Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Posted Date::2/2/2008

Discussion in 'Jukwaa la Siasa' started by Lunyungu, Feb 2, 2008.

  1. Lunyungu

    Lunyungu JF-Expert Member

    #1
    Feb 2, 2008
    Joined: Aug 7, 2006
    Messages: 8,827
    Likes Received: 53
    Trophy Points: 135
    Maalim Seif amsifu Balozi Karume kuhusu hatima ya Zanzibar
    Na Mkinga Mkinga

    SIKU chache baada ya Balozi wa Tanzania nchini Italia, Ali Karume, kutangaza azma yake ya kutaka kugombea urais wa Zanzibar mwaka 2010, Katibu Mkuu wa Chama cha Wananchi (CUF), Seif Sharif Hamad amesema, balozi huyo ana uwezo kuliko kaka yake ambaye ni Rais wa sasa wa Zanzibar.


    Katibu huyo wa CUF aliliambia gazeti hili katika mahojiano maalum wiki hii kuwa; "Ali ana unafuu mkubwa walau anaweza kukubalika. Ameanza kutambua matatizo yaliyopo Zanzibar, hii kidogo inanipa faraja kwamba kuna mtu anayeweza kutambua matatizo yaliyopo ndani ya nchi,� alisema Maalim Seif.


    Akiwalinganisha Balozi Karume na kaka yake Amani Karume, Seif alisema, Balozi Ali ni bora kwa kuwa anaufahamu ukweli na kuukubali.


    "Katika miaka yote Rais Karume amekuwa hakubali kama nchi hiyo sasa inahitaji serikali ya mseto pamoja na kutatua mpasuko wa kisiasa uliopo baina ya vyama viwili vya siasa visiwani hapa," alisema.


    Katibu Mkuu huyo wa CUF aliongeza kuwa, katika siku za karibuni ameanza kujawa na faraja baada ya kuona kunakuwepo watu ndani ya CCM ambao wanakuwa na mawazo ambayo yapo katika vyama vya upinzani.


    Baadhi ya mawazo hayo ni pamoja na kubaini mgogoro wa kisiasa uliopo Zanzibar na kutafuta suluhu ya matatizo hayo, likiwemo la uchumi kuporomoka.


    Katika hatua nyingine, Katibu Mkuu huyo alisema kuwa mazungumzo ya muafaka kati ya CUF na CCM yanaendelea vizuri na kwamba chama chake kitayaweka hadharani yakiwa tayari.


    �Kimsingi mazungumzo ya muafaka yanaendelea vizuri sana; na endapo yatakamilika tutayaweka hadharani ili wananchi wetu wote watambue nini tumekifanya kwa muda mrefu,� alisema.


    Alipotakiwa kufafanua zaidi hicho ambacho sasa kimechukua zaidi ya mwaka mmoja katika mazungumzo yao, Maalim Seif Sharif alisema inakuwa vigumu ila, wananchi wasubiri mpaka dakika ya mwisho kama walivyoweza kusubiri kwa muda wote ambao mazungumzo yamekuwa yakiendelea.


    Wakati huo huo; Katibu wa Itikadi na Uenezi wa CCM, John Chiligati amesema kuwa kitendo cha Balozi Karume kujitangaza mapema kabla ya wakati hakivunji taratibu zozote za chama hicho.


    "Sio jinai kwa mtu kusema atagombea urais. Kibaya ni kufanya kampeni. Taratibu za chama zinakataza kampeni na si mtu kujitangaza. Balozi Karume hajafanya ushawishi wowote wa kuomba achaguliwe bali ametangaza nia tu," alisema.


    Kumekuwepo na malalamiko kutoka kwa baadhi ya wanachama wa CCM ambao wanadai kuwa, kitendo cha Balozi Karume kujitangaza wakati kipindi hakijafika, kinakiuka taratibu.


    Baadhi ya makada wa CCM waliozungumza na gazeti hili wiki iliyopita walisema, chama hicho kimekuwa na tabia ya kuumiza wanachama wasio na nafasi na kisha kuwaacha wenye nguvu kuendelea kuvunja taratibu zilizopo.


    Makada hao wanaeleza kuwa, wapo wenzao waliowahi kuhisiwa kufanya kampeni katika kipindi cha mwaka wa uchaguzi uliopita na wakafungiwa kugombea, lakini wakawa na hofu kuwa kwa upande wa Balozi Karume jambo hili litafumbiwa macho.


