Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mwekezaji MUTEX Moh Dewji (MB) akubali kufufua kiwanda baada ya tishio toka kwa Nyerere (MB)

Discussion in 'Biashara, Uchumi na Ujasiriamali' started by nngu007, Apr 18, 2011.

  1. nngu007

    nngu007 JF-Expert Member

    #1
    Apr 18, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145
    na Sitta Tumma, Dodoma

    MWEKEZAJI wa Kiwanda cha kutengeneza nguo cha Mutex kilichoko Musoma, mkoani Mara, amesalimu amri iliyotolewa na mbunge wa Musoma mjini ya kumtaka kuanza mara moja uzalishaji wa kiwanda hicho, vinginevyo atashukiwa na nguvu ya umma.

    Mwekezaji huyo tayari ameahidi kuanza uzalishaji kiwandani hapo hivi karibuni, ikiwa ni pamoja na kuondoa matumizi mengine yaliyokuwa yakilalamikiwa na wananchi ambapo kiwanda hicho kilidaiwa kugeuzwa kuwa ghala la kuhifadhia vitu, badala ya kuzalisha na kutoa ajira kwa Watanzania.

    Akizungumza mjini Dodoma hivi karibuni, mbunge wa Musoma mjini, Vincent Nyerere (CHADEMA), alisema mwekezaji huyo ambaye pia ni mbunge wa Singida mjini, Mohamed Dewji (CCM), yuko katika mikakati maalumu ya kuanza uzalishaji kiwandani hapo siku za usoni.

    Kwa mujibu wa Nyerere, kuanza kwa uzalishaji wa kiwanda hicho cha Mutex kutasaidia maradufu upatikanaji wa ajira kwa vijana wa Kitanzania, hasa wa mji na mkoa huo na kwamba hatua hiyo imekuja baada ya yeye kulivalia njuga suala hilo.

    "Huyu mwekezaji wa kiwanda cha Mutex ambaye pia ni mbunge wa Singida mjini, Mohamed Dewji, amenihakikishia kwamba kiwanda kitaanza uzalishaji wake hivi karibuni, na hii itasaidia sana upatikanaji wa ajira kwa vijana wetu," alisema. Hivi karibuni, mbunge huyo alimtaka mwekezaji huyo kuhakikisha kiwanda hicho kinaanza kutumika katika uzalishaji wake wa nguo kabla hajarudi kutoka Bungeni mwezi huu, na kwamba iwapo agizo lake hilo lingepuuzwa angeitisha maandamano makubwa kumtoa mwekezaji huyo.
     
  2. Omuregi Wasu

    Omuregi Wasu JF-Expert Member

    #2
    Apr 19, 2011
    Joined: May 21, 2009
    Messages: 753
    Likes Received: 1
    Trophy Points: 35
    Safi sana Mh. Vicent Nyerere!! Nguvu ya umma inatisha......
     
  3. Kobello

    Kobello JF-Expert Member

    #3
    Apr 19, 2011
    Joined: Feb 20, 2011
    Messages: 5,149
    Likes Received: 183
    Trophy Points: 160
    Washaongea chemba hao!
     
Loading...