Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Picha Za Vijana Bungeni: Report Kamili - Week 1

Discussion in 'Jukwaa la Siasa' started by Superman, Nov 16, 2010.

  1. Superman

    Superman JF-Expert Member

    #1
    Nov 16, 2010
    Joined: Mar 31, 2007
    Messages: 5,698
    Likes Received: 76
    Trophy Points: 145
    Source: herman mwampyate: RIPOTI KAMILI





    [​IMG]
    Bunge la 2010-2015 ni la vijana, mandhari na kila kitu kinabeba tafsiri hiyo na hapa kuna ripoti kamili ya kilichochukua nafasi mjini Dodoma wakati wa ufunguzi wa Bunge la 10.


    [​IMG]
    Bunge.​

    Jicho la Ijumaa Wikienda bungeni lina tathmini ya jumla kuwa bunge jipya lina idadi kubwa ya vijana kuliko wazee, tofauti na ilivyozoeleka miaka ya nyuma.

    Chama Cha Mapinduzi (CCM) ndicho pekee kinachoongoza kwa kutumbukiza wazee mjengoni, ingawa vijana ni wengi zaidi, kikifuatiwa na Chama cha Wananchi (CUF).


    [​IMG]
    John Mnyika, Ubungo.​

    Chama cha NCCR-Mageuzi, ndicho kilichotia fora zaidi kwa kuingiza wabunge wanne na kati yao robo tatu ni vijana chini ya umri wa miaka 30, isipokuwa mwana mama Agripina Zaitun Buyogera wa Kasulu Vijijini.

    NCCR kimevunja rekodi ya CHADEMA katika bunge lililopita, wakati mbunge wake, Zitto Zuberi Kabwe alipoingia mjengoni akiwa na umri wa miaka 28, hivyo kuwa kijana mdogo zaidi kutoka jimboni.


    [​IMG]
    Mchungaji Peter Msigwa, Iringa Mjini.​

    Safari hii, Mbunge wa Muhambwe, Felix Mkosamali (NCCR) ndiye mbunge mdogo zaidi ambapo ameingia mjengoni akiwa na umri wa miaka 24.

    JUMANNE, MPAKA ALHAMISI ILIYOPITA

    Idadi ya wabunge waliowasili kwa ajili ya kujisajili ilikuwa ndogo Jumanne, siku iliyofuata (Jumatano) iliongezeka lakini walifurika Alhamisi ambapo ndiyo ilikuwa mwanzo wa utambulisho bungeni.

    [​IMG]
    Catherine Magige, Viti Maalum (UVCCM- Arusha) .​

    Mandhari ya Jumatano yalikuwa ni yenye kuchangamka, wabunge wakipongezana kwa kufanikiwa kushinda, wengine wakirejea na wale waliofanikiwa kwa mara ya kwanza.

    SLAA, MBOWE WAITEKA DOM USIKU

    Msafara mkubwa wa Katibu Mkuu wa CHADEMA, Willibrod Slaa na mwenyekiti wake, Freeman Mbowe uliwasili Jumanne usiku mjini Dom na kufanya mkutano kwenye makao makuu ya chama mkoa.

    [​IMG]
    David Kafulila, Kigoma Kusini.​

    Mkutano ulipambwa na shamrashamra, wakazi wa Dom wakimshangilia Slaa alipokuwa anawasili na hata alipoanza kuhutubia.

    Hata hivyo, baada ya Mbunge wa Mbeya Mjini, Joseph Osmund Mbilinyi ‘Sugu' kuwasili kwenye mkutano huo, wananchi walipoteza umakini kwa Slaa na kuanza kumshangilia shujaa huyo wa Bongo Flava.

    [​IMG]
    Zitto Kabwe, Kigoma Kaskazini.​

    Busara za Slaa, zilimuongoza kumwita mbele Sugu a.k.a Mr. II aweze kuwasalimia wananchi kwa uwazi na baada ya hapo mkutano ulifungwa.

    SITTA AVUTA HISIA

    Jumatano majira ya saa 5 asubuhi, Spika wa Tatu wa Bunge la Jamhuri ya Muungano wa Tanzania, Samuel Sitta aliwasili bungeni kujisajili na kuzungukwa na umati mkubwa wa watu, wengi wakiwa ni waandishi wa habari na wabunge.


