Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Nyota Nyekundu Special Thread.

Discussion in 'Sports' started by Bujibuji, May 24, 2011.

  1. Bujibuji

    Bujibuji JF-Expert Member

    #1
    May 24, 2011
    Joined: Feb 4, 2009
    Messages: 27,183
    Likes Received: 5,440
    Trophy Points: 280
    Kwa heshima na taadhima, naienzi hii timu ya kijiweni Mtaa wa Congo ambayo ilishiriki ligi kuu Tanzania Bara na kuwa tishio kwa kupiga mpira na buti.
    Rosta Ndunguru na wenzako, tunawakumbukeni sana kwa kuleta na kucheza soka tamu la ushindani nchini mwetu Tanzania
     
  2. Sumbalawinyo

    Sumbalawinyo JF-Expert Member

    #2
    May 24, 2011
    Joined: Sep 22, 2009
    Messages: 1,286
    Likes Received: 16
    Trophy Points: 0
    Rosta Ndunguru na Salum Kabunda Ninja ni yupi alikuwa mkali wa madaluga?
     
  3. Bujibuji

    Bujibuji JF-Expert Member

    #3
    May 24, 2011
    Joined: Feb 4, 2009
    Messages: 27,183
    Likes Received: 5,440
    Trophy Points: 280
    Mimi nilikuwa mpenzi wa TKY Stars, huu ni wasifu mfupi wa timu yangu iliyochukua ubingwa mwaka 1986.


