Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Polisi wamkamata waziri bafuni

Discussion in 'Jukwaa la Siasa' started by nngu007, Mar 4, 2012.

  1. nngu007

    nngu007 JF-Expert Member

    #1
    Mar 4, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145

    [​IMG]
    Na Alfred Lucas - Imechapwa 22 February 2012

    [​IMG][​IMG]
    POLISI mkoa wa Dar es Salaam, wameingia kwenye kashfa nyingine. Sasa wanatuhumiwa kumkamata Arcado Ntagazwa (66), mwanasiasa mashuhuri nchini akiwa mtupu bafuni, nyumbani kwake Kimara B ‘Temboni.'

    Taarifa zinasema askari polisi watano wakiwa na silaha za moto, walimvamia nyumbani kwa Ntagazwa, asubuhi ya Jumatano 8 Februari 2012 na kuvunja mlango wa chumba chake kabla ya kumweka chini ya ulinzi.

    Mashuhuda wa tukio hilo wanasema askari polisi wakiongozwa mkuu wa wilaya ya kipolisi ya Mbezi kwa Yusuph, wilayani Kinondoni, OC-CID Gerald, lilivuta mamia ya watu.


    Mmoja wa wafanyakazi wa Ntagazwa aliyelazimishwa na polisi kuingia nao ndani alisema, "Polisi wameingia hapa kama wamekuja kukamata jambazi. Huwezi kuamini kama walikuwa wamekuja kumkamata raia, tena ambaye amewahi kuwa waziri mwandamizi serikalini."


    Anasema mara baada ya askari hao kuingia ndani, Ntagazwa alipiga kelele kwa ukali akisema "yaani unaingia ndani kuniangalia nikiwa mtupu tena naoga…

    "Yule polisi akasema, nitakutia pingu. Mzee akasema nifunge hiyo pingu kama mimi ni mhaini."

    Baadaye mzee huyo alitoka bafuni na kuvaa nguo zake, lakini aligoma kuondoka nyumbani kwa sharti la kutengenezewa mlango wake.


    Mlango huo ulitengenezwa, ndipo mwanasiasa huyo, alipokubali kwenda kituoni kwani alijihakikishia chumba chake kiko salama baada ya kukifunga.


    OC-CID Gerald amekiri kumkamata Ntagazwa katika mazingira hayo. Lakini alisema,
    "Huyu bwana alikuwa msumbufu."


    "Kwanza kuna siku mbili kabla, aliitwa kituo kikuu Dar es Salaam. Aliitikia wito, lakini baadaye alijiamulia kuondoka chini ya ulinzi. Siku hiyo ya terehe 8 Februari 2012, alifuatwa na askari tangu asubuhi saa 11 alfajiri.


    "Mimi kwa cheo changu, huwa nakwenda kumkatama mtu ikibidi. Kuna askari wa kawaida na hata mgambo wanaweza kwenda kumkamata mtu. Sasa siku hiyo alipigiwa simu aamke na kwamba anahitajika kituoni. Hakutoka. Polisi walimweleza kwamba wako nje wanamsubiri hakutoka.


    "Tangu saa 11, 12…saa 1 asubuhi mtu hatoki. Basi nikaenda mwenyewe na kumpitia mtendaji wa mtaa hadi nyumbani kwa huyo mzee na kugonga mlango. Hakufungua. Hivyo tukausukuma mlango kwa nguvu na kumkuta ndani.


    Mara baada ya kuchukuliwa maelezo hapo kwenye kituo cha Polisi-Mbezi kwa Yusuph, Ntagazwa alipelekwa kituo Kikuu cha Polisi Dar es Salaam ambako siku hiyo alilala rumande.


    "Tulimkuta anamaliza kupiga simu, kisha akaingia bafuni. Yaani mtu anasema anaoga tangu saa 11 alfajiri. Unajua tumeingia pale ndani kama saa tatu hivi, eti muda wote anaoga. Tukaona hapana. Tukaingia ndani na kumkamata," ameeleza.