    [​IMG]
    Ezekia Wenje, Nyamagana.​

    Akiwa mwenye uchangamfu, alikuwa akiwatania wabunge hasa wale waliopita mbali naye, huku akiwakumbusha kwamba yeye ni mgombea wa uspika.

    HARUFU MBAYA BUNGENI

    Dalili ya hatari ndani ya CCM na bunge, zilionekana kwenye viunga vya bunge kutokana na kampeni za waziwazi ambazo zilikuwa zinaendeshwa.

    [​IMG]
    Lucy Mayenga, Viti Maalum (Wanawake-Shinyanga).​

    Makundi ya wazi yalionekana, upande mmoja ukitaka Sitta apite, wakati mwingine ukishinikiza aenguliwe mapema.

    Upande mmoja ulikuwa ukiwaomba wajumbe wa Kamati Kuu ya CCM (CC), wakate jina la Sitta kwa kile walichodai kwamba matokeo ya kushuka ilichopata chama hicho katika Uchaguzi Mkuu uliopita yalisababishwa na yeye.


    [​IMG]
    Halima Mdee, Kawe.​

    Hata hivyo, upande wa pili, walidai Sitta ndiyo sababu ya ushindi wa CCM katika Uchaguzi Mkuu 2010, vinginevyo chama hicho kingeangushwa mwereka mkubwa.

    Walidai kuwa uongozi wa Sitta ulionesha wananchi kwamba ndani ya CCM kuna watu makini walio tayari kujikosoa ndiyo maana wakakipigia kura.


    [​IMG]
    Joseph Mbilinyi a.k.a Sugu, Mbeya Mjini.​

    KIGOGO AVUJISHA SIRI YA KAMATI

    Jumatano, saa saba mchana, kigogo mmoja wa chama alivujisha siri alipowasili bungeni baada ya kumnong'oneza mbunge mmoja kwamba mwaka huu spika atakuwa mwanamke.

    Sababu alizotoa, ndizo zilizoonekana katika taarifa rasmi kwa vyombo vya habari, iliyosainiwa na Katibu wa Halmashauri Kuu ya CCM, Itikadi na Uenezi, John Chiligati siku hiyo hiyo jioni.



    WAHESHIMIWA CLUB 84

    Jicho la Ijumaa Wikienda lilizama ndani ya Club 84 ambayo ina jina kubwa na kujionea waheshimiwa kadhaa (majina tunayo) wakijirusha, huku wengine wakiondoka eneo hilo karibu na majogoo.

    BUNGENI KIMYA

    Alhamisi kwa watu wengi ilikuwa kama msiba bungeni, wakisikitikia uamuzi wa kamati, ikiwemo wafanyakazi wa bunge lakini hakukuwa na jinsi.


    [​IMG]
    Kikao cha kamati ya Wabunge wa CCM, kilikaa kuchagua kati ya majina matatu, Anna Makinda, Anna Abdallah na Kate Kamba ambapo jina la Makinda liliposhinda, shamrashamra zilianza.

    Wakati hali ikiwa hivyo, CHADEMA kilikuwa ‘bize' na vikao, kuunda Kambi ya Upinzani Bungeni.

    [​IMG]
    Idd Azzan, Kinondoni.​
    DOM GESTI, HOTELI

    Tathmini Dodoma, kila mtaa kuna gesti na hoteli kadhaa na kwa hesabu, bila shaka ndiyo mkoa wenye gesti na hoteli nyingi Tanzania.

    MADENTI U-DOM

    Wanafunzi wanaosoma Chuo Kikuu cha Dodoma (U-Dom), walionekana wakirandaranda kwenye hoteli za waheshimiwa, na walipatikana pia mitaani wakati huu wa bunge jipya.


    [​IMG]
    Neema Mgaya Hamid (Viti Maalum, UVCCM-Dar)​

    NI MREMBO?

    Bunge lililopita lilikuwa na warembo wengi lakini mwaka huu ni ‘funika bovu'.

    Nani mkali ni mchuano kati ya Mbunge wa Viti Maalum (UVCCM), Catherine Magige ‘Pamela', Mbunge Viti Maalum CCM (Geita), Vicky Kamata ‘Madame V' na Mbunge wa Kawe (CHADEMA), Halima Mdee.


