Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Rais asiingiliwe uteuzi wa Mawaziri-Ikulu

Discussion in 'Jukwaa la Siasa' started by BAK, May 14, 2008.

  1. BAK

    BAK JF-Expert Member

    #1
    May 14, 2008
    Joined: Feb 11, 2007
    Messages: 49,973
    Likes Received: 9,604
    Trophy Points: 280
    Hata kama anawateua mafisadi au wenye uwezo finyu katika utendaji basi Watanzania tunyamaze tu!? Sasa naona mnataka kuleta udikteta wa kuwafunga midomo Watanzania

    Rais asiingiliwe uteuzi wa Mawaziri-Ikulu

    2008-05-14 10:34:55
    Na Mashaka Mgeta

    Ikulu jijini Dar es Salaam, imesema Rais Jakaya Kikwete, hapaswi kushinikizwa kuhusu idadi ya mabadiliko anayoyafanya katika Baraza la Mawaziri.

    Mkurugenzi wa Kurugenzi ya Mawasiliano ya Rais, Bw. Salva Rweyemamu, aliyasema hayo alipokuwa akizungumza na waandishi wa habari, ofisini kwake jijini Dar es Salaam jana.

    Hivi karibuni, kumeibuka hisia miongoni mwa jamii, huku wakiwepo baadhi ya watu wanaohoji fursa za ufanisi zinazopatikana kutokana na mabadiliko ya mara kwa mara ya Baraza hilo.

    Rais Kikwete, ameshafanya mabadiliko na uteuzi wa mawaziri mara nne, kutokana na matukio mbalimbali yaliyotokea nchini kwa vipindi tofauti.

    Matukio hayo ni pamoja vifo vya waliokuwa Mawaziri, marehemu Juma Akukweti (Waziri wa Nchi Ofisi ya Waziri Mkuu aliyeshughulikia Bunge) na marehemu Salome Mbatia (Naibu Waziri wa Maendeleo ya Jamii, Jinsia na Watoto).

    Mabadiliko mengine yalifanywa kutokana na kujiuzulu kwa mawaziri, Bw. Edward Lowassa (Waziri Mkuu), Dk. Ibrahim Msabaha (Afrika Mashariki) na Bw. Nazir Karamagi (Nishati na Madini).

    Mawaziri hao walijiuzulu mwaka huu, kutokana na kashfa ya mkataba wa kuzalisha umeme wa dharura, uliosainiwa kati ya serikali na kampuni ya Richmond.

    Aidha, wiki iliyopita, Rais Kikwete ambaye yupo madarakani kwa takribani miaka miwili na nusu sasa, alitangaza Baraza jipya la mawaziri, kufuatia hatua ya kujiuzulu kwa aliyekuwa Waziri wa Miundombinu, Bw. Andrew Chenge.

    Bw. Change, alijiuzulu wadhifa huo kutokana na kashfa ya kuhifadhi dola milioni moha za Kimarekani kwenye benki moja huko Jersey, nchini Uingereza.

    ``Nadhani tumuache Rais afanye mabadiliko ya mawaziri kwa jinsi anavyoona inafaa, lengo ni kuleta ufanisi na kuwatumikia wananchi?tumpe nafasi afanye kazi zake,`` alisema Bw. Rweyemamu.

    Bw. Rweyemamu, alisema mabadiliko yanayofanywa na Rais Kikwete, hayana athari zozote kisheria, kwa vile hakuna kifungu cha Katiba kinachoelezea ukomo wa mabadiliko yanayopaswa kufanywa katika Baraza hilo.

    Bw. Rweyemamu, alisema mawaziri waliopo wanapaswa kuungwa mkono kwa vile, pamoja na mambo mengine, wanafanya kazi katika mazingira magumu ambayo hata hivyo, hakuyafafanua.

