Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Ndege asiyewindwa akinasa aliwe?

Discussion in 'Jukwaa la Lugha' started by Mzee Mwanakijiji, Jul 12, 2009.

  1. Mzee Mwanakijiji

    Mzee Mwanakijiji Platinum Member

    #1
    Jul 12, 2009
    Joined: Mar 10, 2006
    Messages: 30,402
    Likes Received: 2,478
    Trophy Points: 280
    Wa kijiji nimetinga, na swali nawapangia,
    Magwiji toka Iringa, wa Tanga naulizia,
    Na wa pwani mnotunga, fanya hima kujibia,
    Ndege asiyewindwa, akinasa aliwe?

    Ametoka bwana Kombo, keenda zake kuwinda,
    Mtego kaweka chambo, ni kwale anawawinda,
    Kashinda huko kitambo, huku roho yamdunda,
    Ndege asiyewindwa, akinaswa aliwe?

    Mtego ukafyatuka, sauti ikasikika,
    Ndipo Kombo akaruka, na kisu akakishika,
    Mtegoni akazuka, kuona kilonasika,
    Ndege asiyewindwa, akinaswwa aliwe?

    Kunasa kanasa Kanga, kwale amenusurika,
    Kwale kaula mpunga, kisha akapeperuka,
    Makosa kafanya kanga, mtegoni kashikika,
    Ndege asiyewindwa, akinaswa aliwe?

    Ndipo Kombo kaudhika, aliyemtaka karuka,
    Jambo Kanga analika, ngoma iko kupikika,
    Kwale alitamanika, mtegoni kaponeka,
    Ndege asiyewindwa, akinaswa aliwe?

    Ndiposaa nauliza, Kisu kimlambe kanga?
    Nini kitamtuliza, mtani kutoka Tanga,
    Kombo anajiuliza, amuachilie Kanga?
    Ndege asiyewindwa, akinaswa aliwe?

    Kaditamati natama, natama nikatuwama,
    Nilichotaka kusema, kukisema nimesema,
    Kompyuta ninazima, kwenye fikara nazama,
    Ndege asiyewindwa, akinaswa aliwe?

    Na. M. M. Mwanakijiji (Sauti ya Kijiji)
    Buzuruga Chini.
     
  2. Mzee Mwanakijiji

    Mzee Mwanakijiji Platinum Member

    #2
    Jul 12, 2009
    Joined: Mar 10, 2006
    Messages: 30,402
    Likes Received: 2,478
    Trophy Points: 280
    mwenzenu kakwama..
     
  3. Kyakya

    Kyakya JF-Expert Member

    #3
    Jul 14, 2009
    Joined: Apr 24, 2009
    Messages: 396
    Likes Received: 1
    Trophy Points: 35
    Ndege asiyewindwa akinasa kama analika aliwe tu.
     
  4. NGULI

    NGULI JF-Expert Member

    #4
    Jul 14, 2009
    Joined: Mar 31, 2008
    Messages: 4,819
    Likes Received: 17
    Trophy Points: 135
    Wakijiji wajua mengi kama wa ujiji,
    Washio kitunda sio wote wala matunda,
    Kama adhuru au hamna udhuru,
    Akikamatwa aliwe.
     
  5. Barubaru

    Barubaru JF-Expert Member

    #5
    Jul 14, 2009
    Joined: Apr 6, 2009
    Messages: 7,163
    Likes Received: 10
    Trophy Points: 0
    Makubwa haya.

    Ngoja tutafakhuri na kukuletea jibu.
     
  6. Mzee Mwanakijiji

    Mzee Mwanakijiji Platinum Member

    #6
    Jul 14, 2009
    Joined: Mar 10, 2006
    Messages: 30,402
    Likes Received: 2,478
    Trophy Points: 280
    kwani kuna madhara kumla kanga?
     
  7. Ndahani

    Ndahani JF-Expert Member

    #7
    Jul 14, 2009
    Joined: Jun 3, 2008
    Messages: 11,570
    Likes Received: 152
    Trophy Points: 160
    Mzee mwanakijiji, njaa ina tabu yake,
    Imewashinda magwiji, na yao tele makeke,
    Sembuse ndo mwindaji, mwenye njaa na upweke?
    Yataka kuhangaika,ili kumponya kanga

    Kombo kapata kiwewe, kumkosa huyo kwale,
    Hali yake ielewe, aibu usoni tele,
    Usisubiri ambiwe, umesikia kelele,
    Yataka kuhangaika, ili kumponya kanga.

    Kombo amejisahau, lawama anazimwaga,
    Kwa mithali na nahau, huku anajikanyaga,
    Funzo analidharau, abeba asichotega,
    Yataka kuhangaika, ili kumponya kanga

    Mtego hauchagui, yeyote inakamata,
    Ndege hilo hatambui, awe mbuni au bata,
    Wenyewe hauchambui, ajaye unamkata,
    Yataka kuhangaika, ili kumponya kanga.

    Kombo hili atambue, kwale anavojitapa,
    Ili ajikakamue, asithubutu kuapa,
    Aibu hii ajue, na namna ya kukwepa,
    Yataka kuhangaika, ili kumponya kanga


    Twavuna tuliyopanda, kwenye maisha jamani,
    Ndivyo walivyotufunda, wahenga toka zamani,
    Yale tunayoyapenda, tuyape yake thamani,
    Yataka kuhangaika, ili kumponya kanga

     
Loading...