Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mtoto aliyekulia nje ya tumbo la mama aruhusiwa

Discussion in 'JF Doctor' started by MziziMkavu, Mar 8, 2012.

  1. MziziMkavu

    MziziMkavu JF-Expert Member

    #1
    Mar 8, 2012
    Joined: Feb 3, 2009
    Messages: 38,517
    Likes Received: 2,797
    Trophy Points: 280
    [​IMG]
    Baba wa mtoto aliyekulia nje ya tumbo la uzazi la mama yake kwa miezi tisa akiwa na mwanae.


    Hospitali ya Mikocheni ya jijini Dar es Salaam imemruhusu baba mzazi wa mtoto aliyekulia nje ya tumbo la uzazi la mama yake kwa miezi tisa kumchukua mtoto huyo na kumwahidi kumpatia huduma ya matibabu ya afya bure kwa miaka mitano.

    Akizungumza na NIPASHE hospitalini hapo, Mkurugenzi Mkuu wa Hospitali ya Mikocheni, Dk. Asser Mchomvu, alisema kuwa wameamua kumruhusu baba mzazi wa mtoto huyo amchukue mtoto wake baada ya kulidhika na afya ya mtoto

    huyo aliyekuwepo hospitalini hapo kwa wiki mbili chini ya uangalizi wa madaktari.
    “Tumemruhusu amchukue mtoto wake, baada ya kuona afya ya mtoto huyo inaendelea vizuri na atakuwa anatibiwa bure pasipo gharama zozote katika hospitali hii kwa kipindi cha miaka mitano kutoka sasa,” alisema.

    Baba mzazi wa mtoto huyo, Okolewa Amoni, alisema anaushukuru uongozi wa hispitali kwa msaada mkubwa walioutoa kwake.

    Alisema kuwa, mtoto wake kupata huduma ya matibabu bure kwa miaka mitano ni msaada mkubwa kwake kutokana na mama mzazi wa mtoto huyo kufariki dunia.

    Mwezi uliopita, jopo la madaktari bingwa kutoka Chuo Kikuu cha Kairuki katika hospitali ya Mikocheni, walifanikiwa kuokoa maisha ya mtoto mchanga aliyekulia juu ya utumbo kwenye tumbo wa mamaye kwa miezi tisa, lakini mama yake alifariki kutokana na kutokwa na damu nyingi.




    CHANZO: NIPASHE
     
Loading...