Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Polisi waomba kibali kumkamta Mbunge wa CCM kwa nguvu

Discussion in 'Jukwaa la Siasa' started by issenye, Jun 29, 2011.

  1. i

    issenye JF-Expert Member

    #1
    Jun 29, 2011
    Joined: Feb 2, 2011
    Messages: 416
    Likes Received: 168
    Trophy Points: 60
    Polisi kumkamta Mbunge kwa nguvu
    Na Cosmas Mlekani
    29th June 2011



    Jeshi la Polisi mkoani Mwanza huenda likamkamata Mbunge wa Busega kupitia Chama Cha Mapinduzi (CCM), Dk. Titus Kamani, ili kumhoji kuhusiana na tuhuma za kutaka kumuua aliyekuwa Mbunge jimbo hilo, Dk. Raphael Chegeni.

    Tayari Jeshi hilo limekwisha kumwandikia barua Katibu wa Bunge la Jamhuri ya Muungano wa Tanzania, Dk. Thomas Kashillilah, kumtaka mbunge huyo kwenda Mwanza kuhojiwa kuhusiana tuhuma hizo zinazomkabili.

    Jeshi hilo limesema kuwa endapo Dk. Kamani ataendelea kukaidi amri ya polisi ya kwenda jijini Mwanza kutoa maelezo, linaweza kutumia nguvu kumkamata kwa mujibu wa sheria.

    Mkuu wa Kitengo cha Upelelezi wa Makosa ya Jinai mkoani Mwanza (RCO), Deusdedith Nsimeki, alisema juzi jijini hapa kuwa mtuhumiwa huyo bado hajafika polisi kutoa maelezo yake dhidi ya tuhuma zinazomkabili licha ya polisi kumtaka kufanya hivyo.

    Inadaiwa kuwa Mei 31, mwaka huu, Jeshi la Polisi mkoani Mwanza liliiandikia barua katika Ofisi ya Bunge kumtaka Dk. Kamani kwenda Mwanza kwa ajili ya mahojiano maalumu na jeshi hilo dhidi ya tuhuma hizo.

    Nsimeki alithibitisha kuwa hadi sasa Dk. Kamani hajafika Mwanza kutoa maelezo kwa Jeshi la Polisi.

    Alisema kuwa ikiwa mbunge huyo ataendelea kukaidi amri hiyo halali, wataomba kibali kwa Mkurugenzi wa Makosa ya Jinai (DCI), ili watumie nguvu kumkamata.

    Jeshi hilo liliandika barua Mei 31, mwaka huu, yenye Kumbukumbu No. MZR/CID/SCR/105/2011/4 iliyotumwa kwa Katibu wa Bunge ikimkata kumruhusu Dk. Kamani kwenda Mwanza kutoa maelezo polisi katika Jalada No. MW/IR/2607/2011-MR-CC.28/2011 lililofunguliwa kwa kosa la kula njama na kutaka kumuua Dk. Chegeni.

    Watuhumiwa wanne tayari wamekwisha kufikishwa katika Mahakama ya Hakimu Mkazi Mkoa wa Mwanza kujibu tuhuma hizo.

    Waliofikishwa mahakamani na sasa wako nje kwa dhamana ni Dismas Zacharia Ndaki, Erasto Kazimili Kombe, Queen Joseph Bogohe na Ellen Joseph Bogohe.

    Kesi yao imepangwa kutajwa Julai 6, mwaka huu.

    Dk. Chegeni aliangushwa katika kura za maoni na Dk. Kamani kabla ya Uchaguzi Mkuu wa Oktoba mwaka jana.

    NIPASHE ilipowasiliana na Kaimu Katibu wa Bunge, John Joel, jana jioni, kuhusiana na suala hilo, alisema kuwa wanachofahamu ni kuwa Dk. Kamani alikuwa Mwanza na kuongeza kuwa kama hajafika Polisi ni kitu kingine.

    "Sisi hatupendi masuala kama haya yawasumbue wabunge, lakini la kwake (Dk. Kamani) ni gumu kuliingilia," alisema Joel.

    Alipoulizwa kama ofisi ya Bunge ilipokea barua kutoka Polisi ikitaka Dk. Kamani kwenda kuhojiwa Mwanza, Joel alisema hana uhakika kwa kuwa wakati huo hakuwepo katika ofisi hiyo na kusisitiza kuwa anachokifahamu ni kuwa mbunge huyo hivi karibuni alikuwa Mwanza.
    CHANZO: NIPASHE
     
  2. Mkirua

    Mkirua JF-Expert Member

    #2
    Jun 29, 2011
    Joined: Sep 9, 2010
    Messages: 5,658
    Likes Received: 5
    Trophy Points: 135
    Ivi ndo utaratibu wa kukamata wabunge sio!? Mbona ni wa sisiem to wanaombewa kibali bana?
     
  3. Lunyungu

    Lunyungu JF-Expert Member

    #3
    Jun 29, 2011
    Joined: Aug 7, 2006
    Messages: 8,827
    Likes Received: 29
    Trophy Points: 135
    Mbona Mbowe kwa kola lile na aina ya kesi pressure ilikuwa kubwa mno lakini kwa huyu tuhuma kubwa kabisa bado kibali kinatakiwa ?Mhn haya Tanzania yangu
     
  4. MANI

    MANI Platinum Member

    #4
    Jun 29, 2011
    Joined: Feb 22, 2010
    Messages: 5,858
    Likes Received: 878
    Trophy Points: 280
    Waombe na ndege ya kijeshi pia !
     
  5. Ngalikihinja

    Ngalikihinja JF-Expert Member

    #5
    Jun 29, 2011
    Joined: Sep 1, 2009
    Messages: 14,537
    Likes Received: 1,768
    Trophy Points: 280
    Kibali cha nini......si wafanya KAMA KAWA KAMA DAWA YAO...??? Wale wa upinzani waliokwisha kamatwa waliombewa vibali........???
     
  6. Bushloiaz

    Bushloiaz JF-Expert Member

    #6
    Jun 29, 2011
    Joined: Nov 2, 2010
    Messages: 468
    Likes Received: 5
    Trophy Points: 35
    Hizi double standards kwenye hii nchi ikob siku zitaisha tu,akwa wa ccm polisi wanaomba kibali upinzani piga,garagaza,polisi mnajiandalia matatizo makubwa sana
     
  7. Paw

    Paw Content Manager Staff Member

    #7
    Jun 29, 2011
    Joined: Nov 14, 2010
    Messages: 1,970
    Likes Received: 96
    Trophy Points: 145
    Kuna haki
    pia kuna haki ZAIDI
     
  8. L

    Lua JF-Expert Member

    #8
    Jun 29, 2011
    Joined: May 19, 2011
    Messages: 705
    Likes Received: 1
    Trophy Points: 0
    kibali kwani wanataka kuwinda?
     
  9. yutong

    yutong JF-Expert Member

    #9
    Jun 29, 2011
    Joined: Apr 15, 2011
    Messages: 1,607
    Likes Received: 7
    Trophy Points: 0
    sahani na vijiko vimeanza kugongana halafu mnasema amani iko wapi?
     
Loading...