Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

"mwongozo wa spika" ni msukule wa ccm

Discussion in 'Jukwaa la Siasa' started by Alfu Lela Ulela, Feb 16, 2011.

  1. A

    Alfu Lela Ulela JF-Expert Member

    #1
    Feb 16, 2011
    Joined: Oct 29, 2010
    Messages: 1,255
    Likes Received: 2
    Trophy Points: 0
    “MWONGOZO WA SPIKA” NI MSUKULE WA CCM
    SPIKA wa Bunge la Jamhuri ya Muungano wa Tanzania Bi.Anne Makinda ana shida katika mfumo wake wa kufikiri. Ana mawazo funge (mawazo yasiyo huru), mawazo yanayotokana na fikra za wengine. Hii inamaanisha kuwa kuna baadhi ya maamuzi ya Spika hayatokani na fikra zake mwenyewe bali fikra za wengine.

    Kwa watu makini na wanaofuatilia siasa za nchi yetu, watakubaliana na mimi kuwa Makinda wa sasa si yule aliyekuwa naibu Spika kwenye bunge la tisa. Tangu achaguliwe kuwa Spika (kwa mizengwe) Makinda anaonekana kuwa na mtizamo hasi sana kwa vyama vya upinzani bungeni hususani Chama cha Demokrasia na maendeleo (CHADEMA). Sina hakika kama mtizamo huu alikuwa nao tangu kale, lakini nina hakika kuwa mtizamo hasi kuhusu upinzani umezidi maradufu baada ya kuwa Spika. Anawapuuza wabunge wa CHADEMA. Anawakebehi.anawadhalilisha.

    Yawezekana Makinda anakilinda chama chake cha Mapinduzi (CCM), na amekwishajua kuwa chama pekee cha upinzani chenye nguvu kwa sasa ni CHADEMA ndio maana anatumia kila awezalo kuwazima.

