Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Nikaona maiti zao..!

Discussion in 'Mahusiano, mapenzi, urafiki' started by Mtambuzi, Aug 21, 2012.

  1. Mtambuzi

    Mtambuzi Platinum Member

    #1
    Aug 21, 2012
    Joined: Oct 29, 2008
    Messages: 8,572
    Likes Received: 692
    Trophy Points: 280
    [​IMG]
    Picha haihusiani na habari hii............................

    Ø Kumbe ni mtu na mkewe walionipa shilingi 90 punde tu!
    Ø Nikasahau kwamba nilikuwa na deni , nikaendelea na maisha
    Ø Miaka 17 baadae nikiwa ofisini nikapata mgeni wa ajabu

    Ni siku nyingi ki
    dogo, mwaka 1979, lakini ni tukio ambalo liliniuma sana. Ilikuwa vigumu sana kulisahau na lilinifanya nijiulize, inakuwaje Mungu anakuwa mkatili kiasi kile. Lakini bila shaka ilikuwa ni wakati ule wa ufahamu mdogo. Hivi sasa ninafahamu mengi na hasa baada ya kujifunza maarifa haya ya utambuzi.

    Ilikuwa ni mwaka 1979 nikiwa nasafiri kutokea Dar es salaam kwenda
    Arusha. Sijui ilikuwaje, lakini ilitokea. Tuliondoka Dar es salaam saa 12.30 jioni. Wakati ule mabasi yalikuwa yakisafiri jioni na usiku, sio kama siku hizi.

    Nilikuwa ninakwenda
    Arusha kwenye usaili kwa ajili ya ajira, nikiwa ndio kwanza nimemaliza kidato cha nne. Niliajiriwa moja kwa moja serikalini, kwani siku zile ajira zilikuwa ni za kumwaga. Hata hivyo sikuridhishwa na kazi niliyokuwa nafanya, hivyo niliomba kazi kwenye kampuni moja kule Arusha na niliitwa kwa usaili.

    Tulifika mji unaoitwa Korogwe ambao wakati ule ulikuwa ndio mji maarufu kwa hoteli zake katika barabara yote ya Segera hadi Moshi na
    Arusha
    . Tulipofika Korogwe basi letu lilisimama kwa ajili ya abiria kupata chakula. Niliingia kwenye hoteli moja ambayo nakumbuka hadi leo kwamba ilikuwa ikiitwa Bamboo. Niliagiza chakula na kula haraka kutokana na muda mfupi wa kula uliotolewa na wenye basi la TTBS ambalo ndilo nililosafiri nalo.

    Wakati wa kulipa ndipo niliposhangaa na kuogopa. Niliingiza mkono mifukoni na kukuta kwamba sikuwa na hela. Nilianza kubabaika na mwenye hoteli alisema hawezi kukubali ujinga huo, "Abiria wengine wahuni bwana, anakula na kujifanya kaibiwa, ukikubaliana nao kila siku hasara tu" Mwenye hoteli alisema kwa kudhamiria hasa.

    Kulizuka zogo kubwa, huku mwenye hoteli akisema ni lazima anipeleke polisi. Ni kweli alimtuma mmoja wa watumishi wake kwenda kituo cha polisi ili nishughulikiwe……

    Hapo Hotelini kulikuwa na bwana mmoja aliyekuwa amekaa pembeni na mkewe na watoto wao wakila. Yule bwana alipoona vile alimtuma mhudumu mmoja aniite. Nilion
    doka pale kaunta nilipokuwa nabembeleza na kuja kwa yule bwana.

    Alikuwa ni kijana mtu mzima kido
    go, mwenye miaka kama 50 hivi. Nilimsalimia na aliitikia, nilimsalimia mkewe pia. Yule bwana aliniuliza kisa cha vurugu ile na nilimsimulia. Aliniuliza sasa huko Arusha ningeishi vipi wakati wa usaili wakati nimeibiwa fedha zote na ningerudi vipi Dar. Nilimwambia nilikuwa napanga namna ya kurudi Dar, kama huko polisi ningeaminika.

