Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Neno La Leo: S'toki Jikoni, Tui langu Sije Furumia!

Discussion in 'Jukwaa la Siasa' started by maggid, Feb 25, 2011.

  1. m

    maggid Verified User

    #1
    Feb 25, 2011
    Joined: Dec 3, 2006
    Messages: 970
    Likes Received: 103
    Trophy Points: 60
    Ndugu Zangu,

    Niliwaahidi kuwaletea tafsiri yangu ya kilichotokea Gongo La Mboto. Nilishindwa juzi ile kwa vile nilikuwa na tui jikoni. Jamani, tui halijakatika, linachemka kweli na chumvi n'shatia. Na kesho ndo kesho, asiye mwana aeleke jiwe. Mchele n'loloweka ndo n'tautia tuini. Kwenye tui lichemkalo.


    Hata kama niko jikoni, lakini mwenzenu nayasikia ya nje ya jiko; mathalan, habari, kuwa Ghadafi maji yamemfika shingoni. Naye kazidi, mwanzo wa mwisho wake umeshaingia.

    Halafu tena, si nimesikia, kuwa ' Sheikh wa Dowans' kaingia mjini. Na kwenye mitambo yake kule Ubungo katembelea! Ama, makubwa ati! Si mmiliki alikuwa hajulikani?

    Leo Sheikh wa Dowans, huku akiwa amevalia kanzu, baraghashea na malapa miguuni kaonekana Ubungo. Na kesho si ni Ijumaa.

    Hivi kuna ajuaye Sheikh wa Dowans ataswali wapi Ijumaa; Msikiti wa Mtoro, Tambaza au Mtambani? Ingekuwa vema, baadhi ya wazee wenye hikma wa jiji wakazungumze nae mara baada ya swala ya Ijumaa.

    Wamsimulie kisa cha Abu- Dowans, samahani Abunuwas. Naam. Abunuwas alipata kumnunua punda sokoni. Akapita nae kwa jirani yake hadi akaingia nae nyumbani kwake. Jirani yake alipomwona Abunuwas na Punda akaenda kwa Abunuwas kutaka kuazima punda.

    Jirani; " Abunuwas, naomba uniazime punda wako nikabebee mzigo wangu"

    Abunuwas; :" E bwana we, mie sina punda"

    Mara punda akasikika uani akitoa mlio. Jirani akatamka; " E rafiki yangu Abunuwas, mbona nausikia mlio wa punda!"

    Abunuwas; " E bwana we, nimekwambia sina punda, lakini, kama wataka kuazima mlio chukua!"

    Naam. Sheikh wa Dowans aambiwe, kuwa Watanzania hatulipi deni lake! Si tuliambiwa, kuwa Richmond ilikuwa kampuni hewa! Inakuwaje basi, ' Abu- Dowans' anunue mitambo ya kampuni hewa? Kwa mantiki hiyo, tutashindwaje kuamini, kuwa deni la bilioni 94 la Sheikh wa Dowans, bwana Abu- Dowans ni deni hewa. Hapa kuna wanaofanya biashara na uchumi wetu.

    Na kama si hofu ya tui langu kufurumia, hakika ningeendelea kusema, we acha tu....
    Nimeshasema; S'toki Jikoni, Tui Langu Sije Furumia! Na hilo ni Neno La Leo.

    Maggid

    Dar es Salaam.
    Februari 24, 2011
    mjengwa
     
  2. TANMO

    TANMO JF-Expert Member

    #2
    Feb 25, 2011
    Joined: Apr 12, 2008
    Messages: 8,762
    Likes Received: 62
    Trophy Points: 145
    Hapa umesema kama Mtanzania, hata mimi nitasema hivyo hivyo.
    Tatizo linakuja, Je wawakilishi wetu wataamua nini?
    Tuliowapa mamlaka ya kufanya maamuzi kwa niaba yetu mimi na wewe?
    Na je, wakiamua kulipa, tutachukua uamuzi upi?

    Katazame kwanza tui kisha punguza mkaa lisikaukie jikoni, halafu njoo tuendelee kutafakari...
     
Loading...