    Suleiman Mathew
    KWANZA kabisa nawashukuru wote
    waliopiga simu na kutuma ujumbe mfupi
    kuwa, ingekuwa vipi kama MECCO na Tukuyu
    zingekutana, ipi ingeibuka kidedea?
    Baada ya kuandika hoja hii, wengi walitoa
    maoni yao kuhusu ingekuwaje kama
    Tukuyu Stars ya mwaka 1986 na Mecco ya
    mwaka 1988, zingekutana katika Uwanja
    wa Sokoine Mbeya.
    Kati ya waliotoa maoni yao, 38 wameipa
    nafasi Tukuyu Stars kuwa ingeshinda huku
    27 wakiipa nafasi Mecco kuwa, ingeshinda.
    Kwa idadi ya maoni yote, Tukuyu Stars
    imeizidi Mecco kwa kura 11.
    Binafasi nasema asanteni nyote kwani
    imeonyesha kweli watu wamekuwa
    wakizifuatilia timu hizo mbili na kubwa
    zaidi, wakiridhika kuwa zilikuwa ni timu
    zilizokuwa zikicheza soka ya uhakika.
    Baada ya kusema hayo, naomba leo
    niwaletee kwa ufupi wasifu kila mchezaji
    wa timu hizi ambao niliwataja kwa timu
    zote mbili ili kumfanya msomaji upate
    ufahamu kwa kiasi fulani kuwa wachezaji
    hawa walikuwaje, nikianza na Tukuyu Stars:
    Mbwana Makata: Ni kipa wa aina yake
    aliyekuwa anajua kusoma mchezo na kutoa
    maelekezo kwa mabeki wake na alikuwa
    mkali kwa mabeki wazembe wenye kufanya
    makosa ya kijinga.
    Langoni, alikuwa na uwezo sana wa
    kucheza krosi, licha ya kuwa na kimo cha
    kawaida, hivyo msimu wa mwaka 1986,
    alikuwa kati ya wachezaji waliochangia kwa
    kiasi kikubwa mafanikio ya Tukuyu Stars.
    Ally Kimwaga: Huyu alikuwa beki wa kulia,
    aliyekuwa na uwezo wa kupanda mbele
    mara kwa mara kwa dakika zote 90.
    Alikuwa na mbio sana baadhi ya mabao
    iliyokuwa akifunga Tukuyu Stars, yalitokana
    na beki huyu.
    Hakuwa mchezaji mwenye makeke, lakini ni
    mwajibikaji, sikumbuki kama aliwahi hata
    kupata kadi yoyote uwanjani. Aidha, alikuwa
    beki asiyekubali kupitwa au kwa maneno
    mengine beki king'ang'anizi.
    Daniel Chundu: Beki wa kushoto asiyekubali
    kupitwa kirahisi huku akipanda mbele na
    burudani ilikuwa pale napo anapokumbana
    na mabeki wa upande wa pili, ilikuwa ni
    shughuli kubwa ya beki dhidi ya mabeki.
    Uchezaji wake ulikuwa ukiwapa wakati
    mgumu mawingi wa kulia na kwa vile
    hakuwa akitumia mguu wa kushoto,
    alikuwa anawasubiri mawingi katikati ya
    uwanja na kweli alifanya kazi yake vizuri.
    Godwin Aswile: Alikuwa ni beki wa aina
    yake asiyetaka masihara hata chembe.
    Alikuwa kisiki kwa mipira ya aina yoyote ya
    juu na chini na ilikuwa vigumu sana
    kumpiga chenga za ovyo huku akiwa tayari
    kucheza soka ya kistaarabu hata ya kihuni.
    Waulize wachezaji machachari wa Red Stars,
    jinsi Aswile ambavyo alimfanyia rafu mbaya
    Roster Ndunguru, kisa ni kutokana na
    ngebe ya Ndunguru uwanjani. Kwa hakika,
    alikuwa ni beki wa aina yake dimbani.
    Suleiman Mathew: Akiwa beki wa mwisho,
    alikuwa hana makeke mengi zaidi ya
    kutumia akili katika kukabiliana na
    washambuliaji, alitumia nguvu ilipobidi na
    alikuwa anajua jinsi ya kujipanga ili kuzuia
    mashambulizi.
    Alicheza nafasi ya ulinzi wa kati ilivyostahili
    hadi mwaka huo kuchaguliwa timu ya taifa.
    Aston Pardon: Huyu alikuwa kiungo wa
    nyuma alikuwa mahiri katika kukaba na
    kupanda mbele kuongeza mashambulizi.
    Alikuwa na uwezo wa kucheza soka ya aina
    yoyote alipoona timu inaelemewa yeye ndiye
    alikuwa mtulizaji wa timu alikuwa anapenda
