamke akazaa ndio kunampa sifa ya 'uMungu wa dunia, mHeshimiwa kwa namna yoyote, na hasiyeKosea kamwe'!? Kweli jigy-jigy tu inakupa hiyo heshima yoote?!

    To me it takes more than just to impregnate a woman to be a father! uBaba hauishii kwenye kumjaza mwanamke mimba, bali unaanzia hapo kwenye kumjaza mwanamke mimba, sasa kama hukutimiza majukumu yako yaliyotakiwa kufuatia kumtia mwanamke mimba..mtoto akiwa maarufu na mkwanja usirudi eti kujitia wewe ni baba! Nyambaff...

    Mimi nalea mtoto wa dada yangu...binti smart (kichwa) kweli kweli kushinda hata mwanangu wa kumzaa, lakini huyu binti alitelekezwa na baba yake tangu akiwa na miaka mi3, na dada akiwa hana uwezo wowote wa kumlea na kumsomesha huyu mtoto. Sasa mtoto now yuko chuo kikuu doing very great baba yake anakuja eti anataka mwanae....nyambaff! Wakati tunambembeleza kumsupport mwanane anatoa matusi alifikiri mtoto atakuwa looser?!

    Kama unataka sifa ya baba kuwa mungu wa dunia na kuheshimiwa play your part kama baba!
     
  6. Mzee

    Mzee JF-Expert Member

    #6
    Mar 3, 2012
    Joined: Feb 2, 2011
    Messages: 10,221
    Likes Received: 147
    Trophy Points: 63
     
  7. BADILI TABIA

    BADILI TABIA JF-Expert Member

    #7
    Mar 4, 2012
    Joined: Jun 13, 2011
    Messages: 25,913
    Likes Received: 291
    Trophy Points: 83
    well said

     
  8. D

    Dotowangu JF-Expert Member

    #8
    Mar 4, 2012
    Joined: Nov 14, 2011
    Messages: 242
    Likes Received: 0
    Trophy Points: 0
    hawa wote vijisent na kupenda kuonekana kwa watu kunawasumbua..hivi rafiki yako wa kweli huwezi kumshauri mkiwa wawili mpaka wawepo waandishi wa habari?
     
  9. H

    Handsome Senior Member

    #9
    Mar 4, 2012
    Joined: Jul 5, 2011
    Messages: 87
    Likes Received: 1
    Trophy Points: 0
    Riwa ubarikiwe mbinguni na duniani,
     
  10. b

    bitimkongwe JF-Expert Member

    #10
    Mar 4, 2012
    Joined: Oct 21, 2009
    Messages: 2,798
    Likes Received: 13
    Trophy Points: 38
    Riwa hapo umesema kweli. Baba au mama aliyenilea kwa upendo nitamthamini zaidi kuliko biological parents ambao hawana habari na mimi
     
  11. mama D

    mama D JF-Expert Member

    #11
    Mar 4, 2012
    Joined: Nov 22, 2010
    Messages: 1,750
    Likes Received: 4
    Trophy Points: 0
    Ati Mung wa duniani!!!??? hi kweli kali. Mungu anamjua anamsikia???
    baba kama hajatimiza responsibility za ni sawa tu mama anayezaa mtoto na kumtupa chooni
    kama hakumtaka akiwa mdogo angekufa kwa kukosa matunzo angeongea nini???
    apotelee mbali
     
  12. MwanajamiiOne

    MwanajamiiOne JF Platinum Member

    #12
    Mar 4, 2012
    Joined: Jul 24, 2008
    Messages: 10,469
    Likes Received: 21
    Trophy Points: 0
    Kwa kweli inauma sana aisee. Ngoja nami niutafute umaarufu ili baba yangu ajitokeze!
     
  13. Kongosho

    Kongosho JF-Expert Member

    #13
    Mar 4, 2012
    Joined: Mar 21, 2011
    Messages: 36,168
    Likes Received: 40
    Trophy Points: 48
    hayajawakuta, yakiwakuta wala hamtasema kitu.
     
  14. Chilli

    Chilli JF-Expert Member

    #14
    Mar 4, 2012
    Joined: Jul 17, 2011
    Messages: 1,627
    Likes Received: 4
    Trophy Points: 38
    Mzungu alisemaa "Any man can be a father but it needs someone special to be dad", kabla hatujamlaumu Kanumba hebu tujiulize huyu anayeclaim kuwa baba is he a father (biologicaly) or a dad (responsibly)
    Kama limtu linakataa mtoto halafu akifanikiwa kimaisha linamsumbua na kumtisha na laana, laana my foot. Laana yako haitapokelewa mbinguni wala duniani.
    Nina scenario kama yako mkuu Riwa, nalea huyu mtoto asiye na hatia na yuko bright mno, namsubiri huyo bingwa wa kugawa mbegu aje.
     
  15. Losambo

    Losambo JF-Expert Member

    #15
    Mar 4, 2012
    Joined: Nov 8, 2011
    Messages: 2,623
    Likes Received: 0
    Trophy Points: 0
    Upo sahihi Kongosho, kama baba hakujua umuhimu wa kuwa baba basi hana maana.