    Anasema, "Mimi nasema hata kama tungemkuta anajisaidia, tungemkamata…"

    Ntagazwa ambaye alifanyakazi ya uwaziri chini ya utawala wa Mwalimu Nyerere, rais mstaafu Ali Hassani Mwinyi na Benjamin, amethibitisha kukamatwa na polisi.

    "Pamoja na kwamba aliniomba radhi kwa vitendo alivyonifanyia, yule kijana aliniomba radhi. Nami nimesamehe. Lakini nimemwambia neno moja, sitasahau," amesema Ntagazwa kwa sauti ya uchungu.

    Ntagazwa ambaye ni mbunge wa zamani wa Kibondo mkoani Kigoma kwa miaka 25 mfululizo (1980-1995), aliyeshika nafasi ya naibu waziri wa fedha kati ya 1983 hadi 1985 na baadaye kuhudumu kwa nafasi tofauti katika serikali za za awamu ya pili na tatu.


    Mwaka 2011 alijiunga na Chama cha Demekrsia na Maendeleo (CHADEMA) na kugombea ubunge jimboni Muhambwe.


    Akizungumzia hatua hiyo, Ntagazwa anasema, "Sikushtuka kulala ndani…kuna wengi wamelala ndani bila makosa."


    "Kuna watu wanafurahia wengine wadhalilishwe. Hili ni jambo la hatari," alisema.

    Kukamatwa kwa Ntagazwa kunatokana na deni la kuchapa fulana 5,000 walizoagiza kutoka kampuni ya Visual Storm.

    Alisema, akiwa mmoja wa wadhamini wa taaisi inayofahamika kwa jina la The Registered Trustees of Social and Political Development' (AFORD), Ntagazwa anasema wa waliagiza fulana hizo kutoka nchini China kwa ajili ya kuadhimisha kumbukumbu ya kifo cha Mwalimu Nyerere, kwa gharama ya sh 74 milioni.


    Kazi ya michoro ‘designing' walimpa Dk. Webhale Ntagazwa ambaye ni kijana wake wa kiume.


    "Baada ya Dk. Webhale ku-design. Kazi hiyo ya tulimpa Noel Severe anayemiliki kampuni ya Visual Storm…


    "Lakini kabla ya siku ya kumbukumbu ya Nyerere kufika, michoro ya T-shirt zetu za AFORD ilitolewa katika gazeti la Mtanzania likidaiwa kuwa fulana hizo zilikuwa zinahusiana na Chama cha Jamii-CCJ (sasa CCK).


    "Tukio hilo lilifanya wafadhili wetu watuite na kusitisha ufadhili wao, hali iliyotufanya tushindwe kuwalipa watengeneza fulana kwa wakati," anasema.

    Akasema walichofanya AFORD ni kutoa taarifa polisi kwa hati RB No.

    CD/RB/882/2010 na CD/RB/335/2010 na kwa mkuu wa jeshi hilo , Inspekta Jenerali kupitia barua ya Februari 16, 2010 iliyosainiwa na Mkurugenzi Mtendaji, Julius Miselya.


    Taarifa hiyo ilikuwa ni kulalamika kupotea kwa baadhi ya fulana zetu sambamba na magazeti kuhusika kuvunja udhamini wao, kwa taarifa isiyo ya kweli.


    Kwa mujibu wa Ntagazwa, IGP Mwema aliagiza uchunguzi ufanyika chini ya wapelelezi Benett na Ernest, lakini hakuona matunda ya upelelezi wao.


    Wakati AFORD wakisubiri kukamilika kwa upepelezi huo kazi hiyo walipewa wapelelezi wengine, Robert na Albogast Kashaija ambao waliwageuka, wakidai walalamikaji, Ntagazwa na Miselya ni matapeli.


    Alisema wapelelezi hao walidai kuwa Ntagazwa na Miselya wamejipatia mali kwa njia ya udanganyifu, hivyo wanapaswa kufunguliwa mashtaka mahakamani.


