Mtumeee!
Mbona hawakuongeza masifuri mbele ya hizo "milioni 20,287.5" kwa mfano, isomeke "shilingi milioni 20,287,500"? Unataka kutuongopea hapa wakati bajeti ni document ya wazi? Unaandika taarifa za kifedha na bajeti halafu hujui hata the most basic of arithmetic principles? Mmesoma wapi nyinyi vilaza wa magazetini kazi kuandika uhoro mtupu kila uchwao? Eti natumia hesabu za darasa la nne, kwani misingi ya fundamental arithmetics inabadilika? Ulitaka bajeti ya Tanzania ya kujumlisha na kutoa itumie hesabu gani, third order differential equations na eigen function expansions? You are out of your pitiful mind!
Maoni ya Katuni
Miongoni mwa habari zilizopewa uzito katika vyombo vya habari nchini jana ni kilio kwamba Balozi za Tanzania nje zinakabiliwa na ukata mkali kiasi cha watumishi wa umma kukosa hata mishahara yao.
Hali hiyo imeelezwa kuwa imekuwa ikiendelea kwa muda sasa, kiasi cha kufanya uendeshaji wa ofisi hizo kuwa mgumu mno.
Habari za kukosekana kwa fedha za kuendesha ofisi hizo ziliwekwa wazi na Katibu Mkuu wa Mambo ya Nje na Ushirikiano wa Kimataifa mbele ya Kamati ya Bunge ya Hesabu za Serikali (PAC).
Ofisi za balozi za nchi yoyote Tanzania ikiwamo, ndiyo mwakilishi wa nchi hiyo ugenini. Ni kioo cha taifa moja ndani ya taifa lingine, ndiyo maana sheria za kimataifa kwa mfano zinatambua pale zilipo ofisi za balozi fulani eneo hilo huchukuliwa kama ardhi ya nchi husika. Ni
dhahiri ofisi za balozi ndizo zinatangaza nchi, iwe kwa jema au kwa baya kulingana na ilivyokaa na inavyoendesha mambo yake.
Tunatambua kwamba serikali kwa ujumla wake imekuwa ikilalamika kuwa inakabiliwa na ukata, hali hii ndiyo imeleta malalamiko ya
makundi mbalimbali ya watumishi wa umma kama ilivyoonekana hivi karibuni kwa madaktari na kama ambavyo imekuwa inaonekana kwa walimu. Kilio cha makundi haya ni malipo duni.
Wakati serikali ikikiri kukabiliwa na ukata, Mamlaka ya Mapato (TRA) imekuwa ikitoa taarifa ya jinsi ilivyofanikiwa kukusanya mapato ya serikali aghalab kwa kuvuka malengo; hata hivi karibuni taarifa yake ilisema kuwa kwa Desemba mwaka jana ilikuwa imevunja rekodi kwa kukusanya zaidi Sh. bilioni 600 kwa mwezi.
Hicho ni kiwango ambacho hakijawahi kufikiwa na mamlaka hiyo. Mbali na makusanyo hayo kuwa juu, TRA kwa muda mrefu sasa imekuwa inakusanya mapato mengi mwezi baada ya mwezi, hali ambayo ingeliiongezea serikali uwezo wake kutekeleza majukumu yake
kama fedha husika zingelitumika vizuri na kwa kuzingatia vipaumbele vya maana kwa ustawi wa taifa na watu wake.
Ni bahati mbaya kusikia kwamba wakati ukusanyaji wa mapato ukiongezeka, hali ya watumishi wa umma inazidi kuwa mbaya kama hawa
wa balozi ambao sasa wanadaiwa kuishi maisha ya kubangaiza kwa kiwango kikukubwa sana. Kukosa mshahara kwa mtumishi wa umma ni kashfa kubwa kwa serikali, lakini pia ni aibu kwa taifa mbele ya mataifa mengine ambako tunawakilishwa.
Hali hii ikijumuishwa na vilio vya ujira kijungu jiko kwa watumishi wa umma, picha inayojengeka ni kwamba hali si nzuri serikalini; na kwa maana hiyo serikali kwa ujumla wake ilipaswa kuonekana ikiendesha mambo kama serikali inayokabiliwa na ukata. Lakini mambo si hivyo, ni kinyume chake.
Bado serikali yetu imefungwa katika ugonjwa wa posho, mabilioni ya shilingi kila mwaka yanateketea kwenye posho, na hata hivi karibuni tu taifa lilitikisika kwa madai ya posho za wabunge.
Kumekuwa na tatizo kubwa sana ndani ya ofisi za serikali juu ya matumizi bora ya kodi za wananchi, matokeo yake fedha nyingi hazipelekwi sehemu ambazo zingelileta mabadiliko ya kweli kwa taifa na ustawi wa watu wake.
Ukichukulia suala la watumishi wa umma walioko nje ya nchi kuishi bila mishahara inakuwa ni vigumu mno kuelewa wenye dhamana ya kuhakikisha watumishi hao wanalipwa ujira wao wanafikiria nini, hasa kwa sababu ukiwa ughaibuni hakuna cha mjomba wala rafiki wa
kukopa, kibaya zaidi hakuna duka la Mpemba au la Mangi la kwenda kukopa ili kulipa mwisho wa mwezi, au ukijaliwa.
Kwa kweli kuwaacha watumishi wa umma katika madhila kama haya si jambo linalokubalika wala kuvumilika, ndiyo maana sisi tunasema
kuwa wakati umefika sasa kwa serikali kuwa makini walau kwa kiwango kidogo tu ili kutekeleza hata yale majukumu yake ya lazima bila mikwaruzo kama inavyotokea sasa.
Tunajua, serikali ina majukumu mengi, pia tunaelewa pamoja na ongezeko la makusanyo ya mapato mahitaji ya fedha nayo ni mengi mno, lakini bado tunaamini kwamba kama serikali ikijipanga vizuri na kujielekeza kwenye mambo ya muhimu katika vipaumbele, hakika
itafanikiwa kuondokana na malalamiko mengi sana ya watumishi wake, pia kuanza kupata fedha za kugharimia hata miradi ya maendeleo kwa fedha za ndani.
Hizi si porojo, huko tulikotoka wakati wa utwala wa awamu ya tatu tulipata kujenga barabara zetu kiwango cha lami kwa fedha za ndani kwa asilimia 100, inawezekana, TRA ni ile ile, watumishi ni wale wale na serikali ni ile ile ya Chama Cha Mapinduzi; kama iliwezekana huko
nyuma ni kwa nini leo isiwezekane? Inawezekana tu kama serikali itajiendesha kwa nidhamu ya hali ya juu katika matumizi, lakini la muhimu zaidi kuachana na anasa.
Anasa ni nyingi serikalini, zinaonekana katika matumizi ya vitu vingi vya kifahari, posho nyingi, na kila aina ya mbwembwe ambazo hakika hazina ulazima wowote si kwa watumishi wa umma wenyewe wala wananchi kwa ujumla wao. Tubadilike.
CHANZO: NIPASHE