    Ray alitaka tu kujionyesha yupo sahihi mbele ya jamii wakati jamii ipo fair katika judgement.
     
  16. BONGOLALA

    BONGOLALA JF-Expert Member

    #16
    Mar 4, 2012
    Joined: Sep 14, 2009
    Messages: 11,888
    Likes Received: 64
    Trophy Points: 48
    kweli wanaume tuna tabia ya kudai mtoto baada ya kuona mtoto ana mafanikio ni mbaya sana!
     
  17. +255

    +255 JF-Expert Member

    #17
    Mar 4, 2012
    Joined: Jan 1, 2012
    Messages: 1,613
    Likes Received: 4
    Trophy Points: 38
    Na HUYU naye alikuwa na makosa?!
     
  18. Mkare_wenu

    Mkare_wenu JF-Expert Member

    #18
    Apr 10, 2012
    Joined: Mar 11, 2011
    Messages: 1,670
    Likes Received: 0
    Trophy Points: 0
    mmmh..
     
  19. Sumba-Wanga

    Sumba-Wanga JF-Expert Member

    #19
    Apr 10, 2012
    Joined: Feb 2, 2011
    Messages: 5,381
    Likes Received: 3
    Trophy Points: 38
    the way the cookie crumbles...

    Ngoja nipite kwanza.
     
  20. akajasembamba

    akajasembamba JF-Expert Member

    #20
    Apr 10, 2012
    Joined: Dec 24, 2010
    Messages: 161
    Likes Received: 0
    Trophy Points: 0
    Haya MALUMBANO YAMEKWISHA TIME HAVE TOLD US baba anapashwa kuheshimiwa hata afanye kosa lipi! mungu kaweka ktk amri zake kumi WAHESHIMU BABA NA MAMA YAKO UPATE MIAKA MINGI NA HERI DUNIANI! Asiye mheshimu Baba yake hatopata miaka mingi duniani!(atakufa mapema!) MUNGU ndiyo kasema hivyo si mimi!
     
  21. Sal

    Sal JF-Expert Member

    #21
    Apr 10, 2012
    Joined: Jan 14, 2008
    Messages: 500
    Likes Received: 1
    Trophy Points: 0
    naomba nimjibu Ray niki quote kwako. sina hakika kama kuna watu walioishi na mama wa kambo wakaona machungu yake. naongea through experience. sio mama wa kambo wote of course. wako wenye mioyo ya dhahabu na wenye mioyo ya kishetani. mara nyingi baba humthamini mke mdogo pamoja na watoto wa mke mdogo hata asiowazaa yeye, mke mkubwa na watoto wake wote wanakua hawana maana mbele yake. hapo ndipo watoto wa mke mkubwa mnapokosa haki mbadala kutoka kwa baba yenu mzazi, shinikizo kubwa likitoka kwa bi mdogo ambaye hajawazaa. Kanumba hana laana ya baba kwa sababu baba alichojua ni kutoa mkojo, akazaliwa na biashara ikaishia hapo. alipopata jina, sasa ndio baba anajitokeza na kujifanya ni mwanae. chukulia Kanumba angekua chokoraa pale UWT/Morogoro Road, baba angemtambua? sana sana angetukanwa mama kua kamshindwa mtoto. acheni kuropoka kwa mambo ya familia za watu ambayo hamjui undani wake. RIP big daddy...

     
  22. Sal

    Sal JF-Expert Member

    #22
    Apr 10, 2012
    Joined: Jan 14, 2008
    Messages: 500
    Likes Received: 1
    Trophy Points: 0
    huyu Ray alikua anafuta mahali pa kuyeyusha donge lake naKanumba. Mungu ni mmoja tu. huyo baba suruali u-mungu kautoa wapi?

     
  23. Rutashubanyuma

    Rutashubanyuma JF-Expert Member

    #23
    Apr 10, 2012
    Joined: Sep 24, 2010
    Messages: 41,019
    Likes Received: 28
    Trophy Points: 48
    sasa hii ni kujitafutia laana.............mwelezeni ray hakuna miungu wengi yuko mmoja tu naye ni Yesu Kristu na hakuna Mungu mwingine............mzazi ni kiumbe............tu hawezi kuwa Muumba hata siku moja.......
     
  24. d

    dguyana JF-Expert Member

    #24
    Apr 11, 2012
    Joined: Jan 17, 2011
    Messages: 426
    Likes Received: 0
    Trophy Points: 0
    Jamani RAY yupo right ingawa amekosea kwenye kusema Baba ni mungu wa duniani.

    Ila kikubwa hata kama baba au mama walikutelekeza hapo mwanzo lakini bado ni wazazi wako tu. Ndio maana walisema kwenye bible waheshimu faza na maza ili upate maisha marefu mjengoni. Hawakuelezea status watakayonayo wazazi wako at that time ili uwape hiyo heshima.

    Take care.
     

Share This Page