Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Profesa Msolla aipa somo CCM kura za maoni......................

Discussion in 'Uchaguzi Tanzania' started by Rutashubanyuma, Dec 27, 2010.

  1. Rutashubanyuma

    Rutashubanyuma JF-Expert Member

    #1
    Dec 27, 2010
    Joined: Sep 24, 2010
    Messages: 61,428
    Likes Received: 492
    Trophy Points: 180


    Profesa Msolla aipa somo CCM kura za maoni

    Imeandikwa na Frank Leonard, Kilolo; Tarehe: 26th December 2010 @ 23:44

    MBUNGE wa Kilolo mkoani Iringa, Profesa Peter Msolla ameomba mfumo wa kura za maoni unaotumiwa na Chama Cha Mapinduzi (CCM) kupata wagombea wake katika nafasi za ubunge na udiwani kuangaliwa upya kwa sababu unachochea makundi ndani ya CCM yanayozidisha hatari ya kushindwa katika chaguzi.

    Profesa Msolla ambaye pia ni Mjumbe wa Halmashauri Kuu ya Taifa ya CCM, alisema kama mfumo huo hautafanyiwa marekebisho upo uwezekano kwa chama hicho kuendelea kupoteza ushindi katika maeneo yatakayokuwa na wagombea wengi kwenye kura hizo.

    Akizungumza na wananchi wa kata ya Ruaha Mbuyuni juzi, Profesa Msolla aliyekuwa Waziri wa Mawasiliano, Sayansi na Teknolojia wa awamu ya kwanza ya Rais Jakaya Kikwete, alipendekeza kamati maalumu ya Kitaifa katika chama hicho iundwe ili kushughulikia suala hilo.

    Akikumbushia maagizo ya Rais Kikwete ambaye pia ni Mwenyekiti wa CCM Taifa, Profesa Msolla alikita chama katika ngazi zote kufanya tathimini ya Uchaguzi Mkuu uliopita ili kubaini mambo yaliyosababisha chama kifanye vibaya kwenye baadhi ya maeneo.

    "Pamoja na kufanya vibaya katika maeneo fulani fulani, ni vizuri pia tukajiuliza kwa nini wananchi hawakupiga kura kama ilivyotarajiwa na tuzitumie changamoto tutakazozibaini kuimarisha chama vinginevyo vyama vya upinzani vinaweza kuutumia mwanya huo kujiimarisha zaidi," alisema.

    Akizungumzia utekelezaji wa Ilani ya CCM katika jimbo hilo, Profesa Msolla alisema vipaumbele vyake vikubwa vitakuwa katika maeneo makubwa manne ambayo ni pamoja na elimu, afya, miundombinu na shughuli za kiuchumi.

    Hata hivyo, alisema katika kutekeleza Ilani ya CCM miaka mitano iliyopita, alikumbana na ushirikiano mdogo kutoka kwa madiwani na akawataka madiwani wapya wa Halmashauri ya

    Wilaya ya Kilolo, kutimiza wajibu wao kwa wananchi kama walivyoahidi wakati wa kampeni. “Miaka mitano iliyopita kwangu mimi ilikuwa ni miaka ya mpito kwa sababu hata zile kazi zilizopaswa kufanywa na madiwani katika kata zao, bado zilionekana zinatakiwa kufanywa na mbunge na kwa kweli nilijitahidi nikazifanya, lakini sasa muda umefika kwa madiwani wapya kutekeleza wajibu wao,” alisema.

    Kwa niaba ya wananchi wa jimbo hilo, Mwenyekiti wa Halmashauri ya Wilaya hiyo, Joseph Muhumba alisema wanaendelea kujipanga kikamilifu ili kumpa ushirikiano wa kutosha mbunge huyo katika kutekeleza ahadi mbalimbali alizotoa kwa wananchi wakati wa kampeni za Uchaguzi Mkuu.

    Muhumba anayekuwa mwanaCCM wa pili kuwa Mwenyekiti wa Halmashauri hiyo, aliikwaa nafasi hiyo hivi karibuni baada ya kumuangusha dada wa Profesa Msolla, aliyekuwa mwenyekiti katika kipindi cha miaka mitano iliyopita na Makamu Mwenyekiti wa Jumuiya za Tawala za Mitaa Tanzania (ALAT).
     
