Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Nafunga ndoa natawakali

Discussion in 'Mahusiano, mapenzi, urafiki' started by Sokomoko, Jul 15, 2011.

  1. Sokomoko

    Sokomoko JF-Expert Member

    #1
    Jul 15, 2011
    Joined: Mar 29, 2008
    Messages: 1,909
    Likes Received: 7
    Trophy Points: 0
    Salaamu zangu natuma, zifike kila mahali,
    Tunaziomba rehema, za Mungu zituwasili,
    Hapo siku ya Qiyaama, tuwe chini ya kivuli,
    Nafunga ndoa natawakali, naoa mke Muumini.

    Naoa mke Muumini, nafunga ndoa natawakali,
    Mke aloshika dini, na kila siku kuswali,
    Hijaab ipo kichwani, afunikae wote mwili,
    Nafunga ndoa natawakali, naoa mke Muumini.


    Sijatafuta uzuri, au yule mwenye mali,
    Nimechagua tabia nzuri, alotulia akili,
    Aloleleka vizuri, kidini na kiasili,
    Nafunga ndoa natawakali, naoa mke Muumini.

    Sikumtafuta kwa haraka, nijionyeshe kamili,
    Zinifikie baraka, za Mola wangu Jalali,
    Nitulie kwa hakika, tabia mbaya nibadili,
    Nafunga ndoa natawakali, naoa mke Muumini.

    Fadhila zake ni nyingi, uliza kila pahali,
    Huo ndio ni msingi, wa maisha ya halali,
    Ni kinga kwa mambo mengi, kwa madhambi mbalimbali,
    Nafunga ndoa natawakali, naoa mke Muumini.

    Kuoa ni utulivu, tumeshaona dalili,
    Huyaondoa maovu, na mambo huwa sahali,
    Hukufanya mtulivu, shida ikikukabili,
    Nafunga ndoa natawakali, naoa mke Muumini.

    Wajibu wangu tatimiza, tutakapokuwa wawili,
    Tukikaa kuzungumza, na mambo kuyajadili,
    Tutajaribu kueleza, tuelezane ukweli,
    Nafunga ndoa natawakali, naoa mke Muumini.

    Niwe msimamizi, kwa mali na kila hali,
    Ayaonyeshe mapenzi, maneno kama asali,
    Katika masimulizi, sitosema kwa ukali,
    Nafunga ndoa natawakali, naoa mke Muumini.

    Mungu atupe watoto, hao ni rasilmali,
    Mke ni mama watoto, awe mwema na mkali,
    Awatazame watoto, wasikuwe kijahili,
    Nafunga ndoa natawakali, naoa mke Muumini.

    Mke ni nguzo nyumbani, kama vile matofali,
    Na mume ndio rubani, huona yaliyo mbali,
    Kamba ya Mungu tuishike, ibada iwe awali,
    Nafunga ndoa natawakali, naoa mke Muumini.

    Mungu Watunze vigoli, pamoja na wanawali,
    Wawe kama wa awali, kama zama za Rasuli,
    Nimemaliza kauli, hapa nafunga kufuli,
    Nafunga ndoa natawakali, naoa mke Muumini.
     
  2. First Born

    First Born JF-Expert Member

    #2
    Jul 15, 2011
    Joined: Jul 11, 2011
    Messages: 5,267
    Likes Received: 33
    Trophy Points: 145
    We ni mkali mazee!
     
  3. Mentor

    Mentor JF-Expert Member

    #3
    Jul 15, 2011
    Joined: Oct 14, 2008
    Messages: 16,585
    Likes Received: 3,827
    Trophy Points: 280
    sokomoko we pongezi, uamuzi wa busara
    umeepuka uzinzi, kigori ukampura
    wa dini na siyo mwizi, mzuri tabia sura
    Tualike hata wali, nasi tuje sherekea!
     
  4. Eiyer

    Eiyer JF-Expert Member

    #4
    Jul 15, 2011
    Joined: Apr 17, 2011
    Messages: 27,212
    Likes Received: 707
    Trophy Points: 280
    Du!Leo kazi ipo!
     