    Kama mzaha vile yule bwana aliniambia kuwa angenipa fedha za kutumia huko
    Arusha na nikirudi Dar nimrudishie fedha zake. Nakumbuka alinipa shilingi 90 kwa ahadi kwamba nikirudi Dar nimpelekee fedha zake ofisini kwake. Alinielekeza ofisini kwake, mtaa wa Nkuruma na kuniambia kuwa ameamua kunisaidia kwa sababu kila binadamu anahitaji msaada wa mwingine na maisha haya ni mzunguko. Nilimshukuru na kuondoka kukimbilia basini. Basi lilikuwa linanisubiri mimi tu. Nilipanda ndani ya basi na abiria wengine walinipa pole. Tuliondoka Korogwe, lakini haikuchukua muda basi letu lilipata tatizo la pancha ya gurudumu moja la mbele. Ilibidi tuegeshe pembeni ili litengenezwe. Baada ya matengenezo, tuliondoka kuendelea na safari yetu.

    Karibu na mji wa Same kwenye saa saba usiku, basi letu lilisimama ghafla. Abiria walisimama ndani ya basi na kulizuka aina ya kusukumana. Huko nje kulikuwa na ajali. Abiria tulishuka haraka na wengine huko chini walishaanza kupiga mayowe, hasa wanawake. Niliposhuka niliona gari n
    dogo nyeusi ikiwa imebondeka sana na hapo kando kulikuwa na maiti wawili.

    Nilijua ni maiti kwa sababu walikuwa wamefunikwa gubigubi. Halafu kulikuwa na katoto kalikokuwa kanalia sana kakiwa kamefungwa kanga kichwani. Tumwahishe huyu mtoto hapo Same hospitali ameumia, ingawa sio sana. Nilikatazama kale katoto ka kiume kenye umri wa miaka kama mitatu. Kalikuwa kameumie kwenye paji la uso, lakini kalikuwa hai. Bila shaka wale walikuwa ni wazazi wake, kalikuwa yatima tayari. Machozi yalinitoka.

    Baada ya kupata msaada na askari wa usalama barabarani kuchukua maiti wale tulipanda basini kuendelea na safari yetu. Kale katoto kalichukuliwa na jamaa fulani waliokuwa na Land Rover ya serikali kukimbizwa hospitalini. Ndani ya Basi mazungumzo yalikuwa ni kuhusu ajali ile tu, hadi tunafika
    Arusha. Tulichelewa sana kufika Arusha kwani tulifika kwenye saa tano asubuhi, badala ya saa mbili .

    Nililala kwenye hoteli rahisi na kufanya usaili kesho yake. Ni hiyo kesho, baada ya usaili niliponunua gazeti ambapo nilipata mshtuko mkubwa ajabu. Kumbe wale watu wawili waliokufa kwenye ajali ile ya Same walikuwa ni yule bwana aliyenisaidia hela na mkewe. Yule mtoto wao ndiye aliyeokoka. Niligundua hilo baada ya kusoma jina lake na jina la kampuni aliponiambia nimpelekee fedha zake nikirudi Dar, pamoja na picha yake, mke na mtoto. Nililia sana, kama mtoto.

    Nillishindwa kujua ni kwa nini afe. Nilijiuliza ni nani sasa angemlea mtoto yule? Yalikuwa ni maswali yasiyo na majibu na pengine maswali ya kijinga pia.
    Nilijua kwamba nilikuwa na deni, deni la shilingi tisini. Kwa wakati ule shilingi tisini zilikuwa ni sawa na shilingi laki moja za sasa.
    Kwa mara ya kwanza sasa nilijiuliza ni kwa nini marehemu yule aliniamini nakuamua kunipa fedha zile. Sikupata jibu.

    Nilikata kipande kile cha gazeti la kingereza kilichokuwa na
    habari ile. Nilichukuwa kipande hicho na kukiweka kwenye Diary yangu. Deni, Ningelipa vipi deni la watu? Nilijikuta nikipiga magoti na kuomba mungu anipe uwezo wa kuja kulilipa deni la mtu yule mwema kwa njia yoyote. 'Mungu naomba uje uniwezeshe kulilipa deni la marehemu kwa sura na namna ujuavyo wewe. Nataka kulilipa deni hili ili nami niwe nimemfanyia jambo marehemu,' niliomba. Nilirejea Dar siku hiyo hiyo.
    Kwa sababu ya mambo mengi na hasa baada ya matokeo ya usaili ule kuwa mbaya kwangu, nilijikuta nikiwa na mambo mengi na kusahau haraka sana kuhusu mtu yule aliyenisaidia mbaye ni marehemu. Nilifanikiwa hata hivyo kupata nafasi ya kusoma Chuo cha Saruji na baadae chuo cha ufundi na hatimaye nilibahatika kwenda nchini Uingereza. Mwaka 1991 nilianza shughuli zangu.

