Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Nape: Bajeti Mbadala ya Kambi ya Upinzani inadhihirisha uongo wa CHADEMA

Discussion in 'Jukwaa la Siasa' started by ACHEBE, Jun 15, 2011.

  1. A

    ACHEBE JF-Expert Member

    #1
    Jun 15, 2011
    Joined: Mar 14, 2008
    Messages: 348
    Likes Received: 1
    Trophy Points: 0
    BAJETI MBADALA YA KAMBI YA UPINZANI NI UTHIBITISHO WA UONGO WA CHADEMA


    1.0 UTANGULIZI:

    Leo tarehe 15/06/2011 kambi ya upinzani bungeni ambayo inaundwa na chama cha CHADEMA kupitia waziri wake kivuli wa fedha Mhe. Zitto Kabwe (Mb), imewasilisha bajeti yake aliyoiita bajeti mbadala kwa mwaka wa fedha 2011/2012.

    Nichukue nafasi hii kumpongeza kijana mwenzangu kwa uwasilishaji wa bajeti na kwa baadhi ya mambo ya msingi yaliyomo ndani ya bajeti husika.Hata hivyo bajeti imeacha maswali kadhaa bila majibu.

    Katika bajeti hiyo pamoja na mambo mengine kwa kiasi kikubwa imedhihirisha kuwa maneno mengi na ahadi nyingi zilizotolewa na CHADEMA wakati wa Uchaguzi kama sio zote basi nyingi zilikuwa ahadi hewa zilizolenga kuwa hadaa wapiga kura kwa nia ya kupata kura.

    2.0 MANTIKI YA HOJA:

    Moja kati ya misingi mikuu ya kutengeneza bajeti katika mazingira ya siasa za kwetu na nyingine nyingi duniani ni ahadi ambazo chama kimeahidi kwa Wananchi wake aidha kwa kupitia Ilani ya Uchaguzi au ahadi binafsi za Mgombea Uraisi alizozitoa kipindi cha kampeni ya uchaguzi. Kwa maneno mengine bajeti ni zao la Ilani ya Uchaguzi ya Chama husika na sera mbalimbali zilizopo.

    2.1 Elimu Bure kwa Watanzania kwa ngazi zote;

    Kwa mfano kupitia Ilani ya CHADEMA ya uchaguzi mkuu wa mwaka 2010 na ahadi kibao za kila mara za aliyekua mgombea urais wa chama hicho Dr. Slaa, waliahidi wakichaguliwa watatoa elimu bure kuanzia chekechea mpaka chuo kikuu.

    Itakumbukwa hii ni moja ya ahadi zilizovutia sana wakati huo, lakini huku wakijua kuwa wanadanganya waliendelea kutoa ahadi hiyo kwa muda wote wa kampeni hizo, sasa imefika wakati tulitegemea wangeonyesha kwa vitendo kwa kuweka kwenye bajeti yao jinsi wanavyoweza kutoa elimu bure lakini bajeti hii mbadala ya 2011/2012 ni uthibitisho wa hadaa ya CHADEMA kwa umma wa watanzania.

    Hapa namnukuu Waziri kivuli wa fedha,
    “..(ix)kuondoa ada kwa wanafunzi wa shule za sekondari za kutwa na kupunguza ada kwa sekondari za bweni kwa kiwango cha asilimia hamsini kwa wavulana na bure kwa wasichana...”

    Lakini katika Ilani yao ya Uchaguzi ya mwaka 2010 ukurasa wa 15. Inaeleza CHADEMA itahakikisha “ Elimu ya ngazi ya msingi na sekondari itagharimiwa na serikali kuu pamoja na serikali za mitaa”.
    Hapo ndipo tunapouona uongo dhahiri wa CHADEMA wa kukiri kuwa Serikali haiwezi ikatoa Elimu bure kwani katika Bajeti yao mbadala wanakiri kuwa watapunguza ada kwa asilimia hamsini kwa wavulana.

    Kwa mantiki hiyo suala la wanafunzi wa sekondari kuchangia wanalikubali ila walitumia ghiliba kipindi cha kampeni ili kuwaongopea Watanzania kwa kitu ambacho hawawezi kukitekeleza.