    Wabunge wa CHADEMA wanapochangia mijadala au kuuliza maswali utamwona Makinda anakuwa makini zaidi kuliko wabunge wa vyama vingine wakichangia. Yawezekana wengine hawajaiona hali hii, lakini ukifuatilia kwa makini utabaini ukweli wa niyasemayo. Binafsi siioni hali hii kuwa njema wala siamini Spika Makinda anavutiwa sana na hoja za Chadema kiasi cha kuwasikiliza kwa makini sana.
    Bali nionavyo anasikiliza hoja hizo kwa makini ili aweze kuzikosoa kabla hazijawasilishwa, akebehi kabla mtoa hoja hajamaliza, na azipuuze kabla hazijajibiwa. Ili zipoteze nguvu, zionekane hoja dhaifu, na awadhalilishe watoa hoja makini wa Chadema waonekane watu wenye hoja mufilisi.
    Hiyo ndio sababu ya Makinda kuwa makini wanapozungumza Chadema. Hii ndio kazi aliyotumwa na chama chake. Kuua upinzani. Na ni lazima atekeleze kazi hiyo kwa uaminifu ili kulinda kiti chake.
    Hebu tuanze na hili la “mwongozo wa Spika.” Jumanne ya tarehe 08/02/2010 mhe.Tundu Lissu (mbunge wa Singida mashariki-CHADEMA) alikalishwa chini mara kadhaa, na maongezi yake kukatizwa zaidi ya mara kumi kwa kile kinachodaiwa “mwongozo wa spika.” Kuna wakati mwongozo ulikuwa unaombwa mara tu baada ya Spika kutoa mwongozo mwingine. Yaani ilikuwa mwongozo juu ya mwongozo. Jinamizi linaloitwa “mwongozo wa Spika” likatumika kukatiza hoja za msingi za Mhe.Lissu.
    Kwa maana hiyo tukasadikishwa kuwa “jinamizi” mwongozo wa Spika linaweza kukatiza maongezi ya msemaji yeyote bila kujali hadhi yake. Lakina vichekesho vikaanza. Vituko vikatokea. Mipasho ikatawala. Dudu hili “mwongozo wa Spika” linaonekana ni mali ya CCM, na wapinzani hususani CHADEMA hawaruhusiwi kulitumia. Limeundwa mahsusi kuzima upinzani, na CCM wamepewa mafunzo maalumu ya namna ya kulitumia.
    Chadema hawana haki kutumia “mwongozo wa spika.” Ikiwa sivyo ni kwanini mhe.Godbless Lema mbunge wa Arusha mjini, alipoomba mwongozo wa Spika tarehe 10/02 kikao cha asubuhi, kwanza alipuuzwa, baadae akakejeliwa na Makinda kuwa “subiri kwanza niongee mimi.” Akiwa na maana kwamba Mhe.Lema haruhusiwi kuingilia maongezi ya spika.
    Lakini Mhe.Simbachawene mbunge wa Kibakwe (CCM) aliingilia maongezi ya Spika wakati Makinda akikaribisha maswali kwa wizara ya mambo ya ndani. Simbachawene akamkatisha Makinda kwa kigezo cha “mwongozo wa spika.” Lakini tofauti na Lema yeye alisikilizwa, akapewa nafasi na akaitumia fursa hiyo kuonesha upeo wake mdogo wa kufikiri.
    Simbachawene bila aibu akahoji uhalali wa Mhe.Lema kumtuhumu Waziri mkuu kusema uongo, ilihali Waziri mkuu ni mkubwa kwa Lema “kicheo na kiumri.” Katika kuonesha alivyo na mawazo chakavu, akatetea eti kumtuhumu (kuwa ni mwongo) mtu aliyekuzidi cheo na umri ni kinyume na Mila na desturi za Kiafrika. Hivyo eti akataka Lema aadhibiwe. Lahaulah!! Aibu gani hii kwa mtu anayejiita mbunge.
    Yaani Simbachawene anataka kutusadikisha kuwa mtu aliyekuzidi umri na cheo, anaruhusiwa kudanganya, kupotosha na kusema uongo anavyojisikia, bila kuhojiwa popote wala kukosolewa, maana tukimkosoa tutakuwa tumekiuka mila na desturi za kiafrika. Mi naomba Simbachawene asiwasingizie waafrika wote. Aseme tu labda ni mila na desturi za Kibakwe. Lakini hivi bunge letu linaongozwa na Kanuni, au mila na desturi?? Katika hili Simbachawene amepotoka.
    Lakini hapo awali kidogo nilisema jinamizi liitwalo “mwongozo wa Spika” ni mali ya CCM, na upinzani hususani Chadema hawana haki ya kulitumia. Katika kikao cha jioni ya tar.10/02/2011 mbunge wa Kawe mhe.Halima Mdee aliomba mwongozo wa Spika muda mchache kabla Spika hajatangaza wenyeviti wa Kamati za kudumu za Bunge. Tofauti na Simbachawene, Mdee hakuingilia maongezi ya Spika. Lakini Spika akamjibu kwa kejeli “mwongozo sasa hapana, maana ninyi mnadhani kila saa ni wakati wa mwongozo, sasa ni wakati wa kazi”
    Lakini chuki za Makinda kuhusu Chadema hazikuishia hapo. Ijumaa ya tarehe 11/02/2010 kwenye kikao cha asubuhi, akaibuka mwendawazimu mmoja akajitambulisha kuwa mbunge wa Nkasi kaskazini. Bila kuheshimu bunge, na bila kujali anatazamwa na Watanzania akaanza kutukana Chadema. Akavua hadhi yake ya ubunge kwa muda na kuuvaa upuuzi, na upuuzi nao ukamvaa kwelikweli tangu utosini hadi unyayoni. Akapumbaa. Pamoja na matusi mengine, akahitimisha kwa kusema “..ningejiona wa hovyo sana kama ningechaguliwa kwa tiketi ya ChademaAkimaanisha wabunge wote wa Chadema ni wa hovyo.
    Mwanzoni wabunge wa Chadema walimvumilia kwa kuwa ni wastaarabu. Waliamua kukaa kimya maana maandiko yanasema “usimjibu mpumbavu kwa upumbavu wake usije ukafanana nae.” Lakini alipozidisha matusi mbunge wa Kawe Halima Mdee akaamua kuvunja ukimya. Maana maandiko kwa upande mwingine yanasema “mjibu mpumbavu kutokana na upumbavu wake, asije akajipatia kibali machoni pako”
    Kwa hekima Mdee akaomba mwongozo wa Spika, maana chama chake kilidhalilishwa, kiliudhiwa na kauli ya aliyejiita mbunge wa Nkasi Kaskazini. Hivyo akatumia kanuni ya 61 inayomtaka mbunge huyo wa Nkasi kufuta kauli yake ama kuomba radhi maana ni ya kuudhi. Ama sivyo bunge lielezwe kuwa ni ruksa kutumia kauli za hovyohovyo bungeni.
    Lakini cha ajabu badala ya kutoa mwongozo, Makinda akaendekeza hisia. Akatamka kwa hasira (kama alivyoelekezwa na chama chake) “mwenye mamlaka ya kuruhusu kauli za hovyo bungeni ni mimi” kisha akamruhusu yule mbunge wa Nkasi aliyekosa adab aendelee kutukana. Jamani hata kama ni kukibeba Chama chake hapa sasa imezidi.
    Lakini turejee kidogo katika hoja ya Lema. Je ni kweli Lema alimtuhumu Waziri mkuu kuwa kasema uongo?? Hasha!! Lema hakumtuhumu Waziri mkuu. Wote waliofuatilia kwa makini mjadala ule watakubaliana na mimi. Lema alihoji ikiwa mtu mzito kama waziri mkuu, akidhibitika amesema uongo bungeni, je ni hatua gani mbunge anaweza kuchukua?
    Kwa lugha nyepesi ni sawa na kusema Lema alihoji ikiwa kiogozi mkubwa wa serikali (kwa mfano waziri mkuu) akitoa kauli bungeni, na ikadhibitika kuwa kauli hiyo si ya kweli, je bunge linaweza kuchukua hatua gani?
    Hivyo Spika alipaswa kutoa mwongozo kuwa iwapo itadhibitika kiongozi mkubwa kama Waziri mkuu, ametoa taarifa ambazo si za kweli, ama anaweza kuchukuliwa hatua au vinginevyo. Na kama zipo hatua zinazoweza kuchukuliwa dhidi yake basi Spika aziweke bayana kwa mujibu wa Kanuni za bunge.
    Lakini cha ajabu hoja ikageuzwa. Ikapinduliwa. Ikabadilishwa. Badala ya Spika kutoa mwongozo, akamtaka Lema kudhibitisha. Adhibitishe nini? Lema aliomba mwongozo. Sasa adhibitishe mwongozo au..? Katika hili Spika alionesha fikra kurupushi. Eti adhibitishe tuhuma. Tuhuma zipi? Kumbe CCM wakiomba mwongozo si nongwa, lakini Chadema wakiomba mwongozo wanaambiwa wametoa tuhuma. Wadhibitishe. Ebo!! Ama kweli maskini haokoti,akiokota kaiba.
     