    sana kila mpira upitie kwake kwa kweli
    alikuwa na uwezo wa hali ya juu.
    Yusuph Kamba 'Sharif': Kiasili, ni mchezaji
    wa kiungo namba 8, lakini Kocha Athumani
    Juma ambaye kwa sasa ni marehemu,
    alikuwa akimtumia sana kama wingi wa
    kulia.
    Ni mchezaji aliyekuwa na kipaji cha soka,
    akili na alikuwa anajua jinsi ya kutoa pasi za
    uhakika Yanga wanamkumbuka kwa jinsi
    alivyowasumbua Uwanja wa Taifa, kisha
    kutoa krosi iliyomkuta Richard Lumumba
    aliyefunga bao la ushindi licha ya yeye kuwa
    Yanga damu, kwani kitu alichokuwa amejali
    ni wajibu wake.
    Katika mechi zote, nakumbuka bao lake la
    mita 30 alilowafunga Coastal Union pale
    Tanga.
    Peter Mwakibibi: Kiungo wa kati, aliyekuwa
    na nguvu, mashuti na uwajibikaji uwanjani,
    aliimudu vema nafasi yake katika
    kusambaza mipira kwa washambuliaji na
    alikuwa na uwezo wa kupambana na yeyote
    wa kiungo, wengi walimheshimu.
    Richard Lumumba: Hakuna ubishi kwa
    mshambuliaji huyu alikuwa hatari sana kwa
    mipira ya juu na alifunga mabao mengi kwa
    kichwa, ingawa alikuwa na uwezo wa
    kufunga hata kwa mguu.
    Alikuwa kipande cha mtu asiyeogopa
    chochote, hivyo kuchangia kwa kiasi
    kikubwa ubingwa kwa Tukuyu Stars mwaka
    1986.
    Alimudu sana nafasi yake akiona mambo ni
    magumu alikuwa akicheza kibabe.
    Kelvin Haule 'Super': Nyota nyingine ya
    ushambuliaji ya Tukuyu Stars, alikuwa na
    akili ya ziada na uwezo wa kufunga mabao
    kutoka pembe yoyote ya uwanja.
    Aidha, kasi yake uwanjani ilikuwa ya ajabu
    hata kuwa kivutio uwanjani, alifunga bao
    aina yake kule Shinyanga dhidi ya Mwadui,
    ambalo litabaki kukumbukwa ambalo
    lilitosha kuipa Tukuyu Stars ushindi wa bao
    1-0.
    Karabi Mrisho 'Nnunduma': Nyota
    iliyopotea ghafla katika soka ya Tanzania.
    Alikuwa wingi ya kushoto hatari sana.
    Aidha, naamini kama angeendelea kucheza
    soka, Celestine Sikinde Mbunga na Edibily
    Lunyamila, wangekutana na upinzani
    mkubwa kwani alikuwa na kasi kubwa.
    Alikuwa na uwezo wa kupiga chenga kwa
    kumfuata adui na krosi za uhakika. Hata
    hivyo, aliumia goti katikati ya ligi
    inahuzunisha kwamba hakupata nafasi ya
    kuonyesha kipaji chake na hilo jina la
    Nnunduma alipewa na wapenzi wa soka wa
    Mbeya wakimlinganisha na mshambuliaji wa
    Zimbabwe.
    Kocha wa Tukuyu Stars alikuwa ni Athumani
    Juma Kalomba ambaye kwa sasa ni
    marehemu.
    Wachezaji wa akiba ni: Seleman Mwankenja
    (kipa), Hussein Zitto, John Alex Lwena,
    Abdallah Shaibu, Dickson Makwaya, Taisi
    Mwaliyoga, Danford Ngessy na Mohamed
    Salehe.
    Hawa wote walishiriki kikamilifu katika
    kuchangia ubingwa wa Tukuyu Stars
    mwaka 1986. Walikuwa wachezaji wazuri,
    isipokuwa tatizo lilikuwa ni kukosa nafasi
    na walipopata walitumia vizuri.
    Angalia wachezaji kama John Alex na
    Danford Ngessy walivyowika miaka
    iliyofuata.
    Maelezo haya mafupi ya wasifu wa nyota
    waliokuwa wakiunda kikosi cha Mecco cha
    mwaka 1988, yataendelea Jumatatu ijayo.
    Mathew ni mchezaji wa zamani aliyewahi
    kung'ara na klabu mbalimbali, ikiwemo
    Yanga na timu ya soka ya Tanzania, Taifa
    Stars, ambaye kwa sasa anamiliki kituo cha
    michezo cha Tanzania Sports Catalyst
    kilichopo Kwembe, Kigamboni jijini Dar es
    Salaam.
     
