Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Polisi Kupiga Raia ni Halali?

Discussion in 'Habari na Hoja mchanganyiko' started by Wambugani, Dec 29, 2010.

  1. Wambugani

    Wambugani JF-Expert Member

    #1
    Dec 29, 2010
    Joined: Dec 8, 2007
    Messages: 1,712
    Likes Received: 29
    Trophy Points: 145
    Polisi wamshushia kipigo mwandishi
    Na Mwandishi wetu


    Mwandishi wa Habari wa Gazeti la Tanzania Daima wilayani Kahama, Mkoa wa Shinyanga, Ali Lityawi, juzi alipata kipigo kikali kutoka kwa askari wa jeshi la polisi wilayani hapa na kunyang’anywa kamera yake ya kazi kwa madai ya kupiga picha mahabusu aliyetoroka rumande.

    Tukio hilo lilitokea majira ya saa 12:45 jioni katika mtaa wa Lumelezi karibu na Hospitali ya Magai ambapo alikutana na askari hao wakiwa katika jitihada za kumkimbiza mahabusu huyo aliyewatoroka kituoni.

    Akizungumza na waandishi wa habari, Lityawi alisema kuwa baada ya mahabusu huyo ambaye jina lake halikuweza kupatikana mara moja kukamatwa na polisi kwa kushirikiana na wananchi waliokuwepo katika eneo hilo, alianza kupiga picha za tukio hilo.

    Alisema katika harakati za kupiga picha, alijitokeza askari mmoja na kuanza kumshambulia kwa kumpiga kisha kumnyang’anya kamera aliyokuwa nayo na katika jitihada za kuigombania, ilidondoka ndani ya mtaro wa maji.

    Lityawi alisema wakiwa katika purukshani hizo, alijitokeza askari mwingine na kumsaidia mwenzake kuendelea kumshambulia.

    Alisema katika jitihada za kugombania kamera, hiyo askari hao walifanikiwa kuichukua huku wakimkamata na kwenda naye kituoni ambapo walifika na kumweleza Mkuu wa Polisi wa Wilaya (OCD), George Simba,, aliyeamuru kuwekwa mahabusu kwa muda kwa kosa la kuwapiga askari picha bila kibali maalum.

    “Aliniamuru kufuta picha hizo haraka kwenye kamera na baada ya kukataa na kutaka anionyeshe ni kifungu gani cha sheria kinachompa mamlaka ya kunizuia kufanya kazi zangu, aliamuru itolewe kadi ya kumbukumbu iliyohifadhi picha hizo na kunitaka niifuate kesho yake kituoni hapo,” alisema.

    Kamanda wa Polisi mkoani Shinyanga, Diwani Athumani, amelaani kitendo hicho kilichofanywa na askari wa jeshi lake na kumtaka OCD kuangalia jinsi ya kumtengenezea kamera yake mwandishi huyo na kumwomba msamaha.

    “Ni sera ya jeshi kusaidiana na waandishi wa habari na vyombo vyao kuwaelimisha wananchi utendaji kazi wa jeshi na kuwapa elimu inayohusiana na usalama wa raia na mali zao. Kama waliona kuwa picha anazopiga si nzuri kwao, wangemwomba asizitumie badala ya kumshambulia, kumharibia kamera yake, lakini pia kumweka mahabusu kwa muda,” alisema.

    CHANZO: NIPASHE

    Matukio mengi yanaripotiwa ya polisi kupiga watu kinyama. Wanajamvi mnasemaje kuhusu hili?
     
  2. k

    katitu Senior Member

    #2
    Dec 29, 2010
    Joined: Dec 29, 2010
    Messages: 147
    Likes Received: 4
    Trophy Points: 35
    Hakuna sheria inayompa nguvu au inayotoa mamlaka ya kutoa kipigo kwa wananchi.hayo ni matumizi ya nguvu yanayoenda kinyume na haki za binadamu.polisi kupiga watu ni kukosa busara na ustaarabu.kama wanachi wameomba kuandamana sababu wanaona haki yao inachezewa waachwe waandamane sababu ni yaki yao ya kikatiba ilimradi hawvunji sheria.la msingi linaloonekana hapo ni kuwa jeshi letu la polisi lapaswa kufanyiwa reforms ili liendane na wakati uliopo sasa hivi vinginevyo litaleta mkanganyiko ktk jamii.
     
  3. Wambugani

    Wambugani JF-Expert Member

    #3
    Dec 29, 2010
    Joined: Dec 8, 2007
    Messages: 1,712
    Likes Received: 29
    Trophy Points: 145
    Ninakubaliana nawe Katitu. Kinachoonekana ni kwamba Jeshi hilo sio usalama wa raia tena bali lipo kwa ajili ya masilahi ya watu binafsi au mabosi. Kama pale Arusha walivyofanya, Mkuu wao anasema hana polisi wa kutosha kwa ajili ya kulinda mkutano wakati polisi wamejazana kwenye magari kila kona ya mji.

    Jeshi kama halitumiki kwa busara ya Usalama wa Raia, jeshi hili litakuwa limekosa makusudi ya kuwepo kwake hapa nchini. Kikosi cha Fanya Fujo Uone, inaonekana wao ndio waanzisha fujo katika matukio mengi. Na IGP inaonekana anafurahia matukio yote hayo ya jeshi lake kuanzisha fujo.
     
  4. Lizzy

    Lizzy JF-Expert Member

    #4
    Dec 29, 2010
    Joined: May 25, 2009
    Messages: 22,194
    Likes Received: 122
    Trophy Points: 160
    Sio halali!Ni uonevu na unyanyasaji!
     
Loading...