    [​IMG]
    Vita Kawawa, ​

    Wengine ni Mbunge wa Viti Maalum CCM (Shinyanga), Lucy Mayenga, Mbunge wa Viti Maalum CHADEMA (Kigoma), Mhonga Ruhanywa, Mbunge wa Viti Maalum (UVCCM), Neema Mgaya Hamid na Mbunge wa Viti Maalum CCM (Zanzibar), Tawhida Cassian Gallus.

    HANDSOME BOYS

    Ingizo jipya la wabunge vijana linafanya mchuano uwe mkali katika bunge hili.

    [​IMG]
    Mnyika na David Silinde wakibadilishana mawazo.​

    Zitto, Mkosamali, Sugu wamo kwenye orodha, halafu wapo wengine kama Mbunge wa Ubungo (CHADEMA), John Mnyika, Mbunge wa Bumbuli (CCM), January Makamba na Mbunge wa Mbozi Magharibi (CHADEMA), David Silinde.

    Wengine ni Mbunge wa Nyamagana (CHADEMA), Ezekia Wenje, Mbunge wa Ilemela (CHADEMA), Highness Kiwia, Mbunge wa Arusha Mjini (CHADEMA), Godbless Lema na wengineo.


    [​IMG]
    Sugu na Mnyika wakipata msosi.​
     
  2. Mr. Zero

    Mr. Zero JF-Expert Member

    #2
    Nov 16, 2010
    Joined: Jun 5, 2007
    Messages: 7,818
    Likes Received: 1,080
    Trophy Points: 280
    Hizo picha ungeziweka hapo badala ya link story yako ingeeleweka vizuri!!
     
  3. Superman

    Superman JF-Expert Member

    #3
    Nov 16, 2010
    Joined: Mar 31, 2007
    Messages: 5,698
    Likes Received: 76
    Trophy Points: 145
    Ngoja nifanyie maarifa ya kubandika picha . . .
     
  4. Superman

    Superman JF-Expert Member

    #4
    Nov 16, 2010
    Joined: Mar 31, 2007
    Messages: 5,698
    Likes Received: 76
    Trophy Points: 145
    Uvumilivu kidoooogo tu . . . .
     
  5. Superman

    Superman JF-Expert Member

    #5
    Nov 16, 2010
    Joined: Mar 31, 2007
    Messages: 5,698
    Likes Received: 76
    Trophy Points: 145
    Subira yavuta heri . . . .
     

    Attached Files:

  6. Superman

    Superman JF-Expert Member

    #6
    Nov 16, 2010
    Joined: Mar 31, 2007
    Messages: 5,698
    Likes Received: 76
    Trophy Points: 145
    Mashallaaaah . . . . nadhani sasa ziko sawa . . . .

    We hope hawa Wabunge vijana hakika watapigania maendeleo ya nchi . . . moto chini . . . moto juu. Kazi na dawa!
     
  7. Relief

    Relief JF-Expert Member

    #7
    Nov 16, 2010
    Joined: Aug 6, 2010
    Messages: 255
    Likes Received: 1
    Trophy Points: 0
    They are looking really good, but hapo kwenye kuchakachua sasa, si sketi si suruali, lets wait and see!!:bowl:
     
  8. Kaa la Moto

    Kaa la Moto JF-Expert Member

    #8
    Nov 16, 2010
    Joined: Apr 24, 2008
    Messages: 7,535
    Likes Received: 74
    Trophy Points: 145
    Mabadiliko hayawezi kuletwa na hawa wabunge wa CCM labda hao wa Chadema tu. Kwani Superman umesahau bunge lililopita pia kulikuwa na vijana kambi ya CCM? kwani ulisahau walivyokuwa wakilalamika kisha wanaishia na kauli ya naunga mkono kwa asilimia 100?
    Hawa ni vijana mizigo tu bungeni. Nategemea kuona Changamoto toka kwa vijana wa Chadema na NCCR period. Wengine hao tulishajua wamekwenda kama visusio vya wakubwa. Hahahahahaha
     
  9. M

    Mfwatiliaji JF-Expert Member

    #9
    Nov 16, 2010
    Joined: Oct 5, 2007
    Messages: 1,326
    Likes Received: 3
    Trophy Points: 0
    Nimefurahi kumwona Mnyika..
     
