Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Nimekipata Kigori,wenye wivu jinyongeni,

Discussion in 'Mahusiano, mapenzi, urafiki' started by Magulumangu, Jan 22, 2011.

  1. Magulumangu

    Magulumangu JF-Expert Member

    #1
    Jan 22, 2011
    Joined: Jan 7, 2010
    Messages: 3,041
    Likes Received: 10
    Trophy Points: 135
    Hayawi yawi jamani,mwenzenu nimeopoa,
    Ndoto ile singizini,kamwe sijapata doa,
    Kipenzi wangu mwandani,ya maisha pingu ndoa,
    Nimekipata Kigori,Wenye wivu jinyongeni,

    Upepo wa baharini,mawimbi kutuimbia,
    ufukweni kigamboni,ndiko tulikotulia,
    Hii ni hanemooni,kithungu sikilizia,
    Nimekipata kigori, wenye wivu jinyongeni,

    Sitaki ushakudaku,mwenyewe natoa onyo,
    Shuga mami marufuku,utulie wangu moyo,
    Toa yangu dukuduku,asali wangu wa moyo,
    Nimekipata kigori,wenye wivu jinyongeni,

    Umbo lake namba nane,kipotabo nasifia,
    Kama kizazi cha nne,watengenezaji nokia,
    Kiamshe wa manane,uzuri sio fifia,
    Nimekipata kigori,wenye wivu jinyongeni,

    Brand nimefungua,bado kuchakachuliwa,
    Fyuzi hazijaungua,kitu tight muruwa,
    Msukuma si mzigua,pongezi kwako mtawa,
    Nimekipata Kigori,wenye wivu jinyongeni,

    Hata da yetu Saida,kisha toa hili onyo,
    Usije jiita akida,kuja kuonja nyonyo,
    Kwa panga bila shida,nitaja kutoa moyo,
    Nimekipata kigori,wenye wivu jinyongeni,

    Mwisho naishilia,mwanzo wangu kumpenda,
    Ishara naashilia,mapenzi chati kupanda,
    Roho kaishikilia,sitaki tena kimada,
    NIPE MAMA NIPE,TUFAIDI PENZI LETU.
     
  2. M

    Mokoyo JF-Expert Member

    #2
    Jan 22, 2011
    Joined: Mar 2, 2010
    Messages: 13,442
    Likes Received: 825
    Trophy Points: 280
    asante kwa ushairi
     
  3. afrodenzi

    afrodenzi Platinum Member

    #3
    Jan 22, 2011
    Joined: Nov 1, 2010
    Messages: 17,781
    Likes Received: 1,674
    Trophy Points: 280
    duuuuuuuhhh
    kumbe hata kwenye hii idara umekamilika hahaha lol
    :amen::amen:
     
  4. Desidii

    Desidii JF-Expert Member

    #4
    Jan 22, 2011
    Joined: Oct 2, 2007
    Messages: 1,212
    Likes Received: 3
    Trophy Points: 135
    MAlenga wetu asante sana vina vimetulia
     
  5. Magulumangu

    Magulumangu JF-Expert Member

    #5
    Jan 22, 2011
    Joined: Jan 7, 2010
    Messages: 3,041
    Likes Received: 10
    Trophy Points: 135
    Wengi walinisuta,wakidhania mi sifai,
    Wangu ameniita,penzi langu bado hai,
    Jina sio Mwamvita,hajatokea kandahai,
    Mungu kanionyeshea,lililo penzi la kweli,

    Kwenye yake macho lipo,penzi la kweli jamani,
    Sio yule ndege popo,Mwanakijiji porini,
    Mawimbi hata upepo,nywele zake nyumani,
    Mungu kanionyeshea,lilipo penzi la kweli,

    mafataki walijaribu, mafisadi kuchakachua,
    lulu wamemharibu,wangu kawaumbua,
    hata wetu nyani ngabu,dhahiri anatambua,
    Mungu kanionyeshea,lilipo penzi la kweli,