    Hata hivyo, Ntagazwa hakupelewa kortini baada ya familia kuingilia kati na kufanya makubaliano ya kulipa fedha inayodaiwa na kampuni ya Visual Storm, ifikapo 27 Machi 2012.


    "Kinachoshangazwa ni kwamba ninashtakiwa kama mtu binafsi wakati mimi ni mmoja wa wadhamini wa taasisi yenye uongozi wake.


    "Na AFORD, inaweza kushitakiwa kwa kesi ya madai, si jinai kwa sababu kilichofanyika ni kuvunjwa kwa mkataba wa malipo.


    "Sitaki kuamini kama kuhama CCM kwenda CHADEMA ndio kiini. Hapa kuna jambo ambalo polisi naona inataka kujidhalilisha kuonyesha taswira mbaya mbele ya jamii," alisema.


    Kamanda wa Polisi Kanda maalum ya Dar es Salaam , Suleiman Kova alipoulizwa kuhusu suala hilo alisema, "Sisi tumekubaliana nao wayamalize na wakishindwa basi sheria itafuata mkondo wake."


    Severe ambaye kampuni yake iliagiza fulana hizo, alisema, " Kwanza nipo Mbeya kikazi. Haya mambo ni ya kiofisi. Nikija Dar nitakutafuta nikueleze hasa kilichotokea. Siwezi kuyazungumza kwenye simu."



     
  2. Nyani Ngabu

    Nyani Ngabu Platinum Member

    #2
    Mar 4, 2012
    Joined: May 15, 2006
    Messages: 65,182
    Likes Received: 16,164
    Trophy Points: 280


    Really? 1980 - 1995 ni miaka 25?

    Hili gazeti lina wahariri kweli?
     
  3. nngu007

    nngu007 JF-Expert Member

    #3
    Mar 4, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    Hii ni Sababu ya kuhama CCM?
     
  4. Kimbunga

    Kimbunga Platinum Member

    #4
    Mar 4, 2012
    Joined: Oct 4, 2007
    Messages: 12,349
    Likes Received: 1,038
    Trophy Points: 280
    Mkuu kumbe hii ilikuwa haijapita hapa! Walimdhalilisha huyu mzee lakini na yeye kwa nini hakujisalomisha? Pua hizo deal zina ukakasi kiasi fulani.
     
  5. Mungi

    Mungi JF Gold Member

    #5
    Mar 4, 2012
    Joined: Sep 23, 2010
    Messages: 16,944
    Likes Received: 352
    Trophy Points: 180
    Kumbe mambo ya Madeni! Nilifikiri uhaini
     
  6. Zak Malang

    Zak Malang JF-Expert Member

    #6
    Mar 4, 2012
    Joined: Dec 30, 2008
    Messages: 5,410
    Likes Received: 13
    Trophy Points: 0
    Hawa mapolisi wetu wanashangaza kweli kweli. Tena namueleza mbumbumbu Na 1 wa sheria katika jeshi hilo, Chagonja asikie - tangu lini mambo ya madeni yakawa jinai? Hilo suala lilitakiwa liende mahakamani kupitia kesi ya madai, na si suala la polisi kamwe.

    Bila shaka polisi walipewa kitu kidogo ili wantie jamba jamba huyo Ntagazwa.
     
  7. zomba

    zomba JF-Expert Member

    #7
    Mar 4, 2012
    Joined: Nov 27, 2007
    Messages: 17,082
    Likes Received: 9
    Trophy Points: 0
    Tanzania Daima nini?
     
  8. Maundumula

    Maundumula JF-Expert Member

    #8
    Mar 4, 2012
    Joined: Nov 4, 2010
    Messages: 7,038
    Likes Received: 24
    Trophy Points: 135
    Huyo mzee si angeenda mwenyewe kituoni? Mambo mengine ya kujitakia.
     