  4. Mr. Mwalu

    Mr. Mwalu JF-Expert Member

    #4
    May 24, 2011
    Joined: Feb 4, 2010
    Messages: 603
    Likes Received: 18
    Trophy Points: 35
    nyota nyekundu walikuwa wanapigia tizi ilipo benjamin mkapa sec school chini ya coach wao (rip) omar mahadhi, dah ilikuwa kila siku kabla ya kwenda shule nipitie kuwacheki kina moh'd nyauba!
     
  5. Bujibuji

    Bujibuji JF-Expert Member

    #5
    May 25, 2011
    Joined: Feb 4, 2009
    Messages: 27,183
    Likes Received: 5,440
    Trophy Points: 280
    Nasikia Rosta Ndunguru alikuwa na mapengo, kwa hiyo alikuwa anatumia meno ya bandia.
    Mpira ukitaka kuanza anayotoa kisha anaingia uwanjani.
     
  6. Kiranja Mkuu

    Kiranja Mkuu JF-Expert Member

    #6
    May 25, 2011
    Joined: Feb 18, 2010
    Messages: 2,101
    Likes Received: 4
    Trophy Points: 0
    mechi za Nyota Nyekundu na Yanga zilikuwa kali sana.
    Yanga walikuwa wanapata kipindi kigumu mno
     
  7. Lucchese DeCavalcante

    Lucchese DeCavalcante JF-Expert Member

    #7
    May 25, 2011
    Joined: Jan 10, 2009
    Messages: 5,471
    Likes Received: 5
    Trophy Points: 135
    Mnanikumbusha mbali sana, wapi timu za Sigara, Pilsner etc hizi timu pamoja na Nyota Nyekundu ilikuwa zikikutana na Yanga inakuwa patashika hasa hasa
     
  8. Chimunguru

    Chimunguru JF-Expert Member

    #8
    May 28, 2011
    Joined: May 3, 2009
    Messages: 9,816
    Likes Received: 178
    Trophy Points: 160
    akina steven chibichi john manyama
     
  9. Bujibuji

    Bujibuji JF-Expert Member

    #9
    Jul 21, 2011
    Joined: Feb 4, 2009
    Messages: 27,183
    Likes Received: 5,440
    Trophy Points: 280
    Soka letu leo liko hoi, hii ni hatari, TFF badala ya kukuza soka inakaa kungoja mechi za Simba na Yanga
     
  10. Chimunguru

    Chimunguru JF-Expert Member

    #10
    Jul 21, 2011
    Joined: May 3, 2009
    Messages: 9,816
    Likes Received: 178
    Trophy Points: 160
    Asanga Aswile, Betwel Africa, Said Mrisho (ZICCO wa Kilosa) Peter Tino, Hamis Fande, Isihaka Majaliwa.... wako wapi hawa jamani?
     
  11. Kiranja Mkuu

    Kiranja Mkuu JF-Expert Member

    #11
    Oct 2, 2011
    Joined: Feb 18, 2010
    Messages: 2,101
    Likes Received: 4
    Trophy Points: 0
    Jamani wanajf hebu tujaribu kufikiria soka
    la tanzania wakati ule mapaka sasa, je
    unafikiri limepanda kiwango ama
    limeshuka? na unadhani nani kahusika ktk
    kulishusha ama kulipandisha kiwango?
    Nakumbuka enzi hizo kulikuwa na
    wachezaji kama akina Husein Masha,
    Athuman China, Idd Pazi, Rosta Ndunguru,
    Pita Tino, Nteze John nk. Kulikuwa na timu
    kali ambapo zilikuwa zinatowa upinzani
    sawa, timu hizo kwa kujikumbusha ni
    kama:-
    1. Nyota nyekundu
    2. Sigara
    3. Pilsner
    4. Simba
    5. Yanga
    6. Coastal Union
    7. African Sports
    8. Majimaji
    9. RTC Kigoma
    10. CDA Dodoma
    11. Tukuyu Stars
    12. Mecco
    13. Pamba
    14. Ndovu
    15. Bandari Mtwara
    16. Lipuri Iringa
    17. Ushirika Moshi
    Hebu angalia timu hizo wakati huo kisha
    linganisha na timu zetu za sasa. Wakati
    huo mabasi ya mikoa yalikuwa yanasafiri
    usiku tu
     
  12. ndetichia

    ndetichia JF-Expert Member

    #12
    Oct 2, 2011
    Joined: Mar 18, 2011
    Messages: 27,534
    Likes Received: 120
    Trophy Points: 160
    shikamoo wakubwa ni salamu kwa wale wote waliokumbaka uko nyuma..
     
