Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Nimempoteza kaka

Discussion in 'Matangazo madogo' started by Kinyau, May 11, 2008.

  1. Kinyau

    Kinyau JF-Expert Member

    #1
    May 11, 2008
    Joined: Nov 24, 2006
    Messages: 776
    Likes Received: 67
    Trophy Points: 45
    Hodi hodi ninabisha, jukwaani kuingia
    Kwa simanzi kuwapasha,yale yalonitokea
    Mtima una mashaka,jinsi ya kuelezea
    Nimempoteza Kaka, Niliyempenda sana

    Ilikuwa ni jioni, nikaipokea simu
    Haraka fika nyumbani,mpeleke kaka sehemu
    Hali yake mashakani, matibabu ni muhimu
    Nimempoteza Kaka, Niliyempenda sana

    Tukafika kwa tabibu,kueleza yake hali
    Tukamuomba amtibu,ampunguzie makali
    Nyingi dawa ajaribu,atibu kila mahali
    Nimempoteza Kaka, Niliyempenda sana


    Dawa akampatia, kasikia ahueni
    Mganga katuambia,nyumbani nyi rejeeni
    Andelee kutulia, na maji mengi mpeni
    Nimempoteza Kaka, Niliyempenda sana

    Tukapakia garini, kaka alikaa mbele
    Tukarejea nyumbani, na matumaini tele
    Tukakaa ukumbini, tukicheka kwa kelele
    Nimempoteza Kaka, Niliyempenda sana


    Uji tukampikia na maji akajinywea
    Kisha kajipumzikia,ubavu kuulalia
    Magoti tukampigia,kwa mola kumuombea
    Nimempoteza Kaka, Niliyempenda sana

    Akasema asanteni, kwa nzuri yenu huduma
    Nimepata ahueni,mwaweza enda salama
    Mola awabarikini,dada kaka na mama
    Nimempoteza Kaka, Niliyempenda sana

    Mamae akahiari, kukaa pembeni yake
    Apate Sali rozari,pamoja na mwana wake
    Mafungu kutafakari, kumuomba mola wake
    Nimempoteza Kaka, Niliyempenda sana


    Mamae akamaliza, kasogea sikioni
    Apate mnong’oneza,neno lake la moyoni
    Mkono akasogeza, Ambariki usoni
    Nimempoteza Kaka, Niliyempenda sana

    Ghafla akashituka, alipomgusa kichwani
    Moyo ukamruka,kajihisi hayawani
    Ni wa baridi hakika, usoni na miguuni
    Nimempoteza Kaka, Niliyempenda sana

    Na Mama akaniita, upesi kaka muamshe
    Pembeni kanivuta,kwa hofu nimuegeshe
    Kaka nilimuita,japo neno anipashe
    Nimempoteza Kaka, Niliyempenda sana


    Macho aliyafumba, Mwiliwe ulizizima
    Wala hayakuyumba, ukatoweka uzima
    Tumbo kake lilivimba,baridi mwili mzima
    Nimempoteza Kaka, Niliyempenda sana

    Roho yake ilitoka,Bila ya sisi kujua
    Malaika alifika, pumzi yake kuchukua
    Machozi yalinitoka,mkono nikimshika
    Nimempoteza Kaka, Niliyempenda sana

    Nilimwangalia sana, kufikiri ni uongo
    Nilimlilia sana, moyo lipata msongo
    Maumivu yalibana, kichwani hata mgongo
    Nimempoteza Kaka, Niliyempenda sana


    Uende kwa usalama,uende kwako nyumbani
    Malaika wa salama, wakupokee mbinguni
    Mola wetu maulana,akulaki mlangoni
    Nimempoteza Kaka, Niliyempenda sana


    Naamini siku moja,tutaonana peponi
    Siku mwokozi akija, kuhukumu duniani
    Hapo tutakuwa pamoja, tukiimba furahani
    Nimempoteza Kaka, Niliyempenda sana

    Kwaheri kaka yangu, kwaheri wetu kijana
    Kwaheri rafiki yangu,kwaheri wetu mwana
    Kwaheri nguzo yangu kwaheri ya kuonana
    Nimempoteza Kaka, Niliyempenda sana


    shairi hili nimeliandika kwa simanzi kubwa baada ya kuondokewa na kaka yangu mpenzi,aliyenifia mikononi ghafla wiki mbili zilizopita. Namuomba Mola Amlaze salama Peponi.
     
