Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mwamko wa kisiasa nchini

Discussion in 'Jukwaa la Siasa' started by TANMO, Apr 13, 2008.

  1. TANMO

    TANMO JF-Expert Member

    #1
    Apr 13, 2008
    Joined: Apr 12, 2008
    Messages: 8,765
    Likes Received: 65
    Trophy Points: 145
    Mabibi na Mabwana najitokeza kuuliza swali ambalo nimekuwa nikijiuliza mara kwa mara kuhusu mustakabali wa nchi yangu Kisiasa hususani kwa wananchi waishio Vijijini ambako upatikanaji wa taarifa ni adimu.

    Ukweli ni kuwa Tanzania inahitaji mapinduzi makubwa sana kisiasa ili kuweza kujenga jamii yenye maendeleo hasa kutokana na mauzauza ya Ufisadi yaliyoanza kufichuka na yanayoendelea kufichuka. Lakini je, Watanzania wote wana mwamko kuhusu hali nzima ya nchi yetu na ubabaishaji wa viongozi wetu waliopo madarakani? Je wale waliopo vijijini ambao kuna baadhi inasemekana mpaka leo wanajua kuwa rais wa Tanzania ni Nyerere na ndiyo wanaoipatia kura CCM bila kujijua kwa kigezo kuwa 'tunampigia kura Nyerere' wana mwamko huu tulio nao wana JF?

    Manake nimeona maoni yenye matumaini kutoka kwa wadau mbali mbali ndani na nje ya JF kuwa 2010 CCM (JK) itakiona cha mtema kuni, itawezekana kweli?

    Wadau naomba tufumbuane macho kuhusu huu utata ili nami niweze kufahamu mikakati pamoja na maendeleo katika suala zima la kuleta mabadiliko kwenye nchi yetu.
     
  2. Kitia

    Kitia JF-Expert Member

    #2
    Apr 13, 2008
    Joined: Dec 2, 2006
    Messages: 409
    Likes Received: 4
    Trophy Points: 0
    Hili suala nimekuwa nikilifikiria sana. Ni kweli kuwa chama tawala sasa hivi kimevurunda sana, na kwa hali yoyote, kama hakitajirekebisha na kujisafisha, ingebidi mwaka 2010 kisishinde uchaguzi. Hata hivyo kama ulivyosema hapo juu, hali inaweza isiwe hivyo kwa kuwa wapiga kura wengi waliopo vijijini bado wanaamini CCm ile ya Nyerere na wana imani kubwa sana na chama hicho.

    Mfano mzuri sana ni mfano wa Zimbabwe. Ni vigumu kuamini kuwa bado kuna wananchi wengi wamempigia kura Mugabe, pamoja na hali ya maisha kuwa ngumu na bila hata kuwa na ufumbuzi wa siku za karibuni wa hali hiyo. Bado wananchi wengi wanamuamini Mugabe kama mpigania uhuru aliyewatimua Waingereza na kuwanyang'anya ardhi. (Aliyepewa hiyo ardhi baada ya kunyang'anywa wazungu si hoja!)Vyama vya upinzani vinabadnikwa picha ya uchochezi na kuwa vibaraka wa nchi za magharibi. Nimesikia leo hii kuwa zamani, Wazimbabwe waliokuwa nje ya nchi walikuwa wanapiga simu nyumbani kuuliza hali ya hapo nyumbani. Siku hizi wakipiga simu, watu waliopo Zimbabwe wanawauliza walioko nje wawaeleze kuhusu habari za hapo Zimbabwe! Ina maana kuwa wananchi wa Zimbabwe hawajui habari kamili za hapo kwao.Hapa kuna ukosefu wa habari, au ukosefu wa habari kamili.

    Ingawa Tanzania hakuna ukosefu wa habari, naweza kusema kuna ukosefu wa habari sahihi kwa wananchi. Hapa JF tutaongea mambomengi tu kuhusu nchi yetu, namna ya kujikwamua, viongozi wabovu n.k. lakini ni vigumu kwa mwananchi wa kawaida, hasa aliyeko kijijini kupata habari hizo.

    Hapa nadhani ni jukumu la vyama vya upinzani, mashirika huru, na wanaharakati mbalimbali kufanya mikakati ya kuwafikishia wananchi habari sahihi kuhusu nchi yao. Wananchi wakishapata habari hizo, itawapa uwezo wa kuamua na kutenda ipasavyo pale watakapohitajika kufanya hivyo, kwa mfano katika upigaji kura.