    Ilikuwa ni mwaka 1995 nikiwa ofisini kwangu pale lilipokuwa jengo Nasaco ambalo liliungua mwaka 1996, ambapo lilijengwa upya na kubadilishwa jina na kuitwa Water Front. Nikiwa nafanya kazi zangu niliambiwa na sekratari wangu kwamba kulikuwa na kijana aliyekuwa anataka kuniona. Nilimuuliza ni kijana gani, akasema hamjui. Nilimwambia amruhusu aingie. Kijana huyo aliingia ofisini.
    Alikuwa ni kijana mdogo wa umri miaka kama 17 au 18 hivi, mweupe mrefu kidogo. Alikuwa amevaa bora liende , yaani hovyohovyo huku afya yake ikiwa hairidhishi sana.

    Nilimkaribisha ilimradi basi tu, kwani niliona atanipotezea bure muda wangu. Ni lazima niwe mkweli kwamba sikuwa mtu mwenye huruma sana na nilikuwa naamini sana katika watu wenye pesa au majina. Nilimuuliza, “nikusaidie nini kijana na ukifanya haraka nitashukuru maana nina kikao baada ya muda mfupi”. Nilisema na sikuwa na kikao chochote , lakini nilitaka tu aon
    doke haraka.

    “Samahani mzee, nilikuwa na shida…..nimefukuzwa shule na sina tena mtu wakunisaidia kwa sababu …..nime….niko ….kidato cha pili na hivyo tu natafuta tu kama atatokea mtu……..
    Nilimkatisha. “Sikiliza kijana. Kama huna jambo lingine la kusema, ni bora ukaniacha nifanye kazi. Hivi unafikiri kama nikiamua kumsaidia kila mtu aliyefukuzwa shule si nitarudi kwetu kwa miguu! Nenda Wizara ya Elimu waambie……Kwanza wazazi wako wanafanya kitu gani, kwa nini washindwe …..Kwa nini walikupeleka shule ya kulipia kama hawana uwezo, wanataka sifa?”

    “Hapana wazazi wangu walikufa na ninasoma shule ya serikali. Nimekosa mahitaji ya msingi na nauli ya kwendea shule. Nasoma shule ya Kwiro, Morogoro. Shangazi ndiye anayenisomesha, naye ana kansa na hivi sasa hata kazi hafanyi….,”
    Alianza kulia. Huruma fulani ilinijia na nilijiambia, kama ni nauli tu na matumizi, kwa nini nisiwe mwema, angalau kwa mara moja tu. “Baba na mama walifariki lini?” Niliuliza nikijua kwamba, watakuwa wamekufa kwa ukimwi, maana kipindi kile ndipo fasheni ya ukimwi ilipoanza, ambapo kila anayekufa huhesabiwa kwamba kafa kwa ukimwi.

    “Walikufa kwa ajali nilipokuwa m
    dogo sana, nilipokuwa na miaka mitatu. Ndio shangazi yangu akanichukua na kunilea hadi sasa anakufa kwa kansa.” Yule kijana alilia zaidi. Naomba nikwambie wewe msomaji unayesoma hapa kwamba, kuna nguvu fulani na sasa naamini kwamba ziko nyingi ambazo huwa zinaongoza maisha yetu bila sisi kujua.

    Kitu fulani kilinipiga akilini paaa! Nilijikuta namuuliza yuel kijana. “Kwa nini umeamua kuja kwangu, ni nani alikuelekeza hapa na wazazi wako walikufa mwaka gani na wapi?”
    Yule kijana alisema, “Nimeona nijaribu tu kwa mtu yeyote ambaye anaweza kunisaidia, na ndio nimejikuta nikiingia hapa, sijui……..sikutumwa na mtu. Wazazi wangu walikufa mwaka 1979 huko Same na mimi wanasema nilikuwa kwenye ajali, nikaokoka. Niliumia tu hapa.”
    Alishika kwenye kovu juu ya paji lake la uso.