  13. Kiranja Mkuu

    Kiranja Mkuu JF-Expert Member

    #13
    Oct 2, 2011
    Joined: Feb 18, 2010
    Messages: 2,101
    Likes Received: 4
    Trophy Points: 0
    JOHN ONDOLLO CHACHA:- Mtoto wa mwanamuziki aliyerithi soka.


    INAWEZEKANA kabisa nyoka akazaa mjusi?
    Sidhani; mara nyingi nyoka huzaa nyoka.
    Lakini imetokea kwani nyoka amezaa mjusif
    Msemo huo unaweza kwenda sambamba na
    aliyekuwa mchezaji mahiri wa zamani, John
    Ondolo Chacha ambaye alicheza katika timu
    ya Lipuli ya Iringa msimu wa 1991-92
    akitokea jijini Dar es Salaam.
    Chacha ambaye alipachikwa majina ya Niva,
    Pembe ya Ndovu na Thobias Ocholla
    kutokana umahiri wake wa kucheza beki
    namba nne katika timu alizowahi kucheza,
    baba yake alikuwa ni mdau mkubwa wa
    sanaa.
    Akizungumza na mwandishi wa makala hii,
    anaanza kwa kuelezea tofauti iliyoko kati ya
    soka la sasa na la miaka waliyocheza wao.
    Anasema, ilikuwa ni kwamba, wao
    walijituma katika mazoezi binafsi, kuliko wa
    sasa ambao ni wavivu.
    Anaongeza kuwa, sababu ya uvivu wa
    mazoezi, inasababisha kupozesha mpira
    katika mashindano ya kimataifa, ambayo
    Watanzania wengi wanajitokeza
    kuwashangilia.
    Chacha anasema, anashukuru elimu kubwa
    aliyoipata kutoka kwa Kocha Abdallah
    Kibadeni ‘King Mputa’, ambaye mara nyingi
    alimpa mawazo mengi, ambayo yalimsaidia
    katika kucheza soka.
    Anaeleza, katika safari yake ya soka, alipata
    elimu kutoka kwa aliyekuwa Naibu Waziri
    wa Habari, Vijana, Utamaduni na Michezo,
    Joel Bendera, ambaye aliwafundisha wakiwa
    katika timu ya Shekilango huku Bendera
    akiishi katika ghorofa za Shekilango.
    Pamoja na kupata elimu kutoka kwa
    makocha ambao wazoefu, lakini alitatizwa
    na suala la uvumilivu wa kukaa katika timu
    moja zaidi ya miaka minne.
    Ananasema, alianza kusakata soka mwaka
    1986-87 alipoajiriwa katika kiwanda cha
    Alminium Africa kilichopo Temeke, ambako
    alicheza msimu mmoja na kukutana na
    kocha Kibadeni katika timu ya Future,
    iliyokuwa na maskani yake Urafiki jijini Dar
    es Salaam.
    Akiwa Alminium, alikutana na wachezaji
    wengi ambao baadhi yao walicheza Ligi
    daraja la kwanza (sasa hivi Ligi Kuu
    Tanzania bara), mmojawapo akiwa ni
    kiungo Suleimani Ally aliyewahi kucheza
    Yanga miaka ya 1987-88.
    Hakudumu sana Alminium, akarejea timu
    iliyoko karibu na nyumbani kwao
    Shekilango ya Future, iliyokuwa na vijana
    wengi ambao walikuja kuwa tishio katika
    medani ya soka la Tanzania.
    Alipokuwa Future, timu hiyo ilikuwa chini ya
    Kibadeni kipindi hicho, ambako alikuwa ni
    mfanyakazi wa kiwanda cha nguo cha
    Urafiki akiwa ametokea masomoni nchini
    Ujerumani kwenye kozi ya ukocha.
    Kutokana na umahiri wake uwanjani,
    Kibadeni alimpeleka kiwanda cha Urafiki na
    kupata kazi kitengo cha ufundi wa magari,
    akiwa pia ni mchezaji.
    Akiwa Urafiki, alifundishwa pia na Salum
