Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Nccr ziarani kigoma

Discussion in 'Habari na Hoja mchanganyiko' started by Charuka, Dec 22, 2009.

  1. C

    Charuka Member

    #1
    Dec 22, 2009
    Joined: Oct 20, 2009
    Messages: 56
    Likes Received: 5
    Trophy Points: 0
    NCCR yataka wananchi Kigoma wapewe mamlaka ya kujiongoza


    na Jacob Ruvilo, Kigoma


    [​IMG]
    MWENYEKITI wa Chama cha NCCR- Mageuzi, James Mbatia, ameitaka serikali kuwapa wananchi wa mkoa wa Kigoma mamlaka ya kujiongoza ili kujiletea maendeleo kwa kuwa viongozi wote wa awamu nne za utawala nchini wameutenga kimaendeleo mkoa huo.
    Akizungumza na wananchi wa mkoa wa huo, maeneo tofauti, ikiwemo Mwandiga Nguruka na Kigoma mjini, juzi, Mbatia alisema miongoni mwa mikoa uliyotengwa katika huduma za kimaendeleo tangu kupatikana kwa uhuru mkoa wa Kigoma unaongoza na hatua za makusudi zinapaswa kuchukulia.
    Mbatia alisema mkoa huo, una rasilimali nyingi za kiuchumi ambazo kama zikijengewa miundombinu bora inaweza kuleta maendeleo ya kasi kwa wananchi na wakazi wa mkoa huo kama ilivyo mikoa ya Kilimanjaro na Arusha.
    “Mkoa wa Kigoma una ziwa kubwa lenye kina kirefu zaidi duniani; kuna madini, kilimo cha kahawa, migomba, michikichi, pamba na mazao mengi mengine lakini miundombinu duni kama zana za uvuvi, kilimo barabara tangu ukoloni ndio uchawi wa mkoa wa kigoma kushindwa kupiga hatua kimaendeleo huku wananchi wakisingiziwa kila kukicha kuwa ni wavivu,” alisema Mbatia. Mbatia aliwataka wakazi wa mko huo kuungana wote katika upinzani bila kujali vyama kama ni CUF, CHADEMA au TLP kwa lengo la kupata viongozi bora wenye uchungu kuiongoza Kigoma badala ya kuanza kupigana vijembe. Naye Mkurugenzi wa Oganaizesheni wa Kampeni na Uchaguzi wa Chama hicho, Faustin Sungura, alisema wananchi hawana budi kuihoji serikali kuhusu ahadi ya maisha bora kwa kila mwananchi kama ambavyo sera ya Chama Cha Mapinduzi (CCM) ilivyoeleza wakati wa kampeni za mwaka 2005.
     
Loading...