Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Muswada wa Marekebisho ya Sheria ya Mafao Kutua Bungeni - Mapendekezo Kunufaisha Wachache

Discussion in 'Jukwaa la Siasa' started by wikolo, Oct 25, 2012.

  1. w

    wikolo JF-Expert Member

    #1
    Oct 25, 2012
    Joined: Oct 19, 2010
    Messages: 801
    Likes Received: 3
    Trophy Points: 35
    [h=2]Muswada wa mafao wawaliza wafanyakazi[/h]



    25th October 2012








    [​IMG] *Utawanufaisha wanachama wa mfuko mmoja







    Muswada wa marekebisho ya sheria ya Mifuko ya Hifadhi ya Jamii ambao unatarajiwa kuwasilishwa katika mkutano wa Kumi wa Bunge, umewaacha solemba wanachama wa mifuko mingine baada ya marekebisho hayo kurejesha fao hilo kwa mfuko mmoja pekee.

    Sheria ya mafao ilipitishwa katika mkutano wa Bunge wa Aprili mwaka huu na kuwazuia wanachama wa mifuko ya hifadhi ya jamii kuruhusiwa kuchukua mafao yao hadi wafikishe umri kati ya miaka 55 na 60.

    Baada ya wanachama wa mifuko hiyo na wadau wengine wakiwamo wabunge kuipinga sheria hiyo, serikali iliahidi kuwa itaifanyia marekebisho na kuwasilisha muswada kwa hati ya dharura.

    Tayari Mwanasheria Mkuu wa Serikali (AG), Jaji Frederick Werema, amekwishawasilisha muswada huo katika Ofisi Ndogo za Bunge, jijini Dar es Salaam, ikiwa na maana kuwa utajadiliwa kwenye Mkutano wa Bunge unaotarajiwa kuanza wiki ijayo.

    Muswada huo unakusudia kufanya marekebisho ya sheria mbalimbali.

    Kwa mujibu wa muswada huo, ambao NIPASHE imeuona, sehemu ya sita inapendekeza marekebisho kwenye Sheria ya Mfuko wa Pensheni wa Mashirika ya Umma (PPF), sura ya 372 kwa kuongeza kifungu kipya cha 44 ili kutoa fursa kwa mfuko huo kutoa fao la kujitoa kwa mwanachama wake.

    Kwa maana nyingine ni kwamba wanachama wa mifuko mingine kama NSSF itaendelea kutumia sheria ambayo imelalamikiwa na wafanyakazi.


    HOJA YA JAFO YAZIKWA

    Akizungumza jijini Dar es Salaam jana, Mbunge wa Kisarawe (CCM), Seleman Jafo, ambaye wakati wa mkutano wa Bunge wa Bajeti, alitaka kuwasilisha muswada binafsi, alisema amepata barua kutoka kwa Katibu wa Bunge, Dk. Thomas Kashillilah, ikimtaarifu kwamba, serikali itawasilisha muswada wa marekebisho hayo, hivyo hana sababu ya kuandika muswada mpya.

    Jafo alisema kwa kuwa alikwishawasilisha hoja ya kutaka marekebisho kwenye sheria ya hifadhi ya jamii, Bunge lilimweleza kwamba ni fursa kwa serikali au Kamati ya Bunge ya Maendeleo ya Jamii; hivyo serikali imeazimia kuiwasilisha kwenye mkutano ujao.

    “Lakini kwa hali hii ni kwamba serikali haitatatua matatizo ya msingi ya hoja yangu, muswada unatakiwa uguse mifuko yote kwa sababu malalamiko ni ya wafanyakazi wote,” alisema.

    SUGU AIONYA SERIKALI

    Kwa upande wake, Mbunge wa Mbeya Mjini (Chadema), Joseph Mbilinyi maarufu kama Sugu, aliionya serikali kutochezea wafanyakazi kwa kuwa kufanya hivyo ni kuhamasisha fujo.

    Alisema ni vyema marekebisho yatakayowasilishwa bungeni yakarejesha fao la kujitoa kwa mifuko yote kwa kuwa wafanyakazi wengi hawana usalama kazini.

    “Tunajua faida ya pensheni uzeeni kwa sababu ni msaada mtu anapostaafu, lakini kwa mfumo wa nchi yetu ambayo wafanyakazi hawana usalama wa kazi haiwezi kufanyakazi ipasavyo,” alisema.