    Balozi Karume mwenyewe alipoulizwa, alisimamia kauli yake ya kuwa ametangaza nia kwa lengo la kuwapa kipindi kirefu wananchi kumfahamu na kumchunguza kama anafaa kweli kuongoza nchi hiyo.


    "Nimetangaza nia hii mapema na wenzangu wanatakiwa kuiga. Utamaduni wa kujificha na kujitokeza dakika za majeruhi unawafanya wananchi kupata viongozi wabovu," Balozi Karume aliliambia gazeti hili wiki iliyopita.
     
  2. Mtu wa Pwani

    Mtu wa Pwani JF-Expert Member

    #2
    Feb 3, 2008
    Joined: Dec 26, 2006
    Messages: 4,085
    Likes Received: 11
    Trophy Points: 135
    sawa tuyaangalie maana ndio ba mkubwa kasema yale ambayo cuf walikuwa wakiyapigia kelele muda mrefu
     
  3. Lunyungu

    Lunyungu JF-Expert Member

    #3
    Feb 3, 2008
    Joined: Aug 7, 2006
    Messages: 8,827
    Likes Received: 53
    Trophy Points: 135
    JK sidhani kama ana uwezo huo wa kusema ya aina hii ama kuwashawishi wana CCM kuelewa. Kuna wana CCM pale Zenji wanaamini Zanzibar ni mali yao na si wapinzani ambao pia walipa kodi na wananchi wa Zanzibar. Kasema Karume nadhani kachoka na unafiki kama he is real ama alitaka umaarufu. Lakini kalikoroga na sasa Waeznji wataanza upya kuamka na mawazo yake . Kazi iko kweli kweli visiwani.
     
  4. D

    DAR si LAMU JF-Expert Member

    #4
    Feb 3, 2008
    Joined: Mar 31, 2007
    Messages: 2,919
    Likes Received: 264
    Trophy Points: 180
    ..kwa namna nyingine alichokisema ni kampeni tayari. watu wataanza kumjadili na hivyo nia yake itasambaa kwa watu wengi zaidi.
     
  5. Mtu wa Pwani

    Mtu wa Pwani JF-Expert Member

    #5
    Feb 3, 2008
    Joined: Dec 26, 2006
    Messages: 4,085
    Likes Received: 11
    Trophy Points: 135
    kama ni kampeni kavunja katiba ya ccm au dar si lamu unasemaje ?
     
  6. Kibunango

    Kibunango JF-Expert Member

    #6
    Feb 3, 2008
    Joined: Aug 29, 2006
    Messages: 7,558
    Likes Received: 122
    Trophy Points: 160
    Sidhani kama ni kampeni, ametoa mawazo yake juu ya mpasuko, ambayo yamewakuna wengi, hivyo akishukuriwa na kujadiliwa sio kampeni.
     
  7. Kibunango

    Kibunango JF-Expert Member

    #7
    Feb 3, 2008
    Joined: Aug 29, 2006
    Messages: 7,558
    Likes Received: 122
    Trophy Points: 160
    Luyungu
    Umeona shida sana kuweka kichwa hiki cha habari...
    yatakushinda!
     
  8. Mtu wa Pwani

    Mtu wa Pwani JF-Expert Member

    #8
    Feb 3, 2008
    Joined: Dec 26, 2006
    Messages: 4,085
    Likes Received: 11
    Trophy Points: 135
    heee heee ww kibunango mwisho;

    sasa tuseme lunyungu alitaka kuspin?

    nimepata kali moja waungwa nnamba wenye kuijua watupasulie kuwa huyu na ka ka yake picha haziendi ?
     
  9. Kibunango

    Kibunango JF-Expert Member

    #9
    Feb 3, 2008
    Joined: Aug 29, 2006
    Messages: 7,558
    Likes Received: 122
    Trophy Points: 160
    Yeah, naona amekereka na kauli ya Maalim..
     
