Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Narejea duniani

Discussion in 'Utambulisho (Member Intro Forum)' started by Mrimu, Jul 25, 2009.

  1. M

    Mrimu Member

    #1
    Jul 25, 2009
    Joined: Jul 23, 2009
    Messages: 5
    Likes Received: 0
    Trophy Points: 3
    (1) Hodi ninabisha hodi, salamu wanakijiji
    Wazee walipa kodi, wa shambani na wa jiji
    Mlioko kwenye bodi, na kamati za majaji
    Narejea duniani, Mrimu wa Herakuli.

    (2) Wa Herakuli Mrimu, imenibidi kurudi
    Kurudi kwa bin Adamu, huenda wakajirudi
    Wakajirudi fahamu, na kuacha ugaidi
    Narejea duniani, Mrimu wa Herakuli.

    (3) Ninatokea Ahera, kwa mizimu wa mababu
    Msije mkanikera, bila kuwa na sababu
    Ni mjumbe mwenye sera, pokeeni matibabu
    Narejea duniani, Mrimu wa Herakuli.

    (4) Syonekani sishikiki, ni mzimu kweli kweli
    Sishiki hiki na hiki, bali ni msema kweli
    Vyote nitavihakiki, ujulikane ukweli
    Narejea duniani, Mrimu wa Herakuli.

    (5) Hamjambo Tanganyika, nchi yangu ya zamani?
    Na Uganda kadhalika, kwa Kaguta Museveni?
    Msije kudanganyika, ufisadi kutamani
    Narejea duniani, Mrimu wa Herakuli.

    (6) Sisi sote ni viumbe, hakuna wangu na wenu
    Mimi hapa ni mjumbe, nimetumwa huko kwenu
    Mkikataa ujumbe, hiyo ni shauri yenu
    Narejea duniani, Mrimu wa Herakuli.

    (7) Wazee wa Barazani, nawaletea salamu
    Wa sasa na wa zamani, kuwaona nina hamu
    Tukutane wahisani, japokuwa kwa kalamu
    Narejea duniani, Mrimu wa Herakuli.

    (8) Mzee Mwana Kijiji, baba u hali gani?
    Kigoma kwenu Ujiji, au Moshi Uchaggani?
    Nataka kuja kuhiji, nyumbani kwenu mwakani
    Narejea duniani, Mrimu wa Herakuli.

    (9) Hongera baba hongera, kwa tungo zako makini
    Za riwaya na ngonjera, za siasa na za dini
    Si Ahera si Kagera, zimefika salimini
    Narejea duniani, Mrimu wa Herakuli.

    (10) Nawe Agustini Moshi, Mwalimu ulo bobea
    Japo hizi hazitoshi, salamu zangu pokea
    Kama bado uko Moshi, naja kukutembelea
    Narejea duniani, Mrimu wa Herakuli.

    (11) Ni kule Kapiri-Mposhi, mpakani natokea
    Nakuja kwa Gari-Moshi, Toka Mkoani Mbea
    Nitapita hapo Moshi, Nikienda Tarakea
    Narejea duniani, Mrimu wa Herakuli.

    (12) Chenye mwanzo kina mwisho, beti hizi nazimega
    Kuna leo kuna kesho, kuna Alfa na Omega
    Salamu zao Kibosho, pia Kenya Kakamega
    Narejea duniani, Mrimu wa Herakuli.
     
    Last edited: Jul 26, 2009
  2. MaxShimba

    MaxShimba JF-Expert Member

    #2
    Aug 19, 2009
    Joined: Apr 11, 2008
    Messages: 35,808
    Likes Received: 94
    Trophy Points: 145
    Just be careful hapa Duniani, sijuwi ulikuwa huka hewani miaka ngapi.

    Karibu duniani
     
  3. GP

    GP JF-Expert Member

    #3
    Aug 20, 2009
    Joined: Feb 5, 2009
    Messages: 2,076
    Likes Received: 7
    Trophy Points: 135
    umekaribishwa jamvini, mikono miwili
    jisikie nyumbani, uwe huru kiukweli,
    ruhusa toka moyoni, bila kukujadili,
    karibu duniani, Mrimu wa Herakuli!.
     
  4. Zogwale

    Zogwale JF-Expert Member

    #4
    Aug 20, 2009
    Joined: Jul 10, 2008
    Messages: 11,466
    Likes Received: 590
    Trophy Points: 280

    jamvini kuna sheria, huna budi zifuata,
    post zitaashiria, kama umezifuata,
    maisha utafurahia, huzuni utazifuta,
    ahera hutafikiria, mawazo utayafuta.
     
  5. GP

    GP JF-Expert Member

    #5
    Aug 20, 2009
    Joined: Feb 5, 2009
    Messages: 2,076
    Likes Received: 7
    Trophy Points: 135
    jamvini kuna mengi, makubwa kwa madogo,
    kina mama na madingi, masela na madogo,
    tuma post kwa wingi, ziwe nzito si kidogo,
    karibu duniani, Mrimu wa Hekaruli!.

    mashori ni haba, kina baba wa kumwaga,
    wenye mvuto kimahaba, wajae kwenye vibaba,
    wa mjini si shamba, wao wajaa magaga,
    karibu duniani, Mrimu wa Hekaruli!.
     
Loading...