    Miaka ya nyuma kulikuwa na elimu ya watu wazima ambayo ilikuwa inaendeshwa na serikali/chama. Pamoja na kujua kusoma na kuandika, elimu ya watu wazima ilitolewa kuelimisha wananchi sera za chama na serikali. Sijui kwa wakati huu wa mfumo wa vyama vingi, elimu hiyo, hasa elimu ya uraia (civic education) inatolewa na nani, na mada yake inahusu nini?

     
  3. BabaH

    BabaH JF-Expert Member

    #3
    Apr 13, 2008
    Joined: Jan 25, 2008
    Messages: 704
    Likes Received: 1
    Trophy Points: 35
    Kaka hili swala ni gumu sana tena sana
    Linakuwa gumu sama kwa sababu ya miundo mbinu iliyoko vijijini kaka ni hii yote ni kutokana na huruka za kibinafsi na kutokujali kwa viongozi wetu.

    Wanajua kabisa na fika kuwa ukiwapa wananchi wengi habari wataweza kujua hali halisi hivyo kufanya maamuzi sahii, hivyo kutoa njia za kuwafikishia habari wananchi ni njia moja wako ya wao kwenye matatizo wanavyodai, hivyo hawafanyi juhudi hizo, ili kila siku watanzania waendelee kuwa wajinga.

    Plili wanajua wazi kuwa kuwezesha vijijini kufikika kirahisi na kuwa na mawasiliano safi kutaleta upinzani mpaka sehemu za vijijini, hivyo wao wanaendelea kutumia njia hiyo ya kuwafanya wapinzani washindwe kufika huko, wakati wakijua wazi kuwa wanawaumiza wananchi

    Tatu, haiwezekani tukasema tuna vyama vya upinzania katika nchi kama ya kwetu, kwa sababu siku zote mpinzani wako anatakiwa kuwa na nguvu sawa na wewe, then ndo mpambane, lakini kwa vyama vyetu vya upinzani, havina resources za kutosha kuweza kuwaeleza watanzania wote hali halisi, na ndo maana hawa jamaa wataendelea kushinda tu, wewe shangaa Rostam Azizi, karamagi, lowassa na wengineo wengi ambao ni mafisadi halisi watashinda pia 2010

    Na bado hata ikitokea CCM ikashindwa jamani, hapa ndo vita itatokea sasa, kwa sababu wanajua fika kuwa watakaoingia madarakani watataka kutenda haki, na sio kama sasa mtu katuibia akiwa President sasa hivi watu wanamkingia kifua, kwa maana hiyo haitowezekana kwa wao kukubali kushindwa hata siku moja jamani
    Na ndo hapo Tanzania inayojifanya hina amani na upendo itakapokuwa kama Zimbabwe au Kenya

    Haya mambo ni magumu sana, ila solution ni kwamba wapinzani wakefanya kila wanaloweza kuwa sehemu wanazoweza kufika kirahisi wanahakikisha wanazichukua, hii ingewasaidia sana kuweza kuleta tofauti, ni jambo dogo tu, hakikisha unachukua majimbo yote kwanza ya mijini na utaona mambo yatabadilika tu
     
  4. Field Marshall ES

    Field Marshall ES JF-Expert Member

    #4
    Apr 13, 2008
    Joined: Apr 27, 2006
    Messages: 12,659
    Likes Received: 39
    Trophy Points: 0
    Kwenye hili, wa kulaumiwa ni sisi wananchi kwamba kwa nini wananchi hawana elimu ya siasa tuliyonayo JF, sio kosa la CCM.
     
  5. TANMO

    TANMO JF-Expert Member

    #5
    Apr 14, 2008
    Joined: Apr 12, 2008
    Messages: 8,765
    Likes Received: 65
    Trophy Points: 145
    FMEs Unaposema kuwa tuwalaumu wananchi kwa kutokuwa na elimu ya siasa na si CCM napata utata manake kwa mfano Mtanzania aishiye kijijini ambako hata umeme hajui ni nini, njia za mawasiliano angalau kama barabara ni duni au hazipo kabisa pamoja na ukame kumsumbua mara kwa mara; ataweza vipi basi kujua kuwa kuna kitu kinaitwa elimu ya siasa ilhali hali yake ya kimaisha inamlazimisha kujishughulisha tu na kutafuta mlo wa siku moja ilimradi siku zisogee?