    Madadi ambaye ni Ofisa wa Shirikisho la
    Soka Tanzania (TFF), na kukutana na
    wachezaji wengine kama Wema Juma,
    Kenny Mwabulambo, Habibu Kondo, Muhesa
    Kihwelu, Jumanne Ucheche ambaye baadaye
    walihamia Lipuli ya Iringa na John Ngunde
    ambaye sasa hivi ni mmojawapo ya Maofisa
    Watendaji wa Mitaa jijini Dar es Salaam.
    Timu hiyo ilikuwa mojawapo ya timu ngumu
    katika ligi ya soka Mkoa wa Dar es Salaam,
    lakini iliishia ligi ya Kanda ya Dar es Salaam.
    Kutokana na umahiri wa ufundishaji,
    Kibadeni alichukuliwa na Chama cha Soka
    Tanzania (FAT), sasa TFF kuifundisha timu ya
    Taifa ya Tanzania ‘Taifa Stars’, hapo Chacha
    akahamia Nyota Nyekundu yenye maskani
    yake Kariakoo Mtaa wa Congo jijini na
    kukutana na Faustine Kibingwa, Rosta
    Ndunguru, Ayoub Mzee na John Bosco,
    ambako aliendelea kupata uzoefu mkubwa,
    kwa sababu mara kadhaa timu hiyo ilicheza
    mechi za kirafiki na Taifa Stars.
    Mara nyingi, Kibadeni alimweleza Chacha
    kwamba, kwa jinsi anavyocheza soka,
    atafika mbali zaidi ya Tanzania, ila kikubwa
    zaidi ni kuzingatia miiko ya mchezo huo na
    kuwa na uvumilivu.
    Mwaka 1989, alichukuliwa na timu ya
    kiwanda cha Twiga Cement kilichopo Wazo
    Hill jijini Dar es Salaam, kutokana na umahiri
    akiwa uwanjani, akapewa ajira kiwandani
    hapo na kukutana na ofisa wa TFF hivi sasa,
    Idd Mshangama akiwa kocha.
    Mwaka 1991, alihamia Lipuli ya Iringa baada
    ya kuonekana katika mashindano ya ligi
    daraja la pili ambako alikutana na akina
    Peter Lugenzi, Willy Komakoma, David Kika,
    Elisha John, Nurdin Gogola na Hassan
    Mwajeki.
    Kipindi hicho kikosi cha Lipuli kilikuwa chini
    ya kocha Mzambia, Donald Phiri ambaye
    aliwahi kuwa mchezaji wa timu ya Taifa ya
    Zambia na Pascal Bella, ambako alikutana na
    viwango zaidi, kwa sababu alipata nafasi ya
    kucheza na timu kama Simba, Yanga, Coastal
    Union, African Sports na Milambo ya Tabora.
    Pamoja na timu yao kuwa bora katika ligi
    daraja la kwanza, lakini anaikumbuka mechi
    waliyofungwa mabao 5-0 na Pamba ya
    Mwanza, ambayo ilikuwa na wachezaji
    mahiri kama Kitwana Seleman, Nteze John
    Lungu, Madata Lubigisa na wengineo.
    Anasema, cha kushangaza baada ya mchezo
    huo uliochezwa jijini Mwanza, tajiri wa
    machimbo ya Mgusu aliialika timu hiyo kwa
    gharama zake kucheza na timu yake ya
    mgodini.
    Katika mchezo huo, alikutana na
    mshambuliaji mahiri wa timu hiyo, Eliud
    Ngessa ambaye alicheza naye utafikiri
    wanawania nafasi ya kufuzu kombe la
    dunia, hadi mwamuzi wa mchezo aliwatoa
    nje kwa kadi nyekundu.
    Anaongeza kuwa, cha kushangaza zaidi
    baada ya kutolewa wachezaji hao, mpira
    ulipooza sana, hali ambayo ilisababisha
    mwamuzi huyo kuwaita na kuwaamuru
    warejee kwa mara nyingine uwanjani, hali
    ambayo hakuelewa refa huyo alitumia
    sheria ipi, kwani mchezaji akitolewa nje kwa
    kadi nyekundu haruhusiwi kurejea