    Sugu alisema wafanyakazi kama wa migodini au hostelini wanafanyakazi katika mazingira magumu na wanaweza kuachishwa kazi wakati wowote hivyo fao la kujitoa litawasaidia.

    Kwa upande wake, Mkurugenzi Mkuu wa Mfuko wa Taifa wa Hifadhi ya Jamii (NSSF), Dk. Ramadhan Dau, alisema fao la kujitoa katika mifuko ya hifadhi ya jamii halimo katika sheria za kimataifa.

    Dk. Dau, alisema hayo alipokuwa akijibu hoja za wajumbe wa Kamati ya Kudumu ya Hesabu za Mashirika ya Umma (POAC) katika kikao kati ya kamati hiyo na bodi na menejimenti ya shirika hilo, katika Ofisi Ndogo za Bunge, jijini Dar es Salaam jana.

    Alisema pia ni Tanzania Bara pekee ndiko ambako kuna fao la kujitoa katika mifuko hiyo, lakini katika nchi za Kenya, Uganda, duniani kote, hata Zanzibar, suala hilo halipo.

    Hata hivyo, alisema mwanachama wa NSSF anapoamua kujitoa, anaupunguzia Mfuko mzigo wa kumtunzia pensheni yake ya uzeeni, badala yake na kujiumiza mwenyewe.

    Shinikizo la kutaka serikali kuirekebisha sheria hiyo ili wanachama wa mifuko walipwa mafao wakati wanapoacha kazi, liliilazimisha serikali kukubali yaishe na kuahidi kuwasilisha muswada wa marekebisho ya sheria ya mifuko ya Hifadhi ya Jamii wa mwaka 2012.

    Waziri wa Kazi na Ajira, Gaudensia Kabaka, aliliambia Bunge la bajati kwamba kabla ya kuwasilishwa, muswada huo utapelekwa kwa wadau ili watoe maoni na pia Mamlaka ya Hifadhi ya Jamii (SSRA) itatoa elimu kuhusu fao la kujitoa.

    Hata hivyo, alisema wapo baadhi ya watu waliotafsiri kuwa kusitishwa kwa fao la kujitoa kwamba mifuko ya hifadhi ya jamii imefilisika kwa kuwa imewekeza kwenye miradi mibaya, jambo alilosema sio la kweli.

    Kabaka alisema kuwa mifuko hiyo haina hali mbaya kifedha wala haijafilisika na kwamba kuzuia fao la kujitoa ni utekelezaji wa sheria.

    Waziri Kabaka alisema mchakato wa kuwasilisha muswada huo utaanza mara moja kwa kuwashirikisha wadau wote wa Sekta ya Hifadhi ya Jamii.

    Kabla ya kauli ya Kabaka, Bunge lilipitisha Azimio lililowasilishwa na Jafo, la kuletwa bungeni muswada wa dharura wa marekebisho ya Sheria Na. 5 ya mwaka 2012 inayozungumzia marekebisho ya Sheria ya Mifuko ya Hifadhi ya Jamii ambayo ndani yake inaelezea kuzuiwa kwa fao la kujitoa kwa wafanyakazi.

    Kutokana na mapendekezo ya muswada huo kutowatuhusu wanachama wa mifumo kingine kuchukua mafao kabla ya miaka 55 au 60, wanachama hao huenda wakashinikiza kwa njia za maadamano na migomo.

    Aidha, upo uwezekano wa kuzuka mjadala mkali bungeni kwa kuwa na wabunge nao ni wanachama wa m
    ifuko hiyo.






    Source: Nipashe
     
  2. K

    Kintiku JF-Expert Member

    #2
    Oct 25, 2012
    Joined: Feb 3, 2011
    Messages: 530
    Likes Received: 6
    Trophy Points: 35
    Kama wanadhani maandamano ni CHADEMA tu basi ngoja waone safari hii wafanyakazi wanavyoweza kuamdamana
     
  3. w

    wikolo JF-Expert Member

    #3
    Oct 25, 2012
    Joined: Oct 19, 2010
    Messages: 801
    Likes Received: 3
    Trophy Points: 35
    Mkuu unadhani ni nani atawaongoza wafanyakazi hawa kudai haki yao? Manake kwa viongozi wa TUCTA wanavyolichukulia hili, ni kama haliwahusu vile!
     