  10. Emanuel Makofia

    Emanuel Makofia JF-Expert Member

    #10
    Nov 16, 2010
    Joined: Jan 5, 2010
    Messages: 3,817
    Likes Received: 2
    Trophy Points: 135
    Picha ya msosi kweli kazi na dawa
     
  11. NewDawnTz

    NewDawnTz JF-Expert Member

    #11
    Nov 16, 2010
    Joined: Nov 15, 2010
    Messages: 1,675
    Likes Received: 2
    Trophy Points: 0
    Eee Mola walinde vijana wetu wa CHADEMA na Wengine wa Upinzani wenye nia ya dhati ya ukombozi wa taifa letu wasije wakakamatwa na Makokoro haya ambayo yameingia mjengoni wala hata hayajui yanaenda kufanya nini. Wasaidie hawa wanamabadiliko wasijewakachakachuliwa. Aaaamen
     
  12. Ngangasyonga

    Ngangasyonga JF-Expert Member

    #12
    Nov 16, 2010
    Joined: Sep 13, 2010
    Messages: 458
    Likes Received: 0
    Trophy Points: 0
    Jama hao vijana, hizo ni sodaaa au kuna kakonyagi, hapo kwa meza ya ngika na sugu, naona kuna vitu vigumu pale kwa jamaa haoinekani vizuri, wamemuweka chambo kumbe na wao kwenye soda ni danganya toto. Haya tusubiri kipyenga kipulizwee, hoja na mijadala mikali ikianza. sikukuu njema!!
     
  13. FirstLady1

    FirstLady1 JF-Expert Member

    #13
    Nov 16, 2010
    Joined: Jul 29, 2009
    Messages: 16,200
    Likes Received: 104
    Trophy Points: 160
    hIZI PICHA NDO ZIMEPIGWA VIP JAMANI ...ZIMEPINDA SIJUI ZIMEKAAJE
     
  14. Superman

    Superman JF-Expert Member

    #14
    Nov 16, 2010
    Joined: Mar 31, 2007
    Messages: 5,698
    Likes Received: 76
    Trophy Points: 145
    :smile: FL-1 Zimepinda vipi "First Lady One"?
     
  15. NGULI

    NGULI JF-Expert Member

    #15
    Nov 16, 2010
    Joined: Mar 31, 2008
    Messages: 4,819
    Likes Received: 17
    Trophy Points: 135
    Nimependa hii sooo simple . wanakamata mdudu na ugali

    [​IMG]
     
  16. Masanilo

    Masanilo JF-Expert Member

    #16
    Nov 16, 2010
    Joined: Oct 2, 2007
    Messages: 22,323
    Likes Received: 110
    Trophy Points: 160
    Hahahahahah Konyagi, Mdudu na Nguna

    [​IMG]
     
  17. Superman

    Superman JF-Expert Member

    #17
    Nov 16, 2010
    Joined: Mar 31, 2007
    Messages: 5,698
    Likes Received: 76
    Trophy Points: 145
    Sugu Mbona anakula mboga tu? Ama?
     
  18. Superman

    Superman JF-Expert Member

    #18
    Nov 16, 2010
    Joined: Mar 31, 2007
    Messages: 5,698
    Likes Received: 76
    Trophy Points: 145
    Vicky Kamata yeye siyo kijana? Mbona hayupo? Ama?
     
  19. TUKUTUKU

    TUKUTUKU JF-Expert Member

    #19
    Nov 16, 2010
    Joined: Sep 14, 2010
    Messages: 11,849
    Likes Received: 34
    Trophy Points: 145
    Duh safi sana mkuu!!
     
  20. Deodat

    Deodat JF-Expert Member

    #20
    Nov 16, 2010
    Joined: Sep 18, 2008
    Messages: 1,274
    Likes Received: 33
    Trophy Points: 145
    wapeni miezi miwili tu, hamtawaona tena sehemu za hivyo! ha ha ha! otherwise picha imetulia, naona waheshimiwa wanaaga-aga maisha ya kigetogeto!
     
Loading...