Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Nico Zengekala... Mwanamuziki kipofu aliyetikisa Tanzania.

Discussion in 'Entertainment' started by Bujibuji, Aug 26, 2011.

  1. Bujibuji

    Bujibuji JF-Expert Member

    #1
    Aug 26, 2011
    Joined: Feb 4, 2009
    Messages: 27,087
    Likes Received: 5,277
    Trophy Points: 280
    ILIPOSIKIKA sauti yake kila mpenzi wa muziki
    anayefuatilia bendi za hapa nyumbani alihisi
    kuna kitu kipya kimeingia katika tasnia ya
    muziki wa dansi.
    Hiyo ilikuwa mwaka 1982 alipoingia kwa
    mara ya kwanza nchini mwimbaji hatari
    kutoka mkoa wa Pwani nchini Kenya Nico
    Zengekala akiwa ni mwimbaji tumaini wa
    bendi ya Les Quban.
    Bendi hiyo ilianzishwa nchini Kenya lakini
    ilikuwa na wanamuziki kutoka Tanzania
    ambapo awali ilikuwa pamoja na mwimbaji
    maarufu Juma Kilaza aliyetamba sana
    mkoani Morogoro kabla ya kufanyika
    mapinduzi ya uongozi yaliyomnyang'anya
    Kilaza uongozi na pia kumtimua
    kwenye bendi na jahazi hilo kushikwa na
    mpuliza saxophone marehemu Comson
    Mkomwa.
    Walipoingia katika kumbi za burudani za
    jijini Dar bendi hiyo ikiwa pia na mpiga gitaa
    la solo Mohamed Tungwa, wapuliza ala za
    upepo kama Said Makelele, Jumanne
    Mwamzungu, akina Majuto Mbungani na
    Shaibu Monduli bendi hiyo iliweza kuingiza
    ushindani kwa bendi kongwe
    kama Juwata wakati huo, Mlimani Park na
    hata bendi zilizokuwa na asili ya
    wanamuziki kutoka nchini Zaire (sasa
    Jamhuri ya Kidemokrasia ya Kongo) kama
    vile Orchestra Safari Sound, Marquiz du Zaire
    na Matimila.
    Nyimbo zilizozipeleka puta bendi nyingine
    pamoja na mashabiki kwa ujumla ni pamoja
    na Shemango, Kambarage Nyerere, Jack na
    nyingine kadhaa.
    Uimbaji wa Zengekala ulianza kupata sifa
    ndani na nje ya bendi hiyo na watabiri wa
    masuala ya muziki wakati huo walithubutu
    hata kueleza wazi kwamba mwanamuziki
    huyo kamwe asingedumu katika bendi hiyo.
    Hatimaye, mawazo hayo yakawa kweli
    kwani Zengekala mwenyewe alimueleza
    mwimbaji mwenzake wa karibu wakati huo,
    Shaibu Monduli kwamba yeye alitamani sana
    kuiimbia bendi ya Juwata Jazz inayotumia
    mtindo wa Msondo Ngoma.
    Akamsisitizia kwamba dhamira hiyo alikuwa
    nayo tangu alipokuwa nchini kwao Kenya
    ambako alizisikia nyimbo za bendi hiyo na
    pia akatamani siku moja kuimba na akina
    Hassan Bitchuka, Shaaban Dede, Joseph
    Lusungu na waimbaji wengine wakongwe.
    Hivyo alitaka hatua yake ya kufika nchini
    Tanzania iende na dhamira yake ya kujiunga
    na bendi hiyo endapo atakubaliwa.
    Vurumai kubwa ilijitokeza miongoni mwa
    viongozi wa bendi ya Les Quban waliokuwa
    wakitumia mtindo wa Vinavina na wale wa
    Juwata baada ya kujua nyota ile ya jaha
    inaangazia kwenye bendi yao.
    Hatimaye Zengekala akatua Msondo na
    kuweka mapenzi makubwa ya urafiki na
    mwimbaji mwingine chipukizi aliyemkuta
    Msondo marehemu Tino Masinge.
    Alipojiunga tayari bendi
    hiyo ilishawakamata waimbaji mbalimbali
    akiwemo TX Moshi William kutoka bendi ya
    Polisi Jazz.
    Wimbo wake wa kwanza na bendi ya
    Juwata ulikuwa ni Solemba ambao alipenda
    apigiwe solo na gwiji la chombo hicho Dk
    Saidi Mabela na yeye akashirikiana kuimba
    akiwa na Suleyman Mbwembwe na Tx Moshi
    William.
    Enzi hizo tayari Hassan Bitchuka alishaihama
    Msondo na kujiunga na Mlimani Park lakini
    ikatokea siku moja bendi hiyo kufanya shoo
    katika ukumbi mmoja pale DDC Magomeni
    Kondoa.
    Kwa kuwa siku hiyo Bitchuka naye
    alikuwemo ukumbini na Msondo ndiyo
    iliyopata nafasi ya kufungua pazia la
    burudani ile basi umati wa watu uliojaa
    ulidhani Bicthuka ameamua kwenda kuipiga
    tafu Sikinde kumbe ilikuwa ni sauti ya Nico
    Zengekala aliyekuwa akiimba wimbo uitwao
    Sogea karibu.
     
