Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Rais Kagame aishutumu Tanzania

Discussion in 'International Forum' started by Geza Ulole, Mar 5, 2010.

  1. G

    Geza Ulole JF-Expert Member

    #1
    Mar 5, 2010
    Joined: Oct 31, 2009
    Messages: 8,094
    Likes Received: 1,325
    Trophy Points: 280
    5th March 10

    Rais Kagame aishutumu Tanzania

    Mwandishi Wetu

    Rais Paul Kagame wa Rwanda ameituhumu Tanzania kwamba inaruhusu watu wanaoipinga Serikali yake kuendeleza harakati za kuhujumu nchi hiyo.

    Akizungumza na waandishi wa habari jijini Kigali juzi na taarifa zake kutangazwa na Shirika la Utangazaji la Uingereza (BBC), Kagame alisema atawasiliana na Tanzania ili watu hao wanaoendesha harakati hizo wakamatwe.

    Mbali na Tanzania, Kagame pia aliitaja Kenya na Uganda kwamba kuna watu kama hao wanaoendesha harakati dhidi ya serikali yake, lakini akaapa kwamba kamwe hawataweza kuiangusha serikali yake.

    Katika mkutano huo, Kagame pia alimshambulia mshirika wake wa zamani wakati wa mapambano ya kuikomboa Rwanda, Luteni Jenerali Kayumba Nyamwasa ambaye alikuwa balozi wa nchi hiyo nchini India kwamba ni miongoni mwa watu wanaoendesha chokochoko dhidi ya serikali yake.

    Alisema Kayumba ambaye alivuliwa ubalozi hivi karibuni na sasa amekimbilia Afrika Kusini kuomba ukimbizi wa kisiasa, kuwa wamekuwa na mawasiliano na aliyekuwa mkuu wa mambo ya usalama Luteni Jenerali Patrick Kalegeya katika mipango yao ya kuhujumu Rwanda.

    Majenerali hao wote walikuwa washirika wa Kagame lakini sasa wamekimbia nchi kutokana na kutofautiana na Rais huyo huku wakimtuhumu kwa kuendesha nchi kidikteta.

    Alimtaja Kayumba kwamba alihusika na mashambulizi ya maroketi jijini Kigali hivi karibuni na kwamba ataiomba Afrika Kusini kumrejesha nyumbani kwa ajili ya kujibu tuhuma zinazomkabili.

    Akijibu tuhuma dhidi yake, Jenerali Kayumba alisema kwamba Rwanda inazidi kuzama katika utawala wa kidikteta na kumtaja Rais Kagame kama mtu asiyetaka kukosolewa na yeyote.

    Jenerali Kayumba ambaye amekwisha kupata hifadhi ya ukimbizi wa kisiasa Afrika Kusini, alisema Rais huyu anataka watu wa kumlamba miguu kumzunguka lakini si watu wanaoweza kutoa mawazo yao.

    “Madaraka yasiyokuwa na mipaka huporomoka vivyo hivyo, nchi haiwezi kuendeshwa na mawazo ya mtu mmoja tu huku akipingana na wale wenye mawazo tofauti,” alisema Jenerali Kayumba.

    Kadhalika, Jenerali Kayumba alikanusha vikali kuhusika na mashambulizi ya Kigali ya hivi karibuni na kusema yalipangwa na serikali ya Kagame mwenyewe kwa nia ya kuwapakazia watu asiowataka.

    Rais Kagame alisema Mwendesha Mshitaka Mkuu wa Serikali, Martin Ngoga, hivi karibuni aliwataja Jenerali Kayumba na Jenerali Karegeya kuwa ndio waliopanga mashambulizi hayo.

    Wakati Wanyarwanda wakilumbana kuhusu mashambulizi ya Kigali ya hivi karibuni, Nipashe iliwasiliana na Waziri wa Mambo ya Nje na Ushirikiano wa Kimataifa, Bernard Membe, juu ya Tanzania kutuhumiwa na Rwanda, lakini alisema yuko safarini Cairo, Misri.

    Hata hivyo, alisema kwamba bado serikali hajaipata taarifa rasmi za malalamiko ya Rais Kagame ili iyatazame na kuyatolea tamko.

    Hata hivyo, Membe alisema Tanzania wakati wote imesema wazi kwamba haifanyi wala kuunga mkono kitendo chochote cha kuhujumu nchi jirani katika ardhi yake.

    Membe alisema Tanzania ilikwisha kutoa msimamo wake wakati taarifa za kuhujumiwa kwa Rwanda zilipotolewa na maofisa wa Umoja wa Mataifa na kuitaja serikali kusaidia waasi wa Rwanda na Jamhuri ya Kidemokrasia ya Kongo (DRC), kwa kusisitiza kwamba imejitolea kwa nguvu zake kuhakikisha kwamba amani inarejea katika ukanda wa Maziwa Makuu.

