Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Polisi Tabora waua majambazi watano

Discussion in 'Habari na Hoja mchanganyiko' started by jamadari, Dec 5, 2010.

  1. jamadari

    jamadari JF-Expert Member

    #1
    Dec 5, 2010
    Joined: Feb 13, 2010
    Messages: 295
    Likes Received: 10
    Trophy Points: 0




    Victor Kinambile, Tabora

    POLISI mkoani Tabora, wamewaua watu watano wanaosadikiwa kuwa ni majambazi na kufanikiwa kukamata bunduki aina ya SMG, magazine tano, risasi 165 na bomu la kutupa kwa mkono.
    Kwa mujibu wa Kamanda Polisi wa Mkoa wa Tabora, Liberatus Barlow, tukio hilo lilitokea juzi katika eneo la Kazima, umbali wa kilometa tano kutoka Tabora mjini, katika barabara kuu ya Tabora-Nzega.

    Alisema kuuawa kwa watu hao, ni matunda ya ulinzi shirikishi unaofahamika kama Polisi Jamii.

    Alisema watu hao walikuwa na mpango wa kuteka magari, lakini waligundua mpango huo na kutoa taarifa polisi.

    Alisema polisi walizifanyia kazi taarifa hizo na kufanikiwa kuwakuta vijana hao, wakiwa wameweka mawe barabarani. wakisubiri malori yanayotoka mnadani kuelekea Tabora mjini.

    Barlow alisema polisi walipofika katika eneo vijana waliaanza kuwarushia risasi, jambo lililowalazimisha askari, kujibu mapigo na kufanikiwa kuwaua watano ambao hata hivyo, hawajatambuliwa.

    Alisema miili ya vijana hao, imehifadhiwa katika Hospitali ya mkoa wa Tabora, Kitete huku mamia ya wakazi wa mji wa Tabora, wakienda katika hospitali hiyo, kuwatambua watu hao.

    Vijana waliouawa wanakadiriwa kuwa na umri wa miaka kati ya 20 hadi 25 na kwamba baadhi yao wanadhaniwa kuhusika katika matukio ya ujambazi, yaliyotokea katika Mkoa wa Tabora na mikoa ya jirani.

    Kamanda alisema vijana watatu walipigwa risasi kifuani, mmoja kwenye tumbo na mwingine mgongoni.


    Aliwashukuru wananchi kwa kushirikiana na polisi na kufanikiwa kuwadhibiti watu hao.

    Chanzo: Gazeti la Mwananchi
     
  2. Gama

    Gama JF-Expert Member

    #2
    Dec 5, 2010
    Joined: Jan 9, 2010
    Messages: 6,909
    Likes Received: 270
    Trophy Points: 180
    Wana jf waliopo tbr tupeni ukweli maana saa nyingine unaweza kukuta habari hii inaukweli finyu.
     
  3. jamadari

    jamadari JF-Expert Member

    #3
    Dec 5, 2010
    Joined: Feb 13, 2010
    Messages: 295
    Likes Received: 10
    Trophy Points: 0
    Wewe GAma unataka Ukweli upi tena na ushahidi huo hapo Bonyeza hapo palipo andikwa Chanzo utapata Ukweli wa Mambo Acha uzito wa kusoma magazeti Chanzo: Gazeti la Mwananchi
     
  4. mpenda pombe

    mpenda pombe JF-Expert Member

    #4
    Dec 5, 2010
    Joined: Nov 17, 2010
    Messages: 778
    Likes Received: 160
    Trophy Points: 60
    Ni habari ya kweli...
     
  5. MziziMkavu

    MziziMkavu JF-Expert Member

    #5
    Dec 5, 2010
    Joined: Feb 3, 2009
    Messages: 38,529
    Likes Received: 2,800
    Trophy Points: 280
    Mpaka imetoka katika Gazeti ni habari ya kweli unataka iwe habari ya uongo hao Polisi siku hiz kazi yao kuuwa Majambazi
     
Loading...