Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mtoto mbaroni kwa kuua

Discussion in 'Habari na Hoja mchanganyiko' started by kilimasera, Jan 7, 2011.

  1. kilimasera

    kilimasera JF-Expert Member

    #1
    Jan 7, 2011
    Joined: Dec 2, 2009
    Messages: 3,072
    Likes Received: 9
    Trophy Points: 135
    MKAZI wa kijiji cha Madangwa wilayani Lindi vijijini, Somoe Ali ameuawa kwa kupigwa jiwe na mtoto wa umri miaka 12, Hamis Hassani.

    Kamanda wa Polisi mkoani hapa, Kamishna Sifuel Shirima alisema jana kuwa Ali alipigwa sehemu ya tumbo na kusababisha bandama kupasuka ndani ya tumbo lake.

    Alisema mtoto huyo alimpiga Ali jana jioni saa 12 na ilipofika saa moja usiku alipoteza maisha akiwa nyumbani kwake, wakati wa Sikukuu ya Krismasi.

    Awali mtoto Hassani alimpiga mtoto wa Ali mwenye umri miaka 6 Idi Ali wakati walipokuwa wanacheza mpira.

    Kamanda Shirima alisema baada ya hapo, Ali alikwenda kumshitaki mtoto huyo kwa bibi yake wakati Hassani akiwa amejificha kwenye kichaka na wakati anarudi ndipo alimrushia jiwe sehemu ya tumboni.

    Shirima alisema marehemu alikwenda nyumbani na alipoteza maisha kutokana maumivu aliyoyapata ya kupigwa na jiwe.

    Alisema wasamaria wema walimchukuwa hadi kwenye hospitali kwa uchunguzi na kubaini bandama lilipasuka ndani ya tumbo na kusababisha kifo.

    Kijana huyo Hassani yuko kituo cha Polisi akisubiri kwenda mahakamani kujibu tuhuma zinazomkabili
     
Loading...