    uwanjani mara nyingine.
    Kwa kuwa tamaa yake ilikuwa ni kucheza
    nje ya mipaka ya Tanzania, akatoka Lipuli na
    kurejea Dar es Salaam msimu wa 1992-95,
    ambako baadhi ya viongozi wa timu ya
    Konde ya Pemba, wakamtaka akachezee
    timu yao katika ligi kuu kisiwani humo.
    Akiwa na wachezaji wenzake sita kutoka
    Dar es Salaam, Abdul Ramadhani ‘Mashine’,
    Mohamed Mwape, Abdallah Mohamed, Omar
    Mbweza na Ramadhani Abdallah, baadaye
    timu hiyo ilifuzu kucheza ligi ya Muungano
    katika mashindano ya kila mwaka.
    Wakati akiwa katika hatua za mwisho za
    mkataba wake, timu za Jamhuri na Kipanga
    ambazo zote ni za Jeshi la Wananchi
    zilimuhitaji, alikataa na kurejea Dar es
    Salaam, ambako alikutana na Kibadeni kwa
    mara nyingine, ambaye alimwelekeza
    kwamba, kutokana na umahiri alionao
    katika soka, asubiri kidogo atamtafutia timu.
    Kwa kuwa hakuwa na uvumilivu, alielekea
    Kenya na kufanya majaribio timu za AFC
    Leopards, Kenya Breweries na Mumias Sugar
    ambako ndipo alipofanikiwa timu hiyo
    iliyokuwa ikifundishwa na kocha Dennis
    Munyendo na kukutana na nyota kama
    akina Mark Serengo na Nika Hammer.
    Mwaka 1996-98 akajiunga na Posta ya
    Kakamega nchini humo, ambako akiwa
    katika timu hiyo, alipata hisia ya kumrejea
    Mungu kwa kenda chuoni kupata elimu ya
    dini katika chuo cha Mtakatifu Makarios cha
    Kenya na kufanikiwa kupata cheti cha
    uchungaji.
    Anasema, kipaji chake katika soka, alikirithi
    kutokea kwa babu yake, aliyekuwa akiitwa
    John Alyango, ambaye aliwahi kucheza
    Kombe la Gossage.
    John Chacha, ni mtoto wa pili kuzaliwa kati
    ya 12 wa marehemu Mzee Ondolo John
    Chacha, ambaye alikuwa ni mojawapo ya
    wadau mahiri wa muziki na sanaa hapa
    nchini, ambaye aliweka mikakati ya kukuza
    na kuendeleza sekta hiyo kwa kujenga kituo
    kikuu nyumbani kwake Shekilango jijini Dar
    es Salaam.
    John aliyezaliwa miaka 45 iliyopita, hivi sasa
    ana mke na watoto wanne na ni mchungaji
    wa kanisa la Full Categro lililopo katika kituo
    cha Sanaa Shekilango jijini Dar es Salaam.
    Anasema, mipangilio iliyopo kwa sasa ni
    kukuza na kuendeleza sanaa sambamba na
    michezo mignine kama soka na kuwa kituo
    cha kusaka vipaji na kuviendeleza kimataifa.
    Anatoa wito kwa TFF, kufanya mabadiliko
    makubwa ya Kamati ya Ufundi, ambayo
    inaonekana kuelemewa na mzigo, kutokana
    na kwamba, hivi sasa Tanzania hakuna timu
    inayoeleweka ya Taifa.
    Anapendekeza, Kamati hiyo inaweza
    kuongozwa na Watanzania kama Kibadeni,
    Adolf Rishard na Charles Boniface Mkwasa,
    ambao wana elimu ya kutosha ya kuifanya
    kazi hiyo.
    Anatoa wito pia kwa mawakala, kuwaandaa
    wachezaji kisaikolojia ili wawe mfano bora
    katika timu za nje na kuwataka pia
    wachezaji wa sasa, kuacha uvivu na
    kumuiga Mohamed Ngulungu ambaye
    alicheza timu ya Taifa miaka 10 bila ya
    kupoteza uwezo wake.
     
