Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Polisi, wananchi washambuliana Dar

Discussion in 'Jukwaa la Sheria (The Law Forum)' started by OSOKONI, Aug 23, 2012.

  1. OSOKONI

    OSOKONI JF-Expert Member

    #1
    Aug 23, 2012
    Joined: Oct 20, 2011
    Messages: 7,206
    Likes Received: 1,434
    Trophy Points: 280
    MAPIGANO makali yameibuka kati ya wananchi wanaodaiwa kuvamia ardhi eneo la Madale Wilaya ya Kinondoni jijini Dar es Salaam na Jeshi la Polisi ambalo lilikuwa likifanya operesheni maalumu ya kuwaondoa katika maeneo hayo.
    Wakati wananchi hao wakitumia silaha za jadi kama mapanga, mishale na mawe, polisi walikuwa wakitumia mabomu ya machozi na risasi za moto kuwatawanya.

    Operesheni hiyo ilianza jana saa 10:02 alfajiri ambayo ilikuwa ikiratibiwa na Halmashauri ya Kinondoni na kusimamiwa na askari mgambo na Jeshi la Polisi.Katika mapigano hayo askari polisi mmoja alinusurika kifo baada ya Mshale kumchoma kifuani lakini hakuweza kuumia kwa kuwa alikuwa amevaa vifaa maalumu vya kujikinga na risasi, mawe, ambapo aliuchukua mshale huo na kudai kuwa anauhifadhi kama kumbukumbu.

    Mara baada ya kuzibomoa nyumba na vibanda hivyo takribani 3,000 askari hao walikuwa wakichoma nguo na vitu mbalimbali walivyovikuta.Baadhi ya wananchi waliokuwapo kushuhudia operesheni hiyo walineemeka kwa kuchukua vitu mbalimbali vilivyokuwa rahisi kubebeka kwao.
    Kamanda wa Polisi Kanda Maalumu ya Kinondoni, Charles Kenyera alisema, katika operesheni hiyo wamewakamata zaidi ya watu 12 waliokuwa wakiishi kinyume cha sheria katika maeneo hayo.
    Kenyera alisema, baadhi ya wavamizi hao wamekuwa wakifanya vitendo vya kikatili kwa wamiliki halali wa maeneo hayo kwa kuwapiga na kuwajeruhi.

    “Tangu mwaka 2008 maeneo haya yamevamiwa na watu ambao wengine inaonekana siyo watanzania kwani vitendo wanavyofanya ni vya kinyama sana” alisema Kenyera na kuongeza:
    “Tumewakamata zaidi ya watu 12 na silaha kama mishale, mapanga, pinde pamoja na vitu mbalimbali mfano pikipiki,baiskeli na bidhaa walizokuwa wanauza katika maduka yao.”
    Kwa upande wake Ofisa Ardhi wa Manispaa ya Kinondoni, Jacob Ngowi alisema, nyumba ambazo zinatarajiwa kubomolewa ni zaidi ya 3000 kimakosa.

    “Kuanzia leo (jana) na kuendelea tutazibomoa nyumba zaidi ya 3000 ambapo zaidi ya hekta 5000 zilikuwa zimevamiwa na wananchi hao,” alisema Ngowi na kuongeza:
    “Wananchi wanatakiwa kutambua kuwa hakuna maeneo ambayo yako wazi hivi sasa hivyo tunawashauri kufuata taratibu za ununuzi wa viwanjwa ili kuepuka usumbufu watakaoupata”.
    Mkuu wa Wilaya ya Kinondoni, Jordan Rugimbana alisema watahakikisha wanaziondoa nyumba ambazo zimejengwa katika maeneo ya uvamizi.
    Rugimbana alisema vitendo hivyo vya uvamizi vinatokana na wananchi kununua maeneo hayo kinyemera bila ya kufuata taratibu za kisheria.