    Kinachosikitisha zaidi, kwenye bajeti hii mbadala iliyosomwa leo, inaonyesha dhahiri kwa upande wa elimu; hakuna mpango wowote unaozungumzia “Elimu ya Juu” kama vile si kitu kwao ukilinganisha na walivyokuwa wakihubiri kwenye majukwaa wakati wakitafuta kura. Hakika huu ni usanii mkubwa kumbe walikuwa wakitafuta kura za vijana hawa tu hawana mpango nao!!

    2.2 Kushusha bei ya vifaa vya ujenzi;

    Ahadi nyingine kubwa iliyovuta hisia za wengi ni ya kushusha bei ya mfuko wa saruji kufikia shilingi za kitanzania elfu tano, pamoja na vifaa vingine vya ujenzi. Kwenye bajeti hii mbadala tulitegemea wangewaeleza watanzania hili wangelifanyaje lakini badala yake waziri kivuli wa fedha anaishia kusema;
    “..itakuwa marufuku kwa kituo cha uwekezaji kutoa ruhusa ya msamaha wa kodi kwa makampuni ya uwekezaji kwa bidhaa zinazozalishwa nchini na hasa Saruji....”

    Hapa hakuna mkakati wowote wa kufanya mfuko wa saruji uuzwe shilingi za kitanzania elfu tano kama CHADEMA walivyotaka watanzania waamini wakati wa uchaguzi. Huu ni ushahidi wa hadaa ya CHADEMA.

    Kwenye bajeti hii mbadala waziri kivuli anasema.... “ujenzi wa barabara za vijijni utatumia kwa kiasi kikubwa nguvu kazi watu (labour intensive)..”

    Viongozi wengi wa CHADEMA wanasifika kwa kuzuia wananchi wasichangie shughuli mbalimbali za maendeleo huko vijijini, leo inashangaza kusema watatumia kwa kiasi kikubwa nguvu kazi watu, huu bila shaka ni unafiki na hadaa kwa wananchi.

    2.3 Suala la kukwepa kodi;

    Umejengeka utamaduni wa watu na taasisi mbalimbali kukwepa kodi na kuona kuwa suala hilo ni la kawaida. Lakini ikumbukwe kuwa kukwepa kodi kunaipunguzia mapato serikali na hivyo kupunguza uwezo wake wa kutoa huduma kwa jamii.

    CHADEMA wanakiri hili kupitia Bajeti yao mabadala iliyowasilishwa na Waziri wa Fedha Kivuli Mhe. Zitto Kabwe, kuwa ......”kuna watu wengi sana ambao wanapata mapato makubwa lakini hawalipi kodi......” Kauli hii ya CHADEMA inapingana na matendo yao halisi, kwani itakumbukwa wanamlipa katibu Mkuu wao Dr. Wilbroad Slaa zaidi ya shilingi Milioni saba, fedha ambayo haikatwi kodi yeyote.

    Chakushangaza zaidi pamoja na CHADEMA kuendelea kumlipa Dr. Slaa mamilioni yasiyotozwa kodi, bila aibu Zitto anatoa wito kwa kila Mtanzania mwenye kipato alipe kodi ya kipato chake.
    Na anaendelea kusema kuwa ... “kulipa kodi ndio ishara ya Uzalendo na ili raia aweze kuinyoshea kidole serikali yake lazima awe na uchungu na uchungu unapatikana kwa kulipa kodi.”

    Kwa kauli hii ya Zitto, anauthibitishia umma wa Tanzania kuwa Dr. Slaa siyo mzalendo na wala CHADEMA pia siyo wazalendo. Kwani Dr. Slaa alitakiwa kukataa kuchukua mshahara usiokatwa kodi, na Chama chake kilipaswa kupeleka kodi za watumishi wake serikalini.



