Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Nigeria yaiduwaza Ufaransa kwa ushindi wa 1-0 mjini St Etienne

Discussion in 'Habari na Hoja mchanganyiko' started by Pdidy, Jun 4, 2009.

  1. Pdidy

    Pdidy JF-Expert Member

    #1
    Jun 4, 2009
    Joined: Nov 22, 2007
    Messages: 25,512
    Likes Received: 1,596
    Trophy Points: 280
    Nigeria yaiduwaza Ufaransa kwa ushindi wa 1-0 mjini St Etienne

    ST ETIENNE, Ufaransa

    NIGERIA imeiduwaza Ufaransa baada ya kuilaza kwa bao 1-0 katika mchezo wa kimataifa wa kirafiki uliochezwa juzi mjini hapa.


    Kama ilivyokuwa kwa Senegal katika fainali za Kombe la Dunia mwaka 2002, Ufaransa chini ya Raymond Domenech imejikuta ikilala Jumanne kwa Super Eagles.


    Bao la Joseph Akpala, 22 anayeichezea klabu ya Club Brugge, Ubelgiji, dakika ya 32 baada ya kupokea pasi murua ya Ikechukwu Uche na kugonga kwanza mwamba na kumchanganya kipa Steve Mandanda.


    Mashabiki wa Ufaransa walikasirishwa na bao hilo na kuanza kuwazomea wachezaji wa nchi yao ambao walikuwa naye nahodha Patrick Vieira aliyekuwa majeruhi kwa muda mrefu na winga wa Chelsea, Florent Malouda.


    Hata hivyo, si Vieira au Malouda aliyeng'ara katika mchezo huo, ingawa Vieira alionekana mzito na kushindwa kuchangamka katika mchezo wake wa107 akiichezea Les Bleus.


    Kwa zaidi ya saa nzima, mashabiki wa Ufaransa walikuwa kimya na hatimaye walianza kuwataka wachezaji wao waamke na kuchangamka, huku Franck Ribery na Nicolas Anelka, peke yao waking'ara.


    Loic Remy aliyeichezea nchi yake kwa mara ya kwanza alikaribia kuipa bao la kusawazisha baada ya mshambuliaji huyo wa Nice kugonga mwamba dakika ya 88 ya mchezo.


    Kocha Domenech hakutarajia kukaribisha vizuri mjini St Etienne , mahali ambako anakumbukwa zama zaka wakati akiichezea wapinzani wa kihistoria, Olympique Lyon.


    Hilo lilidhihirika wazi baada ya majina ya kikosi cha Ufaransa kutajwa kupitia vipaza sauti uwanjani likiwamo la Domenech na wachezaji wa zamani Lyon walizomewa na mashabiki. Wengi wao walieleza kusikitishwa na kuporomoka kwa kiwango cha timu hiyo.


    Kwa dakika moja, mashabiki walitulia kimya kuwakumbuka abiria 228 wa ndege ya Air France waliopotea Jumatatu wakitokea Rio de Janeiro, Brazil kuelekea Paris.


    Kesho, Ufaransa itakuwa na mchezo mwingine wa kirafiki dhidi ya Uturuki
     
  2. Mairo

    Mairo Member

    #2
    Jun 4, 2009
    Joined: Jun 4, 2009
    Messages: 28
    Likes Received: 0
    Trophy Points: 0
    Hi JF members!
    Am a new mwmber, hoping to exchange ideas, information, knowledge, experience etc with JF members.
    Regards
     
  3. Pdidy

    Pdidy JF-Expert Member

    #3
    Jun 4, 2009
    Joined: Nov 22, 2007
    Messages: 25,512
    Likes Received: 1,596
    Trophy Points: 280
    Hi JF members!
    Am a new mwmber, hoping to exchange ideas, information, knowledge, experience etc with JF members.
    Regards

    UR WELCOME MAIRO.....HAPPY THURSDAY
     
Loading...