  2. Mtu wa Pwani

    Mtu wa Pwani JF-Expert Member

    #2
    May 11, 2008
    Joined: Dec 26, 2006
    Messages: 4,085
    Likes Received: 11
    Trophy Points: 135
    mola amlaze maala pema
    amiin

    na wewe pamoja na familia poleni kwa msiba
     
  3. Kana-Ka-Nsungu

    Kana-Ka-Nsungu JF-Expert Member

    #3
    May 11, 2008
    Joined: Oct 4, 2007
    Messages: 2,260
    Likes Received: 12
    Trophy Points: 135
    Kinyau,
    Yangu pole pokea,
    Kwa msiba ulokufika,
     
  4. mashoo

    mashoo Member

    #4
    May 12, 2008
    Joined: Jul 25, 2007
    Messages: 65
    Likes Received: 0
    Trophy Points: 0
    Pole sana kaka yangu, hii dunia ina machungu yake Mungu awape nguvu katika kipindi hiki kigumu.
    You are such a great poetic, keep it up!

     
  5. Kinyau

    Kinyau JF-Expert Member

    #5
    May 12, 2008
    Joined: Nov 24, 2006
    Messages: 776
    Likes Received: 67
    Trophy Points: 45
    mtu wa pwani, mashoo na Kana ka nsungu asanteni sana.
     
  6. Mzee Mwanakijiji

    Mzee Mwanakijiji Platinum Member

    #6
    May 12, 2008
    Joined: Mar 10, 2006
    Messages: 30,383
    Likes Received: 2,435
    Trophy Points: 280
    Nimeshindwa kuandika, kinyau nasikitika,
    Majonzi yalowafika, moyoni yamenishika,
    Machozi yatiririka, msiba umewafika,
    Poleni mwana wa kwetu, kwa kumpoteza kaka.

    Ujumbe uloandika, mtima umeshtuka,
    Na huzuni kunishika, uchungu umegubika,
    Nami nikalikumbuka, la kaka uloandika,
    Poleni mwana wa kwetu, kwa kumpoteza kaka.

    Ni makubwa kwa hakika, mauti yaliyofika,
    Kinyau nimegusika, rambirambi naandika,
    Rehema zake rabuka, mbele zake natambika,
    Poleni mwana wa kwetu, kwa kumpoteza kaka.

    Mengine sitotamka, moyoni nimeyashika,
    Maulana mtukuka, faraja kuwafunika,
    Nawaombea baraka, uponyaji wa hakika,
    Poleni mwana wa kwetu, kwa kumpoteza kaka.

    NB: Kinyau poleni sana kwa msiba na tafadhali pitisha salamu zangu za pole kwa wazee.
     
  7. Kinyau

    Kinyau JF-Expert Member

    #7
    May 13, 2008
    Joined: Nov 24, 2006
    Messages: 776
    Likes Received: 67
    Trophy Points: 45
    Mzee Mwkjj salamu zimefika. Shukrani.
     
  8. I

    IsayaMwita JF-Expert Member

    #8
    May 18, 2008
    Joined: Mar 9, 2008
    Messages: 1,119
    Likes Received: 1
    Trophy Points: 0
    Kinyau,

    Msiba hauna hodi, kinyau tambueni, mungu ameratibu maisha yetu kiganjani kwake,siku zetu zahebika mithiri ya punje za haradari,pole kwa hayo yaliyokufika, anza na wewe maandalizi, usijeshitukizwa ukawa haujajiandaa, pole sana ndugu yangu Kinyau haya yote ni dunia
     
  9. O

    Ogah JF-Expert Member

    #9
    May 18, 2008
    Joined: Mar 10, 2006
    Messages: 6,189
    Likes Received: 14
    Trophy Points: 135
    Pole sana Mkuu Kinyau
     
  10. Dua

    Dua JF-Expert Member

    #10
    May 19, 2008
    Joined: Nov 14, 2006
    Messages: 2,483
    Likes Received: 15
    Trophy Points: 135
    Kinyau

    Pole sana. Kabla hujafa hujaumbika wote tuko njiani.
     
