Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mwingine afa ktk uchaguzi 2010

Discussion in 'Uchaguzi Tanzania' started by Mutu, Oct 27, 2010.

  1. M

    Mutu JF-Expert Member

    #1
    Oct 27, 2010
    Joined: Mar 30, 2008
    Messages: 1,333
    Likes Received: 2
    Trophy Points: 0
    Ndeninsia Lisley (RCT)

    WAKATI zikiwa zimesalia siku nne kabla ya uchaguzi mkuu, imedaiwa kuwa mtu anayetuhumiwa kufanya vurugu kwenye kampeni za CCM, jimbo la Kawe amefariki dunia akiwa mikononi mwa polisi.

    Kifo hicho cha Alfred Mushi, 35, kilichothibitishwa na Jeshi la Polisi kilitokea juzi wakati mtuhumiwa huyo akiwa mikononi mwa polisi na awali ilidaiwa kuwa baada ya kufanya fujo katika kampeni hizo za udiwani na ubunge za CCM, alikamatwa na kufikishwa katika kituo kidogo cha polisi cha Tegeta kabla ya mauti kumkuta.


    Kamanda wa polisi wa Kanda ya Dar es Salaam, Suleimani Kova alithibitisha kutokea kwa kifo hicho akikielezea kuwa ni cha kutatanisha na kudai kuwa baada ya taarifa hiyo kutolewa kwa uongozi wa polisi wilaya ya Kawe, jalada la kifo hicho lilifunguliwa na uchunguzi kuanza mara moja ili kubaini chanzo halisi.


    Alisema taarifa walizonazo ni kwamba Mushi alikuwa akijibamiza kichwa ukutani na kupiga mahabusu wengine wakati akiwa kituo kidogo cha polisi cha Kawe ambako alipelekwa na mgambo aliyemkamata na kwamba alikataa kula chakula alicholetewa na ndugu zake.


    Kova aliwaambia waandishi wa habari jana kuwa mtuhumiwa huyo alikumbwa na mauti hayo akiwa njiani kupelekwa Hospitali ya Mwananyamala kwa matibabu baada ya hali yake kuwa mbaya na kwamba amri ya kumpeleka hospitali ilitolewa na kamanda wa polisi na mkuu wa upelelezi wa wilaya hiyo baada ya ya hali yake kuonekana kuwa mbaya.


    Kamanda Kova alisema kuwa Mushi alikamatwa Agosti 21 majira ya saa 10:00 jioni akiwa stendi ya mabasi Tegeta ambako kulikuwa na mkutano wa kampeni za kumnadi mgombea wa udiwani wa CCM.


    Kwa mujibu wa Kamanda Kova, uchunguzi wa awali ulibaini kuwa Mushi alikamatwa na mgambo aliyemtaja kwa jina la Mohamed Manjolo ambaye alipewa taarifa kuwa mtu huyo alikuwa anafanya vurugu kwenye mkutano wa kampeni.


    Alidai kuwa Manjolo aliwaeleza kuwa mtuhumiwa huyo alikuwa na wenzake ambao walitoroka. Alisema watu hao walikuwa wakitoa lugha za matusi na kurusha mawe kwa watu waliohudhuria mkutano huo na kwamba alionekana mlevi, hivyo walimkamata na kumfikisha kituo cha polisi.


    Kova alidai kuwa Mushi alikuwa akiwapiga mahabusu wengine wakati akiwa kituoni licha ya kuonekana mlevi.


    "Alikuwa akijibamiza kichwa na mwili wake kwenye ukuta ndani ya chumba cha mahabusu," alisisitiza Kamanda Kova.


    Alisema kutokana na vurugu hizo askari waliamua kumfunga pingu ili asiwadhuru wengine.


    "Hata hivyo, mtuhumiwa huyo alijifungua pingu hiyo mkono mmoja, lakini mahabusu wenzake kwa kushirikiana na askari walimfunga mtuhumiwa huyo mikono," alisema Kova.


    Alisema kutokana na hali hiyo mtuhumiwa huyo hakuweza kuchukuliwa maelezo kwa mategemeo kuwa angetulia baadaye na maelezo yake kuandikwa.


    Kwa mujibu wa Kamanda Kova, mahabusu wenzake walidai kuwa Mushi alikataa chakula alichopelekewa na ndugu zake.


    mwelezea mtuhumiwa huyo kuwa licha ya vurugu alizokuwa akifanya ndani ya mahabusu za kujibamiza kichwa ukutani, kujifungua pingu na kumng'ata mmoja wa mahabusu kidole cha mguu wa kulia cha mwisho lakini pia alikataa hata kula chakula alicholetewa na ndugu yake.


    source: http://www.mwananchi.co.tz/habari/-/5917-mtuhumiwa-wa-vurugu-kampeni-afia-mikononi-mwa-polisi
     
  2. M

    Mutu JF-Expert Member

    #2
    Oct 27, 2010
    Joined: Mar 30, 2008
    Messages: 1,333
    Likes Received: 2
    Trophy Points: 0
    Kwa maana nyingine maelezo ya polisi ni kuwa huyo bwana kajisababishia kifo kama kajiua.