    “Unakuta mtu anauziwa kinyemela na yeye anakubali na kuanza kujenga lakini kwa hawa wa hapa wanaonekana wengine sio wazawa kwa vitendo na mienendo yao ya kimaisha” alisema Rugimbana na kuongeza:
    “Wananchi waliojenga katika maeneo yasiyo halali wanatakiwa kubomoa nyumba zao mapema ili kuepuka usumbufu watakaoupata kutokana na operesheni hii ambayo ni endelevu”
    .
    Mkazi wa eneo hilo, Dastan Okololo alisema wavamizi hao walikuwa wakiwafanyia vitendo vya udhalilishaji hususan kwa wanawake katika maeneo hayo.“Yani hawa walikuwa wanyama kwani ukionekana mgeni machoni pao wanakupiga hadi wanakujeruhi na ukienda kuwashitaki Polisi basi unakuwa unahatarisha maisha yako,” alisema Okololo.
    Hivi karibuni wakazi wa Bunju, Boko, Madale, Kinondo na Mboto Wilaya ya Kinondoni jijini Dar es Salaam, waliitaka Serikali kuvichukulia hatua vikundi vilivyovamia viwanja vyao ili kuepusha vurugu kwa kuwa hawako tayari kuyapoteza maeneo yao.Walisema viwanja vyao vimevamiwa na makundi yanayojiita Mungiki na Talebani ambayo pamoja na mambo mengine huvunja nyumba zao, kuiba mifugo, kukata miti na kujitwalia viwanja
    .
    Aprili mwaka jana kulitokea vurugu kubwa baina ya wenye viwanja hivyo na wavamizi na kusababisha uharibifu wa mali pamoja na watu kadhaa kuuawa.
     
  2. Bujibuji

    Bujibuji JF-Expert Member

    #2
    Aug 23, 2012
    Joined: Feb 4, 2009
    Messages: 27,236
    Likes Received: 5,527
    Trophy Points: 280
    kila sehemu polisi inatumia nguvu, wananchi watakuwa sugu na ubabe wa polisi.
    Kariakoo jana polisi walikuwa wakirushiana mawe kwa risasi na raia. Je ni wapi tuendako?
     
  3. M

    MCHUMIPESA JF-Expert Member

    #3
    Aug 23, 2012
    Joined: Mar 11, 2012
    Messages: 2,096
    Likes Received: 3
    Trophy Points: 0
    Eti Tz ni nchi ya Amani!!,hawa vigogo wetu ni wa huni hakuna lolote!
     
  4. Rejao

    Rejao JF-Expert Member

    #4
    Aug 23, 2012
    Joined: May 4, 2010
    Messages: 9,223
    Likes Received: 146
    Trophy Points: 160
    Uvamizi ni kitendo cha kulaaniwa kabisa. Nadhani halmashauri imefanya jambo la busara.
     
  5. Asprin

    Asprin JF-Expert Member

    #5
    Aug 23, 2012
    Joined: Mar 8, 2008
    Messages: 42,209
    Likes Received: 4,748
    Trophy Points: 280
    Mkuu nakuunga mkono kwa asilimia mia. Nalipongeza jeshi la polisi. Wavamiaji wa viwanja vya watu hawana tofauti na majambazi.
     
  6. H

    Honolulu JF-Expert Member

    #6
    Aug 23, 2012
    Joined: Jan 20, 2012
    Messages: 5,658
    Likes Received: 14
    Trophy Points: 135
    Hata kule Nyamongo wakurya wanaambiwa wamevamia maeneo!!!! Wamasai kule Loliondo ndo usiseme!!! CCM mnajitengenezea kitanzi ninyi wenyewe!!
     
  7. Chimbuvu

    Chimbuvu JF-Expert Member

    #7
    Aug 23, 2012
    Joined: Jul 17, 2012
    Messages: 4,394
    Likes Received: 28
    Trophy Points: 135
    haki ni lazima itendeke,wavamizi waondolewe mara moja.
     
  8. isambe

    isambe JF-Expert Member

    #8
    Aug 23, 2012
    Joined: Feb 14, 2008
    Messages: 1,848
    Likes Received: 672
    Trophy Points: 280
    Naisapoti Manispaa kwa hili.
     
Loading...