Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Nini Nitampa Mbwa?

Discussion in 'Jukwaa la Lugha' started by Ndahani, Jul 17, 2009.

  1. Ndahani

    Ndahani JF-Expert Member

    #1
    Jul 17, 2009
    Joined: Jun 3, 2008
    Messages: 11,550
    Likes Received: 132
    Trophy Points: 160
    Mimi mbwa nimefuga, ili nyumba ailinde,
    Kwa jirani nimeiga, anaye kama kipande,
    Wabaya akiwaniga, na kuwafanya wakonde,
    Nini nitampa mbwa, ailinde nyumba yangu.

    Cha ajabu huyu wangu, kutwa kucha amelala,
    Jua au liwe wingu, njaa hata na chakula,
    KungÂ’angÂ’ania uvungu, na kuleta masihala,
    Nini nitampa mbwa, ailinde nyumba yangu?

    Wamkimbia mwenzangu, na kujaa vamia kwangu,
    Wamejua shida yangu, mbwa ashinda uvungu,
    Wataka nitia pingu, wachukue mali zangu,
    Nini nitampa mbwa, ailinde nyumba yangu?

    Mbwa nimempa yote, lakini kaniangusha,
    Sasa sijui lolote, kweli kanipagawisha,
    Natamani ajikate,, thamani yake kashusha,
    Nini nitampa mbwa, ailinde nyumba yangu?

    Kapoteza yangu ndoto, ameniacha gizani,
    Angelikuwa mtoto, ningemuuza dukani,
    Kaniongeza msoto, na kuninyima amani,
    Nini nitampa mbwa, ailinde nyumba yangu?

    Wajuzi wale mahiri, mnijulishe jamani,
    Mwaweza ijua siri, kunitoa matatani,
    Ili niitafakari, na kujipa tumaini,
    Nini nitampa mbwa, ailinde nyumba yangu?
     
  2. Mentor

    Mentor JF-Expert Member

    #2
    Jul 18, 2009
    Joined: Oct 14, 2008
    Messages: 16,562
    Likes Received: 3,781
    Trophy Points: 280
    mbwa ataka upendo, siyo nyama na ugali,
    umpatie uhondo, tena usikae mbali,
    mwonyeshe vyote vionjo, tena kwa kila hali,
    uvungu takuwa uvundo, na yeye atakujali!
    ...au labda...
    mbwa wako ana mimba,pengine ana minyoo,
    mpeleke kwa mkunga, au mpatie dawa!!!!!
     
Loading...