Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Nianze kwenda kwa nani? (Shairi)

Discussion in 'Jukwaa la Lugha' started by Barubaru, Sep 7, 2011.

  1. Barubaru

    Barubaru JF-Expert Member

    #1
    Sep 7, 2011
    Joined: Apr 6, 2009
    Messages: 7,163
    Likes Received: 10
    Trophy Points: 0
    Nianze kwenda kwa nani?
    1. Leo nimepata simu, Huko kwangu ofisini, Zote tena taslimu, Zimefika mikononi,
      Na zote hizo muhimu, Nimezisoma yakini,
      Nianze kwenda kwa nani, washairi nambieni.

    2. Simu ya kwanza yasema, Tia mguu njiani,
    Mama yako ana homa, Imemuanza kondeni,
    Fanya uje hima hima, Kupona si tumaini
    Nianze kwenda kwa nani, washairi nambieni.


    3. Simu ya pili yasema, Hamza njoo Omani,
    Mkweo anakoroma, Kakumbwa na datsani,
    Ukweli hana uzima, Ajekupa buriani,
    Nianze kwenda kwa nani, washairi nambieni.

    4. Simu ya tatu yasema, Barubaru harahara,
    Mkeo wa huko Doha, leo kaumwa na nyoka,
    Waganga wanavyosema, Imebakia dakika,
    Nianze kwenda kwa nani, washairi nambieni.

    5.Simu ya nne yasema, usidharau kufika,
    Mwanao Dar isalaama, Mguu umevunjika,
    Homa raha alalama, Jinsi anavyoteseka,
    Nianze kwenda kwa nani, washairi nambieni.

    6. Simu ya tano yasema, kaka yako ana kesi,
    Kaiba mali ya umma, Wamemzoa polisi,
    Majibu ya mahakama, Uje ulipe upesi,
    Nianze kwenda kwa nani, washairi nambieni.

    7Watunzi huo ukweli, msidhani naropoka,
    Zimeniruka akili, Nabaki kuweweseka,
    Mwanakijiji na Ali, Choveki nipe hakika,
    Nianze kwenda kwa nani, washairi nambieni.



    Dr Hamza Yousuf Al Naamany (Barubaru)
    H/N 2436, Umm hays Block.
    Minal fahal Street.
    Doha.
    Qatar
     
  2. PakaJimmy

    PakaJimmy JF-Expert Member

    #2
    Sep 7, 2011
    Joined: Apr 29, 2009
    Messages: 16,234
    Likes Received: 101
    Trophy Points: 145
    Huyu kwako ni makini, wengine watajifia,
    Hima hospitalini, waganga kumtibia,

    Utakwepa kisirani, laana kujipatia,
    Muwahishe mama yako, wengine hao maiti!
     
  3. C

    Choveki JF-Expert Member

    #3
    Sep 8, 2011
    Joined: Apr 16, 2006
    Messages: 448
    Likes Received: 8
    Trophy Points: 35
    Pokea pole wakwetu, kwa mama huko anzia,
    Tena sisubiri mtu, kwa mama watimkia
    Si namba mbili wala tatu, ya kwanza ashikilia
    Hakuna sawa na mama, sikia baba sikia

    Wala sisubiri simu, nyengine ije ingia
    Umeshapata salamu, mama wasikilizia
    Wajibu kwako muhuimu, safari ukianzia
    Hakuna sawa na mama, sikia kaka sikia

    Wengine watasubiri, kichwani hilo julia
    Tulia uwe mahiri, ni mama wakimbilia
    Kwa mama kweli nakiri, ni nani akaribia?
    Hakuna sawa na mama, sikia ndugu sikia

    Na tena una bahati, mamako anapumua
    Chomoka kama baruti, usije kuja jutia
    Kwa wako wote wa dhati, ni mama anaanzia
    Hakuna sawa na mama, sikia shekhe sikia

    Tano nasema kikomo, ni miye nakomelea
    Nimeshakupa kisomo, kwa mama kuashiria
    Natena hana kipimo, muhimu hiyo kujua
    Hakuna sawa na mama, we Barubaru sikia!
     