    Ngumu kuamini ila kwa sababu ya kudumisha amani I give it benefit of doubt
     
  3. Augustine Moshi

    Augustine Moshi JF-Expert Member

    #3
    Oct 27, 2010
    Joined: Apr 22, 2006
    Messages: 2,083
    Likes Received: 150
    Trophy Points: 160
    Ni muhimu iundwe kamati huru ya kuchunguza kifo hicho. Mtuhumiwa kufia mikononi mwa Polisi si jambo dogo. Lazima waulizwe mahabusu waliokuwepo, na uchunguzi kamili wa kuangalia kuanzia mazingira ya kukamatwa hadi kufa kwake ufanyike.
     
  4. TUKUTUKU

    TUKUTUKU JF-Expert Member

    #4
    Oct 27, 2010
    Joined: Sep 14, 2010
    Messages: 11,849
    Likes Received: 34
    Trophy Points: 145
    Itakuwa polisi wenyewe wamemuua na wanajaribu kutafuta visingizio.Hapa inabidi tume huru ichunguze vinginevyo tutaamini ya kuwa ,ni polisi ndiyo waliyomuua.
     
  5. TIMING

    TIMING JF-Expert Member

    #5
    Oct 27, 2010
    Joined: Apr 12, 2008
    Messages: 21,796
    Likes Received: 53
    Trophy Points: 145
    siungi mkono kamati huru wala tume... hazijawahi kuleta tija kwani taarifa zo either ni za kupika au hata zikiwa kweli hakuna kinachofanyika

    ili haki iwe recognised, sacrificekama za mushi ni lazima
     
  6. p

    politiki JF-Expert Member

    #6
    Oct 27, 2010
    Joined: Sep 2, 2010
    Messages: 2,313
    Likes Received: 32
    Trophy Points: 145
    Polisi nendeni sasa mkamkate mgombea ubunge wa ccm kwa sababu zilezile mlizotumia kwa shibuda kwamba
    anaweza kuwa anahusika kwa maana waliousika kumpiga marehemu ni wananchama wake wa ccm. Polisi na hasa
    manumba ambaye alikimbilia maswa harakaharaka aje na hapa sasa na atangaze kuwa mtu huyu alipigwa na
    wafuasi wa ccm kabla ya kupelekwa polisi.
     
  7. M

    Mikomangwa Senior Member

    #7
    Oct 27, 2010
    Joined: Sep 30, 2010
    Messages: 100
    Likes Received: 0
    Trophy Points: 0
    Kamanda Kova ni vigumu sana kuamini jeshi letu la polisi kwa sababu matukio kama hayo ni ya kawaida kwenu. CCM through Green Guards wameingilia sana kampeni za vyama vingine lakini polisi hawakuchukua hatua. Are you really Civil Servants au ninyi ni watumishi wa CCM? What a shameful police force!!
     
  8. d

    dotto JF-Expert Member

    #8
    Oct 27, 2010
    Joined: Sep 29, 2010
    Messages: 1,714
    Likes Received: 13
    Trophy Points: 135
    Hata Ditopile alipoua Tibaigana alisema alikuwa anagongagonga kioo cha gari ndo risasi ikafyatuka na kuua. Kova huaminiki!!
     
  9. Gwallo

    Gwallo JF-Expert Member

    #9
    Oct 27, 2010
    Joined: Oct 15, 2010
    Messages: 2,003
    Likes Received: 269
    Trophy Points: 180
    Utaficha ukweli wa mambo kwa mwanadamu lakini Mungu huona ukweli uko wapi, inaonyesha huyu Bwana kakerwa na kampeni ya chichiem hadi kukamatwa kwake. Kufa mikononi mwa polisi lazima watoe hesabu hiyo........
     
  10. NATA

    NATA JF-Expert Member

    #10
    Oct 27, 2010
    Joined: May 10, 2007
    Messages: 4,517
    Likes Received: 8
    Trophy Points: 135
    Sheria ichukuwe mkondo wake
     
  11. Crashwise

    Crashwise JF-Expert Member

    #11
    Oct 27, 2010
    Joined: Oct 23, 2007
    Messages: 22,054
    Likes Received: 706
    Trophy Points: 280
    Yaani hata punguwani akisoma hayo maelezo ya kova utagundua kuwa ni usani mtupu....Mlevi aweze kujifungua pigu!?, alikuwa anapiga mahabusu!?, wengine halafu waka mfunga pigu nini kitatokea kama tuko mahabusu unanipiga halafu ukaja ukafungwa pigu...Kova iko siku ukweli tutaupata na si siku nyingi
     
Loading...