    Afrodenzi nakualika, masanilo naye mokoyo,
    Rose lete gharika,judi mama wa kimoyo,
    msije kuferudhika,mumuonapo wa moyo,
    Mungu kanionyeshea,lilipo penzi la kweli,

    Sio ki hivi hivi, magoti niliyapiga,
    wazee hata wa mvi,salani walizipiga,
    kafundwa sio kwa muvi,kina mama wameaga,
    mungu kanionyeshea,lilipo penzi la kweli,
     
  6. afrodenzi

    afrodenzi Platinum Member

    #6
    Jan 22, 2011
    Joined: Nov 1, 2010
    Messages: 17,781
    Likes Received: 1,674
    Trophy Points: 280

    Kwa kweli umebarikiwa Magulumangu wangu...
    mmhhh shahiri tamu hilo..

    mie itanichukua wiki kuandika shairi moja wewe umeandika
    2 ndani ya nusu saaa..
    ama kweli umebarikiwa..

    halafu una maneno maataamuu saana..
    mmhh utaniingiza pabaya/pazuri hahahh lol
    mwaliko nimesha upokea na kwao nimeshafika lol
     
  7. Magulumangu

    Magulumangu JF-Expert Member

    #7
    Jan 22, 2011
    Joined: Jan 7, 2010
    Messages: 3,041
    Likes Received: 10
    Trophy Points: 135

    kigori mzee wa kweli,desidii nakwambia,
    si mtoto wa Kimweli,chapa ya ng'ombe sikia,
    huwezi hata tabili,ugali akikupikia,
    Walisema haliwiki,jogoo la shamba mjini,

    Jogoo la shamba mjini,lisema halitawika,
    uzuri kisiginoni,ile mbaya kafunika,
    kwa tabia shukrani,mfano wake ni nyika,
    Walisema haliwiki,jogoo la shamba mjini,

    kawambia watajiju,mashambenga mashangingi,
    walidhani kama mwaju,hatishiki na shilingi,
    ndimu hata maukwaju,chipisi mayai tungi,
    Walisema haliwiki,jogoo la shamba mjini,
     
  8. Magulumangu

    Magulumangu JF-Expert Member

    #8
    Jan 22, 2011
    Joined: Jan 7, 2010
    Messages: 3,041
    Likes Received: 10
    Trophy Points: 135
    Sifa nampa muumba,aliemuumba kigori,
    kamwe kwake sitoyumba,kama wana wa misri,
    hata akina liyumba,kigori kwake makafri,
    Mwaliko ukiupata,waambie na wengine,

    sikutaka kuwaleti,chini wazazi wangu,
    chini nao niliketi,kuhusu kigori changu,
    mamangu alinileti,nijue maisha yangu,
    Mwaliko ukiupata,waambie na wengine,

    tabiaye sio kama,yule wa profu jei,
    togwa taka boga mama,faidisha pedejei,
    twanga pepeta mama,mwanamasanja jjei,
    Ukiupata mwaliko,waambie na wengine,
     
  9. G

    Gad ONEYA JF-Expert Member

    #9
    Jan 22, 2011
    Joined: Oct 26, 2010
    Messages: 2,641
    Likes Received: 3
    Trophy Points: 135
    Hivi kumbe washairi bado mnafurukuta?
    Hongera!
     
  10. Mpevu

    Mpevu JF-Expert Member

    #10
    Jan 22, 2011
    Joined: Nov 23, 2010
    Messages: 1,817
    Likes Received: 5
    Trophy Points: 0
    Loh, Safi sana kwa hizi tenzi. Kipaji maalum hicho.
     
  11. asam.thegunner

    asam.thegunner Member

    #11
    Jan 22, 2011
    Joined: Oct 7, 2009
    Messages: 44
    Likes Received: 0
    Trophy Points: 0
    Si utani hii kitu imetulia. Hongera sana. Hivi utunzi wa mashairi ni kipaji mtu anazaliwa nacho au naweza kujifunza na nikaweza?
     