  9. Mzito Kabwela

    Mzito Kabwela JF-Expert Member

    #9
    Mar 4, 2012
    Joined: Nov 28, 2009
    Messages: 17,172
    Likes Received: 1,329
    Trophy Points: 280
    Mkiambiwa jeshi halipo huru mnabisha
     
  10. Mungi

    Mungi JF Gold Member

    #10
    Mar 4, 2012
    Joined: Sep 23, 2010
    Messages: 16,944
    Likes Received: 352
    Trophy Points: 180
    kama nimemwelewa, na kama ninakumbuka, Ntagazwa alikuwa mbunge mpaka 2005
     
  11. Kimbunga

    Kimbunga Platinum Member

    #11
    Mar 4, 2012
    Joined: Oct 4, 2007
    Messages: 12,349
    Likes Received: 1,038
    Trophy Points: 280
    Kama si mwanahalisi ni raiamwema. nakumbuka kuisoma hii habari.
     
  12. Nyani Ngabu

    Nyani Ngabu Platinum Member

    #12
    Mar 4, 2012
    Joined: May 15, 2006
    Messages: 65,182
    Likes Received: 16,164
    Trophy Points: 280
    Lakini wameandika 1980-1995....ni miaka 25 hiyo?
     
  13. Kimbunga

    Kimbunga Platinum Member

    #13
    Mar 4, 2012
    Joined: Oct 4, 2007
    Messages: 12,349
    Likes Received: 1,038
    Trophy Points: 280
    Labda hajapata elimu ya utii bila shuruti. Jamaa hawakumbuki kuwa mzee alikuwa AFSA.
     
  14. Kimbunga

    Kimbunga Platinum Member

    #14
    Mar 4, 2012
    Joined: Oct 4, 2007
    Messages: 12,349
    Likes Received: 1,038
    Trophy Points: 280
    Mkuu hapa kuna jinai ya kujipatia mali kwa njia ya udanganyifu.
     
  15. Zak Malang

    Zak Malang JF-Expert Member

    #15
    Mar 4, 2012
    Joined: Dec 30, 2008
    Messages: 5,410
    Likes Received: 13
    Trophy Points: 0

    Umenena Mkuu. Hiyo haikuwa suala la jinai na Ntagazwa ana haki kuwashitaki polisi na kudai fidia ya kudhalilishwa.

    nauliza: Hivi vituo vya polisi vina right ya licha ya kumuita mtu kwa mahojiano, hata kumkamata mtu kwa suala la madai?
     
  16. Ndahani

    Ndahani JF-Expert Member

    #16
    Mar 4, 2012
    Joined: Jun 3, 2008
    Messages: 11,563
    Likes Received: 145
    Trophy Points: 160
    Hivi wana siasa wakiacha siasa hali yao inakuwaje kuwaje? Huyu mzee naona mzigo wa maisha unamuelemea. dawa sio kumpeleka ndani....maswahiba wamsaidie
     
  17. Zak Malang

    Zak Malang JF-Expert Member

    #17
    Mar 4, 2012
    Joined: Dec 30, 2008
    Messages: 5,410
    Likes Received: 13
    Trophy Points: 0

    Kwa maelezo mengine ni kwamba kesinyingi za madai zinazohusu fedha au mali, pia zinaweza kufanywa kuwa ni za kujipatia mali kwa njia za udanganyifu, na hivyo jinai. Au...?
     
  18. Njowepo

    Njowepo JF-Expert Member

    #18
    Mar 4, 2012
    Joined: Feb 26, 2008
    Messages: 9,174
    Likes Received: 293
    Trophy Points: 180
    Yaani hawa polisi panapotakiwa ustaarabu wanatumia nguvu!
     
  19. Kimbunga

    Kimbunga Platinum Member

    #19
    Mar 4, 2012
    Joined: Oct 4, 2007
    Messages: 12,349
    Likes Received: 1,038
    Trophy Points: 280


    Hapo ndipo kuna tatizo na kesi ikabadilishwa na kuwa ya jinai.

     
  20. Kimbunga

    Kimbunga Platinum Member

    #20
    Mar 4, 2012
    Joined: Oct 4, 2007
    Messages: 12,349
    Likes Received: 1,038
    Trophy Points: 280

    Mkuu haswaaa.
     
Loading...