  4. Jidu

    Jidu JF-Expert Member

    #4
    Sep 8, 2011
    Joined: Mar 9, 2011
    Messages: 1,054
    Likes Received: 107
    Trophy Points: 160

    Panapo tumika shoka,usije leta jambia,
    Sifananishe na soka,na maisha ya dunia,
    Mama yako shamchoka,hivi ndo watuambia?
    Wakuanzia ni mama,wengine wafuatia

    Tena fanya hima,usije ukajutia,
    Hakuwekewa kwa bima,maisha yatalipia,
    Ufanya kwake khidima,mola tampa afua,
    Wakuanzia ni mama,wengine wafuatia

    Kakiyo ana dhahama,kwakweli kajitakia,
    Hicho kwake ni kiama,apate pa kujutia,
    Umwache akale sima,kamwe sije kimbilia,
    Wakuanzia ni mama,wengine wafuatia

    Mkweo toka omani,mola pekee ajua,
    Omba dua kwa imani,apate japo afua
    Mke ombea jirani,wapate kumwangalia,
    Wakuanzia ni mama,wengine wafuatia

    Mtoto yupo salama,hofu ndio yasumbua,
    Nenda mwangalie mama,yeye wakupigania,
    Kamwe acha kulalama,nakupa japo usia,
    Wakuanzia ni mama,wengine wafuatia
     
  5. Mzee Mwanakijiji

    Mzee Mwanakijiji Platinum Member

    #5
    Sep 8, 2011
    Joined: Mar 10, 2006
    Messages: 30,383
    Likes Received: 2,442
    Trophy Points: 280
    Nitarudi...
     
  6. Barubaru

    Barubaru JF-Expert Member

    #6
    Sep 8, 2011
    Joined: Apr 6, 2009
    Messages: 7,163
    Likes Received: 10
    Trophy Points: 0
    Ahsante sana kwa ushauri.
     
  7. Barubaru

    Barubaru JF-Expert Member

    #7
    Sep 8, 2011
    Joined: Apr 6, 2009
    Messages: 7,163
    Likes Received: 10
    Trophy Points: 0
    Nashukuru sana kwa ushauri wako.
    Nimelipenda sana shairi lako.
     
  8. Barubaru

    Barubaru JF-Expert Member

    #8
    Sep 8, 2011
    Joined: Apr 6, 2009
    Messages: 7,163
    Likes Received: 10
    Trophy Points: 0
    Hakika upo juu, Nimekukubali.

    Ahsante kwa ushauri.
     
  9. A

    Albimany JF-Expert Member

    #9
    Sep 8, 2011
    Joined: Apr 11, 2011
    Messages: 269
    Likes Received: 22
    Trophy Points: 35
    Malala miko tumesikia,nashangaa unachelewa.
    Majibu umeshapewa,mama ndio wakuanzia.
    Mataizo utapata,mama radhi akikuachia.
    Wima fanya haraka.dunia iisijekuelemea.

    Waomani anamata,mkwe mpehishima pia.
    Wapigie ndugu,wamaskati kukusaidia.
    wampeleke mkwe,hospitali asijejifia.
    Wima fanya haraka,maisha kuyaokoa.

    Doha usidharau,mke atajapotea.
    Dada atajachukia,pilau hutapikiwa.
    Doctari agizia,nyumbani kusaidia.
    Wima fanya haraka,sumu yawezauwa.

    Angalia Dar,kunawatu wawajua.
    Albimany nikonawe,nitakusaidia
    Angalu Muhimbili,mtoto kukufikishia,
    Wima kwamama,huyu Moi watampasua.

    Hamza,sikia.nduguyo kajitakia
    Hahitaji kusaidiwa,kuiba nivibaya.
    Huyo hakulelewa,dunia kaivamia.
    Wima kimbia,matatizo yakujitakia.

    Majibu umepewa,mama wakuanzia.
    Mkwe akifuatia,baada ya mama nakwambia.
    Mke si wakudharauliwa,hachelewi kukukimbia.
    Mtoto akiumia,muhimu kutibiwa.
    Mwisho kakaako,hujuma katifanyia hapaswi kusaidiwa.

    BY
    Albimany.
     
  10. Mzee Mwanakijiji

    Mzee Mwanakijiji Platinum Member

    #10
    Sep 8, 2011
    Joined: Mar 10, 2006
    Messages: 30,383
    Likes Received: 2,442
    Trophy Points: 280
    Nimefanya hima miye, nije na nikuambie
    Barubaru usikiye, haraka ukafanyie
    Shauri nikupatie, nawe ulizingatie,
    Kamtoe kwanza kaka, ya Mungu yatafuatia

    Kwanza nakusalimia, na pole nakupatia
    Yote yalokufikia, mazito nakubalia
    Masahibu ya dunia, bila hodi yatujia
    Kamtoe kwanza kaka, ya Mungu yatafuatia.