  4. moto2012

    moto2012 JF-Expert Member

    #4
    Oct 25, 2012
    Joined: Jul 3, 2012
    Messages: 1,994
    Likes Received: 104
    Trophy Points: 160
    TUCTA waamke sasa wajenge heshima kwa wanachama wao! Mimi nasubiri kusikia tamko la TUCTA wakikaa kimya juu ya hili najua watakuwa wamenunuliwa
     
  5. Mlangaja

    Mlangaja JF-Expert Member

    #5
    Oct 25, 2012
    Joined: Nov 2, 2010
    Messages: 529
    Likes Received: 14
    Trophy Points: 35
    Haijalishi, mifuko imefilisika au haijafilisika, mimi nataka fedha zangu. Mwakani nakwenda chuo, wameninyima mkopo sasa wanataka kuninyima fedha zangu za NSSF. Wafie mbali na siasa zao. Wanaharibu nchi tu hawa. Viongozi gani wasio na mipango. Kama wanataka fedha wachukue kwenye madi si fedha yetu.
     
  6. Scofied

    Scofied JF-Expert Member

    #6
    Oct 25, 2012
    Joined: Jun 5, 2012
    Messages: 1,956
    Likes Received: 133
    Trophy Points: 160
    tunawapa wiki mbili tu tujue mbivu na mbichi ndo watajua nguvu ya wafanyakazi....tutajua nani mkombozi wa kweli wa wananchi.....chadema tunawategemea kwa hili msituangushe tafadhalini....hata kama kwa kuvunja hizo thamani huko bungeni...
     
  7. O

    Orche Senior Member

    #7
    Oct 25, 2012
    Joined: Jul 9, 2009
    Messages: 146
    Likes Received: 0
    Trophy Points: 33
    Hivi ni kwa nini viongozi wetu wana dharau hivi? Inanisikitisha sana maana kwa serikali inayothamini watu wake na kujua kuwa ni watu wazima haiwezi kufanya kitu kama hiki. Kwanza walisema hoja haijakamilika mpaka mwakani, lakini waliposikia Mh. Mnyika analeta hoja binafsi ndo wanakuja na hoja ya danganya toto kama hili. Tuombe Mungu atusaidie watanzania maana hili ni janga.
    Ni wakati muafaka kwa wafanyakazi kushikamana kudai haki yao bila uoga wala itikadi yoyote. Tusiogope vitisho vyovyote vya serikali hii ya CCM
     
  8. m

    mdunya JF-Expert Member

    #8
    Oct 25, 2012
    Joined: Oct 7, 2012
    Messages: 765
    Likes Received: 2
    Trophy Points: 0
    pole mkuu! Imetoka hiyo unless . . . . !
     
  9. m

    mdunya JF-Expert Member

    #9
    Oct 25, 2012
    Joined: Oct 7, 2012
    Messages: 765
    Likes Received: 2
    Trophy Points: 0
    samani
     
  10. C

    CDM Member

    #10
    Oct 25, 2012
    Joined: Jan 19, 2012
    Messages: 69
    Likes Received: 0
    Trophy Points: 13
    Mimi huku niliko mbali. nimezimia kabisa nikiamka nataka pesa zangu
     
  11. Tetty

    Tetty JF-Expert Member

    #11
    Oct 25, 2012
    Joined: Jan 6, 2012
    Messages: 13,443
    Likes Received: 2,626
    Trophy Points: 280
    Ndugu zangu mlitegemea nini wakati PESA zote zimeelekezwa kwa DARAJA la KIGAMBONI na CHUO KIKUU CHA DODOMA?
     
  12. manuu

    manuu JF-Expert Member

    #12
    Oct 25, 2012
    Joined: Apr 23, 2009
    Messages: 3,876
    Likes Received: 8,874
    Trophy Points: 280
    NSSF si ndiyo mfuko unaongoza kwa kutumia pesa zetu wanachama katika miradi hasara ya serikali.?
     
  13. Lambardi

    Lambardi JF-Expert Member

    #13
    Oct 25, 2012
    Joined: Feb 7, 2008
    Messages: 7,540
    Likes Received: 2,056
    Trophy Points: 280
    Vasco Da Gama ameleta uswahiba amechezea pesa za walalahoi kwa manufaa yake kisiasa bila idhini ya wachangiaji na ameshindwa na hataweza kuzilipa labda auze migodo yake,sasa anatapatapa kurudisha uwezo wa NSSF ya swahiba Dau!CDM sijui wako wapi wachukue nchi na kumaliza uswahiba huu nchi isonge mbele.Kama EL akileta hoja hiyo kurudisha imani ya wafanyakazi,atapata kura zote hata za wapinzani,maana rais lazima atoke kaskazini ama la patachimbika na CCM itameguka!!
     