  2. Obe

    Obe JF-Expert Member

    #2
    Feb 16, 2011
    Joined: Dec 31, 2007
    Messages: 1,682
    Likes Received: 8
    Trophy Points: 135
    Nayakumbuka maneno ya Gema Akilimali TBC1 kuwa, suala hapa si mwanamke bali uwezo wake. Makinda ukimwangalia anachofanya sasa bungeni unawza kumfananisha na kinyago cha ccm, anajaribu kw njia zotekutengeneza 'mabunge' mawili la upinzani na la ccm.
    tunawajua wabunge wa ccm zinapokuja hoja zenye maslahi ya umma na pia tuawatambua wapinzania pale maslahi ya watz yanapotendwa sivyo na serikali
    Makinda anajidai mkali, kitendo ambacho kinampotezea uwezo wake wa kufikiri, heu jiulize mtu anaombwa mwongozo ww unasema hizo ni tuhuma.
    kwa hili bado nina imani kuwa wanawake wanaweza na wala hawapaswi kusubiri kuwezeshwa kama Makinda, unapowezeshwa inabidi umlipe aliyekuwezesha:A S thumbs_down:
     
  3. Mtumishi Wetu

    Mtumishi Wetu JF-Expert Member

    #3
    Feb 16, 2011
    Joined: Oct 12, 2010
    Messages: 4,372
    Likes Received: 150
    Trophy Points: 160
    Hayo Mkuu uliyo sema ni kweli kabisa, Nakupongeza. Kwani hili bunge letu tukufu limegeuka kikao cha SISIEM ua baraza la kata??????????
    Hivi hakuna hatua ya wabunge wa CDM kuchukua na kuonyesha kutokuwa na imani na maamuzi ya SPIKA??????????
    Maana kuliko kuendelea na vikao vyenye kunyanyasa wabunge wa CDM ni bora hatua madhubuti zikachukuliwa ili Huyu Mama Makinda aelewe kuwa yeye ni Spika wa wabunge wote.
    Na historia itamuhukumu kwa umafia wake anaofanyia wabunge wa upinzani hasa CHADEMA!!!!!!!!!
     