    2.4 Kima cha chini cha mshahara;

    Katika bajeti yao mbadala, CHADEMA wanaahidi kuongeza kima cha chini cha mshahara kwa wafanyakazi wa Umma mpaka kufikia Tshs. 315,000 kwa mwezi na kutoa motisha kwa walimu wanaofundisha Vijijini kwa kuwapa Mshahara mara moja na nusu ya wenzao wanaofundisha mijini.
    Cha kushangaza hawajaainisha fedha hizo za ziada watazitoa wapi, hata katika mchanganuo wao wa mapato hawajaonesha kuwa kiasi hicho cha pesa kitatoka wapi. Huu ni usanii mkubwa na uongo ulikithiri.


    3.0 HITIMISHO:

    Ukipitia mambo haya machache kama mifano utagundua kuwa sehemu kubwa ya ahadi za CHADEMA kwa wananchi ni ulaghai na uongo usio na mfano, hivyo wananchi wanapaswa kuutambua mti kwa matunda yake si majani yanayoonekana na kutamanisha machoni.

    Ukiifahamu kweli itakuweka huru, ni muhimu kuitafuta na kuifahamu kweli.

    Imetolewa na;

    Nape Moses Nnauye,
    Katibu wa NEC Itikadi na Uenezi.
    15.06.2011
     
  2. Limbani

    Limbani JF-Expert Member

    #2
    Jun 15, 2011
    Joined: Apr 24, 2008
    Messages: 1,394
    Likes Received: 31
    Trophy Points: 145
    Katika bajeti yao mbadala, CHADEMA wanaahidi kuongeza kima cha chini cha mshahara kwa wafanyakazi wa Umma mpaka kufikia Tshs. 315,000 kwa mwezi na kutoa motisha kwa walimu wanaofundisha Vijijini kwa kuwapa Mshahara mara moja na nusu ya wenzao wanaofundisha mijini.
    Cha kushangaza hawajaainisha fedha hizo za ziada watazitoa wapi, hata katika mchanganuo wao wa mapato hawajaonesha kuwa kiasi hicho cha pesa kitatoka wapi. Huu ni usanii mkubwa na uongo ulikithiri
    .
    Nape bwana, mawazo mgando tu!! Fedha za ziada za kuongeza mishahara zitatoka kwenye posho ya wabunge
     
  3. Obe

    Obe JF-Expert Member

    #3
    Jun 15, 2011
    Joined: Dec 31, 2007
    Messages: 1,682
    Likes Received: 8
    Trophy Points: 135
    Wallah ukiambiwa una akili kama za nape, pigana
     
  4. samora10

    samora10 JF-Expert Member

    #4
    Jun 15, 2011
    Joined: Jul 21, 2010
    Messages: 5,878
    Likes Received: 398
    Trophy Points: 180
    Huyo dogo sijui akili imezidi kugandiana? unauliza vyanzo vya mapato katika nchi yenye rasilimali kama yetu? hivi huyo nape hajui nchi hii ina utajiri kiasi gani kama viongozi wetu wakionyesha japo chembe ya uzalendo?
     
  5. Limbani

    Limbani JF-Expert Member

    #5
    Jun 15, 2011
    Joined: Apr 24, 2008
    Messages: 1,394
    Likes Received: 31
    Trophy Points: 145
    Yaani bora umwambie hivyo, anazidi kujidhalilisha kwa wananchi..
     
  6. Vin Diesel

    Vin Diesel JF Gold Member

    #6
    Jun 15, 2011
    Joined: Mar 1, 2011
    Messages: 8,147
    Likes Received: 330
    Trophy Points: 180
    elimu bure??? saruji alfu tano??? hakuna atakaejibu hoja hizi
     
  7. Albedo

    Albedo JF-Expert Member

    #7
    Jun 15, 2011
    Joined: Feb 24, 2008
    Messages: 5,566
    Likes Received: 9
    Trophy Points: 0
    Ha ha haa Nape bado ana hasira na Dr. W Slaa kweli Slaa ameleta Matatizo Makubwa sana CCM
     
  8. Masanilo

    Masanilo JF-Expert Member

    #8
    Jun 15, 2011
    Joined: Oct 2, 2007
    Messages: 22,323
    Likes Received: 109
    Trophy Points: 160
    Nape has proved is completely brainless....careless and very irresponsible!
     