  14. K

    Kifulambute JF-Expert Member

    #14
    Oct 25, 2012
    Joined: May 8, 2011
    Messages: 2,502
    Likes Received: 12
    Trophy Points: 135
    kwanza tokea waseme mimi sipeleki yangu tena NSSF ni ujinga mtupu
     
  15. K

    Kifarutz JF-Expert Member

    #15
    Oct 25, 2012
    Joined: Aug 7, 2012
    Messages: 1,681
    Likes Received: 2
    Trophy Points: 135
    Nauona live usaliti wa TUCTA na serikali zingine ni za kiku-ma kabisa
     
  16. m

    mdunya JF-Expert Member

    #16
    Oct 25, 2012
    Joined: Oct 7, 2012
    Messages: 765
    Likes Received: 2
    Trophy Points: 0
    hivi huyu mama waziri wa vijana na ajira Gaudensia Kabaka kapatwa na ugonjwa gani? Mpaka . . . . . . !
     
  17. Bwaksi

    Bwaksi Senior Member

    #17
    Oct 25, 2012
    Joined: Nov 2, 2010
    Messages: 125
    Likes Received: 1
    Trophy Points: 0
    Kuna watu tutajitoa mhanga kwa niaba ya wafanyakazi wenzetu waliolala usingizi. Hizi pesa ni haki yetu. Lazima kieleweke
     
  18. Chimunguru

    Chimunguru JF-Expert Member

    #18
    Oct 25, 2012
    Joined: May 3, 2009
    Messages: 9,816
    Likes Received: 177
    Trophy Points: 160
    nadhani mwisho wa huyu DAU ndo unafika sasa
     
  19. EMT

    EMT JF-Expert Member

    #19
    Oct 25, 2012
    Joined: Jan 13, 2010
    Messages: 14,214
    Likes Received: 151
    Trophy Points: 160

    Wafanayakazi kuandamana? Sahau.
     
  20. Mtingaji

    Mtingaji JF-Expert Member

    #20
    Oct 25, 2012
    Joined: Sep 28, 2012
    Messages: 1,203
    Likes Received: 4
    Trophy Points: 135
    Ramadhani Dau inaonekana hajui hata wenye pesa anazozisimamia ni akina nani? katika sheria za kimataifa zinazo faa ni hiyo tu ya kuzuia fao la kujitoa ndiyo anazungumzia? Afanye kwanza kama alivyokuwa anafanya Gaddafi, atoe nyumba bure-asikopeshe, atoe umeme bure, atoe huduma ya maji bure, atoe matibabu ya uhakika bure na atoe elimu bure!

    Kwanza kwa fomular ya PAYE ya kodi, wafanyakazi wengi tunalipa kodi hiyo kwa zaidi ya 33% ya kipato cha mfanyakazi, tukifika mitaani tunakutana na VAT kwenye bidhaa 18%. Ukijumlisha PAYE + VAT= 51%.

    Nchi ambazo zina kodi ya zaidi ya 50% kama nchi za nordic, huduma za jamii ziko juu sana na mtu akizeeka, anapelekwa kwenye nyumba za wazee kutunzwa huko. huyu Dau hayo hazungumzii analopoka kama amenawa uso asubuhi kwa kutumia kopo la chooni!

    Ukichukulia Kenya, mfanyakazi anatozwa 5% na mwajiri analipa 15%, pesa hiyo inakuwa inazaa kila mwaka. Mtu akifikisha umri wa kustaafu, analipwa mkupuo mara dufu ya ile aliyochangia, kisha anaanza kulipwa pension. Tanzania ukistaafu, mifuko ya NSSF/PPF ukibahatika kulipwa-maana ni bahati pesa yako ikiwa imezaa si zaidi ya 1% jumlisha na usumbufu wa kuwa unafuatilia kila mara makao makuu!

    Kama mtu akichukua pesa yake anakupunguzia mzigo, kwa nini ung'ang'anie huo mzigo, Dau anauchungu sana na wazee wa kesho wakati hawa wa leo wanapigwa mabomu barabarani, matibabu ya bure inekuwa ngumu nk.

    Dau kajipange upya, kauli zako zitalighalimu taifa siku si nyingi, kwa vile una roho ngumu kwa msimamo wa unakoswalia, anza kuandaa sentesi zingine mapema kwani yaliyotokea Marekana yatakwenda kutokea kwenye nchi ya Hayati Mwl. Nyerere.
     
Loading...