    “Ni jambo lisiloingia akilini kusema kwamba Serikali ya Tanzania inaweza kupanga mkakati au kutoa msaada kwa kikundi chochote kinachokusudia kuvuruga amani katika ukanda huu,” alisema Membe ambaye aliahidi kutoa taarifa zaidi akishawasiliana na ofisi yake.


    NIPASHE
     
  2. Abdulhalim

    Abdulhalim JF-Expert Member

    #2
    Mar 5, 2010
    Joined: Jul 20, 2007
    Messages: 16,463
    Likes Received: 16
    Trophy Points: 135
    Sielewi kwanini ailaumu Tz ..Kwa hiyo alitegemea Tz imkamatie wapinzani wake na kuwasafirisha kwa ndege hadi Kigali? I bet hayuko serious.
     
  3. Wacha1

    Wacha1 JF-Expert Member

    #3
    Mar 5, 2010
    Joined: Dec 21, 2009
    Messages: 11,930
    Likes Received: 484
    Trophy Points: 180
    Ndio EAC hiyo, miujiza tu kila kukicha.
     
  4. Bongolander

    Bongolander JF-Expert Member

    #4
    Mar 5, 2010
    Joined: Jul 10, 2007
    Messages: 4,880
    Likes Received: 23
    Trophy Points: 135
    Here he comes again. Ajaribu kuitikisa Tanzania atakiona kilichomnyoa Khanga mayonya. Sasa hivi watu wanatafuta kitu cha ku-divert attention na yeye anataka kuwapa excuse.

    Naona sasa ameanza kugopa kivuli chake, haiwezekani yeye tu asakamwe na DRC, Uganda, Tanzania na Kenya for what reason, au na yeye anajaribu kudivert attention kutokana na matatizo ya ndani?

    Kama anakumbuka vizuri RPF wengi walikuwa wakimbizi na wengine tulikuwa tunasoma nao pale Shycom, kama kuna wahutu wanajaribu kuwarecruit wenzao, kama yeye alivyo arecruit watusi wenzie, atakuwa anakosea kutunyooshea vidole.
     
  5. Masikini_Jeuri

    Masikini_Jeuri JF-Expert Member

    #5
    Mar 5, 2010
    Joined: Jan 19, 2010
    Messages: 6,819
    Likes Received: 339
    Trophy Points: 180
    What? Huyu jamaa kaanza kuishiwa; nilishawahi kuelezea udhaifu mkubwa wa huyu jamaa somewhere baada ya kutembelea nchi yake last yr; Ni Dikteta kamili; Katika mazungumzo ya kawaida tulifikia kuongelea chaguzi nami nikwaaambia kuwa kwetu tunajitayarisha na uchaguzi mkuu mwaka huu, walistaajabu! kwani wao hata hawajui hata kama kutakuwapo na uchaguzi , ni kama vile wanasubiri afe! Ilinitisha na kuona kuwa yale maendeleo wanayojivunia hayana maana kwa kuwa ikitokea jamaa ana colapse leo the system won't be ready unless kama kuna style like Uganda ambako Mu7 anamwandaa mwanawe!
     
  6. babukijana

    babukijana JF-Expert Member

    #6
    Mar 5, 2010
    Joined: Jul 21, 2009
    Messages: 4,078
    Likes Received: 357
    Trophy Points: 180
    mi nakwambiaje jamaa anaogopa mpaka kivuli chake kaz kwel kwel.
     
  7. Saint Ivuga

    Saint Ivuga JF-Expert Member

    #7
    Mar 5, 2010
    Joined: Aug 21, 2008
    Messages: 31,174
    Likes Received: 5,715
    Trophy Points: 280
    wanaipinga serikali yake kivipi? na kama anajua wanaompinga ndani ya serikali ya Tanzania awataje basi sio kuanza kutuchafulia na kutuletea mabalaa hapa..richmonduli na wenzake ni mizigo kwetu tayari.inatosha sasa hivi..now tunangojea viongozi vijana tulioahidiwa na MZEE VASCO katika kipindi chake cha pili hatutaki makashfa mengine
     
  8. N

    Nanu JF-Expert Member

    #8
    Mar 5, 2010
    Joined: May 29, 2009
    Messages: 1,224
    Likes Received: 2
    Trophy Points: 135
    uuuuumhhhhh!!!!!!!!!!!!!!!!!!!!!!!!
     
  9. N

    Nanu JF-Expert Member

    #9
    Mar 5, 2010
    Joined: May 29, 2009
    Messages: 1,224
    Likes Received: 2
    Trophy Points: 135
    ameanza kutapatapa!!!!!!!!!
     