    Swali ulilouliza, moyoni limeniumiza,
    Na tena likaniliza, huzuni likinijaza,
    Nikakaa nikawaza, sasa jibu nakujuza,
    Kamtoe kwanza kaka, ya Mungu yatafuatia.

    Mama kashikwa na homa, mauti ayatazama,
    Hofu yake kama mama, wanae wako wazima?
    Mmoja jela katama, habari mbaya kwa mama
    Kamtoe kwanza kaka, ya Mungu yatafuatia!

    Ukishamtoa kaka, kwa mama fanya haraka,
    Wa kaka mkono shika, mwende mpate baraka,
    Kwa mama mkishafika, uzima hautatoka,
    Kamtoe kwanza kaka, ya Mungu yatafuatia

    Kisha umtume kaka, awahi kwenda Tandika,
    Kwa mwana wako hakika, mguu alovunjika,
    Huko akishakufika, hali itatulizika,
    Kamtoe kwanza kaka, ya Mungu yatafuatia!

    Nawe ufanye haraka, kwenda Doha kwa hakika,
    Mauti yasije fika, habiba akakutoka,
    Msiba ukakufika, wa nyonda akiondoka,
    Kamtoe kwanza kaka, ya Mungu yatafuatia!

    Na piga simu Omani, kwa wakwe walo tabuni,
    Binti yao taabani, mautiuti kitandani,
    Utachelewa njiani, wauguliwa mtani,
    Kamtoe kwanza kaka, ya Mungu yatafuatia.

    Uwaambia Omani, dua zapaa mbinguni,
    Kwa Subhana Maanani, mwingi wa rehemani,
    Wawatakia imani, ukiomba ahueni,
    Kamtoe kwanza kaka, ya Mungu yatafuatia.

    Mke akinusurika, Barubaru kwa hakika,
    Nenda Omani haraka, uende bila kuchoka,
    Mkweo asije toka, bila ya wewe kufika,
    Kamtoe kwanza kaka, ya Mungu yatafuatia.

    Kama wote watatoka, ukenda kumtoa kaka,
    Msiba utawafika, pamoja mtawazika,
    Mke wewe utazika, mama kaka atazika,
    Kamtoe kwanza kaka, ya Mungu yatafuatia.

    M. M. Mwanakijiji (Sauti ya Kijiji)
     
  11. C

    Choveki JF-Expert Member

    #11
    Sep 9, 2011
    Joined: Apr 16, 2006
    Messages: 448
    Likes Received: 8
    Trophy Points: 35

    Nahisi huyo ni gamba, kwa nini akimbiliwe?
    Ni gwanda kama si gamba, walio wengi viwewe

    Mwache apate kingwamba, atupwe selo alewe!

    Awe gamba au gwanda, najuwa wote viwewe!


    Kakako si kimbilio, hata aliwe na mwewe

    Hata atoe kilio, kelele navyo viwewe

    Asisubiri ujio, ajue yupo mwenyewe

    Awe gamba au gwanda, nahisi wote viwewe!


    Asake wapambe wake, aende hata msewe

    Kama
    kaoa na mke, asake hata mkwewe
    Walipokula vya kwake, malipo sasa wajuwe

    Awe gamba au gwanda, najuwa wote viwewe!


    Wote hao lao moja, wanagawana wenyewe

    Gwanda na gamba wamoja, nishaelewa mweyewe

    Watuonesha viroja, Dodoma ndiko kwenyewe!

    Awe gamba au gwanda, najuwa wote viwewe!


    Zangu hizi ndiyo mwisho, naomba unielewe

    Nasema yeye wamwisho, foleni aielewe

    Avilapo bila jasho, ajuwe vina mwishowe!

    Awe gamba au gwanda, najuwa wote viwewe!
     
  12. Ami

    Ami JF-Expert Member

    #12
    Sep 9, 2011
    Joined: Apr 29, 2010
    Messages: 1,858
    Likes Received: 1
    Trophy Points: 135
    Ikiwa hujui beti kaa mie soma tu usidanganye.
     
  13. Jidu

    Jidu JF-Expert Member

    #13
    Sep 9, 2011
    Joined: Mar 9, 2011
    Messages: 1,054
    Likes Received: 107
    Trophy Points: 160
    hahaha choveki hakika umenena!
     
  14. Ami

    Ami JF-Expert Member

    #14
    Sep 9, 2011
    Joined: Apr 29, 2010
    Messages: 1,858
    Likes Received: 1
    Trophy Points: 135
    Barubaru we sikiya,wenzangu lotangulia.
    Mwakijiji kapoteya,Segerea kapitia.
    Kwa mamako harakiya,na gari kumchukua.
    Mama wa kwanza sikia.Nduguyo mi nakwambiya
    .