  12. Ms Judith

    Ms Judith JF-Expert Member

    #12
    Jan 22, 2011
    Joined: Dec 24, 2010
    Messages: 2,568
    Likes Received: 8
    Trophy Points: 135
    Hongera Magulumangu, heko ewe mla halwa
    kufika hata uvungu, japo weye si kulwa,
    wakiri heri za Mungu, kupata binti wamalwa,
    Sasa muweke nyumbani, upate heri za Mungu

    nilipokagua vina, mizani sikudharau,
    kuona langu jina, Judi hukusahau,
    yamoyo kufanya kina, katika yako nahau,
    Sasa muweke nyumbani, upate heri za Mungu

    Heko kupata kigori, uwajibike kwa huba,
    japo waona cha pori, yadumu hayo mahaba
    bila ogopa mahari, kibebe hadi kwa baba
    Sasa muweke nyumbani, upate heri za Mungu

    nimekubali mwaliko, harusiyo kujongea,
    bila kusahau mwiko, wifi yetu mchongea,
    siku afikapo kwako, apate kuyawezea
    Sasa muweke nyumbani, upate heri za Mungu
     
  13. Mohammed Shossi

    Mohammed Shossi Verified User

    #13
    Jan 22, 2011
    Joined: Jan 17, 2011
    Messages: 3,981
    Likes Received: 84
    Trophy Points: 145

    Owa s'andame hadaa, moyo ukahadaiwa
    Owa anaye kufaa, mke mwenye kusifiwa
    Owa upate kuzaa, kama ulivyozaliwa
    Owa ukijaaliwa, mupendane na mkeo

    Owa aliye na kheri, muandamane kwa dini
    Owa yai la johari, litiye nuru nyumbani
    Owa mdomo mzuri, ukupambie lisani
    Owa ungiye nyumbani, mupendane na mkeo


    Owa moyo wa imani, usozumbua mafuja
    Owa usiowe duni, anayeitwa kioja
    Owa mtenda wa dini, ndiye mke mwenye haja
    Owa utungiwe koja, mupendane na mkeo

    Owa siowe tambara, linukiyalo vibaya
    Owa mwanamke jura, mlekeze njema ndia
    Owa usiowe sura, kutaka kuzangaliya
    Owa mzuri tabiya, mupendane na mkeo

    Owa kijana kitoto, mteshi wa kutekeya
    Owa akwandike jito, mwenye kukuhurumiya
    Owa usiowe zito, jabali likakwemeya
    Owa aliye na haya, mupendane na mkeo

    Owa s'andame uhuni, upate juwa kuzawa
    Owa nami natamani, ela sijajaaliwa
    Owa utiye chandani, pete uloiteuwa
    Owa ujuwe kuowa, mupendane na mkeo

    Owa uvishwe kilemba, na joho na mahazamu
    Owa wapate kupamba, ukale twiba na tamu
    Owa upambiwe chumba, upate tanganya damu
    Owa usijidhulumu, mupendane na mkeo

    Owa kinda la tausi, alo nadhifu mibele
    Owa kiini cheusi, chendacho nyuma na mbele
    Owa siowe tetesi, apaye watu uwele
    Owa aliye lekele, mupendane na mkeo

    Owa ualike watu, wahudhuriye arusi
    Owa nawe uwe mtu, mkeo simnakisi
    Owa muonyane utu, mukae mutaanasi
    Owa mupane mepesi, mupendane na mkeo

    Owa akukubaliye, akuizao siowe
    Owa upendane naye, zamani sizo ujuwe
    Owa akuridhiyae, mujikubali wenyewe
    Owa mukae mutuwe, mupendane na mkeo

    Owa chenye asimini, kikuba cha asiliya
    Owa kilo na rihani, na waridi maridhiya
    Owa kilicho na shani, na manukato kutiya
    Owa ujuwe duniya, mupendane na mkeo

    Owa utukuze cheo, na jina lipate kuwa
    Owa apate mkeo, aambiwe meolewa
    Owa kama waowao, moyo usiliye ngowa
    Owa ujuwe kukuwa, mupendane na mkeo.