  9. z

    zamlock JF-Expert Member

    #9
    Jun 15, 2011
    Joined: Dec 25, 2010
    Messages: 3,822
    Likes Received: 22
    Trophy Points: 135
    huyu nape akili yake ni ndogo anataka tumueleze nini tunaweza kufanya ili waige kwa sababu wao ni watu wa copy na ku paste ili waonekane kuwa wao ndo wamefanya atumewapa mchanganuo kidogo na wao waumize vichwa kuwaboreshea wananchi maisha
     
  10. delabuta

    delabuta Senior Member

    #10
    Jun 15, 2011
    Joined: May 23, 2011
    Messages: 179
    Likes Received: 0
    Trophy Points: 0
    Jamani mlitegemea nape asemeje? zaidi ya hayo aliyosema? no surprise ndio uwezo wake ulipoishia afanyeje, tumadharau tu basi
     
  11. W

    WATANABE JF-Expert Member

    #11
    Jun 15, 2011
    Joined: Apr 13, 2011
    Messages: 1,091
    Likes Received: 8
    Trophy Points: 135
    siku 90 ndio zinzkribia kuisha, je tayari umeshawapa mafisadi uliowataja barua au la? Kama umeshindwa hilo moja ulilotamka kwa mdomo wako utaweza hayo mengine unayijitia kuyavamia? Kamilisho hilo moja la mapacha watatu.
     
  12. Matola

    Matola JF-Expert Member

    #12
    Jun 15, 2011
    Joined: Oct 18, 2010
    Messages: 30,728
    Likes Received: 4,581
    Trophy Points: 280
    Ukiona mpaka Marelia sugu amemuignore ofisa habari wa CCM basi ujuwe Nape upstairs = Empty.
     
  13. L

    LAT JF-Expert Member

    #13
    Jun 15, 2011
    Joined: Nov 20, 2010
    Messages: 4,524
    Likes Received: 41
    Trophy Points: 0
    yaani nimegundua Yusuf Makamba alikuwa smart zaidi
     
  14. segwanga

    segwanga JF-Expert Member

    #14
    Jun 15, 2011
    Joined: Mar 16, 2011
    Messages: 2,773
    Likes Received: 13
    Trophy Points: 135
    Hivi ana elimu ya kuweza kuchambua kiutaam bambo ya bajeti? shule yake ni ya kimagumashi atawezaje kuongea vitu vya ndani vya bajeti?
     
  15. r

    rassadata Member

    #15
    Jun 15, 2011
    Joined: Dec 16, 2009
    Messages: 68
    Likes Received: 1
    Trophy Points: 15
    Shame on you Nape: Je, ukivuliwa uongozi utajiunga na CCJ yako au?
     
  16. Albedo

    Albedo JF-Expert Member

    #16
    Jun 15, 2011
    Joined: Feb 24, 2008
    Messages: 5,566
    Likes Received: 9
    Trophy Points: 0
    Hii ndio Taarifa kammili au Mustakabali? Nahisi kuna Ukurupukaji hapa
     
  17. A

    AZIMIO Senior Member

    #17
    Jun 15, 2011
    Joined: Jun 15, 2011
    Messages: 188
    Likes Received: 2
    Trophy Points: 35
    Jamni,Nape ni Mpinzani mlitegemea aunge mkono bajeti kutoka upinzani hasa chadema?
     
  18. Mpita Njia

    Mpita Njia JF-Expert Member

    #18
    Jun 15, 2011
    Joined: Mar 3, 2008
    Messages: 7,014
    Likes Received: 17
    Trophy Points: 135
    Can't agree with you more
     
  19. CAMARADERIE

    CAMARADERIE JF-Expert Member

    #19
    Jun 15, 2011
    Joined: Mar 3, 2011
    Messages: 4,404
    Likes Received: 106
    Trophy Points: 160
    ....just a napping nape.....
     
  20. Masanilo

    Masanilo JF-Expert Member

    #20
    Jun 15, 2011
    Joined: Oct 2, 2007
    Messages: 22,323
    Likes Received: 109
    Trophy Points: 160
    Karibu sana!
     
Loading...