    Pia kama Serikali ambayo inaongozwa na CCM haitafanya jitihada za kuwafikia wananchi wote ni kwa nini basi tusiilaumu kwa kuwanyima watu hawa haki yao ya kimsingi yaani elimu hiyo ya uraia?

    Hivyo basi tuwalaumu hao watu kwa kukosa ujuzi kuhusu jambo ambalo hata hawajui/hawatambui kama lipo?
     
  6. Sura-ya-Kwanza

    Sura-ya-Kwanza JF-Expert Member

    #6
    Apr 14, 2008
    Joined: Nov 17, 2007
    Messages: 557
    Likes Received: 1
    Trophy Points: 0
    Na mie nifumbulie fumbo- Mwamko wa kisiasa nchini na habari adimu vijijini-Huu ni utata au?

    Hiyo hapo juu bai ze wei

    My take-mapinduzi ya siasa yapo na tumeendelea kuliko Nchi nyingi barani Afrika. Ukweli tunahitaji mapinduzi makubwa Kiuchumi na sio Kisiasa.

    Nafikiri itakuwa sahihi kusema chimbuko la Ufisadi nchini-Ufisadi wa habari vijijini-na mwamko wa Kiuchumi na Habari Vijijini.:confused: "Mwamko wa Kisiasa" ilishapitwa na enzi

    Inatisha-"Chukua Chako Mapema" ni mwamko mzuri wa kiuchumi-haina siasa sasa.:cool:
     
  7. Field Marshall ES

    Field Marshall ES JF-Expert Member

    #7
    Apr 14, 2008
    Joined: Apr 27, 2006
    Messages: 12,659
    Likes Received: 39
    Trophy Points: 0
    Mkulu Ndugu,

    Heshima mbele mkuu, nimesema wakulaumiwa ni mimi na wewe, yaani wananshi wenye upeo lakini tumeshindwa kuwafikia wananchi na kuwaamsha, CCM has nothing to with that, the matter of fact wananchi wajinga ni the better kwa viongozi wabovu,

    Sasa acha kulaumu everybody else, lakini sio wewe na mimi, lete mikakati ya namna tutakavyowaamsha wananchi.
     
  8. O

    Ogah JF-Expert Member

    #8
    Apr 14, 2008
    Joined: Mar 10, 2006
    Messages: 6,189
    Likes Received: 15
    Trophy Points: 135
    nakubaliana na Mkuu FMES......sisi hapa JF tunafanya juhudi gani kuhakikisha hizi taarifa zinawafikia wananchi kule nyumbani/vijijini

    Hili suala lilishajadiliwa sana, nakumbuka hatua kadhaa Mkuu Dua alishauri kutumia hata mitandao ya simu ambazo siku hizi zimetanda kila kona hadi vijijini.........ingawaje si vema kum-convinience mtu kwa tarifa ambazo hazitarajii.....si mbaya hata mara moja/mbili kwa mwaka inatosha.

    Kulikuwa na mkakati Mkuu Invisible alituwekea hapa ili taarifa za JF ziweze kuwafikia walio wengi....nafikir zilikuwa halted kiaina.

    anyway mimi wewe na yule tutumie kila aina ya uwezo wetu tuanze kuwasiliana na jamaa zetu huko vijijini.

    wengi wetu hapa tuna uwezo huo na tuutumie sio kwa kueleimisha siasa tu bali hata kusaidia wanajamii wetu kielimu nk, na kuunga piamkono juhudi za maendeleo sehemu mbali mbali........na hili tutalitambua kama tukiwa tunarudi mara kwa mara nyumbani na kujionea wapi twawezakuelimisha na kusaidia.....tukisubiri vyama sijui na serikali.........kw amwendo huu tutakuwa tunasubiri kiama
     
  9. Pundit

    Pundit JF-Expert Member

    #9
    Apr 14, 2008
    Joined: Feb 4, 2007
    Messages: 3,742
    Likes Received: 14
    Trophy Points: 0
    Kijarida cha Jamboforums, kisichofungamana na chama chochote, kitakachosambazwa nchi nzima, kitakachotoa elimu ya siasa ama kwa bure au kwa bei ya chini kabisa, kitakachosambazwa nchi nzima na kuchapishwa kila baada ya wiki mbili.