  2. mchapa shughuli

    mchapa shughuli JF-Expert Member

    #2
    Aug 26, 2011
    Joined: May 19, 2011
    Messages: 448
    Likes Received: 206
    Trophy Points: 60
    mzee wa SOLEMBA..
     
  3. Bujibuji

    Bujibuji JF-Expert Member

    #3
    Aug 26, 2011
    Joined: Feb 4, 2009
    Messages: 27,087
    Likes Received: 5,277
    Trophy Points: 280
    <br />
    <br />
    Sauti yake bado inanisisimka masikioni mwangu.
     
  4. Kiranja Mkuu

    Kiranja Mkuu JF-Expert Member

    #4
    Aug 28, 2011
    Joined: Feb 18, 2010
    Messages: 2,101
    Likes Received: 4
    Trophy Points: 0
    [Mwanzo] Rudi Table
    Solemba - JUWATA JAZZ(Nico Zengekala)]
    Ulinipa ahadi tukutane kwenu,
    Nikitumaini nimewahi,
    Nilichopata kwako ni matusi ooh, ooh na
    dharau tele
    Ungenieleza ukweli solemba,
    Kuliko kunidanganya ooh,
    Najuta kuitimiza ahadi ooh ambayo si ya
    kweli.
    (Chorus)
    [Wote]
    Nilikupenda kimapenzi Solemba eeh,
    ila dharau uliweka mbele solemba.
    [Zengekala]
    Nilichomwa na jua toka asubuhi,
    mpaka saa nane Solemba sababu ya
    kukungoja wewe
    Kumbe ulikua ndani ukichungulia dirishani
    Nimeshituka Solemba ,
    Nimeshituka Solemba
    [Wote]
    Nilikupenda kimapenzi Solemba eeh,
    ila dharau uliweka mbele solemba.
    [Zengekala]
    Sikutaki tenaaa, sina haja nawe,nimeshapata
    mwingine atakaye nipenda kwa roho moja,
    Tafuta bwana mwingine utakae mbabaisha
    kama mimi
    Huna huruma Solemba.......Aloi I love you
    baby
    [Wote]
    Nilikupenda kimapenzi Solemba eeh,
    ila dharau uliweka mbele solemba.
    Rudi mwanzo
    [TUMA - Nico Zengekala]
    Nilisimama kwenye kona, ya uhuru na
    msimbazi,
    Natizama wanaopita , wanaorudi mamaaaa,
    Huenda nikaiona sura yake tuma.
    Nasimama nikiwaza, ahadi yetu tuliopanga,
    Tukutane Darisalama, Tuma mama,
    Nia na madhumuni wazazi watuone.
    Nilishikwa na mnutsuko shoga yake
    aliniponiejia na kunieleza
    Tuma ee tuma ee keshaolewa
    Nilishikwa na mshituko mapigo ya moyo
    enda mbio
    Sikutegemea Tuma, kama angevunja ahadi
    yetu ama kweli penye uzia hupenyeza rupia
    CHORUS:
    Usinione nimekonda ewe Tuma, hakuna
    lingine mama
    Ila ni wewe Tuma.
    (Usiku wote nalala nikikuwaza nakuita jina
    lako oh oh Tuma)
    Repeat: Usinione nimekonda ewe Tuma.
    Rudi mwanzo
     
  5. U

    Ulimakafu JF-Expert Member

    #5
    Aug 30, 2011
    Joined: Mar 18, 2011
    Messages: 16,555
    Likes Received: 252
    Trophy Points: 180
    Alikuwa tishio,sauti nzuri sana.
     
  6. Mkirua

    Mkirua JF-Expert Member

    #6
    Aug 30, 2011
    Joined: Sep 9, 2010
    Messages: 5,658
    Likes Received: 5
    Trophy Points: 135
    mkuu hapo umenigusa ni historia nzuri, huyu jamaa alikuwa mkali sana. Nasikia kuna siku alituzwa akaficha pesa yake kwenye chumba alichokuwa akilala mwenzie akaiba yeye akaitafuta na kuipata alikoificha room mate wake na kuificha tena cha ajabu mwenye macho (uono)alifika na kuitafuta bila mafanikio Nico akawa anamcheka tu jinsi alivyokuwa akihaha though alikuwa hamuoni...Nasikia pia alikufa kwa kuwekewa sumu sijui ukweli wa madai haya...mwenye info zaidi plz...
     
  7. K

    Kintiku JF-Expert Member

    #7
    Aug 30, 2011
    Joined: Feb 3, 2011
    Messages: 530
    Likes Received: 6
    Trophy Points: 35


    Hizo habari ni kweli; kuna li mwanamuziki moja la siku nyiingi (kongwe) ndio lililomuua huyu kijana. Kisa alikuwa anamfunika.............ngoja ataona jinsi kifo chake kitakavyokuwa cha mateso kwa dhambi ya kumuua kijana mbichi mwenye sauti ya kipekee.

    Wimbo wa Jack wa Mapendo, Mama Hisani............ the guy was kipajid
     
  8. ngalikikinakiki

    ngalikikinakiki Member

    #8
    Aug 30, 2011
    Joined: Mar 29, 2011
    Messages: 56
    Likes Received: 1
    Trophy Points: 15
    Hakuuwawa kwa sumu alikufa kutokana natatizo la kifafa alilokuwa nalo na hivyo kujikaba kwa ulimi wake mwenyewe
     
Loading...