  2. Rutashubanyuma

    Rutashubanyuma JF-Expert Member

    #2
    Dec 27, 2010
    Joined: Sep 24, 2010
    Messages: 61,428
    Likes Received: 492
    Trophy Points: 180
    Profesa msola anajua ya kuwa makundi ndani ya CCM hayasababishwi na kura za maoni bali jinsi CCM inavyoshindwa kutekeleza ahadi zake kwa wananchi.....ikiwemo raia kupandikiziwa viongozi wasiowataka......na vikao vya juu...........................makundi ni dalili ya kuwa CCM siyo chama cha wote ila kina wenyewe.........................................

    CCM has shifted ground from a mass party to a vanguard one.........................who does not know this................angalia jinsi wanamtandao walivyoula ndani ya himaya ya JK........na wengine wametelekezwa....................kwa nini sasa yasiwepo makundi ya walaji na waangaliaji ulaji unavyoendelea..................
     
  3. e

    elimukwanza Senior Member

    #3
    Dec 27, 2010
    Joined: Dec 27, 2010
    Messages: 167
    Likes Received: 0
    Trophy Points: 33
    tatizo siyo kura za maoni watu wamechoka na CCM.huo ndiyo ukweli
     
  4. Kaa la Moto

    Kaa la Moto JF-Expert Member

    #4
    Dec 27, 2010
    Joined: Apr 24, 2008
    Messages: 7,538
    Likes Received: 75
    Trophy Points: 145
    Mfa maji huwa siku zote utafuta mahali pa kushika ili ajiokoe
     
  5. F

    Froida JF-Expert Member

    #5
    Dec 27, 2010
    Joined: May 25, 2009
    Messages: 6,999
    Likes Received: 603
    Trophy Points: 280
    kwa hiyo Msolla yeye kufanya mkutano ni tiki lakini wenje,lema na Mbilinyi wao wanaleta fujo jamani hii nchi sijui tunaenda wapi
     
  6. Mpogoro

    Mpogoro JF-Expert Member

    #6
    Dec 28, 2010
    Joined: Dec 7, 2008
    Messages: 361
    Likes Received: 2
    Trophy Points: 35
    Rudi chuoni kakate nyanga...siasa sio kitu yako!Unapoteza muda tu Mh. Msolla...
     
  7. n

    niweze JF-Expert Member

    #7
    Dec 28, 2010
    Joined: Oct 21, 2009
    Messages: 1,008
    Likes Received: 2
    Trophy Points: 0
    Inaonekana CCM Wamechanagnyikiwa Hawajui Kwanini Wanashindwa Kuchaguliwa na Kushinda Viti Mbalimabali Nchini. The Saga Continue, Wananchi Wameshakua Kisiasa na Ngumu Kuwadanganya Tena na Tena.
     
  8. tanga kwetu

    tanga kwetu JF-Expert Member

    #8
    Dec 28, 2010
    Joined: May 12, 2010
    Messages: 1,564
    Likes Received: 261
    Trophy Points: 180
    kama kaongea na wananchi (wapiga kura wake) kwenye mkutano wa hadhara maana yake alitoa taarifa masaa 48 kabla na kuelezea ni nini anataka kuongea pia nakala polisi ya kiitelejensia kwamba amani itakuwepo....wenye uwezo wa kutunyofelea nakala za maombi hayo watuanikie! maana haiwezekani wabunge wa CDM wawe na matatizo wao tu kila siku!
     
  9. n

    ngwendu JF-Expert Member

    #9
    Dec 28, 2010
    Joined: Jun 7, 2010
    Messages: 1,968
    Likes Received: 5
    Trophy Points: 0
    Isipokuwa Zitto tu! hahaaaa. (Angalia kwenye thread ingine, (Zitto ampa waziri siku7)
     
  10. rugumye

    rugumye JF-Expert Member

    #10
    Dec 28, 2010
    Joined: Nov 1, 2010
    Messages: 560
    Likes Received: 2
    Trophy Points: 0
    Gawanyikeni tupate uhuru.
     
  11. Ngalikivembu

    Ngalikivembu JF-Expert Member

    #11
    Dec 29, 2010
    Joined: Oct 6, 2010
    Messages: 1,778
    Likes Received: 184
    Trophy Points: 160
    Msolla hana hoja.aache iendelee ili tuwagawe zaidi
     
Loading...