Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mwalimu Nyerere Aliongelea Uozo Katika CCM

Discussion in 'Uchaguzi Tanzania' started by jose243, Oct 7, 2010.

  1. j

    jose243 New Member

    #1
    Oct 7, 2010
    Joined: Sep 18, 2010
    Messages: 1
    Likes Received: 0
    Trophy Points: 0
    Mwalimu Nyerere aliongelea uozo katika CCM. Kwa mfano, wakati alipokuwa anajiandaa kung'atuka uenyekiti wa CCM, alizunguka nchi nzima akikagua uhai wa CCM. Wakati wa ziara hiyo, inaonekana Mwalimu alitatizwa na yale aliyoyaona. Aliwahi kusema kuwa kuna watu ndani ya CCM ambao hata mtihani juu ya Azimio la Arusha hawawezi kupasi.

    Mwaka 1993 Mwalimu alichapisha kitabu kiitwacho Uongozi Wetu na Hatima ya Tanzania (Harare: Zimbabwe Publishing House, 1993). Pamoja na mambo mengine katika kitabu hiki, Mwalimu alisema kuwa kuna kansa katika uongozi wa CCM. Nanukuu baadhi ya maneno yake:

    Chama cha Mapinduzi, kwa sababu ya uzito wa historia yake, hadhi ya jina lake, mfumo wa wavu wake, mazoea ya watu, na ubovu wa Vyama vya Upinzani, kinaweza kuchaguliwa na Watanzania, pamoja na kansa ya uongozi wake. Au watu wanaweza wakachoka, wakasema, "potelea mbali:" wakachagua Chama cho chote, ilimradi tu watokane na kansa ya uongozi wa CCM. Hainifurahishi kuyasema haya, lakini uhai wa Nchi yetu unataka yasemwe
    . (Ukurasa 61)

    Mwalimu hakuishia hapo, bali aliongezea namna hii:

    Nilisema awali kwamba kansa ya uongozi ndani ya Chama cha Mapinduzi isingekuwa ni jambo la kutisha sana kama tungekuwa tumeanza kuona Chama kizuri cha upinzani kinachoweza kuiongoza Nchi yetu badala ya CCM. Ubovu wa uongozi ndani ya CCM ndio uliofanya nikapendekeza tuanzishe mfumo wa Vyama Vingi. Nilitumaini kuwa tunaweza kupata Chama kingine kizuri ambacho kingeweza kuiongoza Nchi yetu badala ya CCM; au ambacho kingekilazimisha Chama cha Mapinduzi kusafisha uongozi wake, kwa kuhofia kuwa bila kufanya hivyo kitashindwa katika uchaguzi ujao. Lakini bado sijakiona Chama makini cha upinzani; na wala dalili zo zote za kuondoa kansa ya uongozi ndani ya CCM. Bila upinzani mzuri wa nje, na bila demokrasia halisi ndani ya Chama cha Mapinduzi, Chama hiki kitazidi kudidimia chini ya uzito wa uongozi mbovu. Kwa hali yetu ya kisiasa ilivyo nchini hili si jambo la kutarajia bila hofu na wasi wasi! (Ukurasa 66)
     
  2. P

    Percival JF-Expert Member

    #2
    Oct 7, 2010
    Joined: Mar 23, 2010
    Messages: 2,181
    Likes Received: 370
    Trophy Points: 180
    Basi ni Mwalimu ndio hakufanya kazi yake inavyotakiwa alipokua kiongozi wa hicho chama anacho kilaumu. Huo uwozo wa uongozi wa CCM umeharibika pale alipoamua kuondoka tu ? Yeye mwenyawe alikifanya kuwa chama cha kiongozi mmoja - yeye tu. ajilaumu mwenyewe.
     
  3. hashycool

    hashycool JF-Expert Member

    #3
    Oct 7, 2010
    Joined: Oct 2, 2010
    Messages: 5,706
    Likes Received: 82
    Trophy Points: 145
    crap!
     
Loading...