  5. s

    shalis JF-Expert Member

    #5
    Jul 15, 2011
    Joined: Jun 30, 2011
    Messages: 272
    Likes Received: 0
    Trophy Points: 0
    kumbe na wewe umeiona eeeh
     
  6. Ennie

    Ennie JF-Expert Member

    #6
    Jul 15, 2011
    Joined: Jan 15, 2011
    Messages: 7,150
    Likes Received: 30
    Trophy Points: 145
    Kila la kheri.
     
  7. Sokomoko

    Sokomoko JF-Expert Member

    #7
    Jul 16, 2011
    Joined: Mar 29, 2008
    Messages: 1,909
    Likes Received: 7
    Trophy Points: 0
    Pongezi nazipokea ewe wangu mshirika
    Uzinzi hauna maana na wengi wameathirika
    Harusini wakaribishwa muda utakapofika
    Wewe ndugu jamaa na marafiki kadhalika


    Mimi najaribu wapo malenga walofuzu
    Siwezi jifananisha najifananisha na kauzu
    Hao beti huzichezea huziona kama mzuzu
    Ipo siku nitafuweza umalenga kuufuzu


    Hana ukali ni dini kutimiza
    Ama weye hujui HIV yaumiza?
    Bora uoe utulie usijejiviza


    Amin nakuitikia ewe wangu sahib
    Dua yako iwe nisipate masahib
    Ndoa iwe tamu kushinda zabubu
    Tuwe wema na wenye kuabudu
     
  8. S

    Senior Bachelor Member

    #8
    Jul 16, 2011
    Joined: Mar 23, 2011
    Messages: 86
    Likes Received: 1
    Trophy Points: 0
    Kwanza nikupe pongezi, bibi huyo kumpata
    Kwa wako huu utenzi, yaonyesha umekita
    Upunguze matembezi, kwani chema ushapata
    Ukishaifunga ndoa, zipuyo siache wazi!

    Sokomoko uziache, 'kishaingia ndoani
    Na ukware uuache, hata 'kiwa mkoani
    Bibie usimuache, hasa kama muumini
    Ukishaifunga ndoa, bibiye umuheshimu

    Watoto mkijaliwa, muwalee kwa imani
    Ununue na maziwa, shibe ilete amani
    Elimu kizawadiwa, wawe ka' Kofi Anani
    Ukishaifunga ndoa, majukumu sikimbie.

    Tena ninakuhusia, talaka usiipende
    Hata kama ni wosia, haichanui mtende
    Kwa zake hizo ghasia, wanao usiwatende
    Ukishaifunga ndoa, wa pembeni siwaone.

    Mwenzio bado mseja, sijafanya uamuzi
    Sasa naiona haja, nisomapo hu' utenzi
    Nitalipa na mkaja, kishafanya uamuzi
    Nami najipanga pia, kutafuta muamini.

     
  9. Sokomoko

    Sokomoko JF-Expert Member

    #9
    Jul 18, 2011
    Joined: Mar 29, 2008
    Messages: 1,909
    Likes Received: 7
    Trophy Points: 0
    Shukrani zipokee ewe wangu sahib
    Nasiha zako nzuri tena za kishababi
    Insha'Allah tazingatia namuomba Yarabi
    Mungu atuhitimishe kama babu na bibi

    Sokomoko taziacha mapenzi kuongeza
    Mungu atujalie pacha familia kuongeza
    Nitainamisha macho wala sitakonyeza
    Nimeamua kuoa uhuni kuutokomeza

    Majukumu tayashika bila shaka na wasi
    Watoto nitawalisha hata kama si mkwasi
    Na elimu tawapatia iliyo bora kuliko sisi
    Namomba Rahman anipe pumzi na nafasi

    Nakuombea yalo mema usiku na mchana
    Zikuepuke fitina kwa watu wenye khiyana
    Akujaalie mke mwema kwa nia yako njema
    Akuepushe lawama binaadamu si wema

    Tafuta mke haraka ukijiona kamili
    Utulie kwa haraka tabia mbaya ubadili
    Ikufike baraka ya Mola wako Jalali
    Funga ndoa tawakali oa mke muumini.

    Usitafute uzuri, au yule mwenye mali,
    Chagua tabia nzuri, alotulia akili,
    Aloleleka vizuri, kidini na kiasili,
    Funga ndoa tawakali, oa mke Muumini.
     
Loading...