    Nilihisi kitu fulani kikipanda tumboni na kuja kifuani halafi niliona kama vile nimebanwa na kushindwa kupumua. “Baba yako alikuwa anaitwa nani?” “
    Alikuwa anaitwa Siame….Cosmas Siame….” Niliinuka ghafla hadi yule kijana alishtuka . Nilikwenda kwenye kabati langu mle ofisini na kuchakura kwenye droo moja na kutoka na diary. Mikono ikinitetemeka, nilitoa kipande cha gazeti ndani ya diary hiyo, nilichokuwa nimekihifadhi.

    “Ndio alikuwa anaitwa Cosmas Siame. Huyu ni mtoto wake, ni yule mtoto aliyenusurika.” Nilinong’ona. Nilijikuta nikipiga magoti na kusali. “Mungu, wewe ni mweza na hakuna kinachokushinda. Nimeamini baba kwamba kila jema tunalofanya ni akiba yetu ya kesho na kesho hiyo huanzia hapa duniani.” Halafu nillinyamaza na kulia sana. Nililia kwa furaha na ugunduzi wa nguvu zinazomgusa binadamu kwa kila analofanya.

    Nilisimama nikiwa nimesawajika kabisa. Nilihisi kuwa mtu mwingine kabisa. Nilimfuata yule kijana na kumkumbatia huku nikiwa ba
    do ninalia. “Mimi ni baba yako mdogo, ndiye nitakyekulea sasa. Ni zamu yangu sasa kukulea hadi mwisho” Naye alilia bila kujua sababu na alikuwa amechanganyikiwa kabisa. Nilirudi kwenye kiti na kumsimulia kilichotokea miaka 17 iliyopita.

    Tulion
    doka hapo na kwenda kumwona shangazi yake Ubungo, eneo la maziwa ambako alikuwa amepanga chumba. Kutokana na hali yake nilimhamishia kwangu, baada ya kumsimulia kilichotokea. Huyo dada yake Cosmas alifurahi sana hadi akashindwa kuzungumza kwa saa nzima. Alifariki hata hivyo mwaka mmoja baadae, lakini akiwa ameridhika sana.

    Kijana Siame alisoma na kumaliza Chuo Kikuu na hivi sasa yuko nchini Australia anakofanya kazi. Ukweli ni kwamba ni mwanangu kabisa sasa. Naamini huko waliko Mbinguni wazazi wake wanafurahia kile walichokipanda miaka mingisana nyuma. Lakini nami najiuliza ba
    do
    . Ilikuwaje Cosmas akanipa msaada ule? Halafu najiuliza ni kitu gani kilimvuta mwanae Siame hadi ofisini kwangu akizipita ofisi nyingine zote? Nataka nikuambie, usiwe mbishi sana bila sababu, kuna nguvu za ziada zinazoongoza matokeo maishani mwetu…………
    *************MWISHO********************
    Habari hii iliwahi kuandikwa katika gazeti la Jitambue.
     
  2. snowhite

    snowhite JF-Expert Member

    #2
    Aug 21, 2012
    Joined: Aug 2, 2012
    Messages: 13,138
    Likes Received: 408
    Trophy Points: 180
    rest in peace MUNGA TEHENAN!ahsante sana mtambuzi kwa kufanya huyu jamaa aishi ,alikuwa na mtazamo tofauti sana juu ya maisha na nguvu zilizo juu wa uwezo wetu wanadamu!
     
  3. Asprin

    Asprin JF-Expert Member

    #3
    Aug 21, 2012
    Joined: Mar 8, 2008
    Messages: 42,181
    Likes Received: 4,718
    Trophy Points: 280
    Aiseee! So touching...

    Mzee mwenzangu Mtambuzi bado una nakala ya hii makitu inaitwa Jitambue? Nlikuwa mshabiki wake mkubwa.