    SOURCE: Nipashe
     
  2. Gaijin

    Gaijin JF-Expert Member

    #2
    May 14, 2008
    Joined: Aug 21, 2007
    Messages: 11,849
    Likes Received: 17
    Trophy Points: 0
    wanashindwa kuelewa kuwa vitendo vya rais vinapaswa kuhojiwa kama vitendo vya mtu mwengine.
    rais hayupo above everything. japo kuwa hatuwezi kumshinikiza kufanya mabadiliko, lakini tutayaongelea mpaka iwe bughudha kwake alete yenye manufaa nasi
     
  3. Nemesis

    Nemesis JF-Expert Member

    #3
    May 14, 2008
    Joined: Feb 13, 2008
    Messages: 3,260
    Likes Received: 211
    Trophy Points: 160
    Bw. Salva Rweyemamu, ni mwandishi wa habari (naamini hivyo), anajua vizuri uhuru wa mtu kutoa maoni na uhuru wa vyombo vya habari kutoa taarifa ikiwa ni pamoja na zile zisizowapendeza wakubwa. Hivi Rweyemamu atafurahi kuona manunguniko, maoni, maswali au hisia za wananchi haziandikwi magazetini? Hivi Rweyemamu haoni kama habari hizo zinamsaidia Rais? Kwa mfano wananchi walilalamika kuhusu ukubwa wa Baraza la Mawaziri, Rais akaitikia kwa kupunguza baraza, haya si ndo mafanikio ya habari?

    Rweyemamu asisaliti taaluma yake, anapaswa kutetea uhuru wa maoni. Ni haki ya mwananchi kuhoji maamuzi ya Serikali au Rais na ni wajibu wa Serikali kujibu au kutolea maelezo siyo kuwafumba mdomo wananchi.
     
  4. M

    Mwafrika wa Kike JF-Expert Member

    #4
    May 14, 2008
    Joined: Jul 5, 2007
    Messages: 5,195
    Likes Received: 7
    Trophy Points: 0
    Rweyemamu ana-strike first kujibu email yangu niliyomwandikia kuhoji ukubwa wa baraza la mawaziri. Sasa hataki hata watu wajadili baraza la mawaziri wa JK.


    Kazi kwelikweli!
     
  5. mwanatanu

    mwanatanu JF-Expert Member

    #5
    May 14, 2008
    Joined: Jan 22, 2008
    Messages: 831
    Likes Received: 32
    Trophy Points: 45
    JK amewewekwa hapo na wananchi...kwa hiyo asijisahau kuwa ni haki yetu kuhoji....Halafu huyu Salva huwa anjitokezea kwenye nosense issues....mbona haelezei kuhusu mafisadi? na inaonekana JK siku hizi hana sura mbele yetu
     
  6. Lunyungu

    Lunyungu JF-Expert Member

    #6
    May 14, 2008
    Joined: Aug 7, 2006
    Messages: 8,827
    Likes Received: 29
    Trophy Points: 135
    Kuna tofauti kati ya Salva na Shy ?
     
  7. D

    Dotori JF-Expert Member

    #7
    May 14, 2008
    Joined: Nov 3, 2007
    Messages: 547
    Likes Received: 3
    Trophy Points: 0
    Salva amelewa madaraka na hajui mipaka yake
     
  8. K

    Kipanga JF-Expert Member

    #8
    May 14, 2008
    Joined: Apr 24, 2008
    Messages: 680
    Likes Received: 4
    Trophy Points: 0
    Kwani JK huko ikulu alienda tu kama mtu anaenda nyumbani kwake? au wanachi wa wa-tz ndio walimpa kura zilizompeleka huko? Sasa kama waliompa kura wanaona anatupeleka porini tusiseme kuwa eti anaingiliwa?? au Salva kupata ukurugenzi wa habari ikulu anadhani ndio njia ya kutaka kuwapumbaza watu?? Nadhani kama ana akili angetulia katiba inaturuhusu kutoa maoni kama hawayapendi sisi ndio tumewapa ajira huko ikulu huenda bwana Salva hajui hilo...

    Muda mfupi mmeshajiona miungu watu kuwa watu wasihoji hata kama mnafanya madudu?? Tunawasubiri 2010 tuone...Majitu ya hovyo kabisa au ndio njia ya kubembeleza ajira iendelee kuwepo?? Kazi ziko nyingi mkuu salva hata ukitoka huko JF huwa kuna nafasi za kazi hutangazwa unaweza kuomba tu watoto wako wajue kuwa baba bado yupo lakini acha watanzania waseme yale wanayoona ni mambo ya hovyo mnayofanya..Taifa letu wote hili mkituingiza porini tuna-lost wote sasa kwani tusiepushe shari mapema??
     
Loading...