Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Prof Shivji ashauri walimu walipwe zaidi ya mawaziri

Discussion in 'Habari na Hoja mchanganyiko' started by Zak Malang, May 6, 2010.

  1. Zak Malang

    Zak Malang JF-Expert Member

    #1
    May 6, 2010
    Joined: Dec 30, 2008
    Messages: 5,410
    Likes Received: 13
    Trophy Points: 0
    Profesa Shivji ashauri walimu walipwe zaidi ya mawaziri

    Mwanazuoni maarufu nchini, Profesa Issa Shivji, ameishauri serikali iwalipe walimu mishahara mizuri zaidi ya mawaziri kwa kuwa kazi wanayofanya ni ngumu.

    Aliyasema hayo jijini Dar es Salaam jana wakati wa Jukwaa la Wazi la Uchumi wa Afrika lililofanyika katika viwanja vya Mtandao wa Jinsia Tanzania (TGNP).

    Jukwaa hilo liliandaliwa kwa pamoja na mashirika ya ActionAid Tanzania, Oxfam, Forum CC, FemAct, Yuna na Kepa.

    Profesa Shivji alisema elimu inazidi kuporomoka kwa kuwa hakuna jitihada zinazochukuliwa na serikali kuondoa hali hiyo.

    Alisema serikali inaangalia zaidi ongezeko la majengo na idadi ya wanafunzi mashuleni jambo ambalo alisema haliwezi kuinua kiwango cha elimu.

    “Mwalimu akiwa bora na akiwa katika mazingira mazuri ya kufundisha hata akifundishia chini ya mti, wanafunzi watafanya vizuri sana, lakini ukiwa na majengo mazuri mwalimu akawa mbovu ina maana elimu itakayopatikana hapo ni ya kiwango cha chini," alisema.

    Alisema walimu wengi kutokana na hali ngumu wameamua kuachana na hali hiyo na sasa wanafanya shughuli zao za kuwaingizia vipato.

    "Mimi sioni sababu kwanini mwalimu ambaye ni muhimu zaidi ya waziri kwenye jamii, alipwe mshahara kidogo na waziri alipwe mshahara mnono na marupurupu mengi kumzidi mwalimu," alisema.

    Vile vile, Profesa Shivji alisema ingawa Tanzania ni ya pili kwa kuwa na mifugo mingi Afrika, wafugaji wamekuwa hawanufaiki na mifugo yao.

    Alisema wafugaji wamekuwa wakihangaishwa kama vile si raia wa Tanzania kwa maeneo yao kuchukuliwa kiholela akitolea mfano wa Ngorongoro.

    Awali, akifungua mkutano wa jukwaa hilo, Mkurugenzi wa ActionAid Tanzania, Aida Kiangi, alisema inaonekana mkazo mkubwa wa ustawi na ukuaji wa uchumi katika jukwaa hilo la kiuchumi umeelekezwa zaidi kulenga maslahi ya makampuni makubwa dhidi ya Waafrika walio wengi hususani wanawake, wakulima wadogo na wafupaji pamoja na maskini wanaozidi kuongezeka hasa maeneo ya mijini.

    Kiangi alisema kumekuwa na ukuaji wa uchumi kwa nchi za Afrika lakini wanaonufaika na ukuaji wa uchumi huo ni wachache.

    “Tunaweza kujiuliza ni nani anayenufaika zaidi na ukuaji wa uchumi huu," alihoji.


    CHANZO: NIPASHE
     
  2. Papa Mopao

    Papa Mopao JF-Expert Member

    #2
    May 6, 2010
    Joined: Oct 7, 2009
    Messages: 3,151
    Likes Received: 226
    Trophy Points: 160
    Nakubaliana na wewe kabisa! Wasomi wengi ni matunda ya waalimu,Waziri naye ni matunda ya mwalimu sasa iweje mwl awe ni wa kiwango cha chini?
     
  3. Jackbauer

    Jackbauer JF-Expert Member

    #3
    Jan 31, 2011
    Joined: Oct 28, 2010
    Messages: 5,878
    Likes Received: 30
    Trophy Points: 135
    Matokeo ya mwaka huu yanaonyesha ni jinsi gani maslahi ya walimu yanahitaji kuboreshwa.
     
  4. ThinkPad

    ThinkPad JF-Expert Member

    #4
    Jan 31, 2011
    Joined: Apr 11, 2008
    Messages: 1,849
    Likes Received: 15
    Trophy Points: 135
    katika watu wote ninaowafahamu waliomaliza udsm fani ya education hakuna hata mmoja aliyekwenda kufundisha. . .nadhani hapo inabidi watafakari.
     
  5. kilimasera

    kilimasera JF-Expert Member

    #5
    Jan 31, 2011
    Joined: Dec 2, 2009
    Messages: 3,072
    Likes Received: 9
    Trophy Points: 135
    Wamekwenda wapi wote hao!!!
     
  6. Linamo

    Linamo JF-Expert Member

    #6
    Feb 1, 2011
    Joined: Jan 12, 2011
    Messages: 4,458
    Likes Received: 9,181
    Trophy Points: 280
    Nakubaliana na prof.hatuwezi kujenga juu ikiwa msingi ni mbovu,waziri hayupo bila mwalimu kwa nini wasiboreshewe maslah
     
  7. H

    Haika JF-Expert Member

    #7
    Feb 4, 2011
    Joined: Mar 3, 2008
    Messages: 2,241
    Likes Received: 20
    Trophy Points: 135
    Kazi ya walimu ni ngumu sana kuliko ya Waziri, hatuwezi kudanganyana.
    Dhamana ya mwalimu iko kwa kuimbe/ taifa/ baba/mama/raisi/daktari wa kesho. Ni dhamana kubwa sana. Inabidi tujipange upya kufikiria.
    Watoto/wanafunzi wana kaa muda mrefu sana na walimu au wazazi, kwa hio hawa ndio wanaoshape huyu mtua atakuwaje, je awe mvivu kufikiria, awe wa visingizio, awe mwongo, awe mchawi, awe mtoro, au awe mweli, jasiri, focused, hounorable, awe wa kuaminika maneno yake, awe mcha mungu, awe anasimamia ukweli, awe kiongozi bora yote haya yatatokana na waalimu wa shule aliosoma mtoto.

    Tunachezea taifa la kesho,
    Tusiwaachie hawa watu waendelee kutuchezea watoto wetu kwa hela yetu. Walimu wathaminiwe zaidi ya wakurugenzi wa idara na mabosi wao hazi ngazi ya waziri mkuu na rais
     
Loading...