  14. brazakaka

    brazakaka Senior Member

    #14
    Oct 16, 2011
    Joined: Mar 3, 2010
    Messages: 118
    Likes Received: 0
    Trophy Points: 33
    Hivi nani ataifufua hii timu jamani. Kwa hakika Nyota nyekundu ilikuwa si mchezo
     
  15. Bujibuji

    Bujibuji JF-Expert Member

    #15
    Oct 16, 2011
    Joined: Feb 4, 2009
    Messages: 27,183
    Likes Received: 5,440
    Trophy Points: 280
    TFF yenyewe soon itakufa
     
  16. Nazjaz

    Nazjaz JF-Expert Member

    #16
    Jun 8, 2012
    Joined: Jan 20, 2011
    Messages: 4,750
    Likes Received: 345
    Trophy Points: 180
    MAKATA, Mbwana: Golikipa mahiri wa zamani wa Tukuyu Stars ya Mbeya. Akiwa Tukuyu alicheza na akina Godwin Aswile, Karabi Mrisho, Kelvin Haule, Yusuph Kamba, Aston Pardon, Danford Ngessy, Peter Mwakibibi, John Alex, Daniel Chundu, Ally Kimwaga na Suleiman Matthew tukuyustars1986.JPG
     
  17. TONGONI

    TONGONI JF-Expert Member

    #17
    Jun 8, 2012
    Joined: Feb 18, 2011
    Messages: 1,024
    Likes Received: 8
    Trophy Points: 135
     
  18. TONGONI

    TONGONI JF-Expert Member

    #18
    Jun 8, 2012
    Joined: Feb 18, 2011
    Messages: 1,024
    Likes Received: 8
    Trophy Points: 135
    Rosta Ndunguru na Salum Kabunda Ninja ni yupi alikuwa mkali wa madaluga?

    Naweza kusema Salum Kabunda ndio akapewa jina la NINJA,Rosta Ndunguru alikuwa anacheza nafasi ya kiungo hakuwa na kimo lakini alikuwa matata sana naweza kumfananisha na Joey Barton wa QPR...Utoto wa mjini mwingi uwanjani.
     
  19. Mlaleo

    Mlaleo JF-Expert Member

    #19
    Oct 14, 2013
    Joined: Oct 11, 2011
    Messages: 7,555
    Likes Received: 1,710
    Trophy Points: 280
    Nilikuwa naipenda hii timu
     
  20. chamakh

    chamakh JF-Expert Member

    #20
    Oct 14, 2013
    Joined: Oct 29, 2010
    Messages: 576
    Likes Received: 101
    Trophy Points: 60
    red star watoto wa mtaa wa Congo na Aggrey, lile jengo lao kwa sasa ni fremu za maduka na nafikiri lilishauzwa
    marehemu Amir Ally "Bamchawi" alikuwa mmoja wa waanzilishi na viongozi wa timu hii ambayo nadhani ilimeguka kutoka Sunderland(Simba) na ndio maana iliposhuka daraja na kuelekea kufa mwaka 1991 Bamchawi alirudi Simba na kuwa mwenyekiti akiifunga Yanga mara kwa mara
    Roster Ndunguru na muhiddin cheupe ndio wachezaji maarufu ila Ndunguru nafikiri alizidi kwa rafu
     
Loading...