  10. Mzizi wa Mbuyu

    Mzizi wa Mbuyu JF-Expert Member

    #10
    Mar 5, 2010
    Joined: May 15, 2009
    Messages: 5,011
    Likes Received: 254
    Trophy Points: 180
    Jamani haya mambo wakati mwingine ni magumu siyo rahisi rahisi...
    Unaweza ukute kuna kikundi cha watu nadani ya serikali yetu kinalipwa kifisadi na watu fulani wenye maslahi yao kwa Kagame japo siyo rasmi, kwa Kagame yeye ataona ni Tanzania tu kwa ujumla. Msisahau kashfa ya Tz kuwapitishia silaha waasi wa DRC?
     
  11. N-handsome

    N-handsome JF-Expert Member

    #11
    Mar 5, 2010
    Joined: Jan 23, 2008
    Messages: 2,288
    Likes Received: 90
    Trophy Points: 145
    Hivi kabakiza kwenda Vatican, Israel, Russia na washirika wake na labda Somalia
     
  12. Emanuel Makofia

    Emanuel Makofia JF-Expert Member

    #12
    Mar 5, 2010
    Joined: Jan 5, 2010
    Messages: 3,817
    Likes Received: 2
    Trophy Points: 135
    EAC tutafika???
     
  13. Cynic

    Cynic JF-Expert Member

    #13
    Mar 5, 2010
    Joined: Jan 5, 2009
    Messages: 5,156
    Likes Received: 609
    Trophy Points: 280
    Kagame kazoea kukorogana na nchi nyingine. Ufaransa wanambabahikia anafikiri na sisi tutampigia magoti.
     
  14. nguvumali

    nguvumali JF Bronze Member

    #14
    Mar 5, 2010
    Joined: Sep 3, 2009
    Messages: 4,793
    Likes Received: 15
    Trophy Points: 135
    YEYE kama anadhani sisi ni waKongo anaowasumbua amenoa, anakijua cha nduli Idd IDD Amini ,
     
  15. K

    Koba JF-Expert Member

    #15
    Mar 5, 2010
    Joined: Jul 3, 2007
    Messages: 6,064
    Likes Received: 435
    Trophy Points: 180
    ...naona uko tayari kwa vita,kazi kweli kweli!
     
  16. Ben Saanane

    Ben Saanane Verified User

    #16
    Mar 5, 2010
    Joined: Jan 18, 2007
    Messages: 14,605
    Likes Received: 3,507
    Trophy Points: 280
    I really hate this politivcal insanity.Mtu nasema watu wanaihujumu serikali yake,kwanza it's very possible huyu jamaa ameua raia wake kwa maroketi just to give him a way to clinch into power

    Asituletee matatizo yake ya Ndania.Anatafuta sababu akituchokoza tu,we are going to unleash hell.Aulize waganda

    Pia na sisis tanzania tuwe makini maanake sometimes hatuko nyuma kwa dirty games,coz hata akina kabila walikua bongo..waasi kama akina Prof.ernest Wamba Dia Wamba walikua wanafundisha UDSM

    Pia tuache mianya ambayo inawapa madikteta excuse ya ku-divert politiacal and socia attention ya matatizo yao ya ndani

    Also,we are jeorpadizing our diplomatic merit
     
  17. W

    Watanzania JF-Expert Member

    #17
    Mar 5, 2010
    Joined: Jul 7, 2009
    Messages: 727
    Likes Received: 0
    Trophy Points: 0
    Kwa nini unamwondoa Kagame kwenye kundi la waasi, kwa vile yeye sasa yupo madarakani?. Kagame ni muasi kama wengine, Kabila, Dia Wamba, Nkunda, ...., ....,.....
     
  18. m

    mmakonde JF-Expert Member

    #18
    Mar 5, 2010
    Joined: Dec 26, 2009
    Messages: 967
    Likes Received: 4
    Trophy Points: 0
    Tukumbuke kuwa 85% ya watu wa Rwanda ni Wahutu!Kagame ni mtusi,na hawa wamedestabilise Congo,hata Uganda ya sasa(Mkumbuke na ye Mu7 anasili ya huko).
    One man one vote,Kagame hawezi kushinda kihalali.

    Hizi ni facts tuzijue!
     
  19. Kinyambiss

    Kinyambiss JF-Expert Member

    #19
    Mar 5, 2010
    Joined: Dec 2, 2007
    Messages: 1,373
    Likes Received: 2
    Trophy Points: 135
    Kagame equals ego... Until democracy comes to EAC, kilichopo sasa ni choo tuu..
     
  20. Ben Saanane

    Ben Saanane Verified User

    #20
    Mar 5, 2010
    Joined: Jan 18, 2007
    Messages: 14,605
    Likes Received: 3,507
    Trophy Points: 280

    Mkuu sijamuondoa,na tukiendelea hivyo hata Museveni ,kagame,pierre nkurunzinza nk ni waasi
     
Loading...