Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Polisi 'yamfilisi' Maradona, wakamata hereni,vidani vya thamani kubwa

Discussion in 'Sports' started by kasyabone tall, Sep 22, 2009.

  1. k

    kasyabone tall JF-Expert Member

    #1
    Sep 22, 2009
    Joined: Sep 13, 2009
    Messages: 255
    Likes Received: 5
    Trophy Points: 33
    ROME , Italia
    POLISI wa Italia wamekamata hereni za kocha wa Argentina Diego Maradona.

    Mamlaka ya mapato ya hapa ilimtembelea kocha katika hoteli Ijumaa na kuchukua hereni na vidani kama sehemu ya malipo kwa mshambuliaji huyo wa zamani wa Napoli ambaye alikuwa akidaiwa kodi.

    Mamlaka hiyo ya Jimbo la Bolzano ilisema kuwa iliwaagiza polisi wake kumtaka Maradona akabidhi mali hizo zenye thamani ya dola 5,900. Shirika la Habari la Italia, ANSA lilisema kuwa Maradona alikuwa akidaiwa kodi ya dola milioni 54.

    Polisi wa idara hiyo ya mapato katika mji huo wa kusini wa Tyrol walikataa kuzungumzia lolote kuhusu mali hizo za Maradona zilizochukuliwa kutoka kwake hoteli ya Grand Palace mjini Merano atarejeshwa au la.
    Mtandao wa televisheni wa Italia umeeleza kuwa vito hivyo vinahusisha pia almasi.

    Polisi hawakueleza kama Maradona alikuwa amevaa vidani hivyo au la, lakini walieleza kuwa anatakiwa kulipa kodi anayodaiwa.

    Miaka mitatu nyuma, polisi walitaifisha saa mbili aina ya Rolex wakati Maradona alipokuwa katika mkutano na waandishi wa habari mjini Naples.

    Maradona, 48, alikuwa nahodha wa Argentina kwenye fainali za Kombe la Dunia mwaka 1986, ambayo waliibuka mabingwa. Aliichezea Napoli kuanzia mwaka 1984 hadi 1991.
     
  2. Bongolander

    Bongolander JF-Expert Member

    #2
    Sep 22, 2009
    Joined: Jul 10, 2007
    Messages: 4,880
    Likes Received: 23
    Trophy Points: 135
    hii kali, kwa hiyo ina maana kuwa kila Diego akitia mguu Italia atanyang'anywa kitu. Lakini ni vizuri kama wakisema ukweli kuwa wanaomdai ni mafia wa Italia, iko siku watakujachukua suruali yake au kuchukua nguo zake zote.
     
Loading...