    Makala za uwakilishi zitaandikwa hapa, kuchujwa umakini, kupigiwa kura halafu kuchapishwa.

    Funds zitatoka kwa members hapa na watutakiao mema.Tayari tuna waandishi wa habari na watu wa media wenye uzoefu na uchapishaji.Ikibidi hata kutengeneza soft copy itakayosambazwa bure kwa email kwa wawakilishi tofauti nchini kote halafu wawakilishi waweze ku print, kama wataweza kufanya huduma bure au kuuza kwa bei nafuu ili kurudisha gharama za uchapishaji yote ni sawa.

    In any case Jamboforums need a newsletter, period.

    Angalau na watu wa vijijini wapate mwamko wa kujua nini kinaendelea.Tunaweza kuweka habari za kisiasa, maendeleo ya bunge, wabunge na performance zao, ahadi za serikali kuu na utekelezwaji wake, data za kiuchumi nk.

    Kwa sasa huu ndio mchango wangu.
     
  10. TANMO

    TANMO JF-Expert Member

    #10
    Apr 14, 2008
    Joined: Apr 12, 2008
    Messages: 8,765
    Likes Received: 65
    Trophy Points: 145
    Sura ya kwanza; mwamko wa kisiasa ninaouzungumzia ni ile hali ya Watanzania wote kuelewa nini kinachoendelea nchini na pia kuweza kuwa na uelewa, uchambuzi yakini na hatimaye kuwa na uwezo wa kuamua mustakabali wao kisiasana kimaisha kwa ujumla bila ushawishi wa vitu vidogo kama sinia za wali pamoja na pombe.

    Pia nakubaliana na wewe kuwa nchi yetu inahitaji mapinduzi ya kiuchumi na hilo ndilo lengo kubwa la kila raia, lakini kwa uzoefu unaweza kuona kuwa nchi haiwezi kuwa na mabadiliko makubwa kiuchumi (Uchumi imara) ikiwa siasa zake zinalegalega. Hii inatokana na ukweli kuwa uchumi wa nchi unategemea mazingira mazuri kisiasa ili uweze kwenda vizuri. Chukulia mfano viongozi wetu wanaolaumiwa kwa kulirudisha nyuma Taifa kutokana na kuiba mabilioni ya fedha ambayo yangeweza kutumika katika kujengea Barabara, shule, vyuo, hospitali nzuri pamoja na huduma nyingine muhimu za kijamii.

    Kwamba Tanzania tumepiga hatua kisiasa kuliko nchi nyingi za kiafrika basi hatuna budi kujipongeza, lakini je kwa mtazamo wako hayo mapinduzi unayoyasema yanatosha kiasi kuwa hakuna haja tena kuendelea na mikakati ya kufikisha ujumbe kwa wale ambao hawajafikiwa?

    Hivyo basi napendekeza yawepo mapinduzi ya kweli ya kisiasa kwanza ambayo pia yatakuwa changamoto kwa viongozi pindi watakapotambua kuwa wananchi wapo makini na mienendo yao hivyo kupelekea wao kutokufanya mambo ya ajabu kwa kuhofia kunyimwa nafasi za kuongoza tena wakati wa uchaguzi.
     
  11. TANMO

    TANMO JF-Expert Member

    #11
    Apr 14, 2008
    Joined: Apr 12, 2008
    Messages: 8,765
    Likes Received: 65
    Trophy Points: 145
    Naunga mkono hoja yako Mkuu na naamini kuwa hii itakuwa ni hatua moja kubwa sana kuweza kufikia lengo la kujenga jamii yenye Demokrasia ya kweli.
     
  12. M

    Mr EWA JF-Expert Member

    #12
    Apr 14, 2008
    Joined: Mar 15, 2007
    Messages: 332
    Likes Received: 55
    Trophy Points: 45
    Nafikiri Jambo la kufanya ni kutengeneza Rasimu ya nini kiandikwe na kiandikweje na habari zisambazwe kwa njia ipi?
    Ili tuweze kufikisha elimu nzuri kwa wananchi wote tz.
     
Loading...