  4. S

    S.M.P2503 JF-Expert Member

    #4
    Feb 16, 2011
    Joined: Nov 25, 2008
    Messages: 443
    Likes Received: 8
    Trophy Points: 35
    Inafaa chadema waache kuiomba hiyo miongozo na ku counter balance ujinfa wa wabunge wa ccm kwa staili Kama ccm wanayoitumua hapo ndipo madam speaker atatia akili kichwani maana kwa sasa ni mkuki kwa nguruwe style
     
  5. The Hunter

    The Hunter JF-Expert Member

    #5
    Feb 16, 2011
    Joined: Dec 25, 2010
    Messages: 1,041
    Likes Received: 19
    Trophy Points: 135
    Uzalendo utakapowashinda watanzania makinda hatapata pakutokea, ukisikia kuua bila kukusudia ndo huku huyu mama anapoelekea.
     
  6. Gurudumu

    Gurudumu JF-Expert Member

    #6
    Feb 16, 2011
    Joined: Feb 5, 2008
    Messages: 2,350
    Likes Received: 4
    Trophy Points: 0
    Ndugu yangu Muzeezaidi,

    uchambuzi wako ni thabiti na inaonekana unafuatilia vizuri kabisa utendaji wa bunge na wabunge wetu. Nakupongeza na kutamani watz wengi wangeweza kufanya hivyo. Nakuunga mkono kwa baadhi ya hisia zako kwamba Makinda anadhalilisha wapinzani bungeni na kuwanyima nafasi sawa na wale wa ccm.

    Lakini nadhani kuna nyakati ambazo ametetea Chadema. Jaribu kuvuta kumbukumbu zako tangu Mbowe alipotangaza baraza kivuli la mawaziri. Ina maana wiki hii. Utagundua kwamba panic za Makinda kuhusu hoja za Chadema imepungua na anajitahidi kuwa balanced kidogo. Ingawa kuwa balanced haina maana kuipendelea chadema kama anavyofanya ccm.

    Lakini pia utakumbuka kwamba kuna muongozo wa spika kadhaa amezipiga chini kutoka ccm, mara nyingi sana. Angezitekeleza zote yale yaliyomkuta Zitto katika bunge lililopita yangekuwa yameshawakuta wabunge wengi wa chadema.

    Kuna mambo mawili makuu katika uchambuzi wako. moja ni kwamba umesahau kwamba wakati bunge lilipoanza kulikuwepo na upepo fulani uliokuwa unavuma kuiokoa ccm PAC isijeongozwa na Chadema. Baada ya ccm kushinda katika hilo upepo umerudi kama kawaida na ndiyo maana akina Hamadi na Kafulila sasa hivi wamefulia.

    Pili usisahau, kama ulivyosema mwenyewe, kwamba chadema ndicho chama pekee cha upinzani bungeni. Na kwamba Makinda ni ccm, kama ambavyo Marando angeshida uspika basi angekuwa ni Chadema. Wanasema ufiche itikadi ya chama chako lakini ukweli ni kwamba ni hicho chama ndicho kilichompa Makinda madaraka.

    Kwa hivyo, kwa mtazamo wangu, Makinda anafanya kazi yake kwa haki under the circumstances!! Ni jukumu la chadema kuwa more creative kubuni mbinu za kuhakikisha kwamba move zao zinapata nafasi. Pia hapa ndipo nguvu ya umma inapokuwa ya msaada zaidi kuliko muongozo wa Spika. Angalia kwa mfano, pamoja na Lema kufanyiwa hayo yote uliyosema, watz wote sasa wanajua kwamba Pinda alisema uongo na Makinda akatumia nafasi yake kumlinda.
     
Loading...