Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Nape: Siwajui Mbowe, Slaa

Discussion in 'Habari na Hoja mchanganyiko' started by mdau wetu, Oct 18, 2011.

  1. m

    mdau wetu JF-Expert Member

    #1
    Oct 18, 2011
    Joined: Apr 20, 2011
    Messages: 549
    Likes Received: 0
    Trophy Points: 0
    KATIBU wa Halmashauri Kuu ya Chama cha Mapinduzi (NEC) Itikadi na Uenezi, Nape Nnauye, katika hali ya kushangaza amedai hawajui Mwenyekiti wa Chama cha Demokrasia na Maendeleo (CHADEMA) na Katibu wake, Dk. Willbrod Slaa katika duru za siasa nchini.
    Aidha, Nape aliziita tuhuma za ‘kipumbavu’ dhidi ya chama chake juu ya kile kilichodaiwa kuwepo kwa mipango ya kuwabambikizia kesi baadhi ya viongozi wakuu wa CHADEMA kwa lengo la kuwadhoofisha wao binafsi na chama kwa ujumla.
    Akihojiwa na Tanzania Daima kwa njia ya simu kuhusiana na tuhuma hizo, Nape alisema hawezi kujibu madai yasiyokuwa na maana na pia hawajui hao wanaoitwa Mbowe na Slaa.
    “Nimesahau kama wapo Dk. Slaa na Mbowe ndiyo unanikumbusha wewe,” alisema na kuongeza kuwa viongozi wa CCM hawajakutana mahali popote kuzungumzia suala hilo na kueleza kuwa huo ni upuuzi usiokuwa na mashiko.
    Alisema anaamini kinachofanyika sasa ni kwa viongozi wa CHADEMA kukimbia kivuli chao, kwani anaamini habari hizo zimetungwa na zina baraka za viongozi wao wakuu.
    Nape alidai kuwa viongozi wa CCM hawana muda wa kuwafikiria CHADEMA, kwani si chama chenye maana kinachoweza kuwasumbua wala kuwapotezea muda.
    “Uchaguzi umekwisha, hatuna muda wa kuwafikiria viongozi wa CHADEMA, kwanza si chama, sasa tunafikiria kutekeleza ilani ya chama chetu,’” alisema.
    Alisema kuwa viongozi wa CHADEMA ndio wenye muda wa kuwafikiria viongozi wa CCM na kusema, “Wao ndiyo wanafikiria, ‘tumfanyeje Nape na JK’.”
    Katika tuhuma hizo, baadhi ya viongozi wa CCM wanadaiwa kufanya kikao na wahariri kadhaa wa vyombo vya habari vinavyoegemea upande wake pamoja na maofisa wa Usalama wa Taifa, ili kuweka mikakati ya kuhakikisha wanaidhoofisha CHADEMA kabla ya mwaka 2013.
    Miongoni mwa majina ya viongozi walengwa katika mkakati huo ni Freeman Mbowe ambaye pia ni Kiongozi wa Kambi ya Upinzani Bungeni, Tundu Lissu (Mbunge wa Singida Mashariki) na Mbunge wa Arusha Mjini, Godbless Lema.
    Kwa mujibu wa habari hizo, viongozi hao na wengine wanaoonekana kuisumbua zaidi CCM na serikali yake, watategeshewa kashfa kadhaa zitakazoandikwa na kutangazwa na vyombo hivyo vya habari ili kuwadhalilisha na kuwafanya waonekane hawana maana ndani ya jamii.
    Mbali na hilo, mkakati huo unakusudia kuichimba CHADEMA kama taasisi na kuhakikisha inapandikiziwa mamluki ili wavuruge uchaguzi wa ndani wa chama hicho.
    Majibu ya Nape yamekuja siku mbili tu baada ya kutoa matusi mazito katika mkutano wa hadhara uliofanyika jijini Mwanza.
    Katika mkutano huo ambao ulitawaliwa na vurugu kubwa zilizosababisha kupigwa na kuumizwa vibaya kwa vijana wawili wanaohisiwa kuwa wafuasi wa upinzani, Nape aliwatukana matusi mazito wanaoiunga mkono CHADEMA.
     
  2. Mwita Matteo

    Mwita Matteo JF-Expert Member

    #2
    Oct 18, 2011
    Joined: May 16, 2010
    Messages: 216
    Likes Received: 5
    Trophy Points: 35
    nimatusi gani hayo nape alo tukana??
     
  3. Albedo

    Albedo JF-Expert Member

    #3
    Oct 18, 2011
    Joined: Feb 24, 2008
    Messages: 5,566
    Likes Received: 9
    Trophy Points: 0
    Walimtosa kugombea Ubunge jimbo la Ubungo kwa tiketi ya CDM lazima awe na Hasira nao
     
  4. Cha Moto

    Cha Moto JF-Expert Member

    #4
    Oct 18, 2011
    Joined: Jul 2, 2011
    Messages: 946
    Likes Received: 3
    Trophy Points: 35
    Huyu dogo nae kazidi makamasi sasa
     
  5. G

    Geka Senior Member

    #5
    Oct 18, 2011
    Joined: Aug 1, 2011
    Messages: 176
    Likes Received: 1
    Trophy Points: 0
    Vijana wasiotumia akili zao na Nape ni mmoja wao, kitu ambacho ccm ndiyo wanakitaka
     
  6. TANMO

    TANMO JF-Expert Member

    #6
    Oct 18, 2011
    Joined: Apr 12, 2008
    Messages: 8,765
    Likes Received: 66
    Trophy Points: 145
    Poor Nape, even a fool is counted wise when he remain quite!
     
  7. Elli

    Elli JF-Expert Member

    #7
    Oct 18, 2011
    Joined: Mar 17, 2008
    Messages: 23,743
    Likes Received: 4,484
    Trophy Points: 280
    Hivi hii ndio kazi ya katibu mwenezi wa CCM? kuongea hata kisichokuwa na maana
     
  8. mikatabafeki

    mikatabafeki JF-Expert Member

    #8
    Oct 18, 2011
    Joined: Dec 29, 2010
    Messages: 12,838
    Likes Received: 2,009
    Trophy Points: 280
    nani kasema???Nape???sina muda wa kumjadili mtu ka huyu
     
  9. B

    Bajabiri JF-Expert Member

    #9
    Oct 18, 2011
    Joined: Jan 1, 2011
    Messages: 9,755
    Likes Received: 15
    Trophy Points: 0
    Nape tangu atukane............
     
  10. Mzee wa Rula

    Mzee wa Rula JF-Expert Member

    #10
    Oct 18, 2011
    Joined: Oct 6, 2010
    Messages: 8,161
    Likes Received: 39
    Trophy Points: 145
    Mimi nilifikiri labda Makamba na Tambwe Hiza ndiyo walikuwa waropokaji kumbe la hasha. Wote walikuwa cha mtoto, huyu wa sasa ni kiboko! Yaani analopoka mpaka basi si muda mrefu sana itawagharimu CCM.
     
  11. Mzalendo80

    Mzalendo80 JF-Expert Member

    #11
    Oct 18, 2011
    Joined: Oct 30, 2010
    Messages: 2,339
    Likes Received: 1
    Trophy Points: 0
    Hivi Nape ni nani hapa Tanzania? Mbona simjui
     
  12. T

    THK DJAYZZ JF-Expert Member

    #12
    Oct 18, 2011
    Joined: Sep 14, 2011
    Messages: 2,034
    Likes Received: 1
    Trophy Points: 135
    Nahisi alikuwa mgombea mwenza wa chadema igunga.
     
Loading...