  10. Lunyungu

    Lunyungu JF-Expert Member

    #10
    Feb 3, 2008
    Joined: Aug 7, 2006
    Messages: 8,827
    Likes Received: 53
    Trophy Points: 135

    Mimi siktaka ku spin hata mara moja . Soma mabandiko yangu nyuma baada ta matamshi ya Ali Karume . Nilikuja hapa na kumoa sifa zake za wazi kabisa kwamba sasa pamoja na uozo wote kaanza kuamka .Mimi nimeleta habari zote hizi mbili kwamba ninazikubali . Kazi ya karume ni nzuri na matamshi yake lazima yememuumiza JK na kumganya aonekane Kituko nalabda kauli itakuwa imejadiliwa Dodoma pia .What he said is what supposed to be done . Naipenda Tanzania na Zanzibar is part of it .Huyu jamaa ni mpuuzi lakini kwa mara ya kwanza kasema kitu kimeniingia na ninakubali.Si mara nyingi umkute mwana CCM anakuja na kusema wazi namna hii. Wangalijaribu hata kukemea na kusema kwa wazi mara kibao Nchi ingalikuwa iko mbali .So where is my intent to spin?
     
  11. Mtu wa Pwani

    Mtu wa Pwani JF-Expert Member

    #11
    Feb 3, 2008
    Joined: Dec 26, 2006
    Messages: 4,085
    Likes Received: 11
    Trophy Points: 135

    mkuu tumekupata na kukufahamu vyema

    ahsante kwa ufafanuzi

    tumuombee dua awe mgombea wetu na mwisho awe rais wetu
     
  12. Kasheshe

    Kasheshe JF-Expert Member

    #12
    Feb 3, 2008
    Joined: Jun 29, 2007
    Messages: 4,595
    Likes Received: 17
    Trophy Points: 135
    Hivi Maalimu Seif amekata tamaa??? maana naona anatamani CCM ipate mgombea mzuri?

    What does this mean?
     
  13. Mtu wa Pwani

    Mtu wa Pwani JF-Expert Member

    #13
    Feb 3, 2008
    Joined: Dec 26, 2006
    Messages: 4,085
    Likes Received: 11
    Trophy Points: 135
    maalim seif anataka maendeleo ya zanzibar.
    ikiwa cuf au ccm watatoa wagom bea wazuri basi taifa litakuwa na uhakika wa maendeleo
     
  14. Kibunango

    Kibunango JF-Expert Member

    #14
    Feb 3, 2008
    Joined: Aug 29, 2006
    Messages: 7,558
    Likes Received: 122
    Trophy Points: 160
    Swadata... Naona umemfahamu vizuri Maalim
     
  15. D

    DAR si LAMU JF-Expert Member

    #15
    Feb 4, 2008
    Joined: Mar 31, 2007
    Messages: 2,919
    Likes Received: 264
    Trophy Points: 180
    ..tatizo ushahidi!
     
  16. D

    DAR si LAMU JF-Expert Member

    #16
    Feb 4, 2008
    Joined: Mar 31, 2007
    Messages: 2,919
    Likes Received: 264
    Trophy Points: 180
    ..kama hayo ni kweli,basi eshakiri huyo kwamba ccm chama kubwa.
     
  17. Icadon

    Icadon JF-Expert Member

    #17
    Feb 4, 2008
    Joined: Mar 21, 2007
    Messages: 3,588
    Likes Received: 7
    Trophy Points: 0
    Kuna mdau aliuliza tumejifunza nini kwenye mchakato wa USA, nahisi Ali Karume kafuata mfumo wa wagombea(wa US) kujitangaza miaka miwili kabla.

    Zanzibar wanahitaji Agent of change mambo ya Dynastic Politics ni dalili za woga na kutojiamini.
     
  18. Lunyungu

    Lunyungu JF-Expert Member

    #18
    Feb 4, 2008
    Joined: Aug 7, 2006
    Messages: 8,827
    Likes Received: 53
    Trophy Points: 135
    Zeni wajitaji je CCM wako tayari kuendesha mambo ya wazi kama haya ya huko US ? Maaana hata mwenyekiti wao wa Chama alisimama na kivuli na Makamu mwenyekiti sasa uwazi na issue mezani wataweza ?
     
  19. Kibunango

    Kibunango JF-Expert Member

    #19
    Feb 4, 2008
    Joined: Aug 29, 2006
    Messages: 7,558
    Likes Received: 122
    Trophy Points: 160
    CCM Zenj wanaweza kabisa kuweka mambo yao wazi, sijui huko CCM Bara
     
Loading...