    RIP Munga Tehenan, amekufa na gazeti lake maskini.
     
    Last edited by a moderator: Jan 4, 2016
  4. Mtambuzi

    Mtambuzi Platinum Member

    #4
    Aug 21, 2012
    Joined: Oct 29, 2008
    Messages: 8,572
    Likes Received: 692
    Trophy Points: 280
    Mzee mwenzangu Asprin, Gazeti la Jitambue halijafa bado, kwani wewe hulisomi humu JF kila siku..
    Hebu wasome kina Eiyer, SnowBall, HorsePower na wengineo wengi tu wenye mtazamo wa Kiutambuzi utaliona Gazeti la Jitambue dhahiri kupitia mabandiko yao humu JF............
     
    Last edited by a moderator: Jan 4, 2016
  5. HorsePower

    HorsePower JF-Expert Member

    #5
    Aug 21, 2012
    Joined: Aug 22, 2008
    Messages: 3,617
    Likes Received: 28
    Trophy Points: 145

    Duuu bonge la stori yenye mafunzo, ingawa ilianza kwa kusikitisha lakini mwishowe imeisha kwa kututia moyo sana. Jambo jema la kujifunza ni kujitahidi kuwa watu wema kila unapotakiwa kufanya hivyo, kwa maana wema hauozi na binadamu tunafahamu tulikotoka na kamwe hatujui tuendako. Tunaposhindwa kuwasaidia wenzetu leo, kesho tunaweza kujikuta na sisi tunashindwa kusaidiwa kwa namna ile ile.
     
  6. SMU

    SMU JF-Expert Member

    #6
    Aug 21, 2012
    Joined: Feb 14, 2008
    Messages: 7,007
    Likes Received: 859
    Trophy Points: 280
    Dah...nimejikuta na mimi machozi yananilengalenga! Kuna watu wanajua kusimulia.
     
  7. SnowBall

    SnowBall JF-Expert Member

    #7
    Aug 21, 2012
    Joined: Sep 13, 2011
    Messages: 3,067
    Likes Received: 14
    Trophy Points: 135
    Mtambuzi nakiri kuwahi kulisoma gazeti la Jitambue but actually those days i was a bit young guy. Ila i can flash back my memories as you guy keep on narrating these stories. Kiukweli kuna wakati katika maisha hata kama huna dini unajikuta kuna imani flani hivi inakuijia. Kuna jambo hata mimi kuna wakati natendewa na kujikuta linabaki deni maishani mwangu and once ninapokua nimelilipa i feel kinda of a relief. Nabaki siku zote kuamini kuwa kila jambo linalokutokea maishani ukilifuatilia kwa kina basi utaona kuna makusudi flani nyuma yake...
     
    Last edited by a moderator: Jan 4, 2016
  8. unknown animal

    unknown animal JF-Expert Member

    #8
    Aug 21, 2012
    Joined: Jul 18, 2012
    Messages: 339
    Likes Received: 2
    Trophy Points: 35
    thanx brother,nimekuelewa bro,much interesting
     
  9. Eiyer

    Eiyer JF-Expert Member

    #9
    Aug 21, 2012
    Joined: Apr 17, 2011
    Messages: 27,212
    Likes Received: 709
    Trophy Points: 280
    Daaaah!@Mtambuzi bana! . . !
     
  10. Mtambuzi

    Mtambuzi Platinum Member

    #10
    Aug 21, 2012
    Joined: Oct 29, 2008
    Messages: 8,572
    Likes Received: 692
    Trophy Points: 280
    Eti Mzee Asprin anadai Gazeti la Jitambue limekufa pamoja na Munga Tehenan...............
    Huyu jamaa uzee unamjia vibaya eh....................!
     
    Last edited by a moderator: Jan 4, 2016
  11. gfsonwin

    gfsonwin JF-Expert Member

    #11
    Aug 21, 2012
    Joined: Apr 12, 2012
    Messages: 16,144
    Likes Received: 589
    Trophy Points: 280
    mmmh! hapa sina la kusema.
     
  12. Asprin

    Asprin JF-Expert Member

    #12
    Aug 21, 2012
    Joined: Mar 8, 2008
    Messages: 42,181
    Likes Received: 4,718
    Trophy Points: 280
    Hebu nambie naeza lipatia wapi? Damn! I miss it badly!
     