  11. BAK

    BAK JF-Expert Member

    #11
    May 19, 2008
    Joined: Feb 11, 2007
    Messages: 49,851
    Likes Received: 9,406
    Trophy Points: 280
    Pole sana kwa msiba uliokufika. Tunamuomba Mwenyezi Mungu apokee sala na maombi yetu ya kuilaza roho ya marehemu mahali pema peponi~AMEN.
     
  12. K

    Kithuku JF-Expert Member

    #12
    May 19, 2008
    Joined: Nov 19, 2006
    Messages: 1,346
    Likes Received: 3
    Trophy Points: 135
    Pole sana Kinyau, yote ni mapenzi ya Mungu. Nakuombea kwa Mungu akujalie moyo wa subira na uvumilivu katika kipindi hiki kigumu, wewe na familia yako na wote walioguswa na msiba huu.
     
  13. Zitto

    Zitto Verified User

    #13
    May 19, 2008
    Joined: Mar 2, 2007
    Messages: 1,192
    Likes Received: 24
    Trophy Points: 135
    Habari nimezipata, hivi punde nimesoma
    Msiba umewapata, kachukuliwa kwa mema
    Pole umeziapata, Mola akupe rahima
    Inna Lillah, Wainna illaih Raajiuna
     
  14. F

    Fundi Mchundo JF-Expert Member

    #14
    May 19, 2008
    Joined: Nov 9, 2007
    Messages: 4,697
    Likes Received: 32
    Trophy Points: 145
    Pole sana, Mkuu! Ingawa wote tuko kwenye foleni lakini yakikupata bado yanauma. Mwenyezi azidi kuwapa faraja na nguvu za kuhimili yote haya.
     
  15. Invisible

    Invisible Admin Staff Member

    #15
    May 19, 2008
    Joined: Feb 11, 2006
    Messages: 9,095
    Likes Received: 140
    Trophy Points: 160
    Oh kinyau, pole sana ndugu yangu. Mwenyezi Mungu ampe amani ya milele kaka yetu.
     
  16. E

    Engineer Mohamed JF-Expert Member

    #16
    May 19, 2008
    Joined: Jul 27, 2007
    Messages: 461
    Likes Received: 2
    Trophy Points: 0
    pole sana mkuu kwa kuondokewa na kaka yako.mola amlaze mahali pema amin.na sisi tulobakia allah atupe husnil khatma.
     
  17. Bubu Msemaovyo

    Bubu Msemaovyo JF-Expert Member

    #17
    May 19, 2008
    Joined: May 9, 2007
    Messages: 3,436
    Likes Received: 17
    Trophy Points: 135
    Pole sana Kinyau kwa kupotelewa na Kaka kipenzi, ila nakusifu kwa uwezo wa kuandika mashairi mazito wakati wa majonzi makubwa kiasi hicho.
     
  18. M

    Mfwatiliaji JF-Expert Member

    #18
    May 19, 2008
    Joined: Oct 5, 2007
    Messages: 1,326
    Likes Received: 3
    Trophy Points: 0
    Kinyau na familia kwa ujumla
    Poleni sana kwa kuondokewa na kipenzi chenu.
    Yote ni mipango ya mola
     
  19. Single D

    Single D JF-Expert Member

    #19
    May 19, 2008
    Joined: Feb 27, 2007
    Messages: 459
    Likes Received: 1
    Trophy Points: 35
    Kwa msiba ulopata,Kinyau umesisika,
    Pole zangu nazileta,kwa ndugu na wahusika,
    Ujumbe tumeupata,Hapa si pa kukalika,
    Mdau Kinyau pole,Mwenyezi Mungu akupe nguvu.

    Twasafiri kwake mola,Hapa si makao yetu,
    Kifo hakina kabila,Hakijali vyeo vyetu,
    Hata kwao watawala,hakina wakili katu,
    Mdau kinyau pole,Mwenyezi Mungu akupe nguvu.
     
  20. Ben Saanane

    Ben Saanane Verified User

    #20
    May 19, 2008
    Joined: Jan 18, 2007
    Messages: 14,605
    Likes Received: 3,507
    Trophy Points: 280
    Pole sana ndugu! Mungu akupe Nguvu wakati huu mgumu.Jina la Bwana lihimidiwe!
     
Loading...