     
  14. afrodenzi

    afrodenzi Platinum Member

    #14
    Jan 22, 2011
    Joined: Nov 1, 2010
    Messages: 17,781
    Likes Received: 1,674
    Trophy Points: 280
    Kwa kweli nime kukubali ..
    nakuvulia kofia...
     
  15. afrodenzi

    afrodenzi Platinum Member

    #15
    Jan 22, 2011
    Joined: Nov 1, 2010
    Messages: 17,781
    Likes Received: 1,674
    Trophy Points: 280

    duuuhh
    asante mwaya
    nafurahi kuona na we unawakilisha ...
     
  16. afrodenzi

    afrodenzi Platinum Member

    #16
    Jan 22, 2011
    Joined: Nov 1, 2010
    Messages: 17,781
    Likes Received: 1,674
    Trophy Points: 280

    Daahhh
    hii kali mkuu
    kwa kweli nimeipenda
    duuhh kipaji mnacho .. namzidi kuongezewa..
     
  17. Michelle

    Michelle JF-Expert Member

    #17
    Jan 22, 2011
    Joined: Nov 16, 2010
    Messages: 7,289
    Likes Received: 25
    Trophy Points: 145
    Magulumangu nakupongeza
    Kigori wewe kumpata
    Najua mimi ulikopita
    Wivu mi ninao,kujinyonga sijinyongi!!

    Kila la kheri nakutakia
    Furaha katika ndoa
    Watoto nao kupata
    Wivu mi ninao kujinyonga sijinyongi

    Changamoto kwenye ndoa
    Ni sehemu ya maisha
    Uvumulivu uwe nao pia
    Wivu mi ninao kujinyonga sijinyongi
     
  18. Ms Judith

    Ms Judith JF-Expert Member

    #18
    Jan 22, 2011
    Joined: Dec 24, 2010
    Messages: 2,568
    Likes Received: 8
    Trophy Points: 135
    dada Afrodenzi, asante kwa kunisoma,
    nashukuru kwa kunienzi, vilevile kunipima,
    japo sitoshi konzi, hukuninyima alama
    asante kwayo mapenzi, yadumu enzi na enzi

    yule mtoa posa, alikuja na mizani,
    akatujuza mkasa, aloufumba vinani,
    akakifunga kitasa, cha shairi tusighani
    asante kwayo mapenzi, yadumu enzi na enzi

    Mwenyezi katukirimu, shairi kulithubutu,
    japo sinayo elimu, nimeushinda ubutu,
    pamoja naye hirimu, sijekuwa mtukutu
    asante kwayo mapenzi, yadumu enzi na enzi

    bwa harusi ndiye nguli, wa mashairi na vibonzo,
    mie kama kibakuli, yeye kwangu kisonzo,
    mengi yake maakuli, ya kale kama maganzo,
    asante kwayo mapenzi, yadumu enzi na enzi
     
  19. afrodenzi

    afrodenzi Platinum Member

    #19
    Jan 22, 2011
    Joined: Nov 1, 2010
    Messages: 17,781
    Likes Received: 1,674
    Trophy Points: 280

    Hii nai print out..

    kwa kweli nakupa heshma sana..
    na uzidi kubarikiwa dear..
    mtu smart anajulikana kwa asemayo..
    i consider your one of them..
    God Bless..
     
  20. Ms Judith

    Ms Judith JF-Expert Member

    #20
    Jan 22, 2011
    Joined: Dec 24, 2010
    Messages: 2,568
    Likes Received: 8
    Trophy Points: 135
    haha, nilikuwa najaribu tu mpenzi. asante kwa kunitia moyo. ubarikiwe sana mpenzi
     
Loading...