  13. Mtambuzi

    Mtambuzi Platinum Member

    #13
    Aug 21, 2012
    Joined: Oct 29, 2008
    Messages: 8,572
    Likes Received: 692
    Trophy Points: 280
    Asprin linapatikana hapa hapa JF mkuu...............
    In fact niko katika michakato ya kulifufua na kuliendesha kiufanisi zaidi, nakusanya mikwanja mkuu..................
     
    Last edited by a moderator: Jan 4, 2016
  14. Mtambuzi

    Mtambuzi Platinum Member

    #14
    Aug 21, 2012
    Joined: Oct 29, 2008
    Messages: 8,572
    Likes Received: 692
    Trophy Points: 280
    Imekugusa eh..............!
     
  15. HorsePower

    HorsePower JF-Expert Member

    #15
    Aug 21, 2012
    Joined: Aug 22, 2008
    Messages: 3,617
    Likes Received: 28
    Trophy Points: 145
    Asprin, nakala za hilo gazeti la Jitambue zinapatikana kwenye thread hizi hizi za Mtambuzi, Lol!
     
    Last edited by a moderator: Jan 4, 2016
  16. gfsonwin

    gfsonwin JF-Expert Member

    #16
    Aug 21, 2012
    Joined: Apr 12, 2012
    Messages: 16,144
    Likes Received: 589
    Trophy Points: 280
    aisee acha tu lol!
     
  17. Eiyer

    Eiyer JF-Expert Member

    #17
    Aug 21, 2012
    Joined: Apr 17, 2011
    Messages: 27,212
    Likes Received: 709
    Trophy Points: 280
    Mtambuzi,kanuni ya maumbile inakataa mtu kufa kama aliishi kwa niaba ya wengine pia.Unapouacha mwili(kufa) kile ulichokifanya bado kitakufanya uishi ndo maana watu kama Martin Luther Jr,Bob Marley,Mahatma Gandhi,Galileo n.k hawajafa bali wamepoteza mwili tu.Huyu ODM anazeeka vibaya!!
     
    Last edited by a moderator: Jan 4, 2016
  18. snowhite

    snowhite JF-Expert Member

    #18
    Aug 21, 2012
    Joined: Aug 2, 2012
    Messages: 13,138
    Likes Received: 408
    Trophy Points: 180
    pitisha na michango mtambuzi tutachangia,na litaingia tena kwenye jamii,niliwahi kupata counsceling session moja hivi kutoka kwa Munga,kwa kweli ilibadilisha sana maisha yangu na ya mume wangu.nikisoma post zako huwa nashindwa kujizuia kukumbuka upole na ukarimu wa yule mtu!udongo hula vizuri jamani!R.I.P MUNGA.utaendelea kuishi mawazoni mwetu milele
     
  19. Mtambuzi

    Mtambuzi Platinum Member

    #19
    Aug 21, 2012
    Joined: Oct 29, 2008
    Messages: 8,572
    Likes Received: 692
    Trophy Points: 280
    gfsonwin lakini sikupanga kukuliza asubuhi hii, bali kukukumbusha kuwasaidia wenye shida na wewe utapata fungu lako......!
     
    Last edited by a moderator: Jan 4, 2016
  20. E

    Elizabeth Dominic Platinum Member

    #20
    Aug 21, 2012
    Joined: Dec 7, 2007
    Messages: 4,543
    Likes Received: 27
    Trophy Points: 145
    Nakumbuka nilikuwa mpenzi sana wa gazeti la Jitambue japo nilikuwa bado sijakomaa vyema, nilipokuwa nasoma wakati ule nilisoma kwa kuvutiwa na habari na simulizi za kusisimua wakati huo huo nilikuwa nahangaika kweli kujitambua na kutafuta nafasi yangu duniani.
    Niseme unconsciously Jitambue limehusika sana kunijenga katika mtu niliye sasa....
    Asante Mtambuzi na wengine hapa JF kwa kuendelea kufanya tuzidi kujitambua kupitia mabandiko yenu
     
    Last edited by a moderator: Jan 4, 2016
Loading...