Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Nyerere baba"

Discussion in 'Habari na Hoja mchanganyiko' started by Swahilian, Oct 28, 2009.

  1. Swahilian

    Swahilian JF-Expert Member

    #1
    Oct 28, 2009
    Joined: Apr 28, 2009
    Messages: 558
    Likes Received: 0
    Trophy Points: 33
    NYERERE BABA
    Nisaidieni leso, machozi nijifutie.
    Alotabiri ya kesho, hatunaye nikwambie.
    Mwalimu wetu kumbusho, habarize uzijue.
    Nyerere namlilia, natamani anisikie.

    Alimtoa mkoloni, bendera yetu angani.
    Umoja nayo amani,katutoa ujingani.
    Kabila kwetu utani, tukasifika barani.
    Nyerere katupa lugha, nalonga bara na pwani.

    Uongoziwe nchini, tawala bora nadhifu.
    Nahodha huyu makini, mpingaji uhalifu.
    Alojali masikini, kila kona wamsifu.
    Nyerere Baba U wapi, itika nikusikie.

    Ujamaa ulileta, azimio la Arusha.
    Wote tujitegemee, mali wote kututosha.
    Kwa pamoja twendelee, hakuna wa kukatisha.
    Nyerere nifungulie, yapo mengi nikwambie.

    Nimeona niandike,barua hii ifike.
    Maisha yangu upweke. Nchi yote ni ya kwake.
    Nakula yalo mapeke, nyama nzima ala peke.
    Nyerere baba mwambie, wewe ndo akusikie.

    Misingi ulotufunza, wachache wamegeuza.
    Kunguni wanatufyonza, vitini wamejibanza.
    Nchi yazidi kuoza, yatoka nayo mafunza.
    Baba ulo taa yetu, nuru ya wanyonge wote.

    Nyumbayo sasa kificho,wala bila wasiwasi.
    Wajichana pochopocho, wapatiana nafasi.
    Watuzika hali macho, kupunguza zetu gasi.
    Nyerere Baba wa kweli, hukutenga waso mali.

    Tamati yangu sikia, ni mengi ya kwongeya.
    Kwanza msitari pigia, majibuyo nangojeya.
    Suluhu pa kuanzia, kwani nazidi umiya.
    Nyerere kwa nguvu zako, Taifa tukawa sawa.




     
  2. Kurunzi

    Kurunzi JF-Expert Member

    #2
    Oct 28, 2009
    Joined: Jul 31, 2009
    Messages: 3,593
    Likes Received: 40
    Trophy Points: 145
    Picha ya ajali ya hice daladala ya mwenge tegeta iliyotokea leo majira
    ya saa Tano na nusu leo Maeneo Lugalo na kusababisha Watu kadhaa
    kujeruhiwa wengi wakiwa wanafunzi wa makongo.

    Mmoja wa wa aliyepata majeraha ni mwanafunzi wa makongo ambaye jina
    lake halikuweza kupatikana mapema

    Daladala hiyo iliyokuwa ikitokea mwenge kuelekea lugalo ilitaka
    kuovateki lori lililokuwa linatoka Mwenge liliibana dalada
    hivyokupelekea dereva wa daladala kuiangusha daladala kwenye mtaro.

    Katika jitihada za kuokoa waliyonaswa ndani ya daladala hiyo wanachi
    waliita winchii ilikukuondoa wale waliyomondani lakini kutokana na
    uchakavu daladala hiyo ilimeguka sehemu ya juu ingawa majeruhi waliopo
    ndani walifanikiwa kutoka.
     

    Attached Files:

  3. Swahilian

    Swahilian JF-Expert Member

    #3
    Oct 28, 2009
    Joined: Apr 28, 2009
    Messages: 558
    Likes Received: 0
    Trophy Points: 33
    Poleni sana wote mliopatwa na ajali hiyo mola awape ahueni, na afya ili tuendeleze mapambano.tuko pamoja nanyi katika kipindi hiki kigumu

    angalizo: Madereva ,abiriria, serikali tuwe waangalifu ili tuepuke haya.
     
Loading...