    Kwenu Manundu wajuwa,tibaye pata poteya
    Mama wa maji kutiwa, mwiliwe umenyongeya
    Akifa mama ukiwa, habari kikufikiya
    Mama wa kwanza sikia.Nduguyo mi nakwambiya
     
  15. Asprin

    Asprin JF-Expert Member

    #15
    Sep 9, 2011
    Joined: Mar 8, 2008
    Messages: 42,155
    Likes Received: 4,678
    Trophy Points: 280
    Kama hayo yatokea, Hapa kwetu duniani,
    Mara moja kwa sawia, Mbona hicho kisirani?
    Haraka bila kawia, Tazama juu mbinguni,
    Kwa kwanza kukimbilia, Kwa Mungu kuwaombea.

    Wanaosema kwa mama, wajuaje utafika?
    Waweza katwa mtama, Ukashindwa na kufika,
    Mungu muweza daima, Ombi lako likifika,
    Kwa kwanza kukimbilia, Kwa Mungu kuwaombea.

    Watu wako taabani, Wewe utafanya nini?
    Yamefikia pomoni, We una jeuri gani?
    Ukawatoe wodini, weshakuwa mautini?
    Kwa kwanza kukimbilia, Kwa Mungu kuwaombea.

    Pole ninakupatia, kwa yote yalokupata,
    Imani kishikilia, Afueni watapata,
    Mungu kimtegemea, Yote hayo yatapita
    Kwa kwanza kukimbilia, Kwa Mola kuwaombea.

    Na Big Braza Asprin -ODM
    Kaunta ya Juu.
    MMU.
     
  16. Barubaru

    Barubaru JF-Expert Member

    #16
    Sep 9, 2011
    Joined: Apr 6, 2009
    Messages: 7,163
    Likes Received: 10
    Trophy Points: 0
    1.Yakhilahi ya wadudi, Nizishusha kwa karima,
    Nizidishie imani, pamoja na usalama,
    Asprini karudi, Dua zote nishasoma.
    Nawashukuru kwa dhati,Mola atawajalia.

    2 .Hakika nimeshukuru, Mawazo kunipatia,
    Nimeridhia hakika, Majibu kunirushia,
    Wengi wamenihakika, Mama kumkimbilia,
    Nawashukuru kwa dhati,Mola atawajalia

    3 .Mwanakijiji hakika, Kweli nimekusikia,
    Damu nzito ya kaka,Jela kaikaribia,
    Nimemtuma haraka,Ndugu deni kulipia.
    Nawashukuru kwa dhati,Mola atawajalia.

    4. Ammi nimekuridhia, Choveki nimesikia,
    Pakajimi katulia, Jidu amesha kimbia,
    Abimani kaishia, majibu kunipatia,
    Nawashukuru kwa dhati,Mola atawajalia.



    Barubaru
     
  17. Barubaru

    Barubaru JF-Expert Member

    #17
    Sep 9, 2011
    Joined: Apr 6, 2009
    Messages: 7,163
    Likes Received: 10
    Trophy Points: 0
    TITI LA MAMA


    Titi la mama litamu,hata likiwa la mbwa,
    Kiswahili naazimu,sifayo iliyofumbwa,
    Kwa wasiokufahamu,niimbe ilivyo kubwa,
    Toka kama mlizamu, funika palipozibwa,
    Titile mama litamu ,Jingine halishi hamu.

    Lugha yangu ya utoto,hata sasa nimekua,
    Tangu ulimi mzito,sasa kusema najua,
    Ni sawa na manukato,moyoni mwangu na pua,
    Pori bahari na mto,napita nikitumia,
    Titile mama litamu,jingine halishi hamu.


    By Shaban Rorbert
    from Jahadhmi's anthology of Swahili poetry
     
  18. Waberoya

    Waberoya JF-Expert Member

    #18
    Feb 26, 2012
    Joined: Aug 3, 2008
    Messages: 8,470
    Likes Received: 758
    Trophy Points: 280
    aisee thread nzuri
     
  19. Royals

    Royals JF-Expert Member

    #19
    Mar 3, 2012
    Joined: Nov 19, 2011
    Messages: 1,425
    Likes Received: 10
    Trophy Points: 135
    Mi ndo naiona hii